O‘zbekiston Respublikasi Prezidentining “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida” 2018-yil 2-fevraldagi PF-5325-son Farmoniga muvofiq “Mo‘’tabar ayol” ko‘krak nishoni ta’sis etilganligi munosabati bilan jamiyat va davlat hayotida faollik va tashabbuskorlik ko‘rsatgan, o‘zining samarali mehnati bilan oilaning shakllanishiga va farovonligi mustahkamlanishiga, onalik va bolalik muhofazasiga munosib hissa qo‘shgan, shuningdek, sog‘lom va barkamol avlodni voyaga yetkazish, ularni vatanparvarlik va istiqlol g‘oyalariga sadoqat ruhida tarbiyalash, joylarda ma’naviy-axloqiy muhitni sog‘lomlashtirish va milliy qadriyatlarimizni keng targ‘ib etish borasida ibratli faoliyat olib borayotgan xotin-qizlarni munosib taqdirlash maqsadida Vazirlar Mahkamasi qaror qiladi:
1. O‘zbekiston Xotin-qizlar qo‘mitasining “Mo‘’tabar ayol” ko‘krak nishonini 8-mart — Xalqaro xotin-qizlar kuni bayrami arafasida topshirish to‘g‘risidagi taklifi ma’qullansin.
Oldingi tahrirga qarang.
2. Belgilab qo‘yilsinki, “Mo‘’tabar ayol” ko‘krak nishoni bilan mukofotlash O‘zbekiston Respublikasi Oila va xotin-qizlar davlat qo‘mitasi Hay’atining qarori asosida amalga oshiriladi.
(2-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
“Mo‘’tabar ayol” ko‘krak nishoni va uning guvohnomasi tavsiflari 2 va 3-ilovalarga muvofiq tasdiqlansin.
Oldingi tahrirga qarang.
4. “Davlat belgisi” davlat — ishlab chiqarish birlashmasi O‘zbekiston Respublikasi Oila va xotin-qizlar davlat qo‘mitasining buyurtmasiga asosan, belgilangan tartibda “Mo‘’tabar ayol” ko‘krak nishonlari va ularning guvohnomalari tayyorlanishini ta’minlasin.
(4-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
5. “Mo‘’tabar ayol” ko‘krak nishonlari va ularning guvohnomalarini tayyorlash hamda mukofotlanganlarni taqdirlash bilan bog‘liq xarajatlar Oila va xotin-qizlarni qo‘llab-quvvatlash davlat maqsadli jamg‘armasi mablag‘lari hisobidan qoplanishi inobatga olinsin.
(5-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
6. O‘zbekiston Respublikasi Adliya vazirligi bir oy muddatda manfaatdor vazirlik va idoralar bilan birgalikda tegishli normativ-huquqiy hujjatlarni ushbu qarorga muvofiqlashtirsin.
Oldingi tahrirga qarang.
7. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari Z.B. Mahkamova zimmasiga yuklansin.
(7-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
1. “Mo‘’tabar ayol” ko‘krak nishoni (keyingi o‘rinlarda ko‘krak nishoni deb ataladi) bilan jamiyat va davlat hayotida faollik va tashabbuskorlik ko‘rsatgan, o‘zining samarali mehnati bilan oilaning shakllanishiga va farovonligi mustahkamlanishiga, onalik va bolalik muhofazasiga munosib hissa qo‘shgan, shuningdek, sog‘lom va barkamol avlodni voyaga yetkazish, ularni vatanparvarlik va istiqlol g‘oyalariga sadoqat ruhida tarbiyalash, joylarda ma’naviy-axloqiy muhitni sog‘lomlashtirish va milliy qadriyatlarimizni keng targ‘ib etish borasida ibratli faoliyat olib borayotgan xotin-qizlar taqdirlanadilar.
Ko‘krak nishoni bilan O‘zbekiston Respublikasi fuqarosi bo‘lmagan shaxslar ham taqdirlanishi mumkin.
Oldingi tahrirga qarang.
2. Ko‘krak nishoni bilan taqdirlashga oid dastlabki takliflar O‘zbekiston Respublikasi Oila va xotin-qizlar davlat qo‘mitasining xotin-qizlar masalalari bo‘yicha boshlang‘ich tashkilotlari, mahalladagi xotin-qizlar faoli hamda oilaviy qadriyatlarni mustahkamlash komissiyasi tomonidan shakllantiriladi va tegishli yig‘ilish qarorlari asosida har yili 10-yanvarga qadar tuman (shahar) oila va xotin-qizlar bo‘limiga taqdim etiladi.
(2-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
3. Tuman (shahar) oila va xotin-qizlar bo‘limlari ko‘krak nishoniga tavsiya qilinayotgan nomzodlarni har tomonlama o‘rganib, ularning faoliyatiga oid barcha hujjatlarni tegishli yig‘ilish qarorlari asosida har yili 25-yanvarga qadar Qoraqalpog‘iston Respublikasi Oila va xotin-qizlar qo‘mitasiga, viloyatlar va Toshkent shahar oila va xotin-qizlar boshqarmalariga taqdim etadilar.
(3-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
4. Qoraqalpog‘iston Respublikasi Oila va xotin-qizlar qo‘mitasi, viloyatlar va Toshkent shahar oila va xotin-qizlar boshqarmalari ko‘krak nishoni bilan taqdirlashga tavsiya qilingan nomzodlar bo‘yicha hujjatlarni ko‘rib chiqib, tegishli yig‘ilish qarorlari asosida har yilning 10-fevral sanasiga qadar O‘zbekiston Respublikasi Oila va xotin-qizlar davlat qo‘mitasiga (keyingi o‘rinlarda — Qo‘mita) taqdim etadilar.
(4-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
5. Ko‘krak nishoni bilan taqdirlashga oid takliflarni ko‘rib chiqish tartibi Qo‘mita raisi tomonidan belgilanadi:
Qo‘mita raisining buyrug‘i bilan ko‘krak nishoniga tavsiya etilgan nomzodlarni ko‘rib chiqish bo‘yicha doimiy komissiya (keyingi o‘rinlarda — komissiya) tashkil etiladi.
Komissiya yig‘ilishida nomzodlar bo‘yicha hujjatlar ko‘rib chiqilib, har yili 20-fevralga qadar yakuniy xulosalar qabul qilinadi.
Komissiya xulosasiga asosan ko‘krak nishoni bilan taqdirlash bo‘yicha Qo‘mita raisining buyrug‘i qabul qilinadi.
(5-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
6. Ko‘krak nishoni va uning guvohnomasi mukofotlanganlarga 8-mart — Xalqaro xotin-qizlar kuni bayrami arafasida O‘zbekiston Respublikasi Bosh vazirining o‘rinbosari — Oila va xotin-qizlar davlat qo‘mitasi raisi yoki uning topshirig‘iga binoan boshqa mas’ul shaxslar tomonidan tantanali vaziyatda topshiriladi.
(6-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
7. Ko‘krak nishoni bilan taqdirlash to‘g‘risidagi qaror O‘zbekiston Respublikasi Oila va xotin-qizlar davlat qo‘mitasining matbuot nashrlarida va boshqa tegishli ommaviy axborot vositalarida e’lon qilinadi.
(7-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
8. Ko‘krak nishoni bilan mukofotlangan shaxslar bazaviy hisoblash miqdorining to‘rt baravari miqdorida biryo‘la to‘lanadigan pul mukofoti oladilar.
(8-bandning birinchi xatboshisi O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
Oldingi tahrirga qarang.
Bir yo‘la to‘lanadigan pul mukofotlari Oila va xotin-qizlarni qo‘llab-quvvatlash davlat maqsadli jamg‘armasi mablag‘lari hisobidan to‘lanadi.
(8-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
“Mo‘’tabar ayol” ko‘krak nishoni diametri 34 millimetrli doira shaklida bo‘lib, mis qotishmasidan tayyorlanadi.
Ko‘krak nishonining old tomoni markaziy qismida mo‘tabar ayol siymosi quyosh nurlari fonida aks ettirilgan.
Ko‘krak nishonining pastki qismida zarhal hoshiya bilan o‘ralgan oq emalli fonda “MO‘TABAR AYOL” so‘zlari yozilgan. Harflarning balandligi 2,3 millimetr bo‘lib, yozuvlar zarhallangan. Nishonning yuqori chetlari bo‘ylab faxr-iftixor va sharaf ma’nolarini ifoda etuvchi ikkita dafna yaprog‘i tasvirlangan. Dafna yaproqlarining yuqori qismida sakkiz qirrali yulduz joylashgan.
Ko‘krak nishonining orqa tomoni markazida uch qatorda harflarning balandligi 1,8 millimetr bo‘lgan “Jamiyat va”, “davlat hayotidagi”, “faolligi uchun” so‘zlari yozilgan.
Ko‘krak nishoni ilgakchalar va halqacha yordamida to‘g‘ri to‘rtburchak shaklidagi qadag‘ichga ulangan.
Qadag‘ichning eni — 26 millimetr, bo‘yi — 17 millimetr. Qadag‘ich eni 22 millimetrli shoyi lenta bilan qoplangan bo‘lib, lentaning o‘rtasidan eni 9 millimetrli sariq rangli yo‘l, uning ikki chetidan esa eni 1,5 millimetrli qizil rangli ikkita yo‘l o‘tgan. Shoyi lentaning chekka qismlari bo‘ylab har birining eni 5 millimetr bo‘lgan yashil rangli yo‘llar o‘tgan.
Qadag‘ichning orqa tomoniga ko‘krak nishonini kiyimga taqib qo‘yish uchun to‘g‘nog‘ich ko‘rinishidagi moslama o‘rnatilgan.
“Mo‘’tabar ayol” ko‘krak nishoni guvohnomasi 160x110 millimetr o‘lchamdagi kitobcha shaklida bo‘lib, 240 g/kv. m qalinlikdagi ofset qog‘ozdan tayyorlanadi.
Guvohnomaning tashqi tomoni (birinchi va to‘rtinchi betlari) och yashil rangda bo‘lib, plyonka bilan qoplangan.
Guvohnomaning birinchi beti eni 7,5 millimetrli, ichki burchaklari aylana shaklida bo‘lgan yashil rangli hoshiya bilan o‘ralgan.
Guvohnomaning yuqori chekkasidan (birinchi beti) 35 millimetr pastda, markazda oralig‘i 3,5 millimetrli ikki satrdan iborat matn joylashgan. Birinchi satrda “Mo‘tabar ayol”, ikkinchi satrda “ko‘krak nishoni” (“Times new Roman Bolt” shrifti, 17-kegl) so‘zlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17-kegl) so‘zi yozilgan. Yozuvlar zarhal rangida aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och havo rangda bo‘lib, ofset usulida chop etilgan.
Ichki tomonining chap qismida (ikkinchi beti), markazda ko‘krak nishonining asliga teng o‘lchamdagi rangli tasviri aks ettirilgan.
Guvohnomaning ichki o‘ng tomoni (uchinchi beti) yuqori chekkasidan 8 millimetr pastda, markazda “GUVONNOMA” (katta harflarda, “Times new Roman Bolt” shrifti, 10-kegl) so‘zi hamda guvohnoma tartib raqami uchun “№” belgisi va 15 millimetrli chiziq joylashgan.
“GUVONNOMA” so‘zidan 11 millimetr pastda mukofotlangan shaxsning familiyasi, ismi va otasining ismini qayd etish uchun oralig‘i 8 millimetrli uchta chiziq tortilgan.
Oldingi tahrirga qarang.
Pastki chiziqdan 6 millimetr quyida, markazda oralig‘i 2 millimetrli ikki satrdan iborat matn joylashgan. Birinchi satrda “O‘zbekiston Respublikasi Mahalla va oilani”, ikkinchi satrda “qo‘llab-quvvatlash vazirligi Hay‘atining” (“Times new Roman Bolt” shrifti, 10-kegl) so‘zlari yozilgan.
(to‘qqizinchi xatboshi O‘zbekiston Respublikasi Vazirlar Mahkamasining 2020-yil 19-iyundagi 391-sonli qarori tahririda — Qonun hujjatlari ma’lumotlari milliy bazasi, 19.06.2020-y., 09/20/391/0777-son)
Undan 5 millimetr pastda oralig‘i 4 millimetr bo‘lgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli Qaroriga asosan” (“Times new Roman Bolt” shrifti, 10-kegl) so‘zlari yozilgan.
Undan 5 millimetr pastda, markazda oralig‘i 4 millimetrli ikki satrdan iborat matn joylashgan. Birinchi satrda markazda “Mo‘tabar ayol” (“Times new Roman Bolt” shrifti, 14-kegl), ikkinchi satrda “ko‘krak nishoni bilan mukofotlandi” (“Times new Roman Bolt” shrifti, 10-kegl) so‘zlari yozilgan.
Oldingi tahrirga qarang.
So‘nggi so‘zlardan 10 millimetr pastda, chap tomonda oralig‘i 2 millimetrli ikki satrdan iborat matn joylashgan. Birinchi satrda “O‘zbekiston Respublikasi Mahalla va oilani”, ikkinchi satrda “qo‘llab-quvvatlash vaziri” (“Times new Roman Bolt” shrifti, 10-kegl) so‘zlari yozilgan.
(o‘n ikkinchi xatboshi O‘zbekiston Respublikasi Vazirlar Mahkamasining 2020-yil 19-iyundagi 391-sonli qarori tahririda — Qonun hujjatlari ma’lumotlari milliy bazasi, 19.06.2020-y., 09/20/391/0777-son)