O‘zbekiston Respublikasi “Yer qa’ri to‘g‘risida”gi Qonuni va O‘zbekiston Respublikasi Prezidentining “Mamlakat iqtisodiyotining tarmoqlarini talab yuqori bo‘lgan mahsulot va xomashyo turlari bilan barqaror ta’minlash chora-tadbirlari to‘g‘risida” 2018-yil 17-yanvardagi PQ-3479-sonli qaroriga muvofiq:

1. Ma’lumot uchun qabul qilinsinki, O‘zbekiston Respublikasi Prezidentining “Mamlakat iqtisodiyotining tarmoqlarini talab yuqori bo‘lgan mahsulot va xomashyo turlari bilan barqaror ta’minlash chora-tadbirlari to‘g‘risida” 2018-yil 17-yanvardagi PQ-3479-sonli qaroriga muvofiq:

noruda qazilmalarni o‘z ichiga olgan yer qa’ri uchastkalaridan foydalanish huquqi uchun litsenziya berish vakolati O‘zbekiston Respublikasi Davlat geologiya va mineral resurslar qo‘mitasiga o‘tkazildi;

noruda qazilmalarni o‘z ichiga olgan yer qa’ri uchastkalaridan foydalanish huquqi uchun litsenziyalar berish bo‘yicha O‘zbekiston Respublikasi Vazirlar Mahkamasining komissiyasi tugatildi.

2. O‘zbekiston Respublikasi Prezidentining ayrim hujjatlari ilovaga muvofiq o‘z kuchini yo‘qotgan deb hisoblansin.

3. O‘zbekiston Respublikasi Vazirlar Mahkamasi bir hafta muddatda noruda qazilmalarni o‘z ichiga olgan yer qa’ri uchastkalaridan foydalanish huquqini olish uchun qulay sharoitlar yaratishni nazarda tutuvchi Noruda qazilmalarni o‘z ichiga olgan yer qa’ri uchastkalaridan foydalanish huquqi uchun litsenziyalar berish tartibi to‘g‘risidagi yangilangan Nizomni tasdiqlasin, unda quyidagilar nazarda tutilsin:

kelishuv tartibini tubdan soddalashtirish va litsenziyalar berish muddatlarini qisqartirish;

noruda qazilmalarni o‘z ichiga olgan yer qa’ri uchastkalaridan foydalanish huquqini taqdim etuvchi mexanizmning shaffofligini ta’minlash.

4. O‘zbekiston Respublikasi Davlat geologiya va mineral resurslar qo‘mitasi, O‘zbekiston Respublikasi Ekologiya va atrof-muhitni muhofaza qilish davlat qo‘mitasi, “Sanoatgeokontexnazorat” davlat inspeksiyasi hamda boshqa manfaatdor vazirlik va idoralar bir oy muddatda ilgari qabul qilingan normativ-huquqiy hujjatlarini ushbu Farmonga muvofiqlashtirsin.

5. Mazkur Farmonning ijrosini nazorat qilish O‘zbekiston Respublikasi Bosh vazirining o‘rinbosari — “O‘zbekneftgaz” AJ boshqaruvi raisi A.S. Sultonov va O‘zbekiston Respublikasi Davlat geologiya va mineral resurslar qo‘mitasi raisi B.F. Islomov zimmasiga yuklansin.

1. O‘zbekiston Respublikasi Prezidentining 2016-yil 13-dekabrdagi “O‘zbekiston Respublikasi Prezidentining ayrim hujjatlariga o‘zgartishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-4866-sonli Farmoni ilovasining 2-bandi.

2. O‘zbekiston Respublikasi Prezidentining 2011-yil 2-maydagi “Noruda qazilmalarni o‘z ichiga olgan yer qa’ri uchastkalaridan foydalanish huquqi uchun litsenziyalar berish tartibi to‘g‘risidagi Nizomni tasdiqlash haqida”gi PQ-1524-sonli qarori.

3. O‘zbekiston Respublikasi Prezidentining 2012-yil 7-noyabrdagi “O‘zbekiston Respublikasi Prezidentining ayrim hujjatlariga o‘zgartishlar kiritish to‘g‘risida”gi PQ-1850-sonli qarori ilovasining 2-bandi.

4. O‘zbekiston Respublikasi Prezidentining 2014-yil 17-iyuldagi “O‘zbekiston Respublikasi Prezidentining ayrim qarorlariga o‘zgartish va qo‘shimchalar kiritish to‘g‘risida” PQ-2213-sonli qarori ilovasining 4-bandi.

5. O‘zbekiston Respublikasi Prezidentining 2014-yil 26-dekabrdagi “O‘zbekiston Respublikasi Prezidentining ayrim hujjatlariga o‘zgartishlar kiritish to‘g‘risida”gi PQ-2280-sonli qarori ilovasining 3-bandi.

6. O‘zbekiston Respublikasi Prezidentining 2016-yil 9-noyabrdagi “O‘zbekiston Respublikasi Prezidentining ayrim hujjatlariga o‘zgartishlar kiritish to‘g‘risida”gi (“O‘zbekiston Respublikasining ayrim hujjatlariga o‘zgartish va qo‘shimchalar kiritish to‘g‘risida” 2016-yil 25-apreldagi O‘RQ-405-sonli O‘zbekiston Respublikasi Qonunining 6-moddasi) PQ-2655-sonli qarori ilovasining 2-bandi.

7. O‘zbekiston Respublikasi Prezidentining 2017-yil 24-maydagi “Noruda qazilmalarni o‘z ichiga olgan yer qa’ri uchastkalaridan foydalanish huquqi uchun litsenziyalar berish tartibini takomillashtirish to‘g‘risidagi”gi PQ-3002-sonli qarori.

8. O‘zbekiston Respublikasi Prezidentining 2018-yil 8-fevraldagi “O‘zbekiston Respublikasi Prezidentining ayrim hujjatlariga o‘zgartirishlar kiritish to‘g‘risida”gi PQ-3515-sonli qarori ilovasining 1-bandi (O‘zbekiston Respublikasi Prezidentining “Suv obyektlarini muhofaza qilish tizimini yanada takomillashtirish chora-tadbirlari to‘g‘risida” 2017-yil 25-sentabrdagi PQ-3286-sonli qarori).