O‘zbekiston Respublikasi Prezidentining “Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida” 2017-yil 2-sentabrdagi PF-5177-sonli Farmoniga muvofiq:

1. O‘zbekiston Respublikasi Prezidentining ba’zi hujjatlariga ilovaga muvofiq o‘zgartish va qo‘shimchalar kiritilsin.

2. O‘zbekiston Respublikasi Prezidentining “Sug‘urtachilarning moliyaviy barqarorligini yanada oshirishga oid qo‘shimcha chora-tadbirlar to‘g‘risida” 2011-yil 31-maydagi PQ-1544-sonli qarori o‘z kuchini yo‘qotgan deb hisoblansin.

3. Vazirliklar va idoralar bir oy muddatda o‘zlari ilgari qabul qilgan normativ-huquqiy hujjatlarni ushbu Farmonga muvofiqlashtirsin.

4. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Bosh vazirining o‘rinbosari D.A. Qo‘chqorov, O‘zbekiston Respublikasi moliya vaziri B.A. Xodjayev va O‘zbekiston Respublikasi Markaziy banki raisi M.B. Nurmurotov zimmasiga yuklansin.

1. O‘zbekiston Respublikasi Prezidentining “Xorijiy sarmoyalar ishtirokidagi korxonalarga beriladigan qo‘shimcha rag‘batlantirish omillari va imtiyozlar to‘g‘risida” 1996-yil 30-noyabrdagi PF-1652-sonli Farmoni 1-bandi ikkinchi xatboshidagi “150 ming AQSH dollariga teng summadan” so‘zlari “600 million so‘mdan” so‘zlari bilan almashtirilsin.

3. O‘zbekiston Respublikasi Prezidentining “O‘zbekiston Respublikasining turizm sohasini jadal rivojlantirishni ta’minlash chora-tadbirlari to‘g‘risida” 2016-yil 2-dekabrdagi PF-4861-sonli Farmonining 10-bandi quyidagi tahrirda bayon etilsin:

“10. Belgilab quyilsinki, turistlarni qabul qiladigan turizm operatorlari, shuningdek ularning xodimlari turistlar tomonidan O‘zbekiston Respublikasi qonunchiligi buzilganligi uchun javobgarlikdan ozod qilinadi, xorijiy fuqarolar va fuqaroligi bo‘lmagan shaxslarning O‘zbekiston Respublikasi hududida bo‘lishiga doir tegishli normativ-huquqiy hujjatlarda belgilangan qoidalar bundan mustasno”.

4. O‘zbekiston Respublikasi Prezidentining “O‘zbekiston Respublikasi Prezidenti huzuridagi Davlat boshqaruvi akademiyasida boshqaruv kadrlarini tayyorlash, qayta tayyorlash va malakasini oshirish tizimini yanada rivojlantirish chora-tadbirlari to‘g‘risida” 2017-yil 8-avgustdagi PF-5139-sonli Farmoni 10-bandining beshinchi xatboshidagi “O‘zbekiston Respublikasi Markaziy bankining to‘lov kunidagi kursi bo‘yicha 20 AQSH dollariga teng miqdorda” so‘zlari “80 ming so‘m miqdorda” so‘zlari bilan almashtirilsin.

5. O‘zbekiston Respublikasi Prezidentining 2007-yil 10-apreldagi PQ-618-sonli qarori bilan tasdiqlangan sug‘urta bozorining professional qatnashchilari to‘g‘risidagi Nizom 10-bandida:

a) ikkinchi, uchinchi, to‘rtinchi va beshinchi xatboshilar kuyidagi tahrirda bayon etilsin:

“umumiy sug‘urtalash tarmog‘ida — 7,5 milliard so‘m;

hayotni sug‘urtalash tarmog‘ida — 10 milliard so‘m;

majburiy sug‘urtalash bo‘yicha — 15 milliard so‘m;

faqat qayta sug‘urtalash bo‘yicha — 30 milliard so‘mni tashkil etadi”;

b) mazmuni quyidagicha izoh bilan to‘ldirilsin:

“Izoh. Faoliyat yurituvchi sug‘urtachilar 2018-yilning 1-iyuliga qadar ustav kapitali miqdorlarini mazkur band talablariga muvofiqlashtirishlari lozim”.

9. O‘zbekiston Respublikasi Prezidentining “Fuqarolik jamiyati institutlarini rivojlantirishga ko‘maklashish borasidagi qo‘shimcha chora-tadbirlar to‘g‘risida” 2013-yil 12-dekabrdagi PQ-2085-sonli qarorining ilovasida:

a) 1-bandining “Davlat boji stavkalari” grafasidagi “eng kam ish haqining o‘n baravari va 50 AQSH dollari” so‘zlari “eng kam ish haqining 12,5 baravari miqdorida” so‘zlari bilan almashtirilsin.

b) “Nodavlat notijorat tashkilotlarining ramzlarini davlat ro‘yxatidan o‘tkazish uchun undiriladigan yig‘imlar miqdorlari” bo‘limining 1-bandidagi “eng kam ish haqining ikki baravari va 25 AQSH dollari” so‘zlari “eng kam ish haqining uch baravari” so‘zlari bilan almashtirilsin.

10. O‘zbekiston Respublikasi Prezidentining “O‘zbekiston Respublikasining 2017-yilgi asosiy makroiqtisodiy ko‘rsatkichlar prognozi va Davlat budjeti parametrlari to‘g‘risida” 2016-yil 27-dekabrdagi PQ-2699-sonli qarori 17-ilovasining “Soliqqa tortish bazasi miqdori (qo‘shilgan qiymat solig‘i va aksiz solig‘idan tashqari)” grafasining 1-va 2-satrlari kuyidagi tahrirda bayon etilsin:

“bir tonnasi uchun 18 400 000 so‘mdan ortiqdan “kesish narxi”gacha

1000 kub. metr uchun 640 000 so‘mdan ortiqdan “kesish narxi”gacha”.

11. O‘zbekiston Respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida” 2017-yil 20-apreldagi PQ-2909-sonli qarori 4-bandining beshinchi xatboshidagi “20 AQSH dollari ekvivalentidagi kundalik me’yor bo‘yicha O‘zbekiston Respublikasi Markaziy bankining to‘lov kunidagi kursi bo‘yicha” so‘zlari “80 ming so‘m miqdorida” so‘zlari bilan almashtirilsin.

12. O‘zbekiston Respublikasi Prezidentining “Toshkent davlat Yuridik universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari to‘g‘risida” 2017-yil 28-apreldagi PQ-2932-sonli qarori 8-bandining uchinchi xatboshidagi “xorijiy valyutada” so‘zlari “milliy valyutada” so‘zlari bilan almashtirilsin.

13. O‘zbekiston Respublikasi Prezidentining “Tadbirkorlik faoliyatini rivojlantirishni qo‘llab-quvvatlash davlat jamg‘armasini tashkil etish to‘g‘risida” 2017-yil 17-avgustdagi PQ-3225-sonli qarorining 1-bandida:

a) “b” kichik bandidagi “500 ming AQSH dollaridan ko‘p bo‘lmagan yoki unga ekvivalent” so‘zlari “2 milliard so‘mdan ko‘p bo‘lmagan” so‘zlari bilan almashtirilsin;

b) “v” kichik bandining birinchi xatboshidagi “1 million AQSH dollaridan oshmaydigan” so‘zlari “4 milliard so‘mdan oshmaydigan” so‘zlari bilan almashtirilsin.

14. O‘zbekiston Respublikasi Prezidentining “Tovarlar (ishlar, xizmatlar)ning davlat va korporativ xaridlarini amalga oshirishning zamonaviy shakl va uslublarini yanada joriy etish chora-tadbirlari to‘g‘risida” 2017-yil 23-avgustdagi PQ-3237-sonli qarorining 3-bandida:

a) ikkinchi xatboshidagi “1 ming AQSH dollaridan” so‘zlari “4 million so‘mdan” so‘zlari bilan almashtirilsin;

b) uchinchi xatboshidagi “1 mingdan 100 ming AQSH dollarigacha” so‘zlari “4 million so‘mdan 400 million so‘mgacha” so‘zlari bilan almashtirilsin;

v) to‘rtinchi xatboshidagi “100 ming AQSH dollaridan” so‘zlari “400 million so‘mdan” so‘zlari bilan almashtirilsin.