T/r

Chora-tadbirlar nomi

Amalga oshirish mexanizmi

Ijro muddati

Masʼul ijrochilar

I. Nizoli vaziyatlar, maishiy zoʻrlik va oʻz joniga qasd qilishga moyil xulq-atvor profilaktikasining tashkiliy-huquqiy asoslarini takomillashtirish

1.

“Maishiy zoʻrlik ishlatishning oldini olish toʻgʻrisida”gi Qonun loyihasini ishlab chiqish.

Oʻzbekiston Respublikasi Qonuni

2018-yil
1-oktabrgacha

Adliya vazirligi (R. Davletov),
IIV (P. Bobojonov), Xotin-qizlar qoʻmitasi (T. Norbayeva), Bosh prokuratura (O. Murodov),manfaatdor vazirliklar va idoralar. Xotin qizlar qoʻmitasi va BMTTD (kelishuv boʻyicha) qoʻshma loyihasi

2.

Nizoli vaziyatlar, shu jumladan oilaviy, ruhiy-jismoniy zoʻrlik va oʻz joniga qasd qilishga moyil xulq-atvorning oldini olish hamda ularni profilaktika qilish masalalari boʻyicha davlat organlari va boshqa tashkilotlarning idoralararo hamkorligi tartibini ishlab chiqish va tasdiqlash.

Qoʻshma qaror

2018-yil
1-avgustgacha

IIV (P. Bobojonov), Xotin-qizlar qoʻmitasi
(T. Norbayeva), “Oila” Markazi (D. Toshmuhamedova), “Mahalla” jamgʻarmasi (Sh. Javlonov), manfaatdor vazirliklar va idoralar

3

Oilada maʼnaviy-ahloqiy qadriyatlarni mustahkamlash, ruhiy-jismoniy zoʻrlik va oʻz joniga qasd qilishga moyil xulq-atvorning oldini olish hamda profilaktika qilish boʻyicha Idoralararo chora-tadbirlar rejasini ishlab chiqish va tasdiqlash.

Idoralararo reja

2018-yil
1-sentabrgacha

Xotin-qizlar qoʻmitasi (T. Norbayeva), “Oila” Markazi (D. Toshmuhamedova), Sogʻliqni saqlash vazirligi (A. Shodmanov), “Mahalla” jamgʻarmasi (Sh. Javlonov), Oʻzbekiston Yoshlar ittifoqi (O. Tojiyev)

4.

Oʻzbekiston Xotin-qizlar qoʻmitasining hududiy boʻlinmalari huzurida zoʻrlik ishlatishdan jabr koʻrgan shaxslarni reabilitatsiya qilish va moslashtirish hamda oʻz joniga qasd qilishning oldini olish markazlar faoliyatini tashkillashtirish.

Chora-tadbirlar kompleksi

2018-yil
1-avgustgacha

Xotin-qizlar qoʻmitasi (T. Norbayeva), Oʻzbekiston Yoshlar ittifoqi (O. Tojiyev), Qoraqalpogʻiston Respublikasi Vazirlar Kengashining raisi, viloyatlar va Toshkent shahar hokimlari, manfaatdor vazirliklar va idoralar, Xotin-qizlar qoʻmitasi va BMTTD (kelishuv boʻyicha) qoʻshma loyihasi

II. Nizoli vaziyatlar, maishiy zoʻrlik ishlatish va oʻz joniga qasd qilishga moyil xulq-atvorlarni profilaktika qilish borasidagi ishlarni tashkil etish

5.

Maishiy zoʻrlik ishlatish, shu jumladan:

maishiy zoʻrlik ishlatish jabrdiydalari;

maishiy zoʻrlik ishlatgan va shunga moyil shaxslar;

maishiy zoʻrlik ishlatilishi jabrdiydalari tomonidan olingan yordam va xizmatlar;

maishiy zoʻrlik ishlatilishi faktlari toʻgʻrisida huquqni muhofaza qilish organlari va boshqa organlarga qilingan murojaatlar soni haqidagi xabarlar bayon etilgan maʼlumotlar yagona bazasini shakllantirish.

Chora-tadbirlar kompleksi

2018-yil
1-avgustgacha

IIV (P. Bobojonov), Axborot texnologiyalari va kommunikatsiyalarini rivojlantirish vazirligi (A. Axmedxodjayev), Davlat statistika qoʻmitasi (B. Begalov), Oliy sud (K. Kamilov), manfaatdor vazirliklar va idoralar

6.

Oʻz joniga qasd qilishga moyil shaxslarni, shuningdek, keng kompleks koʻrsatkichlar, omillar va sabablarga koʻra oʻz joniga qasd qilishga uringan shaxslarni hisobga olishning yagona tartibini ishlab chiqish.

Idoralararo qaror

2018-yil
1-avgustgacha

Sogʻliqni saqlash vazirligi (A. Shodmanov),

XTV(U. Inoyatov), Oliy va oʻrta maxsus taʼlim vazirligi (I. Majidov), Bosh prokuratura (O. Murodov), IIV (P. Bobojonov), Davlat statistika qoʻmitasi (B.Begalov), Axborot texnologiyalari va kommunikatsiyalarini rivojlantirish vazirligi (A. Axmedxodjayev),manfaatdor vazirliklar va idoralar

7.

Ogʻir ijtimoiy ahvolda qolgan shaxslarga ixtisoslashtirilgan yordam koʻrsatish toʻgʻrisidagi axborotdan foydalanishni taʼminlash, shu jumladan:

ijobiy psixologik maslahatlar, shuningdek ijtimoiy reabilitatsiya qilish va moslashtirish muassasalarining, shu jumladan psixologik va ruhiy-tibbiy yordam koʻrsatuvchi muassasalarning aloqa telefonlarini koʻrsatgan holda SMS orqali muntazam axborot bilan taʼminlash;

murakkab hayotiy vaziyatlardan chiqish va stressga chidamlilikni oshirish usullari toʻgʻrisida axborotlar beriladigan veb-saytlarni yaratish;

oʻz joniga qasd qilishga moyillikni uygʻotuvchi va ularni amalga oshirish usullariga oʻrgatuvchi axborotlar bayon etilgan veb-saytlar faoliyatiga chek qoʻyish maqsadida ijtimoiy tarmoqlarda joylashtiriladigan axborotlar monitoringini oʻtkazish.

Chora-tadbirlar kompleksi

2018-yil
1-noyabrgacha

Bosh prokuratura (O. Murodov),
IIV (P. Bobojonov), Adliya vazirligi (R. Davletov),Axborot texnologiyalari va kommunikatsiyalarini rivojlantirish vazirligi (A. Axmedxodjayev), OʻzMAA (A. Kuchimov),
Sogʻliqni saqlash vazirligi(A. Shodmonov),XTV (U. Inoyatov), Oliy va oʻrta maxsus taʼlim vazirligi(I. Majidov), Xotin-qizlar qoʻmitasi (T. Norbayeva)

8.

Taʼlim muassasalarining oʻquvchilarida vaziyat taqozosi bilan ruhiy va xulq-atvor buzilishlari aniqlanganida shoshilinch psixologik va psixoterapevtik yordam koʻrsatish mexanizmini ishlab chiqish va tatbiq etish, u quyidagilarni ham oʻz ichiga oladi:

oʻquvchida buzilish belgilari aniqlanganida psixoterapevt tomonidan bevosita taʼlim muassasasida shoshilinch maslahat berish tartibini oʻrnatish;

“xavf-xatar guruhi”da boʻlgan oʻquvchining holatini pedagog va psixolog tomonidan kuzatish;

“xavf-xatar guruhi”dagi shaxslarni aniqlash maqsadida taʼlim muassasalarida oʻquvchilarni muntazam ravishda, birinchi navbatda oʻquv yili boshlanishida test orqali tekshirish va soʻrovnomalarni toʻldirish;

“xavf-xatar guruhi”dagi shaxslarni aniqlash boʻyicha pedagoglar uchun seminarlar va treninglar tashkil etish.

Chora-tadbirlar kompleksi

2018-yil
1-avgustgacha

XTV (U. Inoyatov), Oliy va oʻrta maxsus taʼlim vazirligi (I. Majidov), Sogʻliqni saqlash vazirligi (A. Shodmonov)

9.

Taʼlim muassasalarida maishiy zoʻrlikni profilaktika qilish choralarini ishlab chiqish va amalga oshirish, ular quyidagilarni oʻz ichiga oladi:

huquqni buzishga moyil oʻquvchilarni aniqlash va ularni ijtimoiy reabilitatsiya qilish choralarini koʻrish;

ota-onalar bilar oʻquvchilar oʻrtasidagi oʻzaro munosabatlar monitoringi;

ota-onalarning oʻz farzandlari tarbiyasi va taʼlim olishidagi ishtirokini oʻrganish;

oʻz farzandlarini majburiy mehnatga va gʻayriijtimoiy xulq-atvorga jalb etayotgan ota-onalarni aniqlash, ular toʻgʻrisidagi maʼlumotlarni vakolatli organlarga taqdim etish.

Chora-tadbirlar kompleksi

2018-yil
1-avgustgacha

XTV (U. Inoyatov), Xotin-qizlar qoʻmitasi (T. Norbayeva), “Oila” Markazi (D. Toshmuxamedova),
IIV (P. Bobojonov), Oʻzbekiston Yoshlar ittifoqi (O. Tojiyev), manfaatdor vazirliklar va idoralar

10.

Oilaviy va shaxslararo nizolarni, psixofizik zoʻrlik ishlatish va oʻz joniga qasd qilishga moyil xulq-atvorlarni profilaktika qilish uchun taʼlim muassasalarini malakali ruhshunoslar bilan taʼminlash.

Normativ-huquqiy hujjat

2018-yil
1-sentabrgacha

XTV (U. Inoyatov),
Oliy va oʻrta maxsus taʼlim vazirligi
(I. Majidov),
Moliya vazirligi (J. Qoʻchqorov)

11.

Taʼlim muassasalarida ruhshunosning maqomini quyidagi yoʻllar orqali oshirish:

umumtaʼlim va oʻrta maxsus, kasb-hunar taʼlimi muassasalarining dars jadvallariga tegishli mashgʻulotlarni kiritish;

oʻquvchilar orasida “xavf-xatar guruhi”ni aniqlash maqsadida ruhshunos tomonidan test tekshiruvlari va treninglarni oʻtkazish soatlarini ajratib berish va tegishli yordam koʻrsatish;

har bir taʼlim muassasasida ruhshunosni alohida ish kabineti bilan taʼminlash;

pedagog bilan oʻquvchilar oʻrtasida nizoli vaziyatlarning oldini olish boʻyicha pedagoglar bilan psixologik treninglar oʻtkazish.

Chora-tadbirlar kompleksi

2018-yil
1-sentabrgacha

Oliy va oʻrta maxsus taʼlim vazirligi
(I. Majidov), XTV(U. Inoyatov)

III. Kadrlar tayyorlash, uslubiy taʼminot, shuningdek, axborot-maʼrifiy ishlar tizimini takomillashtirish

12.

“Suitsidologiya asoslari” turkumini ruhshunoslar va pedagog kadrlar malakasini oshirish kursiga kiritish.

Tashkiliy chora-tadbirlar

2018-yil
1-sentabrgacha

Oliy va oʻrta maxsus taʼlim vazirligi
(I. Majidov ), XTV(U. Inoyatov)

13.

Oilaviy va shaxslararo nizolar, psixofizik zoʻrlik qilish va oʻz joniga qasd qilishga moyil xulq-atvorni profilaktika qilish sohasida bevosita faoliyat yuritadigan shaxslarni maxsus oʻquv kurslari tashkil etish, zoʻrlik ishlatilishiga qarshi kurash shakllari va uslublariga oʻrgatish boʻyicha seminarlar, treninglar, konferensiyalar oʻtkazish, shuningdek, maishiy zoʻrlik ishlatilishidan jabr koʻrganlar bilan ish olib borish orqali tayyorlash darajasi va malakasini oshirish.

Chora-tadbirlar kompleksi

2018/2019 oʻquv yilidan boshlab

“Oila” Markazi (D. Toshmuhamedova),
IIV (P. Bobojonov), Xotin-qizlar qoʻmitasi (T. Norbayeva)

14.

Suitsidologiya va krizisli holatlar psixoterapiyasi sohasidagi ilmiy-amaliy faoliyatni, jumladan, quyidagilar orqali ragʻbatlantirish:

“Krizisli holatlar psixoterapiyasi”, “Telefon orqali maslahat berish texnikasi” oʻquv dasturlarini yaratish;

suitsidologiya va psixoterapiya boʻyicha davlat tilida oʻquv adabiyotini ishlab chiqish hamda uni respublika tibbiyot va pedagogik taʼlim muassasalarining oʻquv jarayoniga tatbiq etish;

“Psixiatriya”, “Psixoterapiya”, “Tibbiy psixologiya” va “Psixologiya” mutaxassisliklari boʻyicha tadqiqotlar uchun mavzularni tanlashda suitsidologiya vakrizisli holatlar psixoterapiyasi boʻyicha ilmiy-tadqiqotlarga ustuvorlik berish.

Chora-tadbirlar kompleksi

2018-yil
1-oktabrgacha

Sogʻliqni saqlash vazirligi
(A. Shodmonov), Oliy va oʻrta maxsus taʼlim vazirligi (I. Majidov), XTV(U. Inoyatov)

15.

Maishiy zoʻrlik ishlatishning oldini olish, Xotin-qizlarga nisbatan zoʻrlik ishlatishga chek qoʻyish toʻgʻrisidagi deklaratsiya (BMT Bosh Assambleyasining 1993 y. 20-dekabrdagi 48/104-Rezolyutsiyasi) qoidalarini oʻrganish masalalari boʻyicha oʻquv kurslarini oliy va oʻrta maxsus, kasb-hunar taʼlimi muassasalarining oʻquv dasturlariga kiritish.

Oʻquv-dasturlariga oʻzgartish va qoʻshimchalar

2018/2019 oʻquv yilidan boshlab

Oliy va oʻrta maxsus taʼlim vazirligi
(I. Majidov), Xotin-qizlar qoʻmitasi (T. Norbayeva), Oʻzbekiston Yoshlar ittifoqi (O. Tojiyev)

16.

Maishiy zoʻrlik ishlatilishi bilan bogʻliq ishlarni koʻrib chiqishda sudyalar va advokatlar uchun oʻquv kurslarini joriy etish va treninglar oʻtkazish

Tashkiliy chora-tadbirlar

2018/2019 oʻquv yilidan boshlab

Adliya vazirligi (R. Davletov),
Oliy sud (K. Kamilov)

17.

Oilaviy va shaxslararo nizolar, psixofizik zoʻrlik ishlatish va oʻz joniga qasd qilishga moyil xulq-atvorning oldini olish va profilaktika qilish sohasida fundamental va amaliy ilmiy tadqiqotlar oʻtkazish, ularning natijalari va yutuqlarini amaliy faoliyatga keng tatbiq etish.

Tashkiliy chora-tadbirlar

Doimiy asosda

“Oila” Markazi (D. Toshmuhamedova), Xotin-qizlar qoʻmitasi (T. Norbayeva), IHMM (A. Saidov), Fanlar akademiyasi (B. Yuldashev)

18.

“Xavf-xatar guruhi”da boʻlgan shaxslarga yordam koʻrsatish uchun “suitsidolog” va “tibbiy ruhshunos” lavozimlarini ayrim sogʻliqni saqlash muassasalarining amaldagi shtat normativlariga qoʻshimcha ravishda kiritish takliflarini ishlab chiqish va Oʻzbekiston Respublikasi Vazirlar Mahkamasiga kiritish.

Tahliliy maʼlumot xati

2018-yil
1-avgustgacha

Sogʻliqni saqlash vazirligi (A. Shodmonov),
Moliya vazirligi (J. Qoʻchqorov)

19.

Zoʻrlik ishlatishga moyil boʻlgan shaxslar bilan ishlash boʻyicha metodik tavsiyalarni ishlab chiqish va tasdiqlash, shuningdek, ushbu tavsiyalarni maishiy zoʻrlik ishlatishning oldini olish sohasida faoliyat yurituvchi davlat organlari va boshqa tashkilotlarda tarqatish.

Metodik tavsiyalar

2018-yil
1-oktabrgacha

“Oila”Markazi (D. Toshmuxamedova), Xotin-qizlar qoʻmitasi (T. Norbayeva),IHMM (A. Saidov)

20.

Ota-onalarning farzandlarga nisbatan maishiy zoʻrlik ishlatish holatlarini, ularning gʻayriijtimoiy xulq-atvorini aniqlash, oilada zoʻrlik qilinishiga duchor boʻlgan bolalarning ijtimoiy reabilitatsiyasini tashkil etish boʻyicha metodik tavsiyalarni ishlab chiqish va tasdiqlash.

Metodik tavsiyalar

2018-yil
1-oktabrgacha

MTV(A. Shin), XTV(U. Inoyatov),
IIV(P. Bobojonov), Xotin-qizlar qoʻmitasi (T. Norbayeva), “Oila”Markazi (D. Toshmuhamedova), “Mahalla” jamgʻarmasi (Sh. Javlonov)

21.

Maishiy zoʻrlik ishlatilishi-ning oldini olish va unga chek qoʻyish sohasidagi vaziyatning jamoatchilik nazorati va monitoringini amalga oshirish boʻyicha metodik tavsiyalar ishlab chiqish va tasdiqlash.

Metodik tavsiyalar

2018-yil
1-sentabrgacha

Xotin-qizlar qoʻmitasi (T. Norbayeva),
“Oila” Markazi (D. Toshmuxamedova), “Mahalla” jamgʻarmasi (Sh. Javlonov)

22.

Oʻz joniga qasd qilish holatlarining oldini olish boʻyicha fuqarolarning oʻzini oʻzi boshqarish organlari, diniy konfessiyalar hamda ommaviy axborot vositalari uchun metodik tavsiyalar ishlab chiqish va tasdiqlash.

Metodik tavsiyalar

2018-yil
1-sentabrgacha

Sogʻliqni saqlash vazirligi (A. Shodmonov),
Oliy va oʻrta maxsus taʼlim vazirligi (I. Majidov), “Mahalla” jamgʻarmasi (Sh. Javlonov), Oʻzbekiston musulmonlari idorasi (U. Alimov), Din ishlari boʻyicha qoʻmita (J. Akramov), Xotin-qizlar qoʻmitasi (T. Norbayeva), Oʻzbekiston Yoshlar ittifoqi (O. Tojiyev)

23.

Nizoli vaziyatlar, maishiy zoʻrlik qilish va oʻz joniga qasd qilish harakatlari, ularning salbiy oqibatlari, maishiy zoʻrlik qilishdan jabrlanganlar hamda oʻz joniga qasd qilishga uringan shaxslar uchun ijtimoiy reabilitatsiya va moslashtirish muassasalari hamda boshqa muassasalar, shuningdek, maishiy zoʻrlik qilishni va oʻz joniga qasd qilishga moyil xulq-atvorni profilaktika qilishni amalga oshiruvchi organlar tomonidan koʻrsatilayotgan xizmatlar toʻgʻrisida jamoatchilikning xabardorligini oshirish.

Tashkiliy chora-tadbirlar

Doimiy asosda

MTRK (A. Xodjayev), Xotin-qizlar qoʻmitasi (T. Norbayeva), “Mahalla” jamgʻarmasi (Sh. Javlonov), Oʻzbekiston Yoshlar ittifoqi (O. Tojiyev)