Ijtimoiy-iqtisodiy rivojlanish sohasidagi ilmiy-tadqiqot muassasalari faoliyatini samarali tashkil etishni taʼminlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasidan kelib chiqadigan dolzarb vazifalarni amalga oshirish boʻyicha muvofiqlashtirilgan faoliyatini oshirish maqsadida:

1. Oʻzbekiston Respublikasi Vazirlar Mahkamasi huzuridagi Prognozlashtirish va makroiqtisodiy tadqiqotlar instituti Oʻzbekiston Respublikasi Iqtisodiyot vazirligi tasarrufiga, Oʻzbekiston Respublikasi Vazirlar Mahkamasi huzuridagi Ijtimoiy tadqiqotlar instituti esa Oʻzbekiston Respublikasi Moliya vazirligi tasarrufiga (keyingi oʻrinlarda institutlar deb yuritiladi) oʻtkazilsin.

Belgilansinki, institutlar oʻtkazilayotgan Oʻzbekiston Respublikasi Vazirlar Mahkamasi huzuridagi Prognozlashtirish va makroiqtisodiy tadqiqotlar instituti va Ijtimoiy tadqiqotlar institutining huquq va majburiyatlari boʻyicha huquqiy vorislari hisoblanadi.

2. Oʻzbekiston Respublikasi Vazirlar Mahkamasi ikki oy muddatda mamlakatni ijtimoiy-iqtisodiy rivojlantirishning dolzarb yoʻnalishlari boʻyicha ilmiy-amaliy tadqiqotlarni oʻtkazishda institutlar faoliyatining samaradorligini yanada oshirish, shu jumladan ularning shtatlar sonini ikki baravardan kam boʻlmagan miqdorga qisqartirishni nazarda tutuvchi normativ-huquqiy hujjatlarning loyihalarini Oʻzbekiston Respublikasi Prezidenti devoniga kiritsin.

3. Oʻzbekiston Respublikasi Iqtisodiyot vazirligining “Oʻzbekiston iqtisodiy axborotnomasi” jurnali tahririyati” DUKni tugatish haqidagi taklifiga rozilik berilsin.

4. Oʻzbekiston Respublikasi Iqtisodiyot vazirligi Toshkent shahar hokimligi bilan birgalikda 2018-yil 1-mayga qadar muddatda Toshkent shahri, Mirzo Ulugʻbek tumani, Ya. Gʻulomov koʻchasi, 1-uy manzilida joylashgan binodan kelgusida foydalanishning maqsadga muvofiqligi toʻgʻrisida Vazirlar Mahkamasiga taklif kiritsin.

5. Oʻzbekiston Respublikasi Prezidentining ayrim qarorlariga ilovaga muvofiq oʻzgartish va qoʻshimchalar kiritilsin.

6. Oʻzbekiston Respublikasi Iqtisodiyot vazirligi va Moliya vazirligi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi iqtisodiyot vaziri B.A. Xodjayev zimmasiga yuklansin.

1. Oʻzbekiston Respublikasi Prezidentining “Ijtimoiy-iqtisodiy tadqiqotlar markazini Prognozlashtirish va makroiqtisodiy tadqiqotlar instituti etib qayta tashkil qilish toʻgʻrisida”gi 2008-yil 30-iyuldagi PQ-928-son qarorida:

a) 1-bandda:

birinchi xatboshidagi “Vazirlar Mahkamasi” degan soʻzlar “Iqtisodiyot vazirligi” degan soʻzlar bilan almashtirilsin;

ikkinchi xatboshi chiqarib tashlansin;

b) 4-bandning toʻrtinchi va beshinchi xatboshilaridagi “Vazirlar Mahkamasi” degan soʻzlar tegishincha “Oʻzbekiston Respublikasi iqtisodiyot vaziri” va “Iqtisodiyot vazirligi” degan soʻzlar bilan almashtirilsin;

v) 6-bandning uchinchi xatboshisidagi “Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi tomonidan oʻtkaziladigan” degan soʻzlar chiqarib tashlansin;

g) 2-ilovada (Prognozlashtirish va makroiqtisodiy tadqiqotlar instituti ustavi):

3-bandda:

birinchi xatboshidagi “Vazirlar Mahkamasi” degan soʻzlar “Iqtisodiyot vazirligi” degan soʻzlar bilan almashtirilsin;

ikkinchi xatboshi chiqarib tashlansin;

12-bandning ikkinchi xatboshisidagi “Oʻzbekiston Respublikasi Vazirlar Mahkamasining tarkibiy tarmoqlari bilan oʻzaro hamkorlik qiladi” degan soʻzlar “bilan oʻzaro hamkorlik qiladi” degan soʻzlar bilan almashtirilsin;

14-bandda:

birinchi xatboshidagi “Vazirlar Mahkamasi” degan soʻzlar “Oʻzbekiston Respublikasi iqtisodiyot vaziri” degan soʻzlar bilan almashtirilsin;

ikkinchi xatboshidagi “Vazirlar Mahkamasining Axborot-tahlil departamenti mudiriga” degan soʻzlar “Oʻzbekiston Respublikasi iqtisodiyot vazirining oʻrinbosariga” degan soʻzlar bilan almashtirilsin;

15-bandning oltinchi xatboshisidagi “Vazirlar Mahkamasi tomonidan” degan soʻzlar “Iqtisodiyot vazirligi tomonidan” degan soʻzlar bilan almashtirilsin;

16-bandning ikkinchi xatboshisidagi “Oʻzbekiston Respublikasi Bosh vazirining birinchi oʻrinbosari — Vazirlar Mahkamasining Iqtisodiyot va tashqi iqtisodiy aloqalar masalalari boʻyicha kompleks rahbari tomonidan” degan soʻzlar “Oʻzbekiston Respublikasi iqtisodiyot vaziri tomonidan” degan soʻzlar bilan almashtirilsin;

17-bandning birinchi xatboshisidagi “Vazirlar Mahkamasi” degan soʻzlar chiqarib tashlansin;

28-bandning uchinchi xatboshisidagi “Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi tomonidan oʻtkaziladigan” degan soʻzlar chiqarib tashlansin;

35-banddagi “Hukumat qarori bilan” degan soʻzlar “iqtisodiyot vazirining buyrugʻi bilan” degan soʻzlar bilan almashtirilsin.

2. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzurida Ijtimoiy tadqiqotlar institutini tashkil etish toʻgʻrisida”gi 2008-yil 30-iyuldagi PQ-930-son qarorida:

a) nomlanishidagi “Vazirlar Mahkamasi” degan soʻzlar “Moliya vazirligi” degan soʻzlar bilan almashtirilsin;

b) 1-bandda:

birinchi xatboshidagi “Vazirlar Mahkamasi” degan soʻzlar “Moliya vazirligi” degan soʻzlar bilan almashtirilsin;

ikkinchi xatboshi chiqarib tashlansin;

v) 4-bandning ikkinchi va uchinchi xatboshilaridagi “Vazirlar Mahkamasi” degan soʻzlar tegishincha “moliya vaziri” va “Moliya vazirligi” degan soʻzlar bilan almashtirilsin;

g) 8-bandning uchinchi xatboshisidagi “Oʻzbekiston Respublikasi Vazirlar Mahkamasi huzuridagi Fan va texnologiyalar rivojlanishini muvofiqlashtirish qoʻmitasi tomonidan oʻtkaziladigan” degan soʻzlar chiqarib tashlansin;

d) ilova nomlanishidagi “Vazirlar Mahkamasi” degan soʻzlar “Moliya vazirligi” degan soʻzlar bilan almashtirilsin.

3. Oʻzbekiston Respublikasi Prezidentining “Moliya organlari faoliyatini yanada takomillashtirish chora-tadbirlari toʻgʻrisida”gi 2017-yil 18-martdagi PQ-2847-son qaroriga 1-ilova (Oʻzbekiston Respublikasi Moliya vazirligining tashkiliy tuzilmasi) quyidagi tahrirdagi blok bilan toʻldirilsin:

4. Oʻzbekiston Respublikasi Prezidentining “Oʻzbekiston Respublikasi Iqtisodiyot vazirligi faoliyatini tubdan takomillashtirish chora-tadbirlari toʻgʻrisida”gi 2017-yil 28-apreldagi PQ-2934-son qaroriga 1-ilovada (Oʻzbekiston Respublikasi Iqtisodiyot vazirligining tashkiliy tuzilmasi):

bloki chiqarib tashlansin;

quyidagi tahrirdagi blok bilan toʻldirilsin:

5. Oʻzbekiston Respublikasi Prezidentining “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida”gi 2018-yil 17-yanvardagi PQ-3479-son qaroriga 3-ilovadan (2019-yil 1-yanvarga qadar muddatga import qilishda bojxona toʻlovlari toʻlash boʻyicha imtiyoz beriladigan (bojxona rasmiylashtiruvi uchun yigʻimlar bundan mustasno) mahsulot, xom ashyo va materiallar turlarining roʻyxati) 4-qator chiqarib tashlansin.