T/r

Chora-tadbirlarning nomlanishi

Muddatlari

Amalga oshirish shakli

Mas’ul ijrochilar

I. “O‘ZBEKISTON BO‘YLAB SAYOHAT QIL!” ICHKI TURIZMNI RIVOJLANTIRISH DASTURINI AMALGA OSHIRISH BO‘YICHA TASHKILIY CHORALAR

1.

Ishtirokchilar uchun, shu jumladan, ekskursiyalar va turlarni o‘tkazish dasturlari va jadvallari ko‘rsatmalari bilan kalendar reja tartibi va muddatlarini shakllantirishni belgilashni nazarda tutuvchi “O‘zbekiston bo‘ylab sayohat qil!” ichki turizmni rivojlantirish Dasturini amalga oshirish to‘g‘risidagi Nizomni tasdiqlash.

2018-yil fevral

Ijrochilar qarori

Turizmni rivojlantirish davlat qo‘mitasi, O‘zbekiston yoshlar ittifoqi, Xalq ta’limi vazirligi, Oliy va o‘rta maxsus ta’lim vazirligi

2.

O‘zbekiston yoshlar ittifoqi huzuridagi “Yoshlar turizm agentligi” va Kasaba uyushmalari Federatsiyasi kengashi huzuridagi “Kasaba sayr” misolida ekskursiyalar va turlarni muvofiqlashtirish bo‘yicha quyidagi tarkibiy bo‘linmalarni tuzish:

O‘zbekiston Xotin-qizlar qo‘mitasi huzurida — “Nafis sayohat”;

“Nuroniy” jamg‘armasi huzurida — “Sayyoh nuroniy”;

“Mahalla” jamg‘armasi huzurida — “Mahalla sayr”.

2018-yil mart

Ijrochilar qarori

O‘zbekiston Xotin-qizlar qo‘mitasi, “Mahalla” jamg‘armasi, “Nuroniy” jamg‘armasi, O‘zbekiston yoshlar ittifoqi, O‘zbekiston Kasaba uyushmalari federatsiyasi kengashi

3.

Davlat va xo‘jalik boshqaruvi organlari tizimida tegishli bo‘linmalarni belgilash bo‘yicha choralarni qabul qilish yoki shaxsiy turistik kompaniyalarini (operatorlarni), shuningdek katta korxonalar (o‘rtacha yillik 300 dan ko‘p xodimlar soni bilan), “O‘zbekiston bo‘ylab sayohat qil!” Dasturi doirasida sayrlarning muvofiqlashtirilishi va tashkil etilishining monitoringini ta’minlovchi ularning hududiy zvenolarini (zarurat tug‘ilganda) tuzish.

2018-yil mart

Vazirliklar, idoralar va boshqa tashkilotlarning buyrug‘i (qarori)

Davlat va xo‘jalik boshqaruvi organlari, yirik korxonalar, Turizmni rivojlantirish davlat qo‘mitasi, Davlat statistika qo‘mitasi

4.

“O‘zbekiston bo‘ylab sayohat qil!” Dasturi doirasida hududlarda turistlar oqimi past bo‘lgan davrda amalga oshiriladigan sayohatlarga turistik infratuzilmani tayyorlash bo‘yicha kompleks choralarni o‘rganish va qabul qilish, jumladan:

joylashtirish vositalari, jamoat ovqatlanish punktlari, sanitariya-gigiyena uzellari, transport vositalari, madaniy meros obyektlari va boshqa diqqatga sazovor joylarni inventarizatsiya qilish va xizmat ko‘rsatishga tayyorlash;

Yo‘l-ma’lumot ko‘rsatkichlarini va boshqa turistik navigatsiya ko‘rsatkichlarini o‘rnatish/yangilash;

turistik infratuzilma obyektlarida turli madaniy-ko‘ngilochar tadbirlarni, shuningdek diskont dasturlarni o‘tkazish.

O‘rganishlar natijalarini O‘zbekiston Respublikasi davlat turizmni rivojlantirish qo‘mitasi va sayohatlar jadvalini shakllantirishda hisobga olish uchun sayohat muvofiqlashtiruvchilariga jo‘natish.

har yili yozgi ta’tillar boshlanishidan oldin va turistlar oqimi past bo‘lgan davrda

Mahalliy davlat xokimiyati organlarining qarori

Qoraqalpog‘iston Respublikasi Vazirlar Kengashi, viloyatlar va Toshkent shahar hokimligi, Madaniyat vazirligi, Turizmni rivojlantirish davlat qo‘mitasi,

O‘zbekiston yoshlar ittifoqi, O‘zbekiston Kasaba uyushmalari federatsiyasi kengashi,

Mahalla” jamg‘armasi, “Nuroniy” jamg‘armasi

5.

Sayohatlar muvofiqlashtiruvchilariga ekskursiyalar va turlarni tashkil etishda ko‘maklashish maqsadida kelgusida ularga jo‘natish uchun aniq mezonlar asosida tur operatorlik xizmatlarini ko‘rsatuvchi tavsiya qilinadigan turistik faoliyat subyektlarining ro‘yxatini muntazam shakllantirish.

har yili, 2018-yil fevraldan boshlab

Ro‘yxatni shakllantirish, uni muntazam yangilash va e’lon qilish

Davlat turizmni rivojlantirish qo‘mitasi, O‘zbekiston yoshlar ittifoqi, O‘zbekiston Kasaba uyushmalari federatsiyasi kengashi “Mahalla” jamg‘armasi, “Nuroniy” jamg‘armasi

6.

Ekskursiya paytida foydalanish uchun zarur bo‘lgan borib ko‘rishga tavsiya etiladigan obyektlar va hududlar ro‘yxati, shu jumladan O‘zbekistonning tarixiy va zamonaviy diqqatga sazovor joylarining ro‘yxatini, axborot-targ‘ibot materiallarini tayyorlash va sayohatlar muvofiqlashtiruvchilariga jo‘natish.

har yili, 2018-yil fevraldan boshlab

Ro‘yxatni tayyorlash, uni muntazam yangilab borish va sayohatlar muvofiqlashtiruvchilariga jo‘natish

Madaniyat vazirligi, Respublika ma’naviyat va ma’rifat markazi, O‘zbekiston yoshlar ittifoqi, “Mahalla” jamg‘armasi, “Nuroniy” jamg‘armasi, Turizmni rivojlantirish davlat qo‘mitasi

7.

Borib ko‘rish marshrutini belgilash (rejimdagi obyektlar uchun) va uni O‘zbekiston yoshlar ittifoqi va sayohatning boshqa muvofiqlashtiruvchilariga taqdim etish bilan yoshlarni g‘urur va vatanparvarlik ruhida tarbiyalashda yordam beradigan va “O‘zbekiston bo‘ylab sayohat qil!” ichki turizmni rivojlantirish Dasturi doirasida borib ko‘rishga tavsiya etiladigan, industrial turizmni tashkil etish uchun obyektlar ro‘yxatini (katta kombinatlar, zavodlar, ishlab chiqarish komplekslari, erkin iqtisodiy zonalar va boshqalar) shakllantirish.

har yili, 2018-yil martdan boshlab

Ro‘yxatni shakllantirish

Vazirlar Mahkamasining Axborot-tahliliy departamentlari

8.

Ta’til davrida Samarqand, Buxoro, Xiva, Shahrisabz, Termiz, Qo‘qon, Marg‘ilon va Toshkent shaharlarida o‘quvchilar uchun ularning tarix, madaniyat va o‘zbek xalqining ana’nalari to‘g‘risida bilimlarini oshirishga yo‘naltirilgan turli konsert dasturlari, teatrlashtirilgan tomoshalar va boshqa tadbirlar o‘tkazilishini nazarda tutuvchi madaniy-bilishga oid “Shahar haftaligi” festivallari o‘tkazilishini ta’minlash.

Jadval asosida

Mahalliy davlat hokimiyati organlari qarori

Samarqand, Buxoro, Xorazm, Qashqadaryo, Surxondaryo, Farg‘ona viloyatilari va Toshkent shahri hokimliklari, Madaniyat vazirligi, Turizmni rivojlantirish davlat qo‘mitasi

9.

“O‘zbekiston bo‘ylab sayohat qil!” ichki turizmni rivojlantirish Dasturi ishtirokchilariga yozgi ta’til va past darajadagi bandlik paytida sayohatlar muvofiqlashtiruvchilarining talabnomalariga asosan Vazirlar Mahkamasining 2012-yil 13-apreldagi 109-son qarori bilan tasdiqlangan O‘zbekiston Respublikasi temir yo‘l transportida yo‘lovchilar, bagaj va yuk bagaj tashish qoidalari asosida ichki yo‘nalishdagi poyezdlarga joy band qilib qo‘yish va chiptalarni chegirma taqdim qilgan holda sotishni ta’minlash.

loyihalarni amalga oshirish davrida

Ijrochilar qarori

“O‘zbekiston temir yo‘llari” AJ, O‘zbekiston yoshlar ittifoqi, O‘zbekiston Xotin-qizlar qo‘mitasi, O‘zbekiston Kasaba uyushmalari federatsiyasi kengashi, “Mahalla” jamg‘armasi, “Nuroniy” jamg‘armasi

10.

“Uzbekistan Pass” loyihasi doirasida: kasaba uyushmalari orqali tarqatiladigan imtiyozli sharoitlarni va turistik obyektlarni, joylashtirish vositalari, sanatoriya-kurort muassasalari va bolalar, yoshlar, yoshi katta fuqarolar, nogironlar, ko‘p bolali oilalar va budjet sohasidagi xodimlar dam olish maskanlariga borish uchun chegirmalar berishni nazarda tutuvchi yagona diskont kartasini;

2018-yil mart

Ijrochilar qarori

Turizmni rivojlantirish davlat qo‘mitasi, “TNN Sarmoya”
kompaniyasi, tadbirkorlik subyektlari

mehnat ta’tili paytida tashkilotlar xodimlari o‘rtasida kasaba uyushmalari tomonidan tarqatiladigan jamlash tizimi bo‘lgan diskont kartalarini ishlab chiqish va joriy etish.

2018-yil aprel

11.

“O‘zbekiston bo‘ylab sayohat qil!” ichki turizmni rivojlantirish Dasturi ishtirokchilari va ularni kuzatib boruvchilarning yo‘nalishlari bo‘yicha kasalliklar profilaktikasi va vaqtincha yashash joylarida sog‘liqni muhofaza qilish bo‘yicha choralarni muvofiqlashtirish va ta’minlash, shuningdek, birinchi tibbiy yordam ko‘rsatish masalalari bo‘yicha sayohat muvofiqlashtiruvchilarining mas’ul xodimlari va turistik faoliyat subyektlariga o‘z vaqtida yo‘l-yo‘riq ko‘rsatish.

turlarni o‘tkazish boshlanishidan oldin

Idoralararo choralar rejasi

Sog‘liqni saqlash vazirligi, O‘zbekiston yoshlar ittifoqi, O‘zbekiston Xotin-qizlar qo‘mitasi, O‘zbekiston Kasaba uyushmalari federatsiyasi kengashi, “Mahalla” jamg‘armasi, “Nuroniy” jamg‘armasi, turistik faoliyat subyektlari

12.

Zarur hollarda va sayohatlar muvofiqlashtiruvchilarining talabnomalariga ko‘ra turlar ishtirokchilarini olib yuradigan transport vositalarini O‘zbekiston Respublikasi Ichki ishlar vazirligining Davlat yo‘l harakati xavfsizligi xizmati organlarining maxsus transportlarida bepul kuzatib borilishini ta’minlash.

turlar o‘tkazilishi davrida

Ijrochilarning qarori

IIV, O‘zbekiston yoshlar ittifoqi, O‘zbekiston Xotin-qizlar qo‘mitasi, O‘zbekiston Kasaba uyushmalari federatsiyasi kengashi, “Mahalla” jamg‘armasi, “Nuroniy” jamg‘armasi, turistik faoliyat subyektlari

II. ICHKI TURIZM SALOHIYATINI RIVOJLANTIRISH BO‘YICHA CHORALAR

13.

“O‘zbekiston bo‘ylab sayohat qil!” ichki turizmni rivojlantirish Dasturida ishtirok etishga ishchilarni, mahalla faollarini, ayollar jamoasini, mehnat faxriylari va o‘quvchilarni, shu jumladan asosan chekka hududlardagi aholi punktlari o‘quvchilariga alohida e’tibor qaratgan holda yosh turistlar va o‘lkashunoslik to‘garaklari a’zolarini jalb qilish maqsadida keng targ‘ibotni o‘tkazish.

har yili tasdiqlanadigan jadvalga asosan

Aniq jadvalli harakatlar rejasining tasdiqlanishini ko‘zda tutuvchi ijrochilar qarori

O‘zbekiston yoshlar ittifoqi, Xalq ta’limi vazirligi, Oliy va o‘rta-maxsus ta’lim vazirligi, O‘zbekiston Xotin-qizlar qo‘mitasi, O‘zbekiston Kasaba uyushmalari federatsiyasi kengashi, “Mahalla” jamg‘armasi, “Nuroniy” jamg‘armasi

14.

Ona o‘lka tarixi, arxeologik va madaniy merosni chuqurlashtirilgan holda o‘rganish, mamlakatning tabiiy boyliklari bilan tanishish, ekologiya va atrof muhitni muhofaza qilish sohasidagi bilimlar asosini egallashga yo‘naltirilgan umumta’lim maktablari va “Barkamol avlod” bolalar markazlarining o‘lkashunoslik va ekologiya to‘garaklari faoliyatini kuchaytirish bo‘yicha kompleks choralar Rejasini tasdiqlash.

Ko‘rsatib o‘tilgan to‘garaklar ishtirokchilari ichidan yosh mutaxassislarni tayyorlash, mutaxassislar tomonidan turizm sohasida keyinchalik ularning malakasini oshirish bilan ekskursiyalar va turlar tashkil etilishini ta’minlash.

2018-yil mart

Kompleks tadbirlar rejasi

Xalq ta’limi vazirligi, O‘zbekiston yoshlar ittifoqi, Turizmni rivojlantirish davlat qo‘mitasi, vazirlik va idoralar

15.

Mamlakat hududlarining turistik salohiyati to‘g‘isida video-axborot roliklar, shuningdek, “O‘zbekiston bo‘ylab sayohat qil!” ichki turizmni rivojlantirish Dasturi doirasida amalga oshiriladigan chora-tadbirlarga bag‘ishlangan bir qator syujetla� va ko‘rsatuvlar tayyorlash va respublika hamda joylardagi teleradiokanallarda bepul asosda har kuni 10-marta (ertalab 07.00 dan 09.00 gacha va kechqurun 18.00 dan 21.00 gacha) translyatsiya qilish.

2018-yil fevral oyidan

Ijrochilar qarori

MTRK, EOAVMA, O‘zbekiston yoshlar ittifoqi, Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

16.

O‘zbekiston Respublikasi Davlat budjeti hamda Turizm va sportni qo‘llab-quvvatlash jamg‘armasi mablag‘lari hisobiga moliyalashtiriladigan, tasvirga olish ishlari va reklama mahsulotlari tayyorlashni o‘z ichiga olgan mukofot jamg‘armasi bo‘lgan “Ichki turizmni targ‘ib qilish bo‘yicha eng yaxshi teleko‘rsatuvlar ssenariysi” mavzuyida har yili tanlov o‘tkazish.

har yili 1-martga qadar

Ijrochilar qarori

Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, Buxoro, Jizzax, Qashqadaryo, Samarqand, Surxondaryo, Toshkent, Farg‘ona, Xorazm viloyatlari va Toshkent shahri xokimliklari, tadbirkorlik subyektlari

17.

Ichki turizmni rivojlantirishga, turistik mahsulotlarni diversifikatsiya qilishga, mamlakatda turizmning mavsumiyligi va hududiy konsentratsiyasining qisqartirilishiga ko‘maklashish masadida, fuqarolarning O‘zbekiston to‘g‘risida xilma-xil turistik mahsulot taklif etuvchi, turistik destinatsiya (turistlarni jalb etuvchi geografik hudud) yil bo‘yi davom etishi to‘g‘risida xabardorligini oshirishga yo‘naltirilgan kompleks marketing kampaniyalari o‘tkazishni ta’minlash, shuningdek, ichki turistik xizmatlarning domiy iste’molchilari kontingentini kengaytirish.

Bunda marketing kampaniyasini o‘tkazish doirasida quyidagilarni nazarda tutish:

O‘zbekiston Respublikasi tarixiy-madaniy obyektlari to‘g‘risida qiziqarli ma’lumotlarga ega bo‘lgan audio-, video-ensiklopediyalar va filmlar ishlab chiqarish hamda ularni tizimli ravishda milliy televideniyeda translyatsiya qilish;

joylardagi ijro hokimiyati organlari tomonidan jurnalistik turlar (hududlardagi alohida turistik joylar va obyektlarning taqdimotiga yo‘naltirilgan mavzuga oid sayohatlar) o‘tkazish;

O‘zbekiston Respublikasida turizm to‘g‘risidagi ijtimoiy reklamani yaratish va televideniye, radio, elektron va bosma ommaviy axborot vositalari, ijtimoiy media, tashqi reklama vositalari orqali tarqatish;

mavjud va yangi teleko‘rsatuvlarga, davriy nashrlar va internet loyihalariga ichki turizmni rivojlantirishni targ‘ib qiluvchi va mahalliy aholini turizm sohasida oilaviy biznesni ochishga va olib borishga, shu jumladan, mehmonxona uylar yaratish va qishloq joylarda turistlarga turli xizmatlar ko‘rsatishga o‘rgatuvchi ichki turizm mavzularini joriy qilishni qo‘llab-quvvatlash va rag‘batlantirish;

zamonaviy axborot texnologiyalaridan foydalangan holda ijtimoiy tarmoqlarda ishlash va maxsus o‘yinlar kontentini yaratish bilan birgalikda maktab va yoshlar maqsadli auditoriyasi uchun turistik mahsulotni ishlab chiqish;

reklama mahsulotlarini tayyorlash (tashqi ekranlar uchun bannerlar va videoroliklar) va ularni mamlakat hududlarining eng ko‘p boriladigan joylariga o‘rnatish.

2018-2019-yillar

Ijrochilar qarori

Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirlik va idoralar, MTRK, O‘zbekiston matbuot va axborot agentligi, O‘zA, EOAVMA

18.

O‘zbekiston Respublikasi Davlat turizmni rivojlantirish qo‘mitasi raisining qaroriga ko‘ra ichki turizm doirasidagi chora-tadbirlarni yoritish bilan shug‘ullanuvchi va targ‘ib etuvchi bosma nashrlarga, blogerlarga, fotosuratchilarga, izlanuvchilarga turistik sohani budjetdan tashqari qo‘llab-quvvatlash Jamg‘armasi mablag‘lari hisobidan (grantlar) har yili 1 mlrd so‘mdan ko‘p bo‘lmagan (bir OAV ga 50 mln so‘mdan ko‘p bo‘lmagan, blogerlarga, fotosuratchilarga, izlanuvchilarga — 20 mln so‘mdan ko‘p bo‘lmagan) beg‘araz moliyaviy yordam ajratish.

2018-yil mart-aprel

Davlat turizmni rivojlantirish qo‘mitasi raisining qarori

Turizmni rivojlantirish davlat qo‘mitasi, ommaviy axborot vositalari

19.

Har yili 500 dan ortiq turistga xizmat ko‘rsatuvchi turistik faoliyat subyektlariga elektron to‘lov, band qilish (bron), ekvayring va boshqalarni o‘z ichiga olgan xizmatlarni taqdim etuvchi ko‘p tildagi veb-sayt bo‘lishi shartligi to‘g‘risidagi litsenziyaviy talablarni o‘rnatish.

2018-yil aprel

Vazirlar Mahkamasining qarori

Turizmni rivojlantirish davlat qo‘mitasi, vazirlik va idoralar

20.

Respublika hududlari, shaharlari va tumanlarining barcha ilgari tasdiqlangan brendlarining inventarizatsiyasini o‘tkazish va yakuni bo‘yicha O‘zbekiston Respublikasining tasdiqlangan yagona va investitsion brendidan kelib chiqib, turistik brendlarni ishlab chiqish umumrespublika tanlovini e’lon qilish.

Hudud, uning tarixi, madaniy xilma-xilliklari va individual faktorlarini hisobga olgan holda barcha brendlar uslubining bir xilligini ta’minlash.

Respublika mintaqalari va hududlarining brendlarini ishlab chiqish, shuningdek, har yili turistik brendlarni mamlakat ichida va undan tashqarida ilgari surish uchun mahalliy budjetlardan zarur mablag‘larni ajratish.

2018-yil oktabr

Ijrochilar qarori

Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Madaniyat vazirligi, Badiiy akademiya, Sport davlat qo‘mitasi, Fanlar akademiyasi, Intellektual mulk agentligi, vazirlik va idoralar

21.

“Eng yaxshi mehmonxona” (darajalar bo‘yicha), “Eng yaxshi mehmon uyi”, “O‘tovli eng yaxshi lager”, “Eng yaxshi turoperator” va “Eng yaxshi gid” (yo‘nalishlar bo‘yicha), “Eng yaxshi transport tashkiloti”, “Eng yaxshi umumiy ovqatlanish punkti”, “Eng yaxshi bloger”, “Eng yaxshi jurnalist” va boshqa alohida nominatsiyalar bo‘yicha har yili “Uzbekistan Tourism Industry Awards” mukofotini tashkil etish va o‘tkazish.

2018-yildan boshlab har yili

Vazirlar Mahkamasining qarori

Turizmni rivojlantirish davlat qo‘mitasi, Madaniyat vazirligi, MTRK, Savdo-sanoat palatasi, vazirlik va idoralar

22.

Internet tarmog‘i va OAVda keng yoritilishini nazarda tutgan holda xalqaro va respublika veloturlari va velomarafonlari, shuningdek, shaharlar va turistik ahamiyatga ega boshqa joylar bo‘ylab turistik safarlar bo‘yicha turnirlarni muntazam ravishda tashkil etish va o‘tkazish.

muntazam ravishda

Ijrochilar qarori

Sport davlat qo‘mitasi, Turizmni rivojlantirish davlat qo‘mitasi, vazirliklar va idoralar

III. ICHKI TURIZM OQIMINI RAG‘BATLANTIRISH BO‘YICHA CHORALAR

23.

Xonalarning xizmat ko‘rsatish darajasi va miqdoriga qarab mehmonxonalar va joylashtirish vositalaridan tabaqalashtirilgan tarzda olinadigan turistik (mehmonxona) yig‘imlari miqdorini tasdiqlash. Bunda quyidagilarni nazarda tutuvchi tartibni o‘rnatish:

turistik (mehmonxona) yig‘imlarini olishdan tushgan mablag‘lar daromad solig‘i (yagona soliq to‘lovi) va boshqa majburiy yig‘imlar va to‘lovlarga tortilmaydi;

tunash uchun joylashtirish vositasiga aylantirilgan palatkali lagerlarda va yer usti transportlarida yashash imkoniyatini tashkillashtirgan ijaraga turuvchilarning turistik yig‘im to‘lovi turistik faoliyat subyektlari tomonidan amalga oshiriladi.

2018-yil aprel

Vazirlar Mahkamasining qarori

Turizmni rivojlantirish davlat qo‘mitasi, vazirlik va idoralar

24.

Yo‘lovchi tashish tariflarini pasaytirish, baho belgilashningyanada moslashuvchan tizimini va barcha turdagi yo‘lovchi transportlariga agentlik sotuvi siyosatini joriy etish bo‘yicha choralar qabul qilish.

Respublika transporttizimining yagona elektron portalini yaratish yo‘li bilan reyslarning qulay tutashishi va ichki transport reyslari (avtobus, avia va temiryo‘l) yo‘nalishlari miqdori ko‘payishining rag‘batlantirilishini nazarda tutuvchi yagona yo‘lovchi chiptasi tizimini joriy etish bo‘yicha tahlil o‘tkazish va takliflar tayyorlash.

2018-yil aprel

Ijrochilar qarori

O‘zbekiston avtomobil va daryo transporti agentligi, “O‘zbekiston temir yo‘llari” AJ, “O‘zbekiston havo yo‘llari” MAK, IIV, Turizmni rivojlantirish davlat qo‘mitasi, tadbirkorlik subyektlari

25.

“Angren-Pop” A-373 (Qamchiq dovoni), “Samarqand-Kitob” M-39 (“Taxtaqoracha” dovoni), “G‘allaorol-Zomin” R-40 (Zomin davlat milliy tabiat bog‘i hududi orqali) yo‘llari bo‘ylab aniq vaqtda har xil ob-havo sharoitlarida yura oladigan 15 tagacha yo‘lovchi sig‘adigan avtotransport vostitalarida yo‘lovchi (turnet) tashishga ruxsat berishni o‘rganib chiqish va takliflar kiritish.

2018-yil aprel

Ijrochilar qarori

O‘zbekiston avtomobil va daryo transporti agentligi, IIV, Avtomobil yo‘llari davlat qo‘mitasi, Turizmni rivojlantirish davlat qo‘mitasi

26.

Har yili xalqaro tashkilotlarga a’zolik badalini to‘lashga yo‘naltirilgan umumiy miqdori 2 mlrd so‘mgacha bo‘lgan beg‘araz moliyaviy yordam ajratish yo‘li bilan Davlat turizmni rivojlantirish qo‘mitasining sheriklari — nodavlat notijorat birlashmalar faoliyatini instiutsional qo‘llab-quvvatlashni ta’minlash, xorijiy sheriklar bilan aloqalar o‘rnatish, xizmat safarlarining xarajatlarini, taqdimotlarni o‘tkazish uchun maydonlarni ijaraga olish va Davlat turizmni rivojlantirish qo‘mitasi raisining qaroriga muvofiq turizm sohasini qo‘llab-quvvatlash budjetdan tashqari Jamg‘armasining mablag‘lari hisobidan boshqa xarajatlarni qoplash.

2018 — 2020-yillar

Turizmni rivojlantirish davlat qo‘mitasining qarori

Turizmni rivojlantirish davlat qo‘mitasi, Xususiy turizm tashkilotlari uyushmasi, O‘zbekiston restoratorlari va mehmonxona egalari uyushmasi, O‘zbekiston oshpazlar uyushmasi, Ekstremal va tog‘ turizmi federatsiyasi, O‘zbekiston aeronavtika federatsiyasi, O‘zbekiston geografiya jamiyati

27.

Maktab, kollej va oliy o‘quv yurtlari o‘qituvchilari, din namoyandalari (imom-xatiblar), fuqarolar yig‘inlari faollari, Xotin-qizlar qo‘mitasi, “Nuroniy” jamg‘armasi va kasaba uyushmasi qo‘mitalari va tibbiyot muassasalari vakillari bilan aholi o‘rtasida ichki turizmni targ‘ib qilish bo‘yicha metodik qo‘llanmalar (yo‘riqnomalar) tayyorlash.

2018-yil aprel

Ijrochilar qarori

Turizmni rivojlantirish davlat qo‘mitasi, O‘zbekiston yoshlar ittifoqi, Xalq ta’limi vazirligi, Oliy va o‘rta maxsus ta’lim vazirligi, Sog‘liqni saqlash vazirligi, O‘zbekiston Xotin-qizlar qo‘mitasi, O‘zbekiston kasaba ushmalari federatsiyasi kengashi, ““Mahalla” jamg‘armasi, Nuroniy” jamg‘armasi

Yuqorida aytib o‘tilgan tashkilotlar vakilari bilan haftalar kesimida ichki turizmni targ‘ibot qilish va rivojlantirish uchun yillik ish rejalarini ishlab chiqish va tasdiqlash.

har yili 2018-yil 1-fevraldan

28.

Jismoniy shaxslarga, jumladan chet el fuqarolariga notarial rasmiylashtirmasdan va ichki ishlar organlarida ro‘yxatdan o‘tkazmasdan ixtisoslashgan tashkilotlar tomonidan avtotransport vositalarini qisqa muddatga (30 kungacha) (RENT-CAR) ijaraga (prokat) berish tartibi to‘g‘risidagi Nizomni tasdiqlash.

2018-yil aprel

Vazirlar Mahkamasining qarori

O‘zbekiston avtomobil va daryo transporti agentligi, Ichki ishlar vazirligi, Turizmni rivojlantirish davlat qo‘mitasi, vazirlik va idoralar

29.

Madaniyat vazirligi, Davlat turizmni rivojlantirish qo‘mitasi, Jismoniy tarbiya va sport bo‘yicha davlat qo‘mitasi, boshqa vazirlik va idoralar, shuningdek, mahalliy davlat hokimiyati organlarining takliflari asosida, yagona kalendar kuni doirasida butunjahon Internet aloqa tarmog‘i va ommaviy axborot vositalarida reklama joylashtirish orqali ularning aniq o‘tkazilish sanasini belgilagan holda, madaniy-ko‘ngilochar va ommaviy-sport tadbirlarining (umumrespublika festivallari, xalq sayillari, bayramlar, karnavallar, milliy o‘yinlar haftaligi, har xil sport turlari bo‘yicha sport tadbirlari va boshqa ommaviy tadbirlar) yagona kalendar kunini shakllantirish tartibini tasdiqlash.

2018-yil fevral

Turizmni rivojlantirish bo‘yicha muvofiqlashtiruvchi kengash qarori

Turizmni rivojlantirish bo‘yicha muvofiqlashtiruvchi kengash, Madaniyat vazirligi, Badiiy akademiya, Sport davlat qo‘mitasi, Turizmni rivojlantirish davlat qo‘mitasi, MTRK, O‘zbekiston Matbuot va axborot agentligi, O‘zbekiston axborot agentligi, vazirlik va idoralar

30.

Madaniyat vazirligi huzurida madaniy-ko‘ngilochar dasturlarni tashkil etish uchun folklor-etnografik guruhlarga buyurtma berish asosida xo‘jalik hisobidagi Xizmatni tashkil etish, shuningdek, folklor-etnografik guruhlar (shu jumladan, baxshi, maqom va boshqalar) bilan birga asosiy ijrochi va ishtirokchilari, respublika va hududlardagi teatrlar vakillari, raqqoslar, qo‘shiqchilar va boshqalar bazasini shakllantirish.

2018-yil mart

Vazirlar Mahkamasi qarori

Madaniyat vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

31.

Katta sanoat muassasalariga o‘sib kelayotgan avlodda vatanprarvarlik ruhini tarbiyalashga qaratilgan industrial turlarni tashkil etish, o‘zbek, rus va ingliz tillarida ekskursovod xizmatlarini taqdim etish bilan birga muassasa tarixi va texnologik jarayonlarini aks ettiruvchi tegishli ekspozitsiyalarni yaratish bilan yoshlarni ularning faoliyati bilan tanishtirish, shuningdek, tashrif buyuruvchilarga esdalik sertifikatlarini topshirish bilan ularning alohida texnologik jarayonlarda ishtirok etishi.

2018-yilning iyunidan boshlab

Ijrochilar qarori

Yirik sanoat korxonalari,

Turizmni rivojlantirish davlat qo‘mitasi

32.

Turistlar uchun ekskursiya sayohatlari qilish imkonini beruvchi Samarqand shahrida, keyinchalik esa respublikaning boshqa shaharlarida ham ikki qavatli avtobuslar qatnovini yo‘lga qo‘yish.

2018-yil aprel

Samarqand viloyat hokimining qarori

Samarqand viloyat hokimligi, “Aznur Travel” MCHJ, tadbirkorlik subyektlari

33.

2003-yil 4-noyabrda Vazirlar Mahkamasining 482-son qarori bilan tasdiqlangan avtobuslarda yo‘lovchilar tashish xavfsizligini ta’minlashga doir talablarga quyidagilarning: turistik avtobuslar xavfsizlik talablariga (GPS, majburiy va ixtiyoriy sug‘urta polisi, maxsus yorug‘lik qaytaruvchi liniyasi, haydovchilarda mobil aloqa, avariya holatlarida “ogohlantiruvchi tugma” va boshqalarning mavjud bo‘lishi) javob berishi sharti bilan mazkur avtobuslarni kuzatib borish;

ikkita haydovchisi bo‘lganda tungi vaqtlarda bo‘sh avtobuslarning qatnovini taqiqlash;

ichki ishlar hududiy organlari tomonidan tuziladigan har safar mahalliy turistik guruhlarni tashishdan oldin yangilanadigan transport vositasini texnik ko‘rikdan o‘tkazish dalolatnomasi (bir kishilik dalolatnoma);

respublika hududi bo‘ylab bir guruh fuqarolarning sayohatini tashkil etganda — hokimlik huzuridagi yo‘l xavfsizligini ta’minlash Komissiyasi bilan kelishish jarayonining man etilishini nazarda tutuvchi o‘zgartirishlar va qo‘shimchalar kiritish.

2018-yil may

Vazirlar Mahkamasining qarori

IIV, Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

34.

Umumiy ovqatlanish punktlari, klublar, ko‘ngilochar muassasalar va boshqa shunga o‘xshash muassasalarning soat 00.00 ga qadar ishlash taribi va shartlarini tasdiqlash, shuningdek, ko‘ngilochar maskanlarning “Tourist Friendly” ixtiyoriy sertifikatlashtirish tizimi bo‘yicha kecha-kunduz faoliyat yuritishini ta’minlash uchun ichki ishlar organlari bilan tezkor aloqa bo‘lishi zarurligi to‘g‘risidagi talablarni ishlab chiqish. Kecha-kunduz ishlash rejimidagi umumiy ovqatlanish punktlari, klublar, ko‘ngilochar maskanlar va boshqa shunga o‘xshash obyektlarning ro‘yxati va tasdiqlangan ish tartibi rasmiy manbalarda e’lon qilinishini ta’minlash.

2018-yil fevral

IIV va Davlat turizmni rivojlantirish qo‘mitasining qo‘shma qarori

IIV, Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

35.

Davlat turizmni rivojlantirish qo‘mitasi tomonidan turistlarni turistik kartalar, umumiy ovqatlanish punktlari to‘g‘risida ma’lumot, joylashish vositalari bilan ta’minlovchi, shuningdek, taksi chaqirish imkonini beruvchi, madaniy meros obyektlari va muzeylarga kirish chiptalari, suvenirlar, sim-kartalar hamda birinchi navbatda zarur bo‘lgan boshqa predmetlarni olish imkonini beradigan, davlat-xususiy sheriklik sxemasi asosida statsionar va mobil (ko‘chma) axborot markazlarini (do‘konchalar) o‘rnatish joyini belgilash.

Ma’lumot markazlari (do‘konchalar) va unda sotiladigan tovarlar ro‘yxati Davlat turizmni rivojlantirish qo‘mitasi bilan kelishiladi, bunda ularning joylashishiga ruxsat mahalliy hokimiyat organlari tomonidan ikki ish kuni mobaynida taqdim etiladi.

2018-yil martdan boshlab

Ijrochilar qarori

Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, tadbirkorlik subyektlari

IV. TURIZM INFRATUZILMASINI YAXSHILASH VA TURISTLAR UCHUN ZARUR SHAROITLAR YARATISH

36.

Puxta tahlil asosida tegishli viloyatlar hududlarida turistik zonalar va tog‘ turistik klasterlarini tashkil etish bo‘yicha asoslangan takliflarni ishlab chiqish va kiritish.

Bunda asosiy e’tiborni asoslanganlik va tegishli zonalar va klasterlar yaratishning iqtisodiy zarurligiga, ularning hududiy joylashishiga, kerakli muhandislik kommunikatsiyalari bilan ta’minlanganligiga, moliyalashtirish va soliq imtiyozlarining manbalarini belgilagan holda investorlarga taqdim etiladigan tegishli zonalar hududida turistik soha obyektlarini qurish bo‘yicha loyihalarni amalga oshirishga qaratish.

2018-yil iyun

Vazirlar Mahkamasining qarori

Xorazm, Farg‘ona, Jizzax, Qashqadaryo va Surxondaryo viloyatlari hokimliklari, Turizmni rivojlantirish davlat qo‘mitasi, Investitsiyalar bo‘yicha davlat qo‘mitasi

37.

Turistik zonalar va tog‘ klasterlarining aniq chegaralarini belgilash, shuningdek, zarur hujjatlarni (toposuratga olish, to‘liq kadastr hujjatlari, geologik qidiruvlar va seysmik daraja to‘g‘risida hisobotlar, harorat tebranishining yillik darajasi hamda boshqalar) taqdim etish bilan birgalikda rejalashtirilayotgan obyektlar qurilishi uchun investitsion kompaniyalarga o‘rnatilgan tartibda yer uchastkalari ajratilishini amalga oshirish.

Turistik zonalar va tog‘ klasterlari hududidagi obyektlar qurilishining manzilli ro‘yxatini ularni foydalanishga topshirishning aniq muddatlarini belgilagan holda tasdiqlash.

Qonunchilikka muvofiq, egalariga tegishli zararni qoplashni ta’minlash bilan birga, eskirgan binolarni buzish va turistik zonalar va tog‘ klasterlari binolari quriladigan hududlarni tozalashni o‘rnatilgan tartibda tashkil etish, shuningdek, qurilayotgan obyektlarda mahalliy budjet mablag‘lari hisobiga barcha zarur tashqi muhandislik-kommunikatsiya tarmoqlari va kommunal infratuzilmalarini o‘tkazmoq.

turistik zonalar va tog‘ klasterlarini barpo etish muddatlariga muvofiq

Vazirlar Mahkamasi qarori

Xorazm, Farg‘ona, Jizzax, Qashqadaryo, Surxondaryo viloyatlari hokimliklari, Davergeodezkadastr, Turizmni rivojlantirish davlat qo‘mitasi, vazirlik va idoralar, jalb qilingan tijorat banklari

38.

Shaharlarni va aholi punktlarini rivojlantirish dasturlarini ishlab chiqishda respublikaning har bir katta shahrida do‘konlari, supermarketlari, savdo markazlari va komplekslari bo‘lgan alohida savdo-sotiq ko‘chalari bo‘lishini, shuningdek, esdalik sovg‘alari, kafeteriylar, restoranlar, choyxonalar, magazinlar, hunarmandchilik do‘konlari va mahalliy hamda chet el turistlari uchun jozibador bo‘lgan boshqa ko‘ngilochar joylari bo‘lgan piyoda kvartali (hududi)ni, shuningdek, ularga olib boruvchi qulay yo‘llarni qurish va tegishli muhandislik-kommunal tuzilmani qurish bilan “Halol”, “Kosher” va “Vegan” standartlari talablarini inobatga olishni nazarda tutish.

Turistik zonalar va tog‘ klasterlarini rivojlantirish doirasida turli ekskursiyalar, tomosha dasturlari (chiroqli shoular, teatr tomoshalari, folklor ansambllari va estrada artistlarining konsertlari), bouling, bo‘sh vaqtlarda sport-sog‘lomlashtirish bilan shug‘ullanish va sayr-tomoshaning boshqa turlarini taqdim etuvchi katta madaniy-ko‘ngilochar komplekslar har bir viloyatda (shaharlarda va rekreatsion zonalarda) bosqichma-bosqich tashkil etishni ta’minlash.

Turistik zonalar va tog‘ klasterlarini loyihalashtirish jarayonida bosh rejalarni ishlab chiqish va qayta ko‘rib chiqish davomida

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Qurilish vazirligi, Turizmni rivojlantirish davlat qo‘mitasi, Davergeodezkadastr

(O‘zbekiston Respublikasi Prezidentining 18.07.2018-y. PF-5483-son Farmoni tahriridagi grafa)

39.

Umumiy foydalanishdagi yo‘llarni rekonstruksiya qilish va ta’mirlashning manzilli ro‘yxatini tasdiqlashga tayyorlashda unga turistik namoyish obyektlari bo‘lgan respublikaning turistik markazlarini bog‘lovchi yo‘l uchastkalarini qurish va ta’mirlash ishlarini qo‘shish, shuningdek, yo‘l tarmog‘ini kengaytirish.

har yili 1-dekabrga qadar

Vazirlar Mahkamasi qarori

Avtomobil yo‘llari Davlat qo‘mitasi, Qorqalpog‘iston Respublikasi Vazirlar Kengashi, viloyatlar va Toshkent shahar hokimliklari

40.

Keyinchalik imkoniyati cheklangan insonlarni qabul qilish uchun modernizatsiya qilish va moslashtirish maqsadida turistik obyektlar va infratuzilmalarni inventarizatsiyadan o‘tkazish va ularning ro‘yxatini shakllantirish.

2018-yil mart

Ijrochilar qarori

Qorqalpog‘iston Respublikasi Vazirlar Kengashi, viloyatlar va Toshkent shahar hokimliklari, Sog‘liqni saqlash vazirligi, Mehnat vazirligi, Turizmni rivojlantirish davlat qo‘mitasi

41.

Mamlakatning turistik resurslari (madaniy meros obyektlari, ziyorat-turizm joylari, muzeylar, hunarmandlar ustaxonalari, madaniy-ko‘ngilochar va boshqa mavzuga oid parklar, sanatoriyalar va boshqa kurort-sog‘lomlashtirish muassasalari, mehmonxonalar va boshqa shunga o‘xshash joylashtirish vositalari, gidlar (ekskursovodlar), instruktor — yo‘l ko‘rsatuvchilar, sport inshootlari, sport maydonchalari va turizmning faol turlarini tashkil etish uchun joylar, muhofaza etiladigan tabiat hududlari hamda tabiatning boshqa o‘ziga xos obyektlari, agroturizm obyektlari, umumiy ovqatlanish punktlari) pasportlarini shakllantirish va inventarizatsiyadan o‘tkazish va turistik obyektlar yagona bazasini yaratish, uni “Uzbekistan.travel” portalida joylashtirish.

2018-yil avgust, keyinchalik tizimli ravishda yangilab borish

Ijrochilar qarori

Turizmni rivojlantirish davlat qo‘mitasi, Madaniyat vazirligi, Sport davlat qo‘mitasi, O‘zbekiston Kasaba uyushmalari federatsiyasi kengashi, O‘rmon xo‘jaligi davlat qo‘mitasi, Ekologiya davlat qo‘mitasi, “Hunarmand” uyushmasi, Qorqalpog‘iston Respublikasi Vazirlar Kengashi, viloyatlar va Toshkent shahar hokimliklari

42.

Vazirlar Mahkamasining 2017-yil 25-apreldagi 237-son qarori bilan tasdiqlangan Muomalaga chiqarilayotgan g‘ildirakli transport vositalarining xavfsizligi to‘g‘risidagi umumiy texnik reglamentiga texnik reglamentning amal qilishi harakatini turizm sohasini rivojlantirish dasturlari doirasida chora-tadbirlarni amalga oshiradigan yuridik shaxslar tomonidan olib kiriladigan turistik transport vositalariga dahl qilmasligini nazarda tutuvchi yoki Davlat turizmni rivojlantirish qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari rahbarlari iltimosnomasiga ko‘ra o‘zgartirish va qo‘shimchalar kiritish.

2018-yil mart

Vazirlar Mahkamasi qarori

“O‘zstandart” Agentligi, Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari.

43.

Qishloq joylaridagi mehmon uylariga kredit mablag‘i ajratish dasturlarini ishlab chiqish va amalga oshirish.

2018-yil martdan

Ijrochilar qarori

“Mikrokreditbank” ATB, Turizmni rivojlantirish davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

44.

Iste’mol tovarlari (konsepsiyaga ko‘ra yoki “Seven Eleven”, “Family mart” va boshqa mashhur tarmoqlarni jalb qilish bilan) do‘konlari tarmog‘ini tashkil etish bo‘yicha loyihalarni amalga oshiruvchi tadbirkorlik subyektlariga soliq va boshqa imtiyozlar hamda preferensiyalar taqdim etish to‘g‘risidagi takliflarni kiritish.

2018-yil aprel

Vazirlar Mahkamasi qarori

DSQ, Turizmni rivojlantirish davlat qo‘mitasi, Moliya vazirligi

45.

Sanitariya-gigiyena uzellari holatiga alohida e’tibor qaratgan holda bolalar maktabgacha ta’lim muassasalari, maktablarda, shifoxonalarda, boshqa ijtimoiy obyektlarda va yo‘l atrofidagi infratuzilmalarda sementlangan axlatxonalar qurilishini nazarda tutuvchi sanitar-gigiyenik uzellar holatini yaxshilovchi hududiy dasturni ishlab chiqish va tasdiqlash, zamonaviy assenizatorlik mashinalarini sotib olish, ventilyatsiya tizimini o‘rnatish, sovuq va issiq suv, sanitar-gigiyenik vositalar bilan ta’minlash. Zamonaviy va namunali jamoat sanitariya-gigiyena uzellarini barpo etishni (o‘rnatishni) ta’minlagan mahalliy hokimiyat organlari, vazirliklar va idoralar rahbarlarini har yili moddiy rag‘batlantirish mexanizmini joriy etish.

2018-yil aprel

Ijrochilar qarori

Turizmni rivojlantirish bo‘yicha muvofiqlashtiruvchi kengash, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar

46.

Toshkent shahridagi Singapur menejmentni rivojlantirish instituti huzurida turizm sohasida innovatsiyalar Markazini tashkil etish bo‘yicha takliflar tayyorlash.

2018-yil iyun

Normativ-huquqiy hujjatlar loyihasi

Turizmni rivojlantirish davlat qo‘mitasi, Toshkent shahridagi Singapur menejmentni rivojlantirish instituti, Savdo-sanoat palatasi, O‘zbekiston yoshlar ittifoqi

47.

O‘zbekistonning turizm sohasidagi rivojlanishining joriy holatini o‘rganish asosida yangi takliflar va innovatsion qarorlarni ishlab chiqish uchun yetakchi tadqiqot markazlari va tashkilotlar, shu jumladan xorij tadqiqot markazlari va tashkilotlarini jalb etish.

muntazam

Ijrochilar qarori

Turizmni rivojlantirish davlat qo‘mitasi, TIV, O‘zbekiston Respublikasi Prezidenti huzuridagi strategik va mintaqalararo tadqiqotlar instituti, Iqtisodiy tadqiqotlar markazi, boshqa tashkilotlar

48.

“Turizm sohasidagi kadrlar malakasini oshirish va qayta tayyorlash bo‘yicha respublika markazi” DUK misolida O‘zbekistonning turistik sohani qo‘llab-quvvatlash budjetdan tashqari Jamg‘armasining mablag‘lari hisobidan a’zolik badallarini to‘lagan holda Turistik gidlar uyushmalari butunjahon federatsiyasi (WFTGA)ga a’zo bo‘lib kirishini ta’minlash.

2018-yildan

Ijrochilar qarori

Turizmni rivojlantirish davlat qo‘mitasi, TIV

49.

Tematik parklar qurish, unga tutash hududlarda landshaft dizaynini ishlatishni hisobga olgan holda, o‘rnatilgan tartibda dam olish joylarini tashkil etish, ko‘kalamzorlashtirish, kafe qurish, tutash ko‘chalarni rekonstruksiya qilish, tashqi yoritish vositalarini o‘rnatish uchun loyiha-smeta hujjatlarini ishlab chiqish va tasdiqlanishini ta’minlash.

yer uchastkasi ajratilishi bilan

Loyiha-smeta hujjatlarining tasdiqlanishi

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Qurilish vazirligi

(O‘zbekiston Respublikasi Prezidentining 2018-yil 18-iyuldagi PF-5483-son Farmoni tahriridagi grafa)

50.

Bepul Wi-Fi aloqa nuqtalari o‘rnatiladigan jamoat joylari, shu jumladan, avtostansiyalar, aeroportlar va turistik obyektlar ro‘yxatini tayyorlash va tasdiqlash.

2018-yil aprel

Ijrochilar qarori

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Turizmni rivojlantirish davlat qo‘mitasi, Axborot texnologiyalari va kommunikatsiyalarini rivojlantirish vazirligi

51.

Madaniy meros obyektlarida va davlat muzeylarida smart-texnologiyalarni joriy etish konsepsiyasini asosan davlat-xususiy sheriklik asosida, har yili konsepsiya chora-tadbirlarini amalga oshirishga yo‘naltirilgan mablag‘larni aniqlagan holda tayyorlash.

Mazkur konsepsiyaga yagona bilet va tashrif buyuruvchilarni elektron ro‘yxatga olish tizimi, virtual turlar, audiogidlar o‘rnatish, chet tillarda tarixiy yodgorliklarning elektron katalogini va ularning 3D-modellarini ishlab chiqish, klassik matnlar tarjimasi va sharhlarini amalga oshirish imkonini beruvchi, shuningdek, tegishli madaniy-tarixiy meros obyektlari to‘g‘risida to‘liq ma’lumotni taqdim etuvchi mobil ilovalar yaratishni kiritish.

2018-yil aprel

Ijrochilar qarori

Madaniyat vazirligi, Axborot texnologiyalari va kommunikatsiyalarini rivojlantirish vazirligi, Moliya vazirligi, Turizmni rivojlantirish davlat qo‘mitasi, vazirliklar va idoralar

52.

Investorlar keng doirasini, shu jumladan, xorij investorlarini ham jalb qilgan holda O‘zbekistonning turistik industriyasida investorlarning har yillik Forumini o‘tkazish.

2018-yilning I yarim yilligi, keyinchalik har yili

Ijrochilar qarori

Turizmni rivojlantirish davlat qo‘mitasi, Savdo-sanoat palatasi, Investitsiyalar bo‘yicha davlat qo‘mitasi, Tashqi savdo vazirligi, TIV, vazirlik va idoralar