Oʻzbekiston Respublikasi Prezidentining “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari toʻgʻrisida” 2017-yil 14-martdagi PQ-2833-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3 Mazkur qarorning bajarilishini nazorat qilish Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.

1. Vazirlar Mahkamasining 1996-yil 12-apreldagi 147-son qarori bilan tasdiqlangan Davlat boshqaruvi organlari, sud organlari va notarial idoralari xodimlarining ayrim toifalari mehnatiga haq toʻlash shartlarining 1-bandi oltinchi xatboshidagi “balogʻatga yetmaganlar bilan ishlash komissiyalari” soʻzlari “voyaga yetmaganlar ishlari boʻyicha idoralararo komissiyalar” soʻzlari bilan almashtirilsin.

3. Vazirlar Mahkamasining “Respublika bolalar ijtimoiy moslashuvi markazini tashkil etish toʻgʻrisida” 2004-yil 7-sentabrdagi 419-son qarorining 4-bandi birinchi xatboshidagi (Oʻzbekiston Respublikasi QT, 2004-y., 9-son, 91-modda) “Vazirlar Mahkamasi huzuridagi Voyaga yetmaganlar ishlari boʻyicha komissiya” soʻzlari “Voyaga yetmaganlar ishlari boʻyicha respublika idoralararo komissiyasi” soʻzlari bilan almashtirilsin.

4. Vazirlar Mahkamasining 2007-yil 31-iyuldagi 158-son qarori (Oʻzbekiston Respublikasi QT, 2007-y., 7-son, 43-modda) bilan tasdiqlangan Oilaviy bolalar uylari toʻgʻrisidagi nizomda:

a) 5-band quyidagi tahrirda bayon qilinsin:

“5. Oilaviy bolalar uyi tuman (shahar) hokimining qarori bilan tashkil etiladi, qayta tashkil etiladi va tugatiladi. Oilaviy bolalar uyini tashkil etishni xohlagan er-xotinning tegishli arizasi, vasiylik va homiylik organining, voyaga yetmaganlar ishlari boʻyicha tumanlar va shaharlar idoralararo komissiyasining (keyingi oʻrinlarda voyaga yetmaganlar ishlari boʻyicha idoralararo komissiya deb ataladi) er-xotinning tarbiyachilar — ota-onalar boʻlishi va bolalarni tarbiya qilishga olishi imkoniyati toʻgʻrisidagi xulosasi tuman (shahar) hokimining qarori qabul qilinishi uchun asos hisoblanadi”;

b) 8-bandning birinchi xatboshidagi “balogʻatga yetmaganlar bilan ishlash komissiyasiga” soʻzlari “voyaga yetmaganlar ishlari boʻyicha idoralararo komissiyaga” soʻzlari bilan almashtirilsin;

v) 9-bandning birinchi xatboshidagi “balogʻatga yetmaganlar bilan ishlash komissiyasi” soʻzlari “voyaga yetmaganlar ishlari boʻyicha idoralararo komissiya” soʻzlari bilan almashtirilsin;

g) 10 va 11-bandlardagi “balogʻatga yetmaganlar bilan ishlash komissiyasining” soʻzlari “voyaga yetmaganlar ishlari boʻyicha idoralararo komissiyaning” soʻzlari bilan almashtirilsin.

10. Vazirlar Mahkamasining 2012-yil 6-iyuldagi 201-son qarori (Oʻzbekiston Respublikasi QT, 2012-y., 7-son, 50-modda) bilan tasdiqlangan Kasb-hunar kollejining Vasiylik kengashi toʻgʻrisidagi Namunaviy nizomning 5-bandidagi “voyaga yetmaganlar ishlari boʻyicha komissiyalar” soʻzlari “voyaga yetmaganlar ishlari boʻyicha idoralararo komissiyalar” soʻzlari bilan almashtirilsin.

11. Vazirlar Mahkamasining 2012-yil 29-dekabrdagi 367-son qarori (Oʻzbekiston Respublikasi QT, 2012-y., 12-son, 91-modda) bilan tasdiqlangan Oʻzbekiston Respublikasi oʻrta maxsus, kasb-hunar taʼlimi muassasalari oʻquvchilari oʻqishini koʻchirish, qayta tiklash va oʻqishdan chetlashtirish tartibi toʻgʻrisidagi nizomning 19-bandi uchinchi xatboshidagi “tuman (shahar) hokimliklari huzuridagi voyaga yetmaganlar ishlari boʻyicha komissiyaga” soʻzlari “voyaga yetmaganlar ishlari boʻyicha tuman (shahar) idoralararo komissiyasiga” soʻzlari bilan almashtirilsin.

12. Vazirlar Mahkamasining 2014-yil 22-sentabrdagi 269-son qarori (Oʻzbekiston Respublikasi QT, 2014-y., 9-son, 342-modda) bilan tasdiqlangan Oʻzbekiston Respublikasida vasiylik va homiylik toʻgʻrisidagi nizomda:

a) 56-bandning birinchi xatboshidagi “voyaga yetmaganlar ishlari boʻyicha komissiyalar” soʻzlari “voyaga yetmaganlar ishlari boʻyicha idoralararo komissiyalar” soʻzlari bilan almashtirilsin;

b) 61-banddagi “voyaga yetmaganlar ishlari boʻyicha komissiya” soʻzlari “voyaga yetmaganlar ishlari boʻyicha idoralararo komissiya” soʻzlari bilan almashtirilsin.

1. Vazirlar Mahkamasining “Voyaga yetmaganlar ishlari boʻyicha komissiya faoliyatini takomillashtirish haqida” 2000-yil 21-sentabrdagi 360-son qarori (Oʻzbekiston Respublikasi QT, 2000-y. 9-son, 60-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash hamda baʼzilariga oʻzgartirishlar kiritish toʻgʻrisida” 2005-yil 22-fevraldagi 73-son qaroriga 2-ilovaning 7-bandi (Oʻzbekiston Respublikasi QT, 2005-y. 2-son, 13-modda).

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2005-yil 6-iyuldagi 156-son qaroriga ilovaning 18-bandi (Oʻzbekiston Respublikasi QT, 2005-y. 6-7-son, 35-modda).

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Fuqarolarning pensiya taʼminoti tizimini yanada takomillashtirish chora-tadbirlari toʻgʻrisida” 2009-yil 30-dekabrdagi PF-4161-son Farmoni, Oʻzbekiston Respublikasi Prezidentining “Oʻzbekiston Respublikasi Mehnat va aholini ijtimoiy muhofaza qilish vazirligi tuzilmasini takomillashtirish chora-tadbirlari toʻgʻrisida” 2009-yil 30-dekabrdagi PQ-1251-son hamda Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tashkiliy tuzilmasini shakllantirish chora-tadbirlari toʻgʻrisida” 2009-yil 30-dekabrdagi PQ-1252-son qarorlari)” 2010-yil 24-martdagi 52-son qaroriga 1-ilovaning 20-bandi (Oʻzbekiston Respublikasi QT, 2010-y. 3-son, 12-modda).

5. Vazirlar Mahkamasining “Voyaga yetmaganlar ishlari boʻyicha komissiyalar faoliyatini takomillashtirishga doir qoʻshimcha chora-tadbirlar toʻgʻrisida” 2011-yil 17-yanvardagi 13-son qarori (Oʻzbekiston Respublikasi QT, 2011-y. 1-son, 4-modda).

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Oʻzbekiston Respublikasining Budjet kodeksini tasdiqlash toʻgʻrisida” 2013-yil 26-dekabrdagi OʻRQ-360-son hamda “Soliq va budjet siyosatining 2016-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida” 2015-yil 31-dekabrdagi OʻRQ-398-son qonunlari)” 2016-yil 26-apreldagi 122-son qaroriga 1-ilovaning 32-bandi (Oʻzbekiston Respublikasi QT, 4-son, 28-modda).

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Aholining hojatmand qatlamlarini ijtimoiy qoʻllab-quvvatlash hamda tibbiy-ijtimoiy yordam koʻrsatish tizimini yanada takomillashtirish chora-tadbirlari toʻgʻrisida” 2016-yil 22-fevraldagi PF-4782-son Farmoni hamda Oʻzbekiston Respublikasi Prezidentining “Oʻzbekiston Respublikasi Mehnat vazirligi faoliyatini tashkil etishni takomillashtirish chora-tadbirlari toʻgʻrisida” 2016-yil 24-fevraldagi PQ-2498-son qarori)” 2017-yil 13-martdagi 130-son qaroriga 1-ilovaning 9-bandi (Oʻzbekiston Respublikasi QT, 2017-y., 3-son, 28-modda).