Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son Farmoniga, shuningdek Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlarining faoliyatini tashkil etish toʻgʻrisida” 2018-yil 12-apreldagi PQ-3665-sonli qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar va qoʻshimcha kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov, Oʻzbekiston Respublikasi Davlat bojxona qoʻmitasi raisi M.B. Azimov zimmasiga yuklansin.

1. Vazirlar Mahkamasining “Oʻzbekiston Respublikasi Davlat bojxona qoʻmitasi faoliyatini tashkil etish masalalari toʻgʻrisida” 1997-yil 30-iyuldagi 374-son qarorida:

a) 2-band oʻz kuchini yoʻqotgan deb hisoblansin;

b) 4-ilovada:

4-bandning toʻrtinchi xatboshidagi “bojxona komplekslari va” soʻzlari chiqarib tashlansin;

quyidagi mazmundagi 11¹ — 11³-bandlar qoʻshilsin:

“11¹. Oʻzbekiston Respublikasi Davlat bojxona qoʻmitasi raisi kuyidagilar uchun shaxsan javob beradi:

Oʻzbekiston Respublikasi Prezidenti, Oʻzbekiston Respublikasi Vazirlar Mahkamasining qarorlari, normativ-huquqiy hujjatlar talablarini oʻz vaqtida va sifatli bajarish;

bojxona organlariga yuksak kasb koʻnikmasi va maʼnaviy-axloqiy fazilatlarga ega boʻlgan har tomonlama kamol topgan va vatanparvar yoshlarni jalb etishga qaratilgan kadrlarni tanlash va joy-joyiga qoʻyishning prinsipial jihatdan yangi tizimini yaratish;

xodimlarning xizmatga boʻlgan munosabatini tubdan oʻzgartirish, qonuniylik buzilishining barcha koʻrinishlariga nisbatan murosasiz munosabatda boʻlish muhitini yaratish, jamoada sogʻlom muhitni shakllantirish;

xizmatni fidokorona oʻtayotgan kadrlarni har tomonlama ragʻbatlantirish, xizmat intizomini, qonun hujjatlari talablarini qoʻpol ravishda buzgan xodimlarni intizomiy hamda boshqa turdagi javobgarlikka tortish;

Oliy harbiy bojxona instituti faoliyatini samarali tashkil etish;

bojxona xizmati organlari faoliyatining ochiqligini taʼminlash, aholi, tashqi iqtisodiy faoliyat qatnashchilari bilan bevosita, maqsadli muloqot oʻrnatish, shuningdek, fuqarolarni shaxsan qabul qilish.

11². Oʻzbekiston Respublikasi Davlat bojxona qoʻmitasi raisining birinchi oʻrinbosari quyidagilar uchun shaxsan javob beradi:

bojxona ishini rivojlantirishning ustuvor yoʻnalishlarini ishlab chiqish, bojxona haqidagi qonunlarni va huquqni koʻllash amaliyotini takomillashtirish, bojxona sohasida huquqbuzarliklar sodir etilishining sabablari va shart-sharoitlarini tahlil qilish, ularni bartaraf etish boʻyicha amaliy chora-tadbirlar koʻrish;

davlat xizmatlari koʻrsatish, maʼlumotlarni toʻplash, tahlil qilish va ulardan foydalanish tizimini tubdan takomillashtirish, axborot-kommunikatsiya texnologiyalaridan keng foydalanish orqali bojxona organlarining jismoniy va yuridik shaxslar bilan bevosita aloqasiz muloqot qilish shakllarini joriy etish;

xavf-xatarni boshqarishning avtomatlashtirilgan tizimini, tashqi iqtisodiy faoliyatning halol ishtirokchilariga nisbatan munosabatda boʻlishning soddalashtirilgan bojxona tartibotlarini qoʻllash tartibini joriy etish, va ularning samarali ishlashi;

bojxona nazoratining zamonaviy shakllari, usullari va texnik vositalarini joriy etish hisobiga tovarlarning noqonuniy importini, bojxona toʻlovlarini toʻlashdan boʻyin tovlash sxemalarini aniqlash;

11³. Oʻzbekiston Respublikasi Davlat bojxona qoʻmitasi raisining oʻrinbosarlari kuyidagilar uchun shaxsan javob beradilar:

tashqi savdo operatsiyalari monitoringini olib borish, eksport-import shartnomalari ijrosini tahlil qilish, tovarlar eksporti prognozlarini bajarish, tashqi savdo operatsiyalarini amalga oshirishda valyuta haqidagi qonunlarga rioya qilish;

bojxona statistikasini shakllantirish va uning ishonchliligi, Oʻzbekiston Respublikasining tashqi savdosini hamda mamlakatning asosiy savdo sheriklari boʻlgan davlatlar bilan savdo-iqtisodiy aloqalarni rivojlantirish haqida tahliliy materiallar tayyorlash;

statistika maʼlumotlarining ishonchliligini taʼminlash maqsadida xorijiy mamlakatlarning bojxona xizmatlari bilan axborot almashish, tashqi savdo sohasida huquqbuzarliklar belgilarini aniqlash;

tashqi iqtisodiy faoliyatning tovar nomenklaturasi boʻyicha tovarlar tasnifi toʻgʻriligini baholashni nazarda tutuvchi bojxona postlari faoliyati ustidan amaliy nazorat qilish tizimini ishlab chiqish, ularning bojxona qiymatini aniqlash, bojxona toʻlovlarini hisoblash va undirish, shuningdek, koʻrsatib oʻtilgan masalalarda metodologik yordam berish;

kontrabandaga va bojxona haqidagi qonunlar buzilishiga qarshi kurashishning holati va samaradorligi, tovarlarni noqonuniy olib kirish mexanizmlarini aniqlash va tahlil qilish, huquqbuzarliklar profilaktikasi samaradorligining amaliy chora-tadbirlarini ishlab chiqish, javobgarlikning muqarrarligini taʼminlash;

xorijiy mamlakatlar bojxona organlari va xalqaro tashkilotlar bilan samarali hamkorlikni tashkil etish, bojxona ishi sohasidagi ilgʻor tajribani tizimli oʻrganish va joriy etish;

Oʻzbekiston Respublikasi Milliy kinologiya markazining samarali faoliyatini tashkil etish;

jismoniy va yuridik shaxslarning murojaatlarini puxta, har tomonlama, toʻliq va xolisona koʻrib chiqish, fuqarolarni shaxsan qabul qilish;

bojxona organlarining bino va inshootlarini joriy va mukammal taʼmirlash, xodimlarni kompyuter va texnika, aloqa va bojxona nazorati vositalari bilan taʼminlash, yuklangan vazifalarni samarali bajarish uchun zarur shart-sharoitlar yaratish”.

14-bandning oltinchi xatboshi quyidagi tahrirda bayon qilinsin:

“zarurat boʻlganda davlat bojxona xizmati organlari tuzilmasiga belgilangan umumiy shtat birliklari doirasida oʻzgartirishlar kiritish”.

3. Vazirlar Mahkamasining “Sudyalarga, Oʻzbekiston Respublikasi Hisob palatasi xodimlari, prokuratura organlari, Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti hamda davlat soliq xizmati organi xodimlariga imtiyozli shartlarda uy-joy sotib olishga uzoq muddatli ipoteka kreditlari berish tartibi toʻgʻrisidagi nizomni hamda sudyalarga, Oʻzbekiston Respublikasi Hisob palatasi xodimlari, prokuratura organlari, Oʻzbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti hamda davlat soliq xizmati organlari xodimlariga uy-joylarni ijaraga olganlik (ijarada turganlik) uchun har oylik pul kompensatsiyasi toʻlash tartibi toʻgʻrisidagi nizomni tasdiqlash haqida” 2012-yil 31-oktabrdagi 312-son qarorida (Oʻzbekiston Respublikasi QT, 2012-y., 10-son, 78-modda):

a) qarorning nomlanishidagi “departamenti hamda davlat soliq xizmati organlari xodimlariga” soʻzlari “departamenti, davlat soliq xizmati va davlat bojxona xizmati organlari xodimlariga” soʻzlari bilan almashtirilsin;

b) 1-bandning ikkinchi va uchinchi xatboshilardagi “departamenti hamda davlat soliq xizmati organlari” soʻzlari “departamenti, davlat soliq xizmati va davlat bojxona xizmati organlari” soʻzlari bilan almashtirilsin;

v) 1-ilovada:

ilovaning nomlanishidagi “departamenti hamda davlat soliq xizmati organlari” soʻzlari “departamenti, davlat soliq xizmati va davlat bojxona xizmati organlari” soʻzlari bilan almashtirilsin;

1-bandda:

“Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son” va “(keyingi oʻrinlarda prokuratura organlari xodimlari deb ataladi) va davlat soliq xizmati” soʻzlari “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son, “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi 5414-son” va “(keyingi oʻrinlarda prokuratura organlari deb ataladi) va davlat soliq xizmati va davlat bojxona xizmati organlari” soʻzlari bilan almashtirilsin”;

ikkinchi xatboshi quyidagi tahrirda bayon qilinsin:

“Ushbu Nizomning amal qilishi sudyalarga, shu jumladan, Oʻzbekiston Respublikasi Konstitutsiyaviy sudi sudyalariga (keyingi oʻrinlarda sudyalar deb ataladi), Oʻzbekiston Respublikasi Hisob palatasi xodimlariga, prokuratura, davlat soliq xizmati va davlat bojxona xizmati organlari xodimlariga tatbiq etiladi”;

2-banddagi “prokuratura va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

5-banddagi “prokuratura va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

7-banddagi “prokuratura va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

10-bandda:

birinchi xatboshidagi “prokuratura hamda davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

ikkinchi xatboshidagi “prokuratura va davlat soliq xizmati organlari xodimining” soʻzlari “prokuratura, davlat soliq xizmati va davlat bojxona xizmati organlari xodimining” soʻzlari bilan, “keyingi oʻrinlarda sudyaning, prokuratura va davlat soliq xizmati organlari xodimining” soʻzlari “keyingi oʻrinlarda sudyaning, prokuratura, davlat soliq xizmati va davlat bojxona xizmati organlari xodimining” soʻzlari bilan almashtirilsin;

quyidagi mazmundagi II² bob qoʻshilsin:

19⁹. Dastlabki badal davlat bojxona xizmati organlari xodimining hisob raqamiga Oʻzbekiston Respublikasi Davlat bojxona qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi (keyingi oʻrinlarda Maxsus jamgʻarma deb ataladi) mablagʻlari hisobiga kiritilishi mumkin.

19¹⁰. Davlat bojxona xizmati organlari xodimlariga dastlabki badalni toʻlash uchun Maxsus jamgʻarmadan mablagʻ ajratish maqsadida ish tartibi Oʻzbekiston Respublikasi Davlat bojxona qoʻmitasi tomonidan belgilanadigan Davlat bojxona qoʻmitasining Qoraqalpogʻiston Respublikasi, viloyatlar, Toshkent shahri boʻyicha boshqarmalarida, “Toshkent-AERO” ixtisoslantirilgan bojxona kompleksi, Oliy harbiy bojxona instituti, Milliy kinologiya markazida tegishli komissiya (keyingi oʻrinlarda hududiy komissiyalar deb ataladi) va Oʻzbekiston Respublikasi Davlat bojxona qoʻmitasi komissiyasi (keyingi oʻrinlarda DBQ komissiyasi deb ataladi) tashkil etiladi.

19¹¹. Maxsus jamgʻarma mablagʻlari hisobiga dastlabki badalni oʻtkazish uchun davlat bojxona xizmati organlari xodimi ish joyi boʻyicha hududiy komissiyalarga, Davlat bojxona qoʻmitasi markaziy apparati xodimi esa DBQ komissiyasiga qarz berish toʻgʻrisidagi ariza bilan murojaat qiladi.

Davlat bojxona xizmati organlari xodimi qarz berish toʻgʻrisidagi ariza bilan birgalikda quyidagi hujjatlarni taqdim etadi:

davlat bojxona xizmati organlari xodimining va u bilan birga yashaydigan oila aʼzolarining daromadlari toʻgʻrisida oxirgi 12 oy uchun doimiy ish joyidan berilgan maʼlumotnomalar yoki davlat bojxona xizmati organlari xodimining va uning oila aʼzolarining oxirgi 12 oy uchun daromadlari toʻgʻrisidagi deklaratsiyalarning ularning yashash joyidagi davlat soliq organi tomonidan tasdiqlangan nusxalari;

davlat bojxona xizmati organlari xodimining oilasi tarkibi toʻgʻrisida yashash joyidan berilgan maʼlumotnoma va uning pasporti nusxasi;

davlat bojxona xizmati organlari xodimini tayinlash toʻgʻrisidagi tegishli buyruqning nusxasi.

19¹². Ariza va ushbu Nizomning 19¹¹-bandida koʻrsatilgan barcha hujjatlar olingandan keyin hududiy komissiya oʻn kun muddatda taqdim etilgan hujjatlarni oʻrganadi va ularda koʻrsatilgan maʼlumotlarning haqiqiyligini tekshiradi.

Ijobiy qaror qabul qilingan taqdirda hududiy komissiya ikki kun muddatda ushbu qarorni (zarur hujjatlarni ilova qilgan holda) DBQ komissiyasiga yuboradi.

Mablagʻ ajratishni rad etish haqida qaror qabul qilingan taqdirda hududiy komissiya bir kun muddatda davlat bojxona xizmati organlari xodimini rad etish sabablari aniq koʻrsatilgan holda yozma ravishda xabardor qiladi.

19¹³. DBQ komissiyasi bir hafta muddatda DBQ markaziy apparati xodimining arizasini va hududiy komissiya qarorini va unga ilova qilingan hujjatlarni koʻrib chiqadi va koʻrib chiqish natijalari yuzasidan ikki nusxada bayonnoma tuzadi. Bayonnomaning har ikki nusxasi DBQ komissiyasi raisi tomonidan tasdiqlanadi.

Mablagʻ ajratish toʻgʻrisida qaror qabul qilingan taqdirda DBQ komissiyasi ikki kun muddatda bayonnomaning bir nusxasini Davlat bojxona qoʻmitasi Hayʼati (keyingi oʻrinlarda DBQ Hayʼati deb ataladi) qarori loyihasini tayyorlash uchun Davlat bojxona qoʻmitasi raisiga kiritadi.

Mablagʻ ajratishni rad etish haqida qaror qabul qilingan taqdirda DBQ komissiyasi uch kun muddatda DBQ markaziy apparati xodimi va hududiy komissiyani rad etish sabablari aniq koʻrsatilgan holda yozma ravishda xabardor qilinadi.

Hududiy komissiya bir kun muddatda davlat bojxona xizmati organi xodimini rad etishning aniq sabablarini koʻrsatgan holda yozma ravishda xabardor qiladi.

Quyidagilar rad etish sabablari hisoblanadi:

zarur tarzda rasmiylashtirilmagan hujjatlar taqdim etilishi;

hujjatlarda ishonchsiz yoki notoʻgʻri maʼlumotlar mavjudligi;

Maxsus jamgʻarma mablagʻlari yetishmasligi.

19¹⁴. DBQ Hayʼati qarori tasdiqlangandan keyin ikki kun muddatda DBQ komissiyasi bu haqda hududiy komissiyani yozma ravishda xabardor qiladi va davlat bojxona xizmati organlari xodimi bilan qarz shartnomasini tuzadi.

Qarz garov taʼminoti yoki kafillik hujjati taqdim etilgan holda foizsiz va qaytarish asosida beriladi. Qarzni qaytarish muddati oʻn yildan ortiq boʻlishi mumkin emas.

19¹⁵. Dastlabki badalni toʻlash davlat bojxona xizmati organlari xodimi xizmat koʻrsatuvchi tijorat banki bilan kredit shartnomasi tuzgandan keyin xodimning tijorat bankida ochilgan maxsus depozit hisob raqamiga pul oʻtkazish orqali amalga oshiriladi.

Dastlabki badal uchun ajratiladigan summa yakka tartibdagi uy-joy yoki koʻp kvartirali uydagi kvartira qiymatining 25 foizidan oshmasligi kerak.

19¹⁶. Bojxona organlari xodimi tomonidan qarzni qaytarish quyidagi shakllarda amalga oshiriladi:

ish haqi va unga tenglashtirilgan toʻlovlar, pensiyalar, gonorarlar, dividendlar, foizlar va boshqa daromadlar, shu jumladan, qimmatli qogʻozlar boʻyicha olinadigan daromadlar hisobiga naqd pulsiz mablagʻ oʻtkazish;

naqd pul topshirish;

davlat bojxona xizmati organlari xodimlarining tijorat banklaridagi omonatlari boʻyicha hisob raqamlaridan naqd pulsiz mablagʻ oʻtkazish.

Bunda qarz boʻyicha qarz mablagʻlari qarz shartnomasiga ilova qilingan jadvalga muvofiq toʻlanadi.

Davlat bojxona xizmati organlari xodimlari qarzni qarz shartnomasida belgilangan muddatdan oldin qaytarish huquqiga ega”;

20-bandning birinchi — beshinchi xatboshilaridagi “prokuratura va davlat soliq xizmati organlari” soʻzlari tegishli son va kelishikda “prokuratura, davlat soliq xizmati va davlat bojxona xizmati organlari” soʻzlari bilan almashtirilsin

21-bandning birinchi xatboshi quyidagi tahrirda bayon qilinsin:

“21. Sudya, Oʻzbekiston Respublikasi Hisob palatasi xodimlari, prokuratura, davlat soliq xizmati hamda davlat bojxona xizmati organlari xodimlari ipoteka krediti olish uchun tijorat bankiga murojaat qilgandan keyin tijorat banki ularni ipoteka krediti olish jarayonidagi taxminiy xarajatlar turlari bilan tanishtiradi. Sudya, Oʻzbekiston Respublikasi Hisob palatasi xodimlari, prokuratura, davlat soliq xizmati va davlat bojxona xizmati organlari xodimlari ipoteka krediti olishda quyidagi xarajatlarni amalga oshirishlari kerak”;

23-banddagi “prokuratura va davlat soliq xizmati organlari” soʻzlari tegishli son va kelishikda “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

26-bandning ikkinchi va toʻrtinchi xatboshilaridagi “prokuratura va davlat soliq xizmati organlari” soʻzlari tegishli son va kelishikda “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

27, 29 va 30-bandlardagi “prokuratura va davlat soliq xizmati organlari” soʻzlari tegishli son va kelishikda “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

28-band quyidagi tahrirda bayon qilinsin:

“28. Yakka tartibdagi uy-joyni yoki koʻp kvartirali uydagi kvartirani sotib olish uchun ipoteka krediti berish tijorat banki tomonidan sudya, prokuratura, davlat soliq xizmati organlari va davlat bojxona xizmati organlari xodimlari nomiga alohida ssuda hisob raqami ochish hamda ushbu hisob raqamidan qonun hujjatlarida belgilangan tartibda rasmiylashtirilgan yakka tartibdagi uy-joy yoki koʻp kvartirali uydagi kvartiraning oldi-sotdi shartnomasi nusxasi ilova qilingan holda sudyaning, prokuratura, davlat soliq xizmati va davlat bojxona xizmati organlari xodimlarining yozma topshiriqnomasi asosida, sotuvchining (mulkdorning) omonat hisob raqamiga pul mablagʻlarini naqd pulsiz shaklda memorial order vositasida oʻtkazish yoʻli bilan amalga oshiriladi”.

31-banddagi “sudya va davlat soliq xizmati organlari xodimi” soʻzlari “sudya, davlat soliq xizmati va davlat bojxona xizmati organlari xodimlari” soʻzlari bilan almashtirilsin;

32-banddagi “sudya va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

g) 2-ilovada

ilovaning nomlanishidagi “departamenti va davlat soliq xizmati organlari” soʻzlari “departamenti, davlat soliq xizmati va davlat bojxona xizmati organlari” soʻzlari bilan almashtirilsin;

1-bandda:

“Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son” va “(keyingi oʻrinlarda prokuratura organlari xodimlari deb ataladi) hamda davlat soliq xizmati organlari” soʻzlari “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son”, “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son” va “(keyingi oʻrinlarda prokuratura organlari xodimlari deb ataladi) va davlat soliq xizmati va davlat bojxona xizmati organlari xodimlariga” soʻzlari bilan almashtirilsin”

ikkinchi xatboshidagi “prokuratura organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

2-bandning birinchi va beshinchi xatboshilaridagi “prokuratura va davlat soliq xizmati organlari” soʻzlari tegishli son va kelishikda “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

3-band quyidagi tahrirda bayon qilinsin:

“3. Sudyaga, prokuratura, davlat soliq xizmati organlari va davlat bojxona xizmati organlari xodimiga pul kompensatsiyasi toʻlash sudya, prokuratura, davlat soliq xizmati va davlat bojxona xizmati organlari xodimi tayinlangan joyga kelgandan (saylangandan) keyin uy-joy ijaraga olingan (ijarada turgan) kundan boshlab belgilangan tartibda rasmiylashtirilgan uy-joyni ijaraga olish (ijarada turish) shartnomasi asosida amalga oshiriladi. Sudyaga, prokuratura, davlat soliq xizmati va davlat bojxona xizmati organlari xodimiga tayinlangan (saylangan) joyida xizmat uy-joy maydoni berilgan taqdirda yoki u uy-joy sotib olganda, uning vakolatlari toʻxtatilganda va tugaganda pul kompensatsiyasi toʻlash toʻxtatiladi”;

4-band quyidagi tahrirda bayon qilinsin:

“Davlat bojxona xizmati organlari xodimiga xizmat uy-joyi berilganda yoki u tayinlangan joyda uy-joy sotib olganda u bir hafta muddatda tegishli ravishda Oʻzbekiston Respublikasi Davlat bojxona qoʻmitasi, Davlat bojxona qoʻmitasining Qoraqalpogʻiston Respublikasi, viloyatlar, Toshkent shahar boʻyicha boshqarmalari, “Toshkent-AERO” ixtisoslashtirilgan bojxona kompleksi, Oliy harbiy bojxona instituti, Milliy kinologiya markazi (keyingi oʻrinlarda tegishli organlar deb ataladi) buxgalteriyasiga pul kompensatsiyasi toʻlashni toʻxtatish toʻgʻrisida ariza berishi shart”;

5-banddagi “prokuratura va davlat soliq xizmati organlari” soʻzlari tegishli son va kelishikda “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

6-band quyidagi tahrirda bayon qilinsin:

“6. Sudya, sud organlari xodimi va prokuratura, davlat soliq xizmati va davlat bojxona xizmati organlari xodimlari pul kompensatsiyasini olish uchun vaqtincha yashash joyini va uy-joyni ijaraga olganlik (ijarada turganlik) uchun kommunal xizmatlar qiymatisiz amaldagi xarajatlar summasini koʻrsatgan holda tegishli organ rahbariga ariza beradi.

Pul kompensatsiyasi toʻlash toʻgʻrisidagi arizaga quyidagi hujjatlar ilova qilinadi:

sudyani tayinlash (saylash) toʻgʻrisidagi qarorning nusxasi, sud organlari xodimini, prokuratura, davlat soliq xizmati va davlat bojxona xizmati organlari xodimini lavozimga tayinlash toʻgʻrisidagi buyruqning nusxasi;

nikoh toʻgʻrisidagi guvohnoma nusxasi;

qonun hujjatlariga muvofiq oila aʼzolari deb eʼtirof etilgan boshqa shaxslar hujjatlarining nusxasi;

uy-joyni ijaraga olish (ijarada turish) shartnomasining nusxasi.

Tegishli organ taqdim etilgan hujjatlar asosida uy-joyni ijaraga olish (ijarada turish) uchun kompensatsiya miqdorini koʻrsatgan holda pul kompensatsiyasi tayinlash toʻgʻrisida buyruq chiqaradi.

Tegishli organlar shaxslar ijaraga olingan uy-joyda yashashlarini va ularning yashash joylari oʻzgarishini doimiy nazorat qiladilar”;

7-bandning ikkinchi xatboshi quyidagi tahrirda bayon qilinsin:

“Sud organlari xodimiga va Oʻzbekiston Respublikasi Hisob palatasi xodimiga, prokuratura, davlat soliq xizmati va davlat bojxona xizmati organlari xodimiga bola ikki yoshga toʻlgungacha uni parvarish qilish uchun taʼtil berilgan taqdirda, pul kompensatsiyasi taʼtilning butun davriga, biroq sud organlari va Oʻzbekiston Respublikasi Hisob palatasi xodimi, prokuratura, davlat soliq xizmati va davlat bojxona xizmati organlari xodimi ushbu uy-joyda yashashi sharti bilan beriladi”;

8-banddagi “prokuratura va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

9-banddagi “prokuratura va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

10-banddagi “prokuratura va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin;

11-bandning birinchi xatboshidagi “prokuratura va davlat soliq xizmati organlari” soʻzlari “prokuratura, davlat soliq xizmati va davlat bojxona xizmati organlari” soʻzlari bilan almashtirilsin.

1. Vazirlar Mahkamasining “Oʻzbekiston Respublikasi bojxona organlarining intizomiy ustavini tasdiqlash toʻgʻrisida” 1998-yil 27-martdagi 135-son qarori.

2. Vazirlar Mahkamasining “Oʻzbekiston Respublikasi hududida tashilayotgan tovarlarni bojxona tomonidan nazorat qilishni kuchaytirish toʻgʻrisida” 2004-yil 20-maydagi 239-son qarorining 3-bandi (Oʻzbekiston Respublikasi QT, 2004-y., 5-son, 49-modda).

3. Vazirlar Mahkamasining “Xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanish tartibini takomillashtirish chora-tadbirlari toʻgʻrisida” 2006-yil 28-noyabrdagi 245-son qarori (Oʻzbekiston Respublikasi QT, 2006-y., 11-son, 91-modda).

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2007-yil 28-sentabrdagi 205-son qaroriga (Oʻzbekiston Respublikasi QT, 2007-y., 9-son, 56-modda) ilovaning 2-bandi.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2012-yil 1-noyabrdagi 313-son qaroriga (Oʻzbekiston Respublikasi QT, 2012-y., 1-son, 79-modda) 1-ilovaning 85-bandi.

6. Vazirlar Mahkamasining “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2013-yil 15-avgustdagi 225-son qaroriga (Oʻzbekiston Respublikasi QT, 2013-y., 8-son, 55-modda) 1-ilovaning 46, 49 — 55-bandlari.

7. Vazirlar Mahkamasining “Darband” yoʻl-patrul xizmati postiga yondosh hududda bojxona punktini tashkil etish toʻgʻrisida” 2016-yil 9-iyundagi 193-son qarori.

8. Vazirlar Mahkamasining “Bojxona brokeri sifatidagi faoliyatni amalga oshirish uchun ruxsat berish tartibi toʻgʻrisidagi nizomni tasdiqlash haqida” 2016-yil 25-iyuldagi 239-son qarori.

9. Vazirlar Mahkamasining “2018 — 2020-yillar davrida faqat Davlat xizmatlari markazlari orqali koʻrsatiladigan davlat xizmatlarini bosqichma-bosqich joriy etish jadvalini tasdiqlash toʻgʻrisida” 2017-yil 25-apreldagi 239-son qaroriga ilovaning 1, 2, 17, 18, 25, 30, 32-bandlari.

10. Vazirlar Mahkamasining 2003-yil 7-yanvardagi 14-f-son farmoyishi.