LexUZ sharhi
qaror nomiga O‘zbekiston Respublikasi Prezidentining 2018-yil 15-fevraldagi PQ-3534-sonli Qaroriga asosan o‘zgartirish kiritilgan. Rus tili matniga qarang.
LexUZ sharhi
Mazkur qaror O‘zbekiston Respublikasi Prezidentining 2018-yil 29-maydagi PQ-3752-sonli “Ilmiy-tadqiqot institutlari faoliyatining ijtimoiy-iqtisodiy sohadagi faoliyatini takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Aholi turmush darajasi va sifatini oshirish muammolarini chuqur tizimli tadqiq qilish, aholining pul daromadlari o‘sishi sur’atlari va tarkibining, bozor ijtimoiy-iqtisodiy islohotlarini chuqurlashtirish sharoitida jamiyatdagi ijtimoiy tabaqalanish jarayonlarining kompleks ijtimoiy tekshirishlarini tashkil etish, shuningdek aholi turmush darajasini oshirish, ijtimoiy barqarorlik va muttasil ijtimoiy taraqqiyotni ta’minlash bo‘yicha ilmiy asoslangan takliflarni ishlab chiqish maqsadida:
1. O‘zbekiston Respublikasi Vazirlar Mahkamasi huzurida Ijtimoiy tadqiqotlar instituti (keyingi o‘rinlarda — Institut deb yuritiladi) tashkil etilsin.
LexUZ sharhi
1-bandning birinchi xatboshiga O‘zbekiston Respublikasi Prezidentining 2018-yil 15-fevraldagi PQ-3534-sonli Qaroriga asosan o‘zgartirish kiritilgan. Rus tili matniga qarang.
Institut faoliyatini bevosita muvofiqlashtirish va boshqarish O‘zbekiston Respublikasi Iqtisodiyot vazirligi zimmasiga yuklanadi.
LexUZ sharhi
1-bandning ikinchi xatboshiga O‘zbekiston Respublikasi Prezidentining 2018-yil 15-fevraldagi PQ-3534-sonli Qaroriga asosan o‘zgartirish kiritilgan. Rus tili matniga qarang.
respublika aholisining turmush darajasini baholash bo‘yicha ishlab chiqilgan obyektiv mezonlar asosida mamlakat va mintaqalar doirasida aholi turmush darajasi va sifatini oshirish, aholi farovonligi o‘zgarishlarining sur’atlari ustidan tizimli monitoring olib borish va tahlil etish;
aholi turmush darajasining turli ko‘rsatkichlari, shu jumladan uning daromad miqdorlari va manbalarini tizimli ravishda ijtimoiy tadqiq qilish metodologiyasini ishlab chiqish va olib borish;
jamiyatning ijtimoiy tabaqalanish jarayonlari va sur’atini chuqur o‘rganish hamda monitoring qilish, ularning eng quyi holatlari oldini olish bo‘yicha taklif va tavsiyalar ishlab chiqish;
mahalliy iste’mol xususiyatlari, an’analar, tabiiy-iqlim sharoitlari va O‘zbekistonning boshqa o‘ziga xosliklarini hisobga olgan holda aholining turli guruhlari uchun iste’mol savatining ilmiy asoslangan tarkibini belgilash, mamlakat va mintaqalar ko‘lamida uning narxi o‘zgarishini monitoring qilish;
ijtimoiy-iqtisodiy ko‘rsatkichlarni, aholi turmush darajasi va sifatini kuzatib borish hamda tahlil qilish bilan shug‘ullanuvchi yetakchi xorijiy tadqiqotchilik, tahliliy markazlari va institutlarining ish tajribasini o‘rganish, shu asosda undan Institutning tadqiqot faoliyatida foydalanish chora-tadbirlarini ishlab chiqish;
aholi turmush darajasining holati va uni rivojlantirish istiqbollari, mamlakatdagi ijtimoiy-iqtisodiy vaziyat masalalari bo‘yicha davlat hokimiyati va boshqaruv organlarini tezkor axborot-tahliliy ma’lumotlar bilan ta’minlash.
Institut tadqiqotlarining eng muhim funksional yo‘nalishlari bo‘yicha shakllantiriladigan loyihalar Institutning asosiy tarkibiy bo‘linmalari hisoblanadi;
tadqiqot loyihalariga ilmiy ish tajribasiga ega bo‘lgan yuqori darajada malakali mutaxassislar orasidan tanlov asosida tayinlanadigan loyihalar rahbarlari boshchilik qiladilar;
qonun hujjatlariga muvofiq, loyihalarning rahbarlari va ijrochilari bilan bir yilga mo‘ljallangan, mavzu, maqsadlar, vazifalar va loyihani amalga oshirishning asosiy bosqichlari aniq ko‘rsatilgan mehnat shartnomalari (kontraktlari) tuziladi;
loyihalar rahbarlarining hisobotlari Institut ilmiy kengashi majlislarida muntazam ravishda tinglab boriladi, ilmiy kengash yil yakunlari bo‘yicha olib borilgan tadqiqotlar natijalari va sifatini baholaydi hamda loyiha doirasidagi tadqiqotlarni davom ettirish yoki uni yopish to‘g‘risida qaror qabul qiladi;
Institut xodimlariga davlat boshqaruvi organlari xodimlari uchun belgilangan mehnatga haq to‘lash, mukofotlash va moddiy yordam ko‘rsatish shartlari tatbiq etiladi.
4. Xodimlarning cheklangan soni 64 nafar (yordamchi va xizmat ko‘rsatuvchi xodimlardan tashqari), shu jumladan 39 nafar ilmiy xodimlardan iborat bo‘lgan Ijtimoiy tadqiqotlar instituti tuzilmasi ilovaga* muvofiq tasdiqlansin.
Belgilab qo‘yilsinki, Institut direktori O‘zbekiston Respublikasi Vazirlar Mahkamasi tomonidan lavozimga tayinlanadi va ozod etiladi.
LexUZ sharhi
4-bandning ikinchi xatboshiga O‘zbekiston Respublikasi Prezidentining 2018-yil 15-fevraldagi PQ-3534-sonli Qaroriga asosan o‘zgartirish kiritilgan. Rus tili matniga qarang.
Institut direktoriga O‘zbekiston Respublikasi Vazirlar Mahkamasi bilan kelishilgan holda Institutning tasdiqlangan tuzilmasiga zarur hollarda xodimlarning belgilangan cheklangan soni doirasida o‘zgartish kiritish huquqi berilsin.
LexUZ sharhi
4-bandning uchinchi xatboshiga O‘zbekiston Respublikasi Prezidentining 2018-yil 15-fevraldagi PQ-3534-sonli Qaroriga asosan o‘zgartirish kiritilgan. Rus tili matniga qarang.
* Ilova rus tilidagi matinda berilgan.
ikki oy muddatda Institutning joylashtirilishini va uni zarur kompyuter texnikasi hamda nusxa ko‘paytirish texnikasi, dasturiy vositalar, idora mebellari hamda Institut samarali ish olib borishi uchun zarur bo‘lgan boshqa moddiy-texnika vositalari, metodik materiallar bilan ta’minlasin;
2008-yilning yakunigacha Institut bo‘linmalarini ijtimoiy jarayonlarni tahlil qilish ko‘nikmalariga ega, mamlakatda olib borilayotgan iqtisodiy islohotlar mohiyatini chuqur anglab yetgan yuqori malakali, tajribali mutaxassislar bilan to‘ldirishni ta’minlasin .
6. Institut O‘zbekiston Respublikasi Moliya vazirligi bilan kelishilgan holda Institutning shtat jadvalini ishlab chiqsin va belgilangan tartibda tasdiqlasin.
boshqa ilmiy-tadqiqot tashkilotlari, jamg‘armalar, ta’lim muassasalari, shu jumladan xalqaro va xorijiy tashkilotlar bilan qo‘shma tadqiqotlar olib borish uchun shartnomalar tuzish;
ilmiy-tadqiqot loyihalari va dasturlarini ishlab chiqish uchun shartnoma asosida davlat boshqaruvi organlari, idoralar, banklar mutaxassislarini, tadqiqot markazlari xodimlarini, olimlar va ta’lim muassasalari o‘qituvchilarini, shu jumladan xorijiy muassasalardan jalb etish;
noshirlik faoliyatini amalga oshirish, turmush darajasi va inson rivoji muammolariga bag‘ishlangan axborot-tahliliy sharhlar, ma’ruzalarni chop etish;
Institut zimmasiga yuklangan vazifalar doirasida markaziy organlar, vazirliklar, idoralar va boshqa tashkilotlardan barcha zarur normativ, statistik va tahliliy axborotlarni so‘rash hamda bepul olish.
Institut ta’minoti, uning moddiy-texnika bazasini shakllantirish, foydalanish va rivojlantirish, ijtimoiy tadqiqotlar o‘tkazish va Institutning boshqa ehtiyojlari uchun ajratiladigan maqsadli budjet mablag‘lari;
O‘zbekiston Respublikasi Vazirlar Mahkamasi huzuridagi Fan va texnologiyalar rivojlanishini muvofiqlashtirish qo‘mitasi tomonidan o‘tkaziladigan grant tanlovlari natijalari bo‘yicha ajratiladigan mablag‘lar;
LexUZ sharhi
8-bandning uchinchi xatboshiga O‘zbekiston Respublikasi Prezidentining 2018-yil 15-fevraldagi PQ-3534-sonli Qaroriga asosan o‘zgartirish kiritilgan. Rus tili matniga qarang.
vazirliklar va idoralarning buyurtmanomalari bo‘yicha tadqiqotlar o‘tkazish uchun ular tomonidan ajratiladigan mablag‘lar;
xalqaro moliya institutlari va donor tashkilotlarning grantlari, amaldagi qonun hujjatlari doirasidagi boshqa mablag‘lar.
9. Institutning o‘z ehtiyojlari uchun import qilinadigan jihozlar, jumladan kompyuter va telekommunikatsiya tizimlari, dasturiy ta’minot vositalari bojxona to‘lovlari (bojxona rasmiylashtiruvi yig‘imlaridan tashqari) to‘lashdan ozod qilinsin, bo‘shaydigan mablag‘lar esa Institut zimmasiga yuklatilgan vazifalarni bajarishga yo‘naltirsin.
10. O‘zbekiston Respublikasi Davlat statistika qo‘mitasi aholi turmush darajasi bilan bog‘liq barcha o‘tkaziladigan ijtimoiy va budjet tadqiqotlariga oid ma’lumotlarni muntazam ravishda Institutga belgilangan tartibda bepul taqdim etib borsin.
O‘zbekiston Respublikasi Prezidenti farmonlari, qarorlari va farmoyishlari, Oliy Majlis materiallari, Vazirlar Mahkamasi qarorlari va farmoyishlari, vazirliklar va idoralarning normativ hamda yo‘riqnoma tarzidagi hujjatlari yuborilishi shart bo‘lgan tashkilotlar ro‘yxatiga;
Institut kutubxonasini shakllantirish uchun matbuot nashri va kitob mahsulotlaridan (ijtimoiy-siyosiy, iqtisodiy va huquqiy nashrlar) bittadan nazorat nusxalarini (1 nusxa) bepul oladigan tashkilotlar ro‘yxatiga;
O‘zbekiston Respublikasi Davlat statistika qo‘mitasi, Moliya vazirligi, Tashqi iqtisodiy aloqalar, investitsiyalar va savdo vazirligi, Mehnat va aholini ijtimoiy muhofaza qilish vazirligi, Davlat soliq qo‘mitasi, Davlat bojxona qo‘mitasi, Davlat raqobat qo‘mitasi, boshqa vazirliklar hamda idoralarining statistik axborotnomalari yuborilishi shart bo‘lgan reyestrga kiritilsin.
(10-bandning beshinchi xatboshisi O‘zbekiston Respublikasi Prezidentining 2013-yil 28-avgustdagi PF-4561-sonli Farmoni tahririda — O‘R QHT, 2013-y., 36-son, 477-modda)
LexUZ sharhi
10-bandning beshinchi xatboshisiga O‘zbekiston Respublikasi Prezidentining 2017-yil 16-oktabrdagi PF-5204-sonli Farmoniga asosan o‘zgartirish kiritilgan. Rus tili matniga qarang.
2008-yilda Institutning asoslangan hisob-kitoblari bo‘yicha uning joriy ta’minoti, xodimlar mehnatiga haq to‘lash, ajratilgan binoni kapital va joriy ta’mirlash, mebel, tashkiliy texnika, aloqa vositalari bilan jihozlash, ikkita yengil avtomobilni xarid qilish va uning ta’minoti, axborotnoma nashrlari, shu jumladan xorijiy nashrlarga obunani tashkil etish, ijtimoiy tadqiqotlar o‘tkazish uchun mablag‘lar ajratsin;
2009-yildan boshlab fan uchun mo‘ljallangan mablag‘lar hisobidan har yili Institutga ta’minot, texnik jihozlash, moddiy-texnika bazasini mustahkamlash, axborotnoma nashrlari, shu jumladan xorijiy nashrlarga obunani tashkil etish, shuningdek muntazam ravishda ijtimoiy tadqiqotlar o‘tkazish uchun mablag‘lar ajratsin.
12. Toshkent shahar hokimligi ikki hafta muddatda Ijtimoiy tadqiqotlar institutini joylashtirish uchun bino ajratsin.
13. O‘zbekiston Aloqa va axborotlashtirish agentligi (A. Aripov) bir oy muddatda Institutni zarur turdagi aloqa vositalari, jumladan hukumat aloqa vositasi bilan, shuningdek Internet tarmog‘idan foydalanishni belgilangan tartibda ta’minlasin.
14. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.