Oʻzbekiston Respublikasining “Mahalliy davlat hokimiyati organlari toʻgʻrisida”gi Qonunning 6-moddasiga asosan Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-son qaroriga asosan, Xalq deputatlari Surxondaryo viloyati Kengashining 2017-yil 30-dekabr kunidagi 142/5-24-sonli va viloyat hokimining 2018-yil 06-yanvardagi Q-6-sonli hamda Xalq deputatlari Termiz shahar Kengashining 2017-yil 31-dekabr kunidagi 117/03-05-sonli qarorlari ijrosini taʼminlash maqsadida qaror qilaman:

1. Oʻzbekiston Respublikasining “Mahalliy davlat hokimiyati organlari toʻgʻrisida”gi Qonunning 6-moddasiga asosan Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-son qaroriga asosan, Xalq deputatlari Surxondaryo viloyati Kengashining 2017-yil 30-dekabr kunidagi 142/5-24-sonli va viloyat hokimining 2018-yil 06-yanvardagi Q-6-sonli hamda Xalq deputatlari Termiz shahar Kengashining 2017-yil 31-dekabr kunidagi 117/03-05-sonli qarorlari rahbarlik va ijro uchun qabul qilinsin.

2. 2018-yil uchun Termiz shahri boʻyicha budjet daromadlarining reja koʻrsatkichlari 1 “A” va 1 “B”-ilovalarga* muvofiq;

shahar mahalliy budjeti xarajatlarining reja koʻrsatkichlari 2-ilovaga* muvofiq;

respublika budjetidan 2018-yilda ajratiladigan maqsadli transfertlarning mahalliy budjetlarga taqsimlanishi hamda Termiz shahar daromadlari va xarajatlarining hajmlari 3-ilovaga* muvofiq;

umumdavlat soliqlari tushumlaridan shahar mahalliy budjetiga 2018-yil uchun ajratmalar meʼyori 4-ilovaga* muvofiq;

2018-yil uchun mahalliy budjet aylanma kassa mablagʻining eng kam chegaraviy miqdorlari hajmi 5-ilovaga* muvofiq tasdiqlansin.

3. Shahar budjetining daromadiga qoʻshiladigan soliq va boshqa majburiy toʻlovlar tegishli budjet parametrlarida koʻzda tutilmagan xarajatlarga yoʻnaltirilishiga yoʻl qoʻyilmasin.

4. Termiz shahar hokimligi Moliya boʻlimi (O. Xolmatov) (daromadlar va xarajatlar oʻrtasidagi vaqtinchalik kassa tafovutlarini qoplash uchun) shahar mahalliy budjetiga budjetdan maqsadli transfertlar va ssudalar ajratishda ularning miqdorini shahar boʻyicha barcha soliqlar va boshqa majburiy toʻlovlarning toʻliq tushishi, shuningdek ish haqi (yagona ijtimoiy toʻlov bilan birga), nafaqalar va ularga tenglashtirilgan toʻlovlar boʻyicha shahar mahalliy budjetining xarajatlarini birinchi navbatda soʻzsiz moliyalashtirish zarurligidan kelib chiqqan holda aniqlashtirsin.

5. Budjet tashkilotlari va budjet mablagʻlaridan foydalanuvchilarning xarajatlar smetasi tuzilayotganda birinchi navbatda ish haqi (yagona ijtimoiy toʻlov bilan birga), nafaqalar va unga tenglashtirilgan toʻlovlarga sarflanadigan xarajatlar tegishli budjetning tasdiqlangan xarajati parametri doirasiga amalga oshirilsin.

6. Shahar hokimining birinchi oʻrinbosari (Gʻ. Elamanov)ga viloyat budjetidan budjet ssudalari olish uchun soʻrovnoma bilan viloyat Moliya bosh boshqarmasiga yozma ravishda murojaat qilganida, ularni qoplash muddati va manbalari toʻgʻrisida toʻliq axborot taqdim etishi lozimligi belgilab qoʻyilsin.

7. Ushbu qarorning bajarilishini nazorat qilishni shahar hokimining birinchi oʻrinbosari Gʻ. Elamanov zimmasiga yuklatilsin.