Oʻzbekiston Respublikasi Prezidentining “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2017-yil 29-dekabrdagi PQ-3454-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.

1. Vazirlar Mahkamasining 1997-yil 11-martdagi 133-son qarori (Oʻzbekiston Respublikasi QT, 1997-y., 3-son, 11-modda) bilan tasdiqlangan Oʻrtacha oyliq ish haqini hisoblab chiqarish tartibining 1-bandidagi “ishsizlik nafaqasini toʻlash” soʻzlaridan keyin “shuningdek oliy taʼlim tizimida oʻqish, qayta tayyorlash va malaka oshirish davri” soʻzlari qoʻshilsin.

2. Vazirlar Mahkamasining 1999-yil 5-fevraldagi 54-son qarori (Oʻzbekiston Respublikasi QT, 1999-y., 2-son, 9-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi toʻgʻrisidagi nizomning “V” boʻlimi 1.1-bandidan “hamda transport vositalari uchun” soʻzlari chiqarib tashlansin.

3. Vazirlar Mahkamasining “Budjet tashkilotlarini mablagʻ bilan taʼminlash tartibini takomillashtirish toʻgʻrisida” 1999-yil 3-sentabrdagi 414-son qarorining (Oʻzbekiston Respublikasi QT, 1999-y..9-son, 51-modda) 4-bandida:

birinchi xatboshi quyidagi tahrirda bayon etilsin:

“4. Mazkur qarorning 3-bandida koʻrsatib oʻtilgan manbalardan qoʻshimcha daromad olayotgan budjet tashkilotlari 2000-yil 1-yanvardan boshlab 2023-yil 1-yanvargacha Davlat budjetiga undiriladigan soliqlar, Respublika yoʻl jamgʻarmasiga yigʻimlar va davlat maqsadli jamgʻarmalariga majburiy ajratmalardan ozod qilinsin, boʻshab qolgan mablagʻlar moddiy-texnika va ijtimoiy bazasini mustahkamlashga, shuningdek, ularning xodimlarini qonun hujjatlarida belgilangan tartibda moddiy ragʻbatlantirishga maqsadli yoʻnaltirilsin.”;

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

4. Vazirlar Mahkamasining “2001/2002 oʻquv yilida Oʻzbekiston Respublikasining oliy taʼlim muassasalariga qabul toʻgʻrisida” 2001-yil 12-iyundagi 250-son qarorining (Oʻzbekiston Respublikasi QHT, 2007-y., 52-son, 534-modda) 9-bandi quyidagi tahrirda bayon etilsin:

“9. Oliy taʼlim muassasalari toʻlov-kontrakt asosida kadrlarni tayyorlash uchun tushadigan mablagʻlardan soliqlar, Respublika yoʻl jamgʻarmasiga yigʻimlar va davlat maqsadli jamgʻarmalariga majburiy ajratmalar toʻlashdan, istisno tariqasida, 2023-yil 1-yanvargacha ozod qilinsin, boʻshaydigan mablagʻlar taʼlim muassasalarining moddiy-texnika bazasini mustahkamlashga, oʻquv jarayonini zamonaviy taʼlim vositalari bilan taʼminlashga, oliy taʼlim muassasalari xodimlarini moddiy ragʻbatlantirishga maqsadli tarzda yoʻnaltirilsin”.

5. Vazirlar Mahkamasining “Ichki bozorni yogʻoch-taxta materiallari bilan toʻldirishga doir qoʻshimcha chora-tadbirlar toʻgʻrisida” 2003-yil 7-iyuldagi 305-son qarorida (Oʻzbekiston Respublikasi QT, 2003-y., 7-son, 58-modda):

1-banddan “va jismoniy shaxslar” soʻzlari chiqarib tashlansin;

2-banddan “va jismoniy shaxslar” soʻzlari chiqarib tashlansin;

ilovaning nomidan “va jismoniy shaxslar” soʻzlari chiqarib tashlansin.

6. Vazirlar Mahkamasining “Xususiy uy-joy mulkdorlarining shirkatlarini yanada rivojlantirish va turar joylarga xizmatlar koʻrsatishning aniq bozorini shakllantirish chora-tadbirlari toʻgʻrisida” 2006-yil 12-apreldagi 64-son qarorining (Oʻzbekiston Respublikasi QHT, 2006-y., 15-son, 127-modda) 4-bandidagi “Qoraqalpogʻiston Respublikasi, viloyatlar va Toshkent shahar budjetlarining zaxira jamgʻarmasi” soʻzlari “Qoraqalpogʻiston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetining zaxira jamgʻarmalari” soʻzlari bilan almashtirilsin.

7. Vazirlar Mahkamasining “Xorijiy investitsiya ishtirokidagi MCHJ “JV Man Auto — Uzbekistan” korxonasini tashkil etish toʻgʻrisida” 2009-yil 7-avgustdagi 224-son qarorining rus tilidagi matnida 4-bandning ikkinchi xatboshi quyidagi tahrirda bayon etilsin:

“OOO “JV MAN Auto-Uzbekistan” ot uplati naloga na pribil yuridicheskix lits, naloga na dobavlennuyu stoimost, a takje obyazatelnix platejey v Respublikanskiy dorojniy fond pri Kabinete Ministrov Respubliki Uzbekistan”.

8. Vazirlar Mahkamasining 2011-yil 7-yanvardagi 6-son qarori (Oʻzbekiston Respublikasi QT, 2011-y., 1-son, 3-modda) bilan tasdiqlangan Xususiy tadbirkorlar yuridik shaxs tashkil etmasdan shugʻullanishi mumkin boʻlgan faoliyat turlari roʻyxatining 73-pozitsiyasi “Faoliyat turining nomi” ustunidan “(xom sut, sabzavotlar, mevalar, asal, teri va moʻyna)” soʻzlari chiqarib tashlansin.

9. Vazirlar Mahkamasining “Mahalliy davlat hokimiyati organlari tomonidan ayrim toifadagi yuridik shaxslarga mol-mulk soligʻi, yer soligʻi, yagona yer soligʻi hamda obodonlashtirish va ijtimoiy infratuzilmani rivojlantirish soligʻi boʻyicha imtiyozlar berish tartibi toʻgʻrisidagi nizomni tasdiqlash haqida” 2012-yil 2-oktabrdagi 281-son qarorida (Oʻzbekiston Respublikasi QT, 2012-y., 10-son, 71-modda):

a) qarorning nomi va 1-banddan “hamda obodonlashtirish va ijtimoiy infratuzilmani rivojlantirish soligʻi” soʻzlari chiqarib tashlansin;

b) ilovada:

ilovaning nomi va 1-banddan “hamda obodonlashtirish va ijtimoiy infratuzilmani rivojlantirish soligʻi” soʻzlari chiqarib tashlansin;

2-band quyidagi tahrirda bayon etilsin:

“2. Mahalliy davlat hokimiyati organlari mol-mulk soligʻi, yer soligʻi, yagona yer soligʻi boʻyicha imtiyozlarni (keyingi oʻrinlarda soliqlar boʻyicha imtiyozlar deb ataladi) soliqlardan toʻliq yoki qisman ozod qilish tarzida berishlari mumkin.

Bunda mahalliy davlat hokimiyati organlari soliqlar boʻyicha belgilangan stavkalarga hududlarning hamda faoliyatni amalga oshirish joyining xususiyatlarini inobatga olgan holda jismoniy shaxslarning mol-mulkidan olinadigan soliq va jismoniy shaxslarning yer soligʻi boʻyicha belgilangan stavkalarga nisbatan 0,7 dan 1,3 gacha pasaytiruvchi va oshib boruvchi koeffitsiyentlarni kiritish vakolatiga ega”.

3-bandda:

ikkinchi xatboshi chiqarib tashlansin;

uchinchi — oltinchi xatboshilar tegishlicha ikkinchi — beshinchi xatboshilar deb hisoblansin;

4-bandning “b” kichik bandi quyidagi tahrirda bayon etilsin:

“Oʻzbekiston Respublikasi rivojlanish davlat dasturiga kiritilganlarga;”.

10. Vazirlar Mahkamasining 2016-yil 24-maydagi 170-son qarori (Oʻzbekiston Respublikasi QT, 2016-y., 5-son, 42-modda) bilan tasdiqlangan Terrorchilikka qarshi operatsiya oʻtkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash tartibi toʻgʻrisidagi nizomning 2-bandidagi “Toshkent shahri shahar budjetining” soʻzlaridan keyin “tumanlar va shaharlar budjetlarining” soʻzlari qoʻshilsin.

11. Vazirlar Mahkamasining 2017-yil 27-fevraldagi 105-son qarori (Oʻzbekiston Respublikasi QT, 2017-y., 2-son, 19-modda) bilan tasdiqlangan Yuridik shaxslarning alohida boʻlinmalari boʻyicha soliqlarni toʻlash tartibi toʻgʻrisidagi nizomda:

a) 4-bandda:

yettinchi xatboshi chiqarib tashlansin;

b) 2-bobning 1-paragrafi nomidan “obodonlashtirish va ijtimoiy infratuzilmani rivojlantirish soligʻi”soʻzlari chiqarib tashlansin;

v) 7-banddan “obodonlashtirish va ijtimoiy infratuzilmani rivojlantirish soligʻi” soʻzlari chiqarib tashlansin;

g) 13-bandning “a” kichik bandi quyidagi tahrirda bayon etilsin:

“a) Oʻzbekiston Respublikasi Moliya vazirligi va Davlat soliq qoʻmitasi tomonidan tasdiqlangan soliq hisobotlari shakllari boʻyicha yuridik shaxsning alohida boʻlinmasiga toʻgʻri keladigan yuridik shaxslardan olinadigan foyda soligʻi, yagona soliq toʻlovi va qoʻshilgan qiymat soligʻi summalari hisob-kitoblari. Ushbu hisob-kitoblar yuridik shaxsning soliq boʻyicha hisobga olish joyidagi davlat soliq xizmati organlariga taqdim etiladigan soliq hisobotlari shakllarida nazarda tutilgan tegishli soliqlar boʻyicha hisob-kitoblar asosida tuziladi va unda yuridik shaxsning har bir alohida boʻlinmasi boʻyicha soliq summalari alohida satrda ajratib koʻrsatiladi. Bunda yuridik shaxs soliq boʻyicha hisobga olingan joydagi davlat soliq xizmati organlariga hisob-kitoblar taqdim etilayotganda uning har bir alohida boʻlinmasiga toʻgʻri keladigan soliqlar summalari boʻyicha hisob-kitoblar nusxalari ilova qilinadi.”

d) 1 — 3-ilovalar oʻz kuchini yoʻqotgan deb hisoblansin.

12. Vazirlar Mahkamasining 2017-yil 10-apreldagi 196-son qarori (Oʻzbekiston Respublikasi QT, 2017-y., 4-son, 43-modda) bilan tasdiqlangan Erkin iqtisodiy zonalar hududida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisidagi nizom 2-bandining ikkinchi xatboshidan “obodonlashtirish va ijtimoiy infratuzilmani rivojlantirish soligʻi” soʻzlari chiqarib tashlansin.

13. Vazirlar Mahkamasining 2017-yil 19-iyundagi 391-son qarori (Oʻzbekiston Respublikasi QT, 2017-y., 6-son, 106-modda) bilan tasdiqlangan Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi nizomning 8-bandi quyidagi mazmundagi xatboshilar bilan toʻldirilsin:

“davlat aktivlarini sotishdan tushadigan mablagʻlarning 25 foizi miqdoridagi qismi Qoraqalpogʻiston Respublikasi respublika budjetiga, viloyatlar va Toshkent shahar mahalliy budjetlariga yoʻnaltirilgan hollarda mablagʻlarning (Davlat raqobat qoʻmitasi hamda Oʻzbekiston Respublikasi Savdo-sanoat palatasi tasarrufida qoldiriladigan mablagʻlardan tashqari) qolgan qismi ushbu Nizomning 4-bobida nazarda tutilgan maqsadlarga yoʻnaltiriladi”.

14. Vazirlar Mahkamasining “Rossiya Federatsiyasi hududida vaqtinchalik mehnat faoliyatini amalga oshirishni rejalashtirgan fuqarolar uchun Oʻzbekiston Respublikasi hududida kompleks imtihon tashkil etish chora-tadbirlari toʻgʻrisida” 2017-yil 20-iyundagi 400-son qarori (Oʻzbekiston Respublikasi QT, 2017-y., 6-son, 109-modda) 13-bandining ikkinchi xatboshidan “hamda obodonlashtirish va ijtimoiy infratuzilmani rivojlantirish soligʻidan” soʻzlari chiqarib tashlansin.

15. Vazirlar Mahkamasining 2017-yil 29-iyundagi 445-son qarori (Oʻzbekiston Respublikasi QT, 2017-y., 6-son, 125-modda) bilan tasdiqlangan Tumanlar (shaharlar) moliya boʻlimlari xodimlari tomonidan Oʻzbekiston Respublikasi Davlat budjeti daromadlar parametrlarining soʻzsiz bajarilishini taʼminlash va mahalliy budjetlarning daromadlar bazasini kengaytirish chora-tadbirlarini amalga oshirish tartibi toʻgʻrisidagi nizom 8-bandining uchinchi xatboshidagi “inventarizatsiya” soʻzi “kadastr” soʻzi bilan almashtirilsin.

16. Vazirlar Mahkamasining “2017 — 2019-yillarda Samarqand shahri va Samarqand viloyatining turizm salohiyatini jadal rivojlantirish chora-tadbirlari toʻgʻrisida” 2017-yil 30-iyundagi 450-son qarori (Oʻzbekiston Respublikasi QHT, 2017-y., 27-son, 616-modda) 9-bandining ikkinchi xatboshidan “obodonlashtirish va ijtimoiy infratuzilmani rivojlantirish soligʻi” soʻzlari chiqarib tashlansin.

17. Vazirlar Mahkamasining 2017-yil 28-avgustdagi 677-son qarori (Oʻzbekiston Respublikasi QHT, 2017-y., 35-son, 929-modda) bilan tasdiqlangan Oʻzbekiston Respublikasi Davlat soliq qoʻmitasi toʻgʻrisidagi nizom 10-bandining 17-kichik bandidan “obodonlashtirish va ijtimoiy infratuzilmani rivojlantirish soligʻi” soʻzlari chiqarib tashlansin.

18. Vazirlar Mahkamasining “Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasi faoliyatini tashkil etish chora-tadbirlari toʻgʻrisida” 2017-yil 18-sentabrdagi 740-son qarorida (Oʻzbekiston Respublikasi QHT, 2017-y., 38-son, 1049-modda):

a) 1-ilovada:

4-bandga quyidagi mazmundagi xatboshilar qoʻshilsin:

“tasdiqlangan manzilli dasturlarga muvofiq ilmiy-tadqiqot muassasalarining bino va korpuslarini rekonstruksiya qilish va mukammal taʼmirlash boʻyicha ishlarni moliyalashtirish;

9-bandda:

toʻrtinchi xatboshi quyidagi tahrirda bayon etilsin:

“bevosita Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Sogʻliqni saqlash vazirligi, Madaniyat vazirligi, Oliy va oʻrta maxsus taʼlim vazirligi, Oʻzbekiston Respublikasi Fanlar akademiyasi, tasarrufida oliy taʼlim va ilmiy-tadqiqot muassasalari boʻlgan vazirliklar va idoralar, Oʻzbekiston Respublikasi Jismoniy tarbiya va sport vazirligi, Oliy va oʻrta maxsus taʼlim vazirligining Kasb-hunar taʼlimi markazi ishtirokida taʼlim, ilmiy-tadqiqot va tibbiyot muassasalarining moddiy-texnika bazasining holati muntazam ravishda oʻrganilishini, keyinchalik ular tomonidan Oʻzbekiston Respublikasi Iqtisodiyot vazirligi, Qurilish vazirligi va Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda taʼlim, ilmiy-tadqiqot va tibbiyot muassasalarini rekonstruksiya qilish, mukammal taʼmirlash va jihozlash (toʻliq jihozlash)ning har yillik dasturlari shakllantirilishini tashkil etadi”;

beshinchi xatboshidagi “taʼlim va tibbiyot” soʻzlari “taʼlim, ilmiy-tadqiqot va tibbiyot” soʻzlari bilan almashtirilsin;

15-band quyidagi tahrirda bayon etilsin:

“15. Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Madaniyat vazirligi, Sogʻliqni saqlash vazirligi, Jismoniy tarbiya va sport vazirligi, Fanlar akademiyasi hamda Oliy va oʻrta maxsus taʼlim vazirligining Kasb-hunar taʼlimi markazi, tasarrufida oliy taʼlim va ilmiy-tadqiqot muassasalari boʻlgan vazirliklar va idoralar Oʻzbekiston Respublikasi Iqtisodiyot vazirligi va “Davarxitektqurilish” qoʻmitasi bilan birgalikda joriy yil 15-iyungacha keyingi yil uchun Jamgʻarmaning Ijro etuvchi direksiyasiga barcha yoʻnalishlar boʻyicha Jamgʻarma xarajatlari prognozlarini, Jamgʻarma xarajatlari boʻyicha budjet soʻrovini hamda keyingi yil uchun Qoraqalpogʻiston Respublikasi, viloyatlar va tumanlar (shaharlar) boʻyicha taʼlim, ilmiy-tadqiqot va tibbiyot muassasalarini qurish, rekonstruksiya qilish, mukammal taʼmirlash va jihozlash (toʻliq jihozlash)ning har yilgi dasturlarini taqdim etadilar”;

16-bandning ikkinchi xatboshidagi “taʼlim va tibbiyot” soʻzlari “taʼlim, ilmiy-tadqiqot va tibbiyot” soʻzlari bilan almashtirilsin;

17-banddagi “tasarrufida oliy taʼlim muassasalari boʻlgan vazirlik va idoralarga, Oliy va oʻrta maxsus taʼlim vazirligining Oʻrta maxsus, kasb-hunar” soʻzlari “Oʻzbekiston Respublikasi Fanlar akademiyasi, tasarrufida oliy taʼlim va ilmiy-tadqiqot muassasalari boʻlgan tegishli vazirliklar va idoralarga, Oliy va oʻrta maxsus taʼlim vazirligining Kasb-hunar taʼlimi markazi” soʻzlari bilan almashtirilsin;

18-bandning “b” kichik bandiga quyidagi mazmundagi xatboshilar qoʻshilsin;

“Oʻzbekiston Respublikasi Davlat budjeti mablagʻlari hisobiga saqlab turiladigan ilmiy-tadqiqot muassasalarini rekonstruksiya qilish va mukammal taʼmirlashga sarflanadi”;

19-bandning “a” kichik bandi quyidagi mazmundagi xatboshilar bilan toʻldirilsin:

“ilmiy-tadqiqot muassasalarini rekonstruksiya qilish va mukammal taʼmirlash boʻyicha — qonun hujjatlariga muvofiq belgilangan tegishli buyurtmachilar tomonidan;”

21-banddagi “taʼlim va tibbiyot” soʻzlari “taʼlim, ilmiy-tadqiqot va tibbiyot” soʻzlari bilan almashtirilsin;

22-bandga quyidagi mazmundagi xatboshi qoʻshilsin:

“ilmiy-tadqiqot muassasalari boʻyicha — ilmiy-tadqiqot muassasalarini rekonstruksiya qilish va mukammal taʼmirlashning aniq manzilli roʻyxatlari boʻyicha belgilangan limitlar doirasida hamda tender (tanlov) savdolari natijalarini hisobga olgan holda tuzilgan shartnomalar boʻyicha qonun hujjatlariga muvofiq belgilangan tegishli buyurtmachilarning toʻlov topshiriqnomalari asosida Oʻzbekiston Respublikasi Moliya vazirligining Gʻaznachiligi tomonidan amalga oshiriladi”;

25-bandga quyidagi mazmundagi xatboshi qoʻshilsin:

“Bunda import kontraktlari asosida Oʻzbekiston Respublikasi Sogʻliqni saqlash vazirligi tomonidan tuzilgan shartnomalar boʻyicha xarajatlar qonun hujjatlariga muvofiq amalga oshiriladi”;

quyidagi mazmundagi 36¹-band qoʻshilsin:

“36¹. Ilmiy-tadqiqot muassasalarini rekonstruksiya qilish va mukammal taʼmirlash boʻyicha qonun hujjatlariga muvofiq belgilangan tegishli buyurtmachilar tomonidan ilmiy-tadqiqot muassasalarini rekonstruksiya qilish va mukammal taʼmirlashga ajratilgan Jamgʻarma mablagʻlaridan foydalanilishi boʻyicha hisobotlar har oyda, hisobot davridan keyingi oyning 5-kunidan kechikmay Jamgʻarmaning Ijro etuvchi direksiyasiga taqdim etiladi”;

40-bandda:

ikkinchi xatboshidagi “idoralarning — taʼlim va tibbiyot muassasalarini qurish, rekonstruksiya qilish va mukammal taʼmirlash boʻyicha bajarilgan ishlar” soʻzlari “idoralarning, shuningdek, qonun hujjatlariga muvofiq belgilangan tegishli buyurtmachilar — ilmiy-tadqiqot muassasalarini qurish, rekonstruksiya qilish va mukammal taʼmirlash boʻyicha bajarilgan ishlar” soʻzlari bilan almashtirilsin;

uchinchi xatboshidagi “Oʻrta maxsus, kasb-hunar” soʻzlari “Kasb-hunar” soʻzlari bilan almashtirilsin;

41-banddagi “Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar” soʻzlari “ilmiy-tadqiqot muassasalarini rekonstruksiya qilish va mukammal taʼmirlash boʻyicha qonun hujjatlariga muvofiq belgilangan tegishli buyurtmachilar va Oʻzbekiston Respublikasi Oliy va oʻrta maxsus taʼlim vazirligining Kasb-hunar” soʻzlari bilan almashtirilsin;

b) 2-ilovada:

1-band quyidagi tahrirda bayon etilsin:

“1. Ushbu Nizom Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Sogʻliqni saqlash vazirligi, Madaniyat vazirligi, Oliy va oʻrta maxsus taʼlim vazirligi, Oʻzbekiston Respublikasi Fanlar akademiyasi, tasarrufida oliy taʼlim va ilmiy-tadqiqot muassasalari boʻlgan tegishli vazirliklar va idoralar, Oʻzbekiston Respublikasi Jismoniy tarbiya va sport vazirligi, Oliy va oʻrta maxsus taʼlim vazirligining Kasb-hunar taʼlimi markazi, Iqtisodiyot vazirligi, Moliya vazirligi, boshqa manfaatdor vazirliklar va idoralar hamda ularning hududiy boʻlinmalarining, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlari hisobiga moliyalashtiriladigan taʼlim, ilmiy-tadqiqot va tibbiyot muassasalarini qurish, rekonstruksiya qilish, mukammal taʼmirlash va jihozlash (toʻliq jihozlash)ning har yilgi dasturlarini ishlab chiqish va tasdiqlash doirasida tashkiliy tartibotlarni va ularning oʻzaro hamkorlik qilish tartibini, shuningdek, funksiyalari va vazifalarini reglamentlaydi.”;

2-bandda:

birinchi xatboshidagi “xalq taʼlimi” soʻzlari “maktabgacha taʼlim va xalq taʼlimi” soʻzlari bilan almashtirilsin;

uchinchi xatboshi quyidagi tahrirda bayon qilinsin:

“kelgusi yilda rekonstruksiya qilinishi, mukammal taʼmirlanishi va jihozlanishi (toʻliq jihozlanishi) kerak boʻlgan taʼlim muassasalari, shuningdek, kelgusi yilda qurilishi, rekonstruksiya qilinishi va mukammal taʼmirlanishi lozim boʻlgan maktabgacha taʼlim muassasalari roʻyxatini har yili 1-martgacha aniqlaydilar hamda Qoraqalpogʻiston Respublikasi Maktabgacha taʼlim vazirligi, viloyatlar va Toshkent shahri maktabgacha taʼlim boshqarmalariga, Qoraqalpogʻiston Respublikasi Xalq taʼlimi vazirligi, viloyatlar va Toshkent shahri xalq taʼlimi boshqarmalariga kiritadilar”;

4-band quyidagi tahrirda bayon etilsin:

“4. Qoraqalpogʻiston Respublikasi Maktabgacha taʼlim vazirligi, viloyatlar va Toshkent shahri maktabgacha taʼlim boshqarmalari, Qoraqalpogʻiston Respublikasi Xalq taʼlimi vazirligi, viloyatlar va Toshkent shahri xalq taʼlimi boshqarmalari (tuman (shahar) maktabgacha taʼlim va xalq taʼlimi boʻlimlari tomonidan taqdim etilgan roʻyxat asosida), Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari, Toshkent shahri sogʻliqni saqlash bosh boshqarmasi, Qoraqalpogʻiston Respublikasi Madaniyat vazirligi, viloyatlar madaniyat boshqarmalari, Toshkent shahri madaniyat bosh boshqarmasi, Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahri jismoniy tarbiya va sport boshqarmalari, shuningdek Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi hududiy boʻlinmalari har yili 1-aprelgacha kelgusi yilda rekonstruksiya qilinishi, mukammal taʼmirlanishi va jihozlanishi (toʻliq jihozlanishi) kerak boʻlgan taʼlim va tibbiyot muassasalarining dastlabki roʻyxatini aniqlaydilar va Qoraqalpogʻiston Respublikasi Vazirlar Kengashiga, viloyatlar va Toshkent shahri hokimliklariga kiritadilar”;

5-bandning ikkinchi xatboshi quyidagi tahrirda bayon etilsin:

“Ishchi guruhlar tarkibiga Qoraqalpogʻiston Respublikasi Maktabgacha taʼlim vazirligi, viloyatlar va Toshkent shahri maktabgacha taʼlim boshqarmalari, Qoraqalpogʻiston Respublikasi Xalq taʼlimi vazirligi, viloyatlar va Toshkent shahri xalq taʼlimi boshqarmalari, Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari, Toshkent shahri sogʻliqni saqlash bosh boshqarmasi, Qoraqalpogʻiston Respublikasi Madaniyat vazirligi, viloyatlar va Toshkent shahri madaniyat boshqarmalari, Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahri jismoniy tarbiya va sport boshqarmalarining, shuningdek, Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi hududiy boshqarmalarining, Qurilish vazirligi Davlat arxitektura-qurilish nazorati inspeksiyalarining, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Yagona buyurtmachi xizmati” injiniring kompaniyalarining, Qoraqalpogʻiston Respublikasi Iqtisodiyot vazirligi, viloyatlar va Toshkent shahri hududiy iqtisodiyot boshqarmalarining, shuningdek, moliya organlarining rahbarlari va masʼul xodimlari kiritiladi”;

7-band quyidagi tahrirda bayon qilinsin:

“7. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari har yili 1-iyungacha Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Sogʻliqni saqlash vazirligi, Madaniyat vazirligi, Jismoniy tarbiya va sport vazirligi hamda Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markaziga taʼlim va tibbiyot muassasalarini qurish, rekonstruksiya qilish, mukammal taʼmirlash va jihozlash (toʻliq jihozlash)ning dastlabki dasturlarini taqdim etadilar”;

8-band quyidagi tahrirda qilinsin:

“Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Sogʻliqni saqlash vazirligi, Madaniyat vazirligi, Jismoniy tarbiya va sport vazirligi hamda Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi Oʻzbekiston Respublikasi Iqtisodiyot vazirligi, Qurilish vazirligi, Moliya vazirligi bilan birgalikda taʼlim va tibbiyot muassasalarini qurish, rekonstruksiya qilish, mukammal taʼmirlash va jihozlash (toʻliq jihozlash)ning taqdim etilgan dastlabki dasturlarini oʻrganadilar, zarurat boʻlganda, joyning oʻziga borgan holda ularni aniqlashtiradilar hamda har yili 15-iyungacha Jamgʻarmaning ijro etuvchi direksiyasiga viloyatlar va obyektlar boʻyicha taʼlim va tibbiyot muassasalarini qurish, rekonstruksiya qilish, mukammal taʼmirlash va jihozlash (toʻliq jihozlash)ning keyingi yil uchun dasturini taqdim etadilar.”.

9-bandda:

quyidagi mazmundagi ikkinchi xatboshi qoʻshilsin:

“Oʻzbekiston Respublikasi Fanlar akademiyasi tasarrufida oliy taʼlim muassasalari boʻlgan vazirliklar va idoralar bilan birgalikda har yili 15-maygacha Jamgʻarmaning ijro etuvchi direksiyasiga ilmiy-tadqiqot muassasalarini rekonstruksiya qilish va mukammal taʼmirlashning keyingi yil uchun dastlabki manzilli dasturini taqdim etadilar”;

ikkinchi xatboshi uchinchi xatboshi deb hisoblansin.

12-banddagi “taʼlim va tibbiyot muassasalarini” soʻzlari “taʼlim, ilmiy-tadqiqot va tibbiyot muassasalarini” soʻzlari bilan almashtirilsin.

1. Vazirlar Mahkamasining “Oʻzbekiston Respublikasining 2004-yilgi Davlat budjeti parametrlari toʻgʻrisida” 2003-yil 25-dekabrdagi 567-son qarorining 12-bandi (Oʻzbekiston Respublikasi QHT, 2003-y., 24-son, 241-modda).

2. Vazirlar Mahkamasining 2016-yil 22-fevraldagi 46-son qarori (Oʻzbekiston Respublikasi QT, 2016-y., 2-son, 10-modda) bilan tasdiqlangan Chet elda ishlayotgan Oʻzbekiston Respublikasi fuqarolari hamda ish vaqtini hisobga olib boʻlmaydigan shaxslarning ayrim toifalari tomonidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga sugʻurta badallari toʻlash tartibini, shuningdek ularning pensiyani hisoblash uchun olinadigan ish stajini va ish haqi miqdorini hisobga olish tartibi toʻgʻrisida nizomning 22, 24 — 27, 30 — 32-bandlari, shuningdek, qarorga 4-ilova.