31.07.2018 yildagi 605-son
O‘zbekiston Respublikasi Prezidentining “O‘zbekiston Respublikasi davlat bojxona xizmati organlari faoliyatini tubdan takomillashtirish chora-tadbirlari to‘g‘risida” 2018-yil 12-apreldagi PF-5414-son Farmoniga muvofiq hamda elektron shaklda tovarlarni bojxonada deklaratsiyalash tartibini yanada takomillashtirish va tashqi iqtisodiy faoliyatni yuritish uchun qulay sharoit yaratish maqsadida Vazirlar Mahkamasi qaror qiladi:
1. Ma’lumot uchun qabul qilinsinki, O‘zbekiston Respublikasi Prezidentining “O‘zbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari to‘g‘risida” 2018-yil 12-apreldagi PF-5414-son Farmoniga muvofiq 2018-yil 1-iyuldan boshlab tashqi iqtisodiy faoliyat ishtirokchilari bojxona brokyerlariga murojaat qilmasdan bojxona yuk deklaratsiyalarini Internet tarmog‘i orqali real vaqt rejimida to‘ldirish va bojxona organlariga taqdim etish huquqiga ega.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2021-yil 20-avgustdagi 531-sonli qarori tahririda — Qonunchilik ma’lumotlari milliy bazasi, 21.08.2021-y., 09/21/531/0809-son — 2021-yil 22-noyabrdan kuchga kiradi)
4. O‘zbekiston Respublikasi Hukumatining 2-ilovaga muvofiq ayrim qarorlari o‘z kuchini yo‘qotgan deb hisoblansin.
Oldingi tahrirga qarang.
15. Tovarlarni elektron shaklida deklaratsiyalash ushbu Nizomning 1-ilovasiga muvofiq sxema bo‘yicha to‘rt bosqichda amalga oshiriladi.
Mazkur shartlarga mos kelmagan elektron shaklida deklaratsiyalash jarayoni ushbu Nizomning 15-bandiga muvofiq amalga oshiriladi va bu haqda deklarantga tasdiqlangan elektron xabarnoma yuboriladi.
24. Bojxona xizmati organlari xodimi bojxona yuk deklaratsiyasida ko‘rsatilishi ko‘zda tutilmagan yoki ushbu Nizomning 20-bandida ko‘rsatilgan holatlarda bojxona yuk deklaratsiyasi bo‘yicha undirilgan bojxona to‘lovlari to‘g‘risidagi ma’lumotlarni bojxona xizmati organlarining “Bojxona to‘lovlarini hisobini yuritish” avtomatlashtirilgan axborot tizimiga kiritadi.
TEDni taqdim etishida, ushbu Nizomning 15-bandi “a” va “b” kichik bandlarida nazarda tutilgan muddatlarda rasmiylashtiruvni amalga oshirilishidan oldin yoxud rasmiylashtiruv jarayonida tovarlarni transport vositalaridan bojxona xizmati organlari tomonidan belgilangan joylarga tushirish uchun ruxsat berish to‘g‘risida bojxona xizmati organlariga so‘rovnoma yuborish;
34. Bojxona xizmati organlari xodimlari TEDlarning ushbu Nizomning 15-bandida ko‘rsatilgan muddatlarda rasmiylashtirilishi uchun shaxsan javob beradilar, bundan bojxona xizmati organlarining avtomatlashtirilgan tarzda rasmiylashtirilgan yoki mazkur Nizomning 15-bandining yigirma oltinchi xatboshisi asosida sabablari deklaratsiyalovchi shaxsga ma’lum qilingan tovarlarni elektron shaklida deklaratsiyalashlar mustasno.

Bosqichlar

Ishtirokchilar

Tadbirlar

Bajarish muddatlari

1-bosqich

Vakolatli organlar

1. Ruxsat etuvchi va boshqa hujjatlarni idoralararo hamkorlik darajasida bojxona axborot tizimiga kiritilishini ta’minlaydi yoki yuboradi.

Murojaat qiluvchilarga hujjatlarni berishdan avval yoki ularni berish bilan bir vaqtda

2. Murojaat qiluvchilarga ruxsat etuvchi va boshqa hujjatlarni taqdim etadi.

Qonunchilikda belgilangan muddatlarda

2-bosqich

Deklaratsiyalovchi shaxs

Tovarlarning elektron deklaratsiyasi hamda taqdim etiladigan hujjatlarni tayyorlaydi, elektron raqamli imzosi bilan tasdiqlaydi va avtomatlashtirilgan axborot tizimi orqali bojxona organlariga yuboradi.

Tayyor bo‘lishiga ko‘ra

3-bosqich

Yagona avtomatlashtirilgan axborot tizimi

1. To�arlarning elektron deklaratsiyasi bojxona axborot tizimining dastlabki format-mantiqiy nazoratidan o‘tkaziladi va tekshiruvlarning ijobiy natijasida, unga avtomatlashtirilgan tarzda tartib raqami berilib, ro‘yxatdan o‘tkaziladi.

2. Format-mantiqiy nazoratidan ijobiy o‘tmagan tovarlarning elektron deklaratsiyasi, xabarnomada sabablari ko‘rsatilgan xolda deklaratsiyalovchi shaxsga qaytarib yuboriladi.

3. Ro‘yxatdan o‘tgan tovarlarning elektron deklaratsiyasi bojxona axborot tizimi orqali bojxona rasmiylashtiruvini amalga oshiruvchi bojxona organlarining xodimlari o‘rtasida avtomatlashtirilgan tarzda taqsimlanadi yoki bojxona organlari xodimi ishtirokisiz, maxsus algoritmlar asosida avtomatlashtirilgan tarzda rasmiylashtirilishi mumkin.

Real vaqt rejimida

4-bosqich

Bojxona organlari xodimi

1. Tovarlarning elektron deklaratsiyasini kelib tushgan vaqtidan boshlab 3 soat ichida qabul qiladi. Ushbu muddatda qabul qilinmagan tovarlarning elektron deklaratsiyasi axborot tizimi tomonidan avtomatik tarzda qabul qilinadi.

2. Bojxona organlari xodimi tovarlarni elektron deklaratsiyasini qabul qilgan vaqtdan boshlab uning rasmiylashtiruvini amalga oshiradi.

3. Tovarlarning elektron deklaratsiyasining bojxona rasmiylashtiruvi yakunlanganligi rasmiylashtiruvni o‘tkazgan bojxona organlari xodimi tomonidan o‘zining elektron raqamli imzosi bilan belgi quyish orqali tasdiqlanadi va bu haqda bojxona axborot tizimi tomonidan avtomatlashtirilgan tarzda deklaratsiyalovchi shaxsning TIF ishtirokchisi kabinetiga xabarnoma yuboriladi.

Tovarlarning elektron deklaratsiyasi bojxona organlariga kelib tushganda.

Nizomning 15-bandidagi “a”, “b” va “v” — kichik bandlarida belgilangan muddatlarda. (xavf darajasi past va xavf darajasi o‘rta ko‘rsatkichlarda bojxona organlarining ish vaqtidan tashqari paytda deklaratsiya taqdim etilgan holatlar bundan mustasno).

Bojxona rasmiylashtiruvi yakunlanganida.

(1-ilovaning matni O‘zbekiston Respublikasi Vazirlar Mahkamasining 2021-yil 20-avgustdagi 531-sonli qarori tahririda — Qonunchilik ma’lumotlari milliy bazasi, 21.08.2021-y., 09/21/531/0809-son — 2021-yil 22-noyabrdan kuchga kiradi)