LexUZ sharhi
Mazkur qaror O‘zbekistan Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Qishloq xo‘jaligi mahsulotlari yetishtirishni ko‘paytirishni rag‘batlantirish, respublika xalq xo‘jaligi va aholisining unga bo‘lgan ehtiyojlarini ta’minlash maqsadida, shuningdek, jamoa xo‘jaliklari, davlat xo‘jaliklari va boshqa qishloq xo‘jaligi korxonalarining iqtisodiy ahvolini mustahkamlash, bozor munosabatlariga o‘tish sharoitida qishloq xo‘jaligi xodimlarining moddiy manfaatdorligini oshirishni ko‘zlab, Vazirlar Mahkamasi qaror qiladi:
1. Qoraqalpog‘iston Respublikasi Vazirlar Kengashi, viloyatlar boshqaruv organlari, Iqtisodiyot qo‘mitasi, qishloq xo‘jaligi vazirligi, Davlat suv xo‘jaligi qurilishi qo‘mitasi, Davlat o‘rmonchilik qo‘mitasi, O‘zbekiston qishloq xo‘jalik fanlari akademiyasining, “Uzplodoovoshchvinprom” konsernining, “Uzkoopzagot-torg”ning O‘zbekiston Respublikasi bo‘yicha 1992-yilda qishloq xo‘jaligi mahsulotlari, xomashyo tayyorlash hajmlari va ularni yetkazib berish uchun davlat buyurtmasi to‘g‘risidagi taklifi 1-ilovaga* muvofiq qabul qilinsin.
2. Belgilab qo‘yilsinki, 1992-yilda jamoa xo‘jaliklari, davlat xo‘jaliklari va boshqa qishloq xo‘jaligi korxonalari paxta tolasi, pilla, don, sholi, quruq mevalar, chorva, parranda, sut, tuxum bo‘yicha belgilangan topshiriqning 85 foizini hamda meva-sabzavot mahsulotlari va kartoshka bo‘yicha belgilangan topshiriqning 50 foizini cheklangan xarid narxlarida respublika fondiga yetkazib beradilar.
Mahsulotning belgilangan topshiriqdan qolgan qismi va topshiriqdan ortiqcha olingan mahsulot yetishtiruvchilarning o‘z xohishlariga ko‘ra shartnomaviy (erkin) xarid narxlarida sotiladi.
LexUZ sharhi
O‘zbekiston Respublikasi Prezidenti huzuridagi Vazirlar Mahkamasining 1992-yil 23-may 242-sonli qarori bilan respublika fondiga pilla yetkazib berish yuzasidan davlat buyurtmasi belgilangan topshiriqning 75 foizigacha kamaytirilgan.
3. Davlat buyurtmasiga binoan yetkazib beriladigan oziq-ovqat va texnika ahamiyatidagi qishloq xo‘jaligi mahsulotlari asosiy turlarining cheklangan xarid narxlari 2- va 3-ilovalarga muvofiq tasdiqlansin.
LexUZ sharhi
3-bandning 2-ilova-meva-sabzavot mahsulotlari qismi va 3-ilova O‘zbekiston Respublikasi Prezidenti huzuridagi Vazirlar Mahkamasining 1992-yil 14-apreldagi 188-sonli qarori bilan o‘z kuchini yo‘qotgan.
O‘zbekiston Respublikasi Davlat narxlar qo‘mitasi mana shu ilovalarga muvofiq yangi cheklangan xarid narxlarining preyskurantlarini 10 kun muddat ichida aniqlasin.
Mazkur ilovalarda hisobga olinmagan qishloq xo‘jaligi mahsulotlarining boshqa turlariga (paxtadan tashqari) shartnomaviy (erkin) xarid narxlari belgilanadi.
4. Respublikaning tayyorlov tashkilotlari ushbu qarorga muvofiq qishloq xo‘jaligi mahsulotlari va xomashyo xarid qilish to‘g‘risidagi oldindan tuzilgan shartnomalarga zarur aniqliklar kiritsinlar.
5. Qishloq xo‘jaligi vazirligi, Davlat suv xo‘jaligi qurilishi qo‘mitasi, Davlat o‘rmonchilik qo‘mitasi, O‘zbekiston qishloq xo‘jaligi fanlari akademiyasi, “Uzplodoovoshchvinprom” konserni, “Uzkoopzagottorg”, Qoraqalpog‘iston Respublikasi Vazirlar Kengashi va mahalliy boshqaruv organlari:
1992-yilda Qoraqalpog‘iston Respublikasi va viloyatlarning qishloq xo‘jaligini rivojlantirishning taxminiy yig‘ma ko‘rsatkichlari bo‘yicha zarur materiallarni 1992-yilning 15-fevraligacha respublika komissiyasining ko‘rib chiqishi uchun taqdim etsinlar;
jamoa xo‘jaliklari, davlat xo‘jaliklari, mahalliy qishloq xo‘jaligi organlari rahbarlari va mutaxassislarining diqqat-e’tiborini g‘o‘za hamda boshqa qishloq xo‘jaligi ekinlarini almashlab ekish sxemalariga muvofiq joylashtirish, sabzavot va ozuqa ekinlari dalalarining qisqarishiga yo‘l qo‘ymaslik, bog‘, tokzorlar maydonlarining qat’iy hisobini tartibga solish zarurligiga qaratsinlar;
qishloq xo‘jaligi mahsulotlari yetishtirish hajmlarini ko‘paytirish va ulardan oqilona foydalanish, xo‘jalik yuritishning yangi shakl va usullarini — dehqon (fermer) xo‘jaliklarini, xo‘jaliklar ichidagi va boshqa kooperativlarni joriy etish borasidagi ishlarni hamma joyda avj oldirsinlar.
6. Shu narsa belgilab qo‘yilsinki, qishloq xo‘jaligi mahsulotlari va xomashyoni respublikadan tashqariga olib chiqib ketish asosan respublika korxonalari, xo‘jaliklari va aholisi katta taqchillikni sezayotgan oziq-ovqat, xalq iste’moli mollari va ishlab chiqarish-texnika ahamiyatidagi mahsulotlarni barter yo‘li bilan ayirboshlash asosida shartnomalarga binoan amalga oshiriladi.
Oldingi tahrirga qarang.
(7-band O‘zbekiston Respublikasi Prezidenti huzuridagi Vazirlar Mahkamasining 1992-yil 30-apreldagi 220-sonli qarori bilan o‘z kuchini yo‘qotgan)
Oldingi tahrirga qarang.
(8 va 9-bandlar O‘zbekiston Respublikasi Prezidenti huzuridagi Vazirlar Mahkamasining 1992-yil 14-apreldagi 188-sonli qarori bilan o‘z kuchini yo‘qotgan)
Oldingi tahrirga qarang.
(10, 11 va 12-bandlar O‘zbekiston Respublikasi Prezidenti huzuridagi Vazirlar Mahkamasining 1992-yil 30-apreldagi 220-sonli qarori bilan o‘z kuchini yo‘qotdi)
13. Qoraqalpog‘iston Respublikasi Vazirlar Kengashi, mahalliy boshqaruv organlari va O‘zbekiston Respublikasi Ichki ishlar vazirligining organlari respublika ichkarisida qishloq xo‘jaligi mahsulotlari va xomashyoning hech qanday to‘siqsiz tashilishini hamda ularning Toshkent shahriga yetkazib berilishini ta’minlasinlar.
14. O‘zbekiston Respublikasi Prezidenti huzuridagi Vazirlar Mahkamasining 1991-yil 5-apreldagi 89-son, 1991-yil 29-iyundagi 180-son, 1991-yil 20-iyuldagi 196-son qarorlari o‘z kuchini yo‘qotgan deb hisoblansin.
15. Mazkur qaror qanday bajarilayotganligini nazorat qilish vazifasi O‘zbekiston Respublikasi Prezidenti huzuridagi Vazirlar Mahkamasi Raisining birinchi o‘rinbosari o‘rtoq I. H Jo‘rabekovga yuklatilsin. Uning amalga oshirilishi 1992-yilning aprelida ko‘rib chiqilsin.
LexUZ sharhi
O‘zbekiston Respublikasi Prezidenti huzuridagi Vazirlar Mahkamasining 1992-yil 14-apreldagi 188-sonli qarori bilan 2-ilovaning meva-sabzavot mahsulotlariga taalluqli qismi o‘z kuchini yo‘qotdi.
Mahsulotlar nomi | Tonna uchun so‘m (o‘rta hisobda) |
Boshoqli ekinlar doni | 1200* |
Sholi | 2000* |
Makkajo‘xori | 1000* |
Asosiy yog‘lilik darajasi 3,6% bo‘lgan sut | 1850* |
Tuxum (1 ming donasi uchun) | 580* |
Qoramol (tirik vaznda) | 15300* |
Cho‘chqalar — ” — | 15600* |
Qo‘y va echkilar — ” — | 11700* |
Parranda — ” — | 20100* |
Kartoshka: 1-maydan 20-iyungacha | 2500 |
21-iyundan mavsum oxirigacha | 2000 |
No‘shpiyoz: 21-iyuldan mavsum oxirigacha | 2000 |
Karam: 21-iyuldan mavsum oxirigacha | 800 |
Bargi qirqilgan yangi ovqatbop sabzi: | |
21-iyuldan 30-sentabrgacha | 1500 |
1-oktabrdan mavsum oxirigacha | 1000 |
Yangi qizil pomidorlar: | |
16-iyundan 20-iyulgacha | 1500 |
21-iyuldan 30-sentabrgacha | 1000 |
1-oktabrdan mavsum oxirigacha | 1500 |
Sanoatda qayta ishlash uchun yangi qizil pomidorlar | |
16-iyundan 31-iyulgacha | 800 |
1-avgustdan 16-noyabrgacha | 700 |
Yangi bodring: 1-iyundan 31-iyulgacha | 1000 |
1-avgustdan 15-oktabrgacha | 1200 |
Ertapishar yangi olmalar | 2500* |
Kechpishar yangi olmalar | 2000* |
Ertapishar noklar | 3000* |
Kechpishar noklar | 3500* |
Xo‘raki uzum navlari | 3000* |
Quruq mevalar | 15000* |
Kishmish | 17000* |
Oldingi tahrirga qarang.
(3-ilova O‘zbekiston Respublikasi Prezidenti huzuridagi Vazirlar Mahkamasining 1992-yil 14-apreldagi 188-sonli qarori bilan o‘z kuchini yo‘qotgan)
Oldingi tahrirga qarang.
(4-ilova O‘zbekiston Respublikasi Prezidenti huzuridagi Vazirlar Mahkamasining 1992-yil 14-apreldagi 188-sonli qarori bilan o‘z kuchini yo‘qotgan)