Oʻzbekiston Respublikasi Prezidentining 2015-yil 27-oktabrdagi PF-4761-son “Oʻzpaxtasanoateksport” xolding kompaniyasini tashkil etish toʻgʻrisida”gi Farmoni va 2015-yil 28-oktabrdagi PQ-2422-son “Oʻzpaxtasanoateksport” xolding kompaniyasi faoliyatini tashkil etish chora-tadbirlari toʻgʻrisida”gi qaroriga muvofiq Oʻzbekiston Respublikasi Moliya vazirligi va Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi qaror qiladi:

1. Oʻzbekiston Respublikasi Moliya vazirligi va Oʻzbekiston Respublikasi Davlat mulkini boshqarish davlat qoʻmitasining 2008-yil 28-maydagi 55 va 01/11-18/06-son “Paxtasanoat” hududiy aksiyadorlik birlashmalari ustav fondlariga berilgan davlat aktivlarini sotishdan tushgan mablagʻlarni “Oʻzpaxtasanoat” uyushmasi tomonidan jamlanishi va ishlatilishi tartibi toʻgʻrisidagi nizomni tasdiqlash haqida”gi qarori (roʻyxat raqami 1819, 2008-yil 10-iyun) (Oʻzbekiston Respublikasi qonun hujjatlari toʻplami, 2008-y., 24-25-son, 228-modda) oʻz kuchini yoʻqotgan deb topilsin.

2. Mazkur qaror Oʻzbekiston Respublikasi Iqtisodiyot vazirligi, Markaziy banki va “Oʻzpaxtasanoat” aksiyadorlik jamiyati bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.