LexUZ sharhi
Mazkur qaror O‘zbekiston Respublikasi Prezidentining 2022-yil 15-yanvardagi PF-52-sonli “Turizm, madaniyat, madaniy meros va sport sohalarini yanada rivojlantirish uchun qo‘shimcha sharoitlar yaratish to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi turizm salohiyatini rivojlantirish uchun qulay sharoitlar yaratish bo‘yicha qo‘shimcha tashkiliy chora-tadbirlar to‘g‘risida”gi 2018-yil 3-fevraldagi PF-5326-son Farmonini ijro etish, shuningdek O‘zbekiston Respublikasi Turizmni rivojlantirish davlat qo‘mitasi faoliyatining samaradorligini oshirish, turizm sohasiga xorijiy investitsiyalarni jalb qilishda uning rolini kuchaytirish, kirish va ichki turizmni rivojlantirish maqsadida:
O‘zbekiston Respublikasi Turizmni rivojlantirish davlat qo‘mitasining yangilangan tashkiliy tuzilmasi 1-ilovaga muvofiq;
O‘zbekiston Respublikasi Turizmni rivojlantirish davlat qo‘mitasining boshqaruv xodimlari cheklangan soni 107 nafar bo‘lgan markaziy apparatining yangilangan tuzilmasi 2-ilovaga muvofiq;
O‘zbekiston Respublikasi Turizmni rivojlantirish davlat qo‘mitasining hududiy boshqarmalari va Turizmni rivojlantirish departamentlarining namunaviy tuzilmasi 3 va 3a-ilovalarga muvofiq tasdiqlansin.
O‘zbekiston Respublikasi Turizmni rivojlantirish davlat qo‘mitasi raisiga, zarur hollarda, xodimlarning shtatdagi belgilangan umumiy soni doirasida qo‘mita markaziy apparati va hududiy bo‘linmalari tuzilmasiga o‘zgartirishlar kiritish huquqi berilsin.
2. Belgilansinki, O‘zbekiston Respublikasi Turizmni rivojlantirish davlat qo‘mitasining markaziy apparati xodimlarining soni bosqichma-bosqich ko‘paytiriladi, jumladan:
birinchi bosqich — 2018-yil 10-fevraldan Qo‘mita markaziy apparati xodimlarining soni 79 nafargacha;
ikkinchi bosqich — 2019-yil 1-yanvardan Qo‘mita markaziy apparati xodimlarining soni 107 nafargacha yetkaziladi.
3. Belgilab qo‘yilsinki, Buxoro, Samarqand, Xorazm viloyatlari va Toshkent shahri Turizmni rivojlantirish departamentlari, shuningdek, Toshkent viloyati Turizmni rivojlantirish departamenti O‘zbekiston Respublikasi Turizmni rivojlantirish davlat qo‘mitasi hamda tegishli viloyatlar va Toshkent shahri hokimliklari tasarrufida bo‘ladi.
4. O‘zbekiston Respublikasi Prezidentining “O‘zbekiston Respublikasi Turizmni rivojlantirish davlat qo‘mitasi faoliyatini tashkil etish to‘g‘risida”gi 2016-yil 2-dekabrdagi PQ–2666-son qaroriga 4-ilovaga muvofiq o‘zgartirish va qo‘shimchalar kiritilsin.
5. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Bosh vazirining o‘rinbosari S.R. Xolmuradov hamda O‘zbekiston Respublikasi Turizmni rivojlantirish davlat qo‘mitasining raisi A.A. Abduxakimov zimmasiga yuklansin.
(1-ilova O‘zbekiston Respublikasi Prezidentining 2019-yil 13-avgustdagi PF-5781-sonli Farmoni tahririda — Qonun hujjatlari ma’lumotlari milliy bazasi, 15.08.2019-y., 06/19/5781/3567-son)
(2-ilova O‘zbekiston Respublikasi Prezidentining 2019-yil 13-avgustdagi PF-5781-sonli Farmoni tahririda — Qonun hujjatlari ma’lumotlari milliy bazasi, 15.08.2019-y., 06/19/5781/3567-son)
(izohning birinchi xatboshisi O‘zbekiston Respublikasi Prezidentining 2021-yil 9-fevraldagi PF-6165-sonli Farmoni tahririda — Qonun hujjatlari ma’lumotlari milliy bazasi, 10.02.2021-y., 06/21/6165/0104-son)
(3-ilova O‘zbekiston Respublikasi Prezidentining 2019-yil 13-avgustdagi PF-5781-sonli Farmoni tahririda — Qonun hujjatlari ma’lumotlari milliy bazasi, 15.08.2019-y., 06/19/5781/3567-son)
(3a-ilovaning izohi O‘zbekiston Respublikasi Prezidentining 2021-yil 9-fevraldagi PF-6165-sonli Farmoni tahririda — Qonun hujjatlari ma’lumotlari milliy bazasi, 10.02.2021-y., 06/21/6165/0104-son)
“4. O‘zbekiston Respublikasi Turizmni rivojlantirish davlat qo‘mitasi to‘g‘risidagi Nizom ilovaga muvofiq tasdiqlansin.”
“8. O‘zbekiston Respublikasi Turizmni rivojlantirish davlat qo‘mitasi Toshkent shahri, Mirzo Ulug‘bek tumani, Istiqlol ko‘chasi, 47 uyda, “Milliy PR markazi” Toshkent shahri, Mirobod tumani, Oybek ko‘chasi, 18-uyda joylashtirilsin.
O‘zbekiston Respublikasi Turizmni rivojlantirish davlat qo‘mitasi markaziy apparatiga 5 ta shaxsan biriktirilgan (xorijiy maslahatchilarga biriktirilganlarni hisobga olmagan holda), 1 ta maxsus (yo‘lsiz joylarda yura oladigan), 2 ta navbatchi avtomobil va 1 ta mikroavtobus limiti ajratilishi nazarda tutiladi;
Qo‘mitaga tegishli xizmat avtomobil transportiga O‘zbekiston Respublikasi Vazirlar Mahkamasi tomonidan belgilangan yillik kilometr masofa limiti tatbiq etilmaydi.”
“mamlakatning yuqori turistik imijini saqlash maqsadida turizm sohasini targ‘ib qiluvchi reklama va boshqa mahsulotlarni (mamlakatning turizm salohiyatini aks ettiruvchi reklama audio-videomateriallar, risolalar, fotoalbomlar, kitoblar, xaritalar va boshqa reklama-axborot materiallari, maqolalar, kompyuter dasturlari, veb-saytlar, portallar) yaratish, chop etish, ko‘paytirishni amalga oshirish, suvenirlar va boshqa mahsulotlar sotib olish, shuningdek, mamlakat hududida va xorijda tadbirlar tashkil etish uchun mehmonxona, transport, umumiy ovqatlanish va boshqa xizmatlar ko‘rsatuvchi tadbirkorlik subyektlarini jalb qilish maqsadida mustaqil yoki idoraviy mansub tashkilotlar orqali belgilangan tartibda shartnomalar tuzish”;
“Qo‘mita huzuridagi budjetdan tashqari Turizm sohasini qo‘llab-quvvatlash jamg‘armasi mablag‘lari hisobidan jurnalistlar, blogerlar va suratga olish guruhlarini xorijga va O‘zbekiston hududlariga O‘zbekistonning turizm salohiyati haqida reportajlar, videoroliklar tayyorlash, Qo‘mita delegatsiyalari va turizm kompaniyalari ishtirok etadigan ko‘rgazma, muzokara va boshqa shunday tadbirlarni yoritish uchun yuborish;
Qo‘mita huzuridagi budjetdan tashqari Turizm sohasini qo‘llab-quvvatlash jamg‘armasi mablag‘lari hisobidan mahalliy va xorijiy ishtirokchilar o‘rtasida turizmning istiqbolli turlari va yo‘nalishlarini, mamlakatning turizm salohiyatini targ‘ib va reklama qilishga qaratilgan sovrinli tanlov va viktorinalar o‘tkazish;
xorijiy teleradiokompaniyalar va boshqa ommaviy axborot vositalari, shu jumladan bosma va raqamli ommaviy axborot vositalari bilan marketing strategiyasidan kelib chiqib, xorijiy bozorlarga mo‘ljallangan reklama, reportaj va boshqa roliklarni translatsiya qilish, maqolalar, reklamalar, bosma mahsulotlar, shu jumladan turizm xaritalari, risolalar va kitoblar, internet videoroliklari tayyorlash va chop etish, shuningdek reklama va fotoreportajlarni hamda shu kabi boshqa mahsulotlarni suratga olish va tayyorlash uchun shartnomalar tuzish;
gazetalar, jurnallar va boshqa ommaviy axborot vositalariga ta’sischi bo‘lish, shu jumladan idoraviy mansub tashkilotlari orqali;
Qo‘mita balansida turgan ko‘chmas mulkdan foydalanish uchun o‘zining idoraviy mansub tashkilotlariga ijara to‘lovlari uchun nol qiymat belgilash.
Qo‘mita va uning idoraviy mansub tashkilotlari ixtisoslashtirilgan xalqaro (chet el) tashkilotlariga a’zo bo‘lish huquqiga ega.
Qo‘mita o‘ziga uchinchi shaxslar tomonidan jalb qilingan kreditlar bo‘yicha kredit majburiyatlarini olish, shuningdek kafillik vazifasini bajarish yoki kafolat berish huquqiga ega emas”;
“Qo‘mita O‘zbekiston Respublikasi Prezidenti tomonidan tayinlanadigan va lavozimidan ozod etiladigan to‘rtta o‘rinbosar, shu jumladan bitta birinchi o‘rinbosarga ega.”;
“Qo‘mita raisi maqomi bo‘yicha vazirga, raisning birinchi o‘rinbosari — vazirning birinchi o‘rinbosariga, rais o‘rinbosarlari — vazir o‘rinbosarlariga tenglashtiriladi”;
“Qo‘mitaning markaziy apparati xodimlari, hududiy bo‘linmalar va idoraviy mansub tashkilotlar rahbarlarini moddiy rag‘batlantirishning qo‘shimcha mexanizmlarini belgilaydi”;
d) 13-bandning birinchi xatboshisidagi “birinchi o‘rinbosari va o‘rinbosari” so‘zlarini “o‘rinbosarlari” degan so‘z bilan almashtirilsin”.
e) 15-bandning “g” kichik bandi ikkinchi xatboshisi “oshirish” so‘zidan so‘ng “ikki barobar” so‘zlari bilan to‘ldirilsin.