Fuqarolar gavjum boʻladigan joylarda jamoat tartibini saqlash va jamoat
‎xavfsizligini taʼminlash xizmatlarini koʻrsatish toʻgʻrisida
‎ NAMUNAVIY SHARTNOMA
‎

_____-son‎

_____________sh.
‎‎

‎‎(toʻliq nomi)

‎‎(lavozimi, F.I.O.)

‎‎Nizom asosida faoliyat yurituvchi va keyingi oʻrinlarda Ijrochi deb ataladi, bir tomondan hamda _________________
‎________________________________________________________________________________________________
‎________________________________________________________________________________________________

‎‎(toʻliq nomi)

‎‎(lavozimi, F.I.O.)

‎‎1. Shartnoma predmeti

‎‎2. Umumiy shartlar

‎‎(xizmat turi, postlar soni, chegaralari, alohida xona, xizmat vaqti)

‎‎(obyektning toʻliq nomi, joylashgan manzili)

‎‎(keyingi oʻrinlarda obyekt deb ataladi) topshiradi, Ijrochi qabul qiladi.

‎‎2.2. Post va patrul yoʻnalishlari belgilangan holda, obyektning chegara hududlari (inshootlari, qurilmalari), javobgarlik hududlari ushbu shartnomaga ilova qilingan va uning ajralmas qismi hisoblangan reja-sxema va post hamda patrul yoʻnalishlari joylashgan joyda koʻrsatiladi.
‎2.3. Obyektdagi oʻtkazish (kiritish) va ichki obyekt rejimi Tomonlar kelishuvi boʻyicha ishlab chiqilgan va tasdiqlangan Oʻtkazish (kiritish) va ichki obyekt rejimini tashkil etish va amalga oshirish yoʻriqnomasiga muvofiq amalga oshiriladi.
‎2.4. Obyekt muhandislik-texnik va xavfsizlik tizimlari bilan Buyurtmachi tomonidan jihozlanadi.
‎2.5. Obyektda jamoat tartibini saqlash va jamoat xavfsizligini taʼminlash uchun Buyurtmachi bilan kelishilgan holda, xizmat itlaridan foydalanish mumkin. Xizmat itlaridan foydalanish, ularni boqish, shu jumladan zarur oziq-ovqatlarni ajratish, veterinariya xizmatlari koʻrsatish ichki ishlar organlarining normativ hujjatlari asosida amalga oshiriladi.
‎2.6. Ichki ishlar organlarining patrul-post xizmati xodimlari ushbu Shartnoma imzolangandan soʻng ____ ish kuni ichida obyektga jalb etiladi.

‎‎3. Narx va hisob-kitob tartibi

‎‎3.1. Ushbu Shartnoma boʻyicha koʻrsatiladigan xizmatlar narxi belgilangan tariflarga muvofiq quyidagicha hisoblanadi:
‎a) post-soat hisobida jamoat tartibini saqlash va jamoat xavfsizligini taʼminlash xizmati oyiga _______________ soʻm, 12 oyga ____________________ soʻm;
‎b) Ijrochi balansida turgan xizmat itini saqlash uchun oyiga______________ soʻm, 12 oyga ________________ soʻm.
‎3.2. Ijrochi xizmatlari narxi qonun hujjatlariga muvofiq ushbu xizmatlar turiga yangi tariflar tasdiqlangan hollarda qayta koʻrib chiqiladi.
‎3.3. Koʻrsatiladigan xizmatlar uchun toʻlov Buyurtmachi tomonidan Ijrochining hisob raqamiga ushbu Shartnomada nazarda tutilgan oylik toʻlovning 100 foizini keyingi oy boshlanishidan 10 kun oldin oʻtkazish yoʻli bilan amalga oshiriladi.

‎‎4. Tomonlarning huquq va majburiyatlari

4.1. Buyurtmachi quyidagi huquqlarga ega:
‎a) Ijrochidan Oʻtkazish (kiritish) va ichki obyekt rejimini tashkil etish va amalga oshirish yoʻriqnomasiga rioya etishni talab qilish;
‎b) Ijrochi xodimlarining xizmatni oʻtashdagi kamchiliklar va qoidabuzarliklarini bartaraf etish boʻyicha zarur choralar koʻrishni talab qilish;
‎v) Ijrochi xizmatini tashkil qilish va amalga oshirilishini nazorat qilish;
‎g) Ijrochi tomonidan intizom buzilishining har bir holati boʻyicha tegishli choralar koʻrish maqsadida Ijrochining vakili ishtirokida ikki nusxada dalolatnoma tuzish;
‎d) Ijrochi tomonidan xizmatlar lozim darajada bajarilmaganligi natijasida yetkazilgan zararni qoplashni talab qilish.
‎4.2. Buyurtmachining majburiyatlari:
‎a) mazkur Shartnomaning ajralmas qismi hisoblangan 20___ yil “___” __________dagi koʻzdan kechirish dalolatnomasiga asosan, obyektning muhandislik-texnik mustahkamligi boʻyicha tadbirlarni amalga oshirish va oʻz hisobidan PPX xodimlarining xizmat koʻrsatishlari uchun zarur shart-sharoitlar bilan taʼminlash, shuningdek zaruratga qarab taʼmirlash ishlarini amalga oshirish;
‎b) Ijrochi bilan hamkorlikda har chorakda kamida bir marta obyektning muhandislik-texnik, yongʻinga qarshi, kommunikatsiya tizimlari va inshootlarining xavfsizlik talablariga muvofiqligi yuzasidan koʻzdan kechirish, zarur holatlarda aniqlangan kamchiliklarni Buyurtmachi tomonidan bartaraf etish muddatlari, Ijrochini bu haqda xabardor qilish muddati va tartibi koʻrsatilgan holda Tomonlarning masʼul vakillari imzosi bilan dalolatnoma tuzish;
‎v) obyektning muhandislik-texnik, yongʻinga qarshi, kommunikatsiya tizimlari va inshootlarining xavfsizlik talablariga javob berishiga rioya etish talablarini bajarish;
‎g) bino va inshootlarda rejalashtirilayotgan kapital taʼmirlash ishlari, obyektlarni qayta jihozlash, ularning ish rejimi va faoliyat yoʻnalishini oʻzgartirish, moddiy qimmatliklarni saqlash joyini oʻzgartirish yoki yangilarini tashkil etish, qoʻriqlanadigan joy yoki maydonlarni boshqa shaxslarga ijaraga berish, obyektni boshqa shaxsga mulk qilib berish, shuningdek tadbirlar oʻtkazish va buning natijasida xizmat oʻtash tartiblariga, post va patrul yoʻnalishlariga oʻzgartirishlar kiritish yoki xavfsizlikni taʼminlash boʻyicha qoʻshimcha muhandislik-texnik vositalarni oʻrnatish talab etilishi haqida Ijrochini kamida ___________ kun oldin ogohlantirish;
‎d) Ijrochining obyektga xizmatga jalb etilgan xodimlari soni, xizmatni tashkil etish tartibi, post va patrul yoʻnalishlari joylashgan joy, xavfsizlikni taʼminlovchi muhandislik-texnik vositalarni joylashtirish tizimlari, shuningdek obyektda jamoat tartibini saqlash va jamoat xavfsizligini taʼminlash bilan bogʻliq boshqa maʼlumotlarni begona shaxslarga oshkor qilmaslik;
‎e) Ijrochi vakillarini obyektda uning oʻz vazifalarini bajarishiga oid qismiga taalluqli ichki tartib va texnika xavfsizligi qoidalari bilan tanishtirish.
‎4.3. Ijrochining huquqlari:
‎a) Buyurtmachidan obyektda oʻrnatilgan kirish-chiqish va ichki rejim tartibiga rioya qilinishini talab qilish;
‎b) obyektni koʻzdan kechirish dalolatnomasi asosida, tatbiq etilishi zarur boʻlgan xavfsizlikni taʼminlovchi muhandislik-texnik vositalar bilan obyektni jihozlash yuzasidan Buyurtmachiga tavsiyalar berish.
‎4.4. Ijrochining majburiyatlari:
‎a) shaxsiy tarkibning ushbu Shartnomada koʻrsatilgan zarur xodimlari sonini ajratish, post va patrul yoʻnalishlari joylashuviga muvofiq obyektga naryadlarni qoʻyish;
b) ushbu Shartnoma va uning ilovalariga muvofiq xodimlarning oʻz funksional vazifalarini lozim darajada bajarishlarini tashkil etish;
‎v) javobgarlik hududlarida patrullikni amalga oshirish, qoʻriqlanadigan obyektlarda jamoat tartibi va jamoat xavfsizligiga qarshi harakatlarni oʻz vaqtida aniqlash, ularning oldini olish va bartaraf etish, shuningdek huquqbuzarlik sodir etgan shaxslarni qoʻlga olishga qaratilgan choralarni amalga oshirish;
‎g) obyektni huquqbuzarliklardan himoya qilish, ushbu Shartnomaga muvofiq obyektda oʻrnatilgan kirish-chiqish va ichki rejim tartibini amalga oshirish, belgilangan tartibda obyektga tovar-moddiy boyliklarning olib kirilishi va olib chiqilishini nazorat qilish;
‎d) obyekt hududiga fuqarolarning hayoti va sogʻligʻiga xavf soluvchi, muomalada boʻlishi cheklangan (taqiqlangan) yoxud olib kirishga (chiqishga) Buyurtmachi ruxsati talab etiladigan predmet va buyumlarni ruxsatsiz olib kirish (chiqish)ning oldini olish va bartaraf etish;
‎‎e) obyektda yongʻin xavfsizligi, sanitariya qoidalari va normalarini taʼminlashga qaratilgan ishlarni olib borish;
‎j) favqulodda holatlar sodir boʻlganda bu haqda zudlik bilan hududiy ichki ishlar organlari, boshqa huquqni muhofaza qilish organlari hamda Buyurtmachi vakilini xabardor qilish, jinoiy harakatlarni bartaraf etishda ularga yordam koʻrsatish choralarini koʻrish;
‎z) Buyurtmachi bilan hamkorlikda har chorakda kamida bir marotaba qoʻriqlanadigan obyektning muhandislik-texnik, yongʻinga qarshi, kommunikatsiya tizimlari va inshootlarining xavfsizlik hamda texnik mustahkamlik talablariga muvofiqligi yuzasidan ularni koʻzdan kechirish, zarur hollarda aniqlangan kamchiliklarni Buyurtmachi tomonidan bartaraf etish muddatlari, Ijrochini bu haqda xabardor qilish muddati va tartibini koʻrsatgan holda, Tomonlarning masʼul vakillari imzosi bilan dalolatnoma tuzish;
‎i) Ijrochi tomonidan yoʻl qoʻyilgan majburiyatning har bir qoidabuzarlik holati yuzasidan Buyurtmachi va Ijrochining vakillari ishtirokida 2 nusxada dalolatnoma tuzish, bir nusxasini tegishli choralar koʻrish uchun Ijrochi rahbariga taqdim etish;
‎k) favqulodda holatlar sodir boʻlganda ichki ishlar organlarining maxsus boʻlinmalari va boshqa tegishli idoralar yetib kelguniga qadar jamoat tartibini saqlash, obyektni birlamchi toʻsib olish va qoʻriqlash boʻyicha zarur choralar koʻrish;
‎l) favqulodda holatlarda qoʻriqlanadigan obyektda fuqarolar xavfsizligini taʼminlash uchun evakuatsiya, qutqaruv va boshqa tadbirlarni amalga oshirish.‎

‎‎5. Tomonlarning javobgarligi

‎‎5.1. Ushbu Shartnomada koʻrsatilgan summa Buyurtmachi tomonidan oʻz vaqtida toʻlanmaganda Buyurtmachi Ijrochiga har bir kechiktirilgan kun uchun toʻlov summasining 0,5 foizi miqdorida penya toʻlaydi, bunda penyaning miqdori muddati oʻtgan toʻlov summasining 50 foizidan oshmasligi lozim.
‎5.2. Ijrochining xodimi postlarda va patrul yoʻnalishlarida asossiz ravishda boʻlmaganligi uchun Ijrochi Buyurtmachiga bir kunlik qoʻriqlash xizmati narxining 10 foizi miqdorida jarima toʻlaydi.
‎5.3. Ijrochi ushbu Shartnoma va uning ilovalarida koʻrsatilgan majburiyatlarni tegishli darajada bajarmaganligi natijasida Buyurtmachiga yetkazilgan zarar uchun moddiy javobgar boʻladi.
‎5.4. Mazkur Shartnomada koʻrsatilgan majburiyatlarni lozim darajada bajarmaganlik uchun belgilangan neustoykani (jarima, penya) toʻlash hamda zararni qoplash Tomonlarni Shartnomada koʻrsatilgan majburiyatlarini bajarishdan ozod etmaydi.

‎6. Nizolarni hal etish‎‎

7. Fors-major

‎‎7.1. Tomonlar ushbu Shartnoma boʻyicha majburiyatlarni qisman yoki toʻliq bajarmaganligi uchun, agar bunday holat ushbu Shartnoma tuzilgandan keyin va Tomonlar oqilona chora-tadbirlar bilan oldini ololmagan favqulodda tusdagi voqealar oqibatida paydo boʻlgan bartaraf etib boʻlmaydigan kuchlar oqibati hisoblansa, javobgarlikdan ozod etiladi.
‎7.2. Ushbu Shartnomada qayd etilgan vaziyatlar tufayli oʻz majburiyatini bajara olmaydigan Tomon mazkur bartaraf etib boʻlmaydigan kuchlar paydo boʻlgan kundan boshlab ikki kun muddatda ikkinchi Tomonni bunday holat yuzaga kelgani, keyinchalik esa toʻxtatilgani haqida yozma ravishda xabardor qiladi.
‎7.3. Fors-major holatlari va ularning oqibatlari uch oydan ortiq davom etsa, Ijrochi va Buyurtmachi Shartnomani davom ettirishning maqsadga muvofiqligini muhokama qiladi va agar bir oy muddat ichida oʻzaro kelishilgan qarorga kelmasa, har bir Tomonga hech qanday talablar qoʻymasdan ushbu Shartnomani bekor qilish huquqi beriladi.‎

8. Yakunlovchi qoidalar‎‎

8.1. Ushbu Shartnoma qayd etilgan barcha kamchiliklar Buyurtmachi tomonidan bartaraf etilganligi toʻgʻrisida koʻzdan kechirish dalolatnomasi tuzilganidan soʻng kuchga kiradi. Shartnoma tuzilgan vaqt uni Tomonlar imzolagan sana bilan belgilanadi.‎‎
‎8.2. Ushbu Shartnomaga kiritiladigan har qanday oʻzgartirish va qoʻshimchalar yozma shaklda tuzilib, Tomonlarning vakolatli vakillari tomonidan imzolangan taqdirdagina haqiqiy hisoblanadi va uning ajralmas qismi hisoblanadi.
‎8.3. Shartnomaning amal qilish muddati Tomonlar uni imzolab, barcha majburiyatlarini toʻliq bajargandan soʻng belgilanadi.
‎Agar Tomonlardan birortasi ushbu Shartnomaga amal qilish muddati tugagunga qadar 30 kun oldin uni toʻxtatish yoki bekor qilish haqida maʼlum qilmasa, Shartnoma shu muddat hamda shartlarga muvofiq uzaytiriladi.
‎8.4. Ushbu Shartnomani bekor qilishdan manfaatdor Tomon boshqa Tomonni istalgan muddatdan bir oy oldin bu haqda yozma ravishda xabardor qilishi shart.‎
‎8.5. Agar xavfsizlikni taʼminotining texnik vositalari Buyurtmachining aybi bilan ishdan chiqsa va zudlik bilan kapital taʼmirlashni talab qilsa, biroq Buyurtmachi mazkur kamchiliklarni bartaraf etishni rad etsa, Ijrochi 7 kun oldin Buyurtmachini yozma ravishda ogohlantirib, shartnomani bir tomonlama bekor qilishga haqlidir.
‎8.6. Ushbu shartnoma ikki nusxada tuzilgan va bir xil yuridik kuchga ega.
‎8.7. Obyektning xususiyatidan kelib chiqib, Tomonlar ushbu Shartnomaga qonun hujjatlariga muvofiq qoʻshimchalar kiritishga haqlidir.

‎‎9. Tomonlarning manzili va rekvizitlari

Ijrochi

‎

Buyurtmachi‎‎

‎‎____________________________________
‎(toʻliq nomi)
‎Yuridik manzili:_____________________
‎___________________________________
‎Bank rekvizitlari: ___________________
‎___________________________________
‎MFO:______________________________
‎STIR:______________________________
‎‎XXTUT:_____________________________
‎___________________________________
‎(lavozimi, F.I.O.)

____________________________________‎‎
‎(tashkilot nomi)
‎Yuridik manzili: _____________________
‎____________________________________
‎Bank rekvizitlari:_____________________
‎____________________________________
‎MFO: _______________________________
‎STIR: _______________________________
‎XXTUT:______________________________
‎____________________________________
‎‎(lavozimi, F.I.O.)

‎‎_____________________________________
‎(imzo, muhr)

‎‎______________________________________
‎(imzo, muhr)
‎