O‘zbekiston Respublikasi Vazirlar Mahkamasining “Mahsulotlar, xomashyo va materiallarning yuqori likvidli turlarini sotishning bozor mexanizmlarini joriy etishni davom ettirish to‘g‘risida” 2004-yil 5-fevraldagi 57-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining 1-ilovaga muvofiq ayrim qarorlari o‘z kuchini yo‘qotgan deb hisoblansin.
2. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Vazirlar Mahkamasining 1998-yil 7-sentabrdagi 382-son qarori (O‘zbekiston Respublikasi QT, 1998-y., 9-son, 33-modda) bilan tasdiqlangan Toshkent shahrini neft mahsulotlari bilan ta’minlash to‘g‘risidagi nizomning 2, 4—7-bandlari.
2. Vazirlar Mahkamasining “Tabiiy gaz yetkazib berish va uning uchun hisob-kitob qilish tizimini takomillashtirish to‘g‘risida” 1999-yil 21-sentabrdagi 439-son qarorining (O‘zbekiston Respublikasi QT, 1999-y., 9-son, 57-modda) 8 va 9-bandlari, shuningdek mazkur qarorga 4 va 5-ilovalar.
3. Vazirlar Mahkamasining “Non va qandolatchilik mahsulotlari ishlab chiqaruvchi yakka tartibdagi tadbirkorlarni qo‘llab-quvvatlash chora-tadbirlari to‘g‘risida” 2000-yil 8-sentabrdagi 347-son qarori.
4. Vazirlar Mahkamasining “Don resurslari va unning bozor fondidan yanada oqilona va tejamli foydalanish chora-tadbirlari to‘g‘risida” 2001-yil 14-sentabrdagi 374-son qarori.
5. Vazirlar Mahkamasining “O‘zbekiston Respublikasi pillachilik sohasini yanada rivojlantirish chora-tadbirlari to‘g‘risida” 2002-yil 5-apreldagi 118-son qarorining 6-bandi.
Oldingi tahrirga qarang.
(6-band O‘zbekiston Respublikasi Vazirlar Mahkamasining 2022-yil 21-iyuldagi 396-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 22.07.2022-y., 09/22/396/0656-son)
7. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2004-yil 8-yanvardagi 9-son qaroriga ilovaning 1-bandi, 2-bandning “d”, “i”, “m” kichik bandlari.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
Oldingi tahrirga qarang.
(1-band O‘zbekiston Respublikasi Vazirlar Mahkamasining 2021-yil 22-fevraldagi 87-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 22.02.2021-y., 09/21/87/0134-son)
2. Vazirlar Mahkamasining 1994-yil 9-martdagi 124-son qarori (O‘zbekiston Respublikasi QT, 1994-y., 3-son, 15-modda) bilan tasdiqlangan Yoqilg‘i-energetika resurslaridan foydalanish qoidalarini buzganlik uchun iqtisodiy jazolarni qo‘llash to‘g‘risidagi nizomning II bo‘limida:
“a” kichik bandda “davlat xo‘jaliklari, korxonalar, tashkilotlar, jamoa xo‘jaliklariga” so‘zlari “korxonalar va tashkilotlarga” so‘zlari bilan almashtirilsin;
“b) neft mahsulotlarini maqsadga nomuvofiq ishlatish, shuningdek ularni qonun hujjatlariga muvofiq tasdiqlangan normalardan ortiqcha sarflash sarflangan neft mahsulotlarining 2 baravar qiymatini aybdor yuridik shaxslardan undirib olishga sabab bo‘ladi”;
“a” kichik bandda “O‘zbekneftgaz” milliy korporatsiyasining ruxsatisiz yoqilg‘i ishlatiladigan qurilmalarga gaz berilishi gaz yuborishga ruxsat etgan gaz sotuvchi tashkilotlardan” so‘zlari “shartnomalar tuzmasdan gaz yetkazib berish gaz ta’minoti tashkilotlaridan” so‘zlari bilan almashtirilsin;
“d) yoqilg‘i ishlatiladigan jihozlar (qurilmalar)da gazning qonun hujjatlariga muvofiq tasdiqlangan normalardan ortiqcha behuda isrof qilinishi tekshirish paytidan oldingi 12 oyda nooqilona sarflangan gazning 5 baravar qiymatini ishlatuvchilardan undirib olishga sabab bo‘ladi”;
Oldingi tahrirga qarang.
(2-band “b” kichik bandining oltinchi xatboshi O‘zbekiston Respublikasi Vazirlar Mahkamasining 2006-yil 10-noyabrdagi 235-sonli qaroriga muvofiq chiqarib tashlandi — O‘zbekiston Respublikasi qonun hujjatlari to‘plami, 2006-y., 46-47-son, 458-modda)
“z” kichik bandda “O‘zbekneftgaz” milliy korporatsiyasining gazdan foydalanish huquqini beradigan ruxsatisiz” so‘zlari “ushbu ishlarni bajarishga “O‘zdavneftgazinspeksiya”ning ruxsatisiz” so‘zlari bilan almashtirilsin;
“v” kichik bandda “tegishli ruxsatlarsiz” so‘zlari “tegishli shartnoma tuzmasdan” so‘zlari bilan almashtirilsin;
“i) elektr yoritgichlardan korxonalar, tashkilotlar va muassasalar, shuningdek hududlar tomonidan qonun hujjatlariga muvofiq tasdiqlangan normalardan ortiqcha, asossiz, ishlab chiqarish zaruriyatisiz foydalanish yorug‘lik texnikasi uskunasining o‘rnatilgan quvvatidan va uskunalardan foydalaniladigan soatlarning yillik sonidan kelib chiqib belgilangan ushbu maqsadlarda foydalaniladigan elektr energiyasi qiymatini 5 baravar miqdorida ulardan undirib olishga olib keladi”.
Oldingi tahrirga qarang.
(3-band O‘zbekiston Respublikasi Vazirlar Mahkamasining 2010-yil 28-oktabrdagi 239-sonli qaroriga muvofiq o‘z kuchini yo‘qotgan — O‘R QHT, 2010-y., 42-43-son, 364-modda)
4. Vazirlar Mahkamasining “Savdo sohasida monopoliyadan chiqarishni chuqurlashtirish chora-tadbirlari to‘g‘risida” 1997-yil 24-dekabrdagi 561-son qarorining 6-bandi birinchi xatboshi chiqarib tashlansin.
5. Vazirlar Mahkamasining “Avtomobil yonilg‘isi quyish shoxobchalarining ishini takomillashtirish va respublika iste’molchilarini neft mahsulotlari bilan ta’minlashni yaxshilash chora-tadbirlari to‘g‘risida” 1998-yil 18-sentabrdagi 397-son qarorida (O‘zbekiston Respublikasi QT, 1998-y., 9-son, 35-modda):
“avtomobil yonilg‘isi quyish shoxobchalari uchun neft mahsulotlari faqat neft mahsulotlari yetkazib beruvchining maxsus avtotransportida yetkazib berilishi hisobga olingan holda avtomobil yonilg‘isi quyish shoxobchalari bilan neft bazalari o‘rtasida tuzilgan shartnoma asosida belgilangan tartibda beriladi”.
6. Vazirlar Mahkamasining “Tabiiy gaz yetkazib berish va uning uchun hisob-kitob qilish tizimini takomillashtirish to‘g‘risida” 1999-yil 21-sentabrdagi 439-son qarorining 1-bandi ikkinchi xatboshi quyidagi tahrirda bayon qilinsin:
“O‘ztransgaz” aksiyadorlik kompaniyasining magistral gaz quvurlariga to‘g‘ridan to‘g‘ri ulanuvchi ulgurji iste’molchilarga va hududiy gaz ta’minoti korxonalariga — to‘g‘ridan to‘g‘ri shartnomalar bo‘yicha;”.
7. Vazirlar Mahkamasining 2000-yil 10-yanvardagi 8-son qarori (O‘zbekiston Respublikasi QT, 2000-y., 1-son, 2-modda) bilan tasdiqlangan O‘zbekiston Respublikasi iste’molchilariga gaz yetkazib berish qoidalarida:
“O‘zbekenergo” davlat-aksiyadorlik kompaniyasining olingan tabiiy gaz uchun qonun hujjatlarida hisob-kitob qilishning alohida tartibi belgilangan strategik korxonalariga”;
“4.5. Respublika mintaqalari bo‘yicha gaz yetkazib berishning oylik hajmlari iste’molchilarning buyurtmanomalari hisobga olingan holda gaz-transport tizimining resurs va texnik imkoniyatlaridan kelib chiqib gaz-transport tashkiloti tomonidan belgilanadi”;
“4.8. Gazning iste’molchilar tomonidan yetkazib beruvchi bilan kelishilmasdan shartnomaviy hajmlardan ortiqcha olinishi qonun hujjatlarida belgilangan va shartnomalarda ko‘rsatilgan miqdorlarda yo‘l qo‘yilgan ortiqcha gaz sarfi uchun yetkazib beruvchiga oshirilgan haq to‘lanishiga olib keladi.
Navbatdagi oyga (yil choragiga) buyurtma berilgan tabiiy gaz hajmlariga doir shartnomalarga iste’molchining taklifi bo‘yicha mo‘ljallanayotgan o‘zgartirishlardan kamida 10 kun oldin kiritilgan o‘zgartirishlar ortiqcha olish hisoblanmaydi”.
Oldingi tahrirga qarang.
(8-band O‘zbekiston Respublikasi Vazirlar Mahkamasining 2010-yil 28-oktabrdagi 239-sonli qaroriga muvofiq o‘z kuchini yo‘qotgan — O‘R QHT, 2010-y., 42-43-son, 364-modda)
9. Vazirlar Mahkamasining “Tabiiy gaz yetkazib berish va uning uchun hisob-kitob qilish tizimini yanada takomillashtirish to‘g‘risida” 2002-yil 20-martdagi 90-son qarorida (O‘zbekiston Respublikasi QT, 2002-y., 3-son, 16-modda):
b) 1-ilovada “O‘ztransgaz” AKning magistral gaz quvurlariga to‘g‘ridan to‘g‘ri chiqadigan ulgurji iste’molchilar” ustuni iste’molchilarning aniq ro‘yxati ko‘rsatilmagan holda bayon qilinsin;
2-bandda “b” kichik bandning uchinchi va to‘rtinchi xatboshi hamda “g” kichik band chiqarib tashlansin.
Oldingi tahrirga qarang.
(10-band O‘zbekiston Respublikasi Vazirlar Mahkamasining 2006-yil 9-oktabrdagi 213-sonli qaroriga muvofiq o‘z kuchini yo‘qotdi— O‘zbekiston Respublikasi qonun hujjatlari to‘plami, 2006-y., 41-son, 414-modda)