So‘nggi yillarda milliy oliy yuridik ta’limni modernizatsiyalash, mazkur sohaga xalqaro ta’lim standartlari va axborot-kommunikatsiya texnologiyalarini joriy etish, dolzarb huquqiy muammolar bo‘yicha kompleks ilmiy tadqiqotlar o‘tkazish, ta’lim olayotgan yoshlarni ma’naviy-axloqiy tarbiyalash bo‘yicha samarali tizimni yaratish yuzasidan kompleks chora-tadbirlar amalga oshirildi.
Toshkent davlat yuridik universitetida ko‘rilgan choralar o‘quv-tarbiyaviy jarayon sifatini oshirish, uni innovatsion mazmun bilan to‘ldirish, talabalar bilimini baholashning samarali tizimini joriy qilish, mustaqil ravishda yangi bilimlarni egallash va ulardan foydalanish ko‘nikmasini shakllantirishga qaratilgan nazariy tayyorgarlikni huquqni qo‘llash faoliyati bilan uzviy bog‘liqligini ta’minlash imkonini berdi. Universitet bitiruvchilari mamlakatda sodir bo‘layotgan davlat qurilishi va jamiyatni demokratlashtirish, ijtimoiy-iqtisodiy rivojlanishning ustuvor vazifalarini amalga oshirish va sud-huquq sohasini isloh qilish jarayonlariga faol jalb etilgan.
Shu bilan birga, mamlakatda davlat hokimiyatini yanada demokratlashtirishning huquqiy asoslarini takomillashtirish, qonun ustuvorligini ta’minlash, fuqarolar va tadbirkorlik subyektlarining huquq va qonuniy manfaatlarini himoya qilishning ta’sirchan mexanizmlarini joriy qilish, shuningdek, aholining huquqiy madaniyati va huquqiy ongini oshirish bo‘yicha amalga oshirilayotgan keng ko‘lamli islohotlar yuqori malakali yuridik kadrlarga bo‘lgan zaruriyat va yuqori ehtiyojni taqozo etmoqda. Bunda oliy yuridik ta’lim tizimini yanada rivojlantirmasdan islohotlar talablariga javob beradigan mutaxassislarni tayyorlash imkoni mavjud emas.
2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining vazifalariga muvofiq, shuningdek, yuridik kadrlar tayyorlash tizimini xalqaro standartlarni hisobga olgan holda yanada takomillashtirish, Toshkent davlat yuridik universitetida o‘quv jarayonini tashkil etishning zamonaviy usullarini joriy qilish, yoshlarning oliy yuridik ta’lim olishlariga keng imkoniyatlar yaratishni ta’minlash maqsadida:
1. Toshkent davlat yuridik universitetini (keyingi o‘rinlarda TDYU deb ataladi) yanada rivojlantirishning asosiy yo‘nalishlari etib quyidagilar belgilansin:
birinchidan — professor-o‘qituvchilar tarkibini yuqori darajada kasbiy pedagogik mahoratga, huquqiy va siyosiy madaniyatga ega mutaxassislar bilan mustahkamlash, amaliy ish tajribasiga ega bo‘lgan mutaxassislarni ta’lim jarayoniga keng jalb etish;
ikkinchidan — talabalarning mustaqil tayyorgarligini chuqurlashtirishni hisobga olgan holda nazariy mashg‘ulotlarni yanada optimallashtirish, ish beruvchilar ehtiyojidan kelib chiqib, yuristda tahliliy fikrlash va kasbiy ko‘nikmalarni rivojlantirishga qaratilgan o‘quv rejasini, dastur va o‘quv-metodik materiallarni o‘quv jarayonida qo‘llash;
uchinchidan — modul tizimi va o‘qitishning innovatsion metodlarini rivojlantirish, o‘quv jarayonida axborot-kommunikatsiya texnologiyalarini keng qo‘llash, talabalar, o‘qituvchilar va yosh tadqiqotchilarni global axborot-huquqiy va ta’lim resurslaridan foydalanish imkoniyatlarini kengaytirish, amaliyot, stajirovka o‘tish tartibini takomillashtirish, shuningdek, klinik ta’limni joriy etish;
to‘rtinchidan — o‘quv, ilmiy va boshqa adabiyotlar, shu jumladan xorijiy adabiyotlar fondini, o‘qitishning texnik vositalari, shuningdek, global axborot-huquqiy va ta’lim resurslarini muntazam yangilab borish;
beshinchidan — tizimli asosda pedagogik va ilmiy xodimlarni malakasini oshirish va stajirovkadan o‘tkazish, ilmiy tadqiqotlar olib borish, ta’lim jarayoniga xorijiy mutaxassislarni jalb qilish, shuningdek, talabalarning akademik almashinuvini ta’minlash bo‘yicha yetakchi xorijiy ilmiy-ta’lim muassasalari, tahliliy, tadqiqot markazlari, xalqaro tashkilotlar bilan hamkorlikni mustahkamlash;
oltinchidan — ijobiy xalqaro tajribani yanada qo‘llash, shu jumladan talabalar o‘quv yuklamasi hajmini aniqlashning shartli birliklari (kreditlar)ni o‘tkazish va jamlash tizimini joriy etish;
yettinchidan — nazariy bilimlarni qonunchilik faoliyati va huquqni qo‘llash amaliyoti bilan uzviy bog‘liqligini, shu jumladan davlat va xo‘jalik boshqaruvi organlari, sud va huquqni muhofaza qiluvchi organlar, advokatura bilan faol hamkorlik orqali ta’minlash;
sakkizinchidan — TDYU xalqaro reytingi va raqobatdoshligini oshirish maqsadida chet el fuqarolari uchun yuridik ta’lim olish imkoniyatini kengaytirish.
Oldingi tahrirga qarang.
2. Belgilansinki, TDYU rektori tibbiy va transport xizmati ko‘rsatish shart-sharoitlari bo‘yicha O‘zbekiston Respublikasi adliya vaziri o‘rinbosariga tenglashtiriladi.
(2-band O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
Oldingi tahrirga qarang.
(3-band O‘zbekiston Respublikasi Prezidentining 2020-yil 29-apreldagi PF-5987-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 30.04.2020-y., 06/20/5987/0521-son)
Oldingi tahrirga qarang.
4. TDYUga Toshkent davlat yuridik universiteti huzuridagi Yuridik kadrlarni xalqaro standartlar bo‘yicha professional o‘qitish markazi xodimlariga tarif stavkasining 100 foizigacha miqdorida har oylik ustamalar belgilash uchun to‘lov-kontrakt mablag‘lari (o‘qitishning tayanch qiymatidan ortgan miqdori qismi bo‘yicha) hisobidan moddiy jihatdan ko‘llab-quvvatlashga ruxsat berilsin.
O‘zbekiston Respublikasi Moliya vazirligi Toshkent davlat yuridik universiteti huzuridagi Yuridik kadrlarni xalqaro standartlar bo‘yicha professional o‘qitish markazining oliy ta’lim muassasalari pedagog kadrlarining belgilangan davriylikni hisobga olgan xolda qayta tayyorlash va malakasini oshirish bilan bog‘liq xarajatlarini moliyalashtirishga zarur mablag‘larni O‘zbekiston Respublikasi Davlat budjeti parametrlarida nazarda tutsin.
(4-band O‘zbekiston Respublikasi Prezidentining 2018-yil 11-iyuldagi PF-5475-sonli Farmoni tahririda — Qonun hujjatlari ma’lumotlari milliy bazasi, 11.07.2018-y., 06/18/5475/1489-son)
Oldingi tahrirga qarang.
(5-bandning birinchi xatboshisi O‘zbekiston Respublikasi Prezidentining 2020-yil 29-apreldagi PF-5987-sonli Farmoni tahririda — Qonun hujjatlari ma’lumotlari milliy bazasi, 30.04.2020-y., 06/20/5987/0521-son)
Vasiylik kengashi TDYUga quyidagi ustuvor masalalarda har tomonlama rivojlanishiga ko‘maklashishi belgilansin:
bitiruvchilarni ishga joylashtirish bo‘yicha davlat, jamoat va biznes tuzilmalar bilan yanada samarali hamkorlikni amalga oshirish;
oliy yuridik ta’limni rivojlanishiga ko‘maklashuvchi yangi shakl, dastur va istiqbolli tashabbuslarni qo‘llab-quvvatlash, ilmiy ishlanmalar natijalarini qonunchilik faoliyati va huquqni qo‘llash amaliyotiga samarali joriy etish;
o‘zaro hamkorlik to‘g‘risida hamkorlik kelishuvlarini tuzish amaliyotini rivojlantirish va ularni amalga oshirish;
TDYUga moliyaviy yordam ko‘rsatishni tashkil etish, uning faoliyatini ta’minlash va rivojlantirish uchun budjetdan tashqari mablag‘lar, xayriya mablag‘larini jalb qilishga ko‘maklashish.
o‘quv jarayonini huquqni qo‘llash amaliyoti bilan uzviy bog‘liqligini ta’minlashni inobatga olgan holda bitiruvchilarga nisbatan malaka talablari, o‘quv reja va o‘quv dasturlarini mustaqil ravishda ishlab chiqish va tasdiqlash;
ta’lim berishning modul tizimi sharoitida professor-o‘qituvchilar tarkibi mehnatini normalashtirish ish vaqtining faqat o‘quv tadbirlarga asoslangan holda mustaqil amalga oshirish, shuningdek, pedagogik xodimlar tomonidan ilmiy-metodik, ilmiy-tadqiqot, tashkiliy-metodik, ma’naviy-axloqiy va tarbiyaviy ishlarni bajarishni rag‘batlantirish huquqi berilsin.
Oldingi tahrirga qarang.
7. TDYUda budjet muassasalari va tashkilotlari xodimlarini moddiy rag‘batlantirish maxsus jamg‘armasi (mehnatga haq to‘lash fondining 15 foizi) bilan bir qatorda, budjetdan tashqari (to‘lov kontrakt) mablag‘lari hisobidan Boshqaruv, professor-o‘qituvchilar, ilmiy, o‘quv-yordamchi, texnik va xizmat ko‘rsatuvchi xodimlarni moddiy rag‘batlantirish uchun Maxsus jamg‘arma (keyingi o‘rinlarda — Maxsus jamg‘arma), ularning mehnatga haq to‘lash fondining kamida 185 foizidan kam bo‘lmagan miqdorida tashkil etilsin.
Maxsus jamg‘arma mablag‘lari shtatdagi boshqaruv, professor-o‘qituvchilar, ilmiy, o‘quv-yordamchi, texnik va xizmat ko‘rsatuvchi xodimlarga har oylik ustamalar va moddiy rag‘batlantirishning boshqa turlarini o‘rnatishga yo‘naltirilib, ularning miqdori TDYU tomonidan mustaqil belgilanadi;
Maxsus jamg‘arma mablag‘larini shakllantirish va ulardan foydalanish tartibi, shuningdek har oylik ustamalarni o‘rnatish mezonlari TDYU tomonidan belgilanadi.
(7-band O‘zbekiston Respublikasi Prezidentining 2020-yil 29-apreldagi PF-5987-sonli Farmoni tahririda — Qonun hujjatlari ma’lumotlari milliy bazasi, 30.04.2020-y., 06/20/5987/0521-son)
8. O‘zbekiston Respublikasi Adliya vazirligi, Oliy va o‘rta maxsus ta’lim vazirligi, Bosh prokuraturasi va Oliy sudining:
Oldingi tahrirga qarang.
TDYU tomonidan talabalarni to‘lov-kontrakt asosida o‘qishga qabul qilish parametrlarini, bakalavriat ta’lim yo‘nalishlari va magistratura mutaxassisliklarini belgilash, shuningdek Adliya vazirligi bilan kelishgan xolda universitetning ilmiy-pedagogik salohiyati va moddiy-texnik bazasi imkoniyatlarini hisobga olgan holda yangi yo‘nalish va mutaxassisliklarini ochish to‘g‘risidagi;
(8-bandning ikkinchi xatboshisi O‘zbekiston Respublikasi Prezidentining 2020-yil 29-apreldagi PF-5987-sonli Farmoni tahririda — Qonun hujjatlari ma’lumotlari milliy bazasi, 30.04.2020-y., 06/20/5987/0521-son)
Oldingi tahrirga qarang.
2017/2018 o‘quv yilidan boshlab TDYU bakalavriatiga qabul qilish kvotalaridan tashqari xorijiy fuqarolarni suhbat qilish yo‘li bilan test sinovlarini topshirmagan holda, o‘qish uchun kontrakt summasini milliy valyutada to‘lash orqali qabul qilish to‘g‘risidagi takliflariga rozilik berilsin.
(8-bandning uchinchi xatboshisi O‘zbekiston Respublikasi Prezidentining 2017-yil 29-sentabrdagi PF-5197-sonli Farmoni tahririda)
9. O‘zbekiston Respublikasi Prezidentining ayrim hujjatlariga 3-ilovaga muvofiq o‘zgartishlar kiritilsin.
10. O‘zbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda:
TDYU bakalavriatiga xorijiy fuqarolarni qabul qilish tartibini belgilashni nazarda tutuvchi Vazirlar Mahkamasining qarori loyihasini;
qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risidagi takliflarni O‘zbekiston Respublikasi Vazirlar Mahkamasiga kiritsin.
11. Vazirlik va idoralar O‘zbekiston Respublikasi Adliya vazirligi bilan birgalikda bir oy muddatda idoraviy normativ-huquqiy hujjatlarga ushbu qarordan kelib chiqadigan o‘zgartish va qo‘shimchalarni kiritsin.
12. Ushbu qarorning bajarilishini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidentining Davlat maslahatchisi O.B. Murodov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2020-yil 29-apreldagi PF-5987-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 30.04.2020-y., 06/20/5987/0521-son)
Oldingi tahrirga qarang.
(2-ilova O‘zbekiston Respublikasi Prezidentining 2020-yil 29-apreldagi PF-5987-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 30.04.2020-y., 06/20/5987/0521-son)
1. O‘zbekiston Respublikasi Prezidentining “Yuridik kadrlar tayyorlash tizimini yanada takomillashtirish chora-tadbirlari to‘g‘risida” 2013-yil 28-iyundagi PQ-1990-sonli qarorining:
Oldingi tahrirga qarang.
(1-bandning ikkinchi xatboshisi O‘zbekiston Respublikasi Prezidentining 2018-yil 13-apreldagi PQ-3666-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 14.04.2018-y., 07/18/3666/1073-son)
Oldingi tahrirga qarang.
(1-bandning uchinchi xatboshisi O‘zbekiston Respublikasi Prezidentining 2018-yil 13-apreldagi PQ-3666-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 14.04.2018-y., 07/18/3666/1073-son)
2. O‘zbekiston Respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida” 2017-yil 20-apreldagi PQ–2909-sonli qarorining 28-ilovasi 1-bo‘limi 1-bandi “Yillar bo‘yicha qabulning istiqbolli ko‘rsatgichlari” grafasidagi “450” raqamlar “600” raqamlar bilan almashtirilsin.