O‘zbekiston Respublikasi Prezidentining “O‘zbekiston Respublikasi Prezidentining “Tadbirkorlik faoliyatini rivojlantirishni qo‘llab-quvvatlash davlat jamg‘armasini tashkil etish to‘g‘risida” 2017-yil 17-avgustdagi PQ-3225-son qaroriga o‘zgartirish va qo‘shimchalar kiritish to‘g‘risida” 2018-yil 29-martdagi PQ-3634-son qarorini bajarish yuzasidan hamda kichik tadbirkorlik subyektlarining davlat moliyaviy ko‘magidan foydalanishini kengaytirish va O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qo‘llab-quvvatlash davlat jamg‘armasi faoliyatini takomillashtirish maqsadida Vazirlar Mahkamasi qaror qiladi:

1. Vazirlar Mahkamasining “O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qo‘llab-quvvatlash davlat jamg‘armasi faoliyatini tashkil etish chora-tadbirlari to‘g‘risida” 2017-yil 8-sentabrdagi 704-son qaroriga (O‘zbekiston Respublikasi QXT, 2017-y., 37-son, 991-modda) ilovaga muvofiq o‘zgartirishlar va qo‘shimchalar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — Moliya vaziri J.A. Qo‘chqorov va O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qo‘llab-quvvatlash davlat jamg‘armasining ijrochi direktori A.A. Kamalov zimmasiga yuklansin.

1. 2-banddagi “Furqat ko‘chasi, 1-uyda (7 va 8-qavatlar)” so‘zlari “Qoratosh ko‘chasi, 1-uy (7-qavat)” so‘zlari bilan almashtirilsin.

2. Ilovada:

a) 4-banddagi “Furqat” so‘zi “Qoratosh” so‘zi bilan almashtirilsin;

b) 5-bandda:

beshinchi xatboshidagi “joylarini” so‘zidan keyin “xususiy uy-joy mulkdorlari shirkatlari va” so‘zlari qo‘shilsin;

oltinchi xatboshidagi “O‘zbekiston Respublikasi Vazirlar Mahkamasi” so‘zlari “Tadbirkorlik faoliyatini rivojlantirishni qo‘llab-quvvatlash davlat jamg‘armasini boshqarish kengashi (keyingi o‘rinlarda Kengash deb ataladi) belgilaydigan hamda O‘zbekiston Yoshlar ittifoqi tashabbus bilan chiqqan” so‘zlari bilan almashtirilsin;

v) 6-bandda:

“a” kichik band o‘z kuchini yo‘qotgan deb hisoblansin;

“v” kichik bandda:

ikkinchi xatboshi quyidagi tahrirda bayon qilinsin:

“milliy valyutada, qayta moliyalashtirish stavkasining 1,5 baravaridan oshmaydigan foiz stavkasida — 5 foiz punkti miqdorida”;

quyidagi mazmundagi uchinchi xatboshi qo‘shilsin:

“milliy valyutada — jamg‘arib boriladigan pensiya tizimi mablag‘lari hisobiga ajratiladigan imtiyozli kreditlar bo‘yicha, O‘zbekiston Yoshlar ittifoqining tavsiyalari asosida yosh tadbirkorlar tashabbus bilan chiqqan loyihalarni amalga oshirishga — banklarning xarajatlarini qoplash uchun 3 foizli stavka miqdorida”;

uchinchi xatboshi to‘rtinchi xatboshi deb hisoblansin;

g) 9-banddagi “(keyingi o‘rinlarda Kengash deb ataladi)” so‘zlari chiqarib tashlansin;

d) 12-bandning uchinchi xatboshidagi “resurslari” so‘zi chiqarib tashlansin;

e) 13-bandning oltinchi xatboshidagi “resurslar” so‘zi chiqarib tashlansin;

j) 21-bandning ikkinchi xatboshi chiqarib tashlansin;

z) 5-bob o‘z kuchini yo‘qotgan deb hisoblansin;

i) 35-bandda:

ikkinchi xatboshi quyidagi tahrirda bayon etilsin:

“milliy valyutada, qayta moliyalashtirish stavkasining 1,5 baravaridan oshmaydigan foiz stavkasida — 5 foiz punkti miqdorida”;

quyidagi mazmundagi uchinchi xatboshi qo‘shilsin:

“milliy valyutada — jamg‘arib boriladigan pensiya tizimi mablag‘lari hisobiga ajratiladigan imtiyozli kreditlar bo‘yicha, O‘zbekiston Yoshlar ittifoqining tavsiyalari asosida yosh tadbirkorlar tashabbus bilan chiqqan loyihalarni amalga oshirishga — banklarning xarajatlarini qoplash uchun 3 foizli stavka miqdorida”;

uchinchi xatboshi to‘rtinchi xatboshi deb hisoblansin;

k) 36-band quyidagi tahrirda bayon etilsin:

“36. Milliy valyutada qayta moliyalashtirish stavkasining 1,5 baravaridan oshmaydigan foiz stavkasida kreditlar, shuningdek, qonun hujjatlarida belgilangan tartibda xorijiy valyutada kreditlar ajratadigan tijorat banklari Jamg‘armaning kompensatsiyalarini oluvchilar hisoblanadi”;

l) 38-bandda:

to‘qqizinchi xatboshi quyidagi tahrirda bayon etilsin:

“budjetga to‘lovlar bo‘yicha muddati o‘tkazib yuborilgan qarzlari bo‘lgan jismoniy va yuridik shaxslarga;

o‘ninchi xatboshi chiqarib tashlansin;

quyidagi mazmundagi xatboshi bilan to‘ldirilsin:

“ushbu bandning to‘rtinchi va beshinchi xatboshilarda ko‘rsatilgan cheklovlar, O‘zbekiston Yoshlar ittifoqi tashabbus ko‘rsatgan loyihalarga tatbiq etilmaydi”;

m) 50-banddagi “hisobot davridan keyingi” so‘zlari chiqarib tashlansin;

n) 53-bandning beshinchi xatboshi quyidagi tahrirda bayon etilsin:

“kichik tadbirkorlik subyektlarining va/yoki tijorat bankining taqdim etgan hujjatlarida ishonchsiz yoki noto‘g‘ri ma’lumotlar taqdim etilganligi aniqlanganda”;

o) 62-band quyidagi tahrirda bayon etilsin:

“62. Kafillik berish bo‘yicha Jamg‘arma xizmatlari pulli hisoblanadi. Jamg‘armaning kafilligi berilganligi uchun kichik tadbirkorlik subyektlaridan milliy valyutada kafolat summasining 1 (bir) foizi miqdorida bir marttalik vositachilik haqi undiriladi”;

p) 64-bandning ikkinchi xatboshidagi “foizdan” so‘zidan keyin “(oilaviy tadbirkorlik subyektlari loyihalaridan tashqari)” so‘zlari qo‘shilsin;

r) 69-bandning to‘rtinchi xatboshidagi “xulosani rasmiylashtiradi va unga kichik tadbirkorlik subyekti to‘g‘risidagi umumlashtirilgan ma’lumotni ilova qiladi” so‘zlari “bankni ijobiy qaror qabul qilinganligi to‘g‘risida xabardor qiladi” so‘zlari bilan almashtirilsin;

s) 72-bandning uchinchi xatboshi quyidagi tahrirda bayon qilinsin:

“Jamg‘arma tomonidan kafillik bo‘yicha to‘lovlar amalga oshirilganda”;

t) 83-bandning birinchi xatboshidagi “yoki ushbu hujjatlar kafolat muddati tugagandan so‘ng taqdim etilgan” so‘zlari chiqarib tashlansin;

u) 90-banddagi “taqdim etilgan resurslar” so‘zlari chiqarib tashlansin;

f) 91-banddagi “resurslar” so‘zi chiqarib tashlansin;

x) 94-banddagi “Jamg‘arma tomonidan ajratiladigan resurslardan maqsadli foydalanish, shuningdek” so‘zlari chiqarib tashlansin.