Oʻzbekiston Respublikasi Prezidentining 2017-yil 18-apreldagi PF-5016-son “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasini tashkil etish toʻgʻrisida”gi, 2017-yil 21-apreldagi PF-5024-son “Ekologiya va atrof-muhitni muhofaza qilish sohasida davlat boshqaruvi tizimini takomillashtirish toʻgʻrisida”gi hamda 2017-yil 24-maydagi PF-5052-son “Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari toʻgʻrisida”gi farmonlariga muvofiq buyuraman:

1. Oʻzbekiston Respublikasi adliya vazirining 2013-yil 1-fevraldagi 29-mh-son buyrugʻi (roʻyxat raqami 2420, 2013-yil 1-fevral) (Oʻzbekiston Respublikasi qonun hujjatlari toʻplami, 2013-y., 5-son, 65-modda) bilan tasdiqlangan Mahalliy davlat hokimiyati organlari tomonidan qabul qilinadigan normativ-huquqiy hujjatlar loyihalarini tayyorlash, yuridik-texnik rasmiylashtirish va huquqiy ekspertizadan oʻtkazish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq davlat roʻyxatidan oʻtkazilsin va Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Huquqiy targʻibot va axborot boshqarmasi mazkur idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruqning ijrosini nazorat qilish vazirning birinchi oʻrinbosari N. Joʻrayev zimmasiga yuklansin.

1. 44-bandning ikkinchi xatboshisidagi “arabcha raqamlar” degan soʻzlar “arab raqamlari” degan soʻzlar bilan almashtirilsin.

2. 58-banddagi “tabiatni muhofaza qilish organlari” degan soʻzlar “ekologiya va atrof-muhitni muhofaza qilish organlari” degan soʻzlar bilan almashtirilsin.

3. 59-banddagi “Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasining” degan soʻzlar “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining” degan soʻzlar bilan almashtirilsin.

4. 60-banddagi “Oʻzbekiston Respublikasi Mehnat va aholini ijtimoiy muhofaza qilish vazirligining” degan soʻzlar “Oʻzbekiston Respublikasi Bandlik va mehnat munosabatlari vazirligining” degan soʻzlar bilan almashtirilsin.

5. 80-band quyidagi mazmundagi xatboshi bilan toʻldirilsin:

“Agar taqdim etilgan loyiha huquqiy ekspertiza natijalariga koʻra qonun hujjatlariga muvofiq boʻlsa, biroq qonunchilik texnikasi qoidalari talablariga javob bermasa va ushbu kamchiliklar hujjatni qabul qilish jarayonida bartaraf etilishi mumkin boʻlganda, bartaraf etilishi lozim boʻlgan kamchiliklar koʻrsatilgan holda mazkur Yoʻriqnomaning 2¹-ilovasidagi namunaga muvofiq xulosa tuziladi.”.

6. 81-band quyidagi mazmundagi beshinchi xatboshi bilan toʻldirilsin:

“hujjatni qabul qilish jarayonida bartaraf etilishi mumkin boʻlgan loyihada yoʻl qoʻyilgan qonunchilik texnikasi qoidalari talablariga javob bermaydigan kamchiliklar (agar mavjud boʻlsa);”;

beshinchi xatboshi oltinchi xatboshi deb hisoblansin.

7. 84-band quyidagi tahrirda bayon etilsin:

“84. Ushbu Yoʻriqnomaning 81 va 83-bandlarida koʻrsatilgan xulosalar ikki nusxada tuzilib, adliya boshqarmasining Yuridik xizmatlarning faoliyatini muvofiqlashtirish va metodik taʼminlash shoʻbasi mudiri (u boʻlmaganda huquqiy ekspertizani amalga oshirgan shaxs) tomonidan imzolanadi va adliya boshqarmasining rahbari yoki birinchi oʻrinbosari tomonidan tasdiqlanadi.

Xulosalarning bir nusxasi mazkur Yoʻriqnomaning 4, 4¹, 4² va 5-ilovalarida keltirilgan shaklga muvofiq kuzatuv xati bilan tegishli mahalliy davlat hokimiyati organiga yuboriladi.”.

8. Yoʻriqnomaga 2 va 3-ilovalardagi “Huquqiy ekspertiza va qonun hujjatlarini turkumlash shoʻba mudiri:” degan soʻzlar “Yuridik xizmatlarning faoliyatini muvofiqlashtirish va metodik taʼminlash shoʻbasi mudiri” degan soʻzlar bilan almashtirilsin.

9. Mazkur oʻzgartirish va qoʻshimchalarning 1 va 2-ilovalariga muvofiq tahrirdagi 2¹ va 4²-ilovalar bilan toʻldirilsin.