Oʻzbekiston Respublikasi Prezidentining “Respublika davlat boshqaruvi organlari tizimini takomillashtirish toʻgʻrisida” 2003-yil 9-dekabrdagi PF–3358-son Farmonini bajarish maqsadida Vazirlar Mahkamasi qaror qiladi:

1. Quyidagilar:

Oʻzbekiston matbuot va axborot agentligining tashkiliy tuzilmasi 1-ilovaga muvofiq;

Oʻzbekiston matbuot va axborot agentligi toʻgʻrisidagi nizom 3-ilovaga muvofiq;

2. Oʻzbekiston matbuot va axborot agentligi Bosh direktoriga markaziy apparat tuzilmasiga, zarurat boʻlganda, xodimlarning cheklangan umumiy soni hamda ularni taʼminlash mablagʻlari doirasida oʻzgartirishlar kiritish huquqi berilsin.

3. Quyidagilarga:

Oʻzbekiston matbuot va axborot agentligi, Oʻzbekiston Respublikasi Davlat mulki qoʻmitasi, Iqtisodiyot vazirligi, Mehnat va aholini ijtimoiy muhofaza qilish vazirligi hamda Moliya vazirligining Agentlik tizimiga kiruvchi nashriyotlar va matbaa korxonalari negizida nashriyot-matbaa ijodiy uylari tashkil etish;

Oʻzbekiston koʻzi ojizlar jamiyati va Oʻzbekiston Respublikasi Davlat mulki qoʻmitasining Jamiyatga qarashli bosmaxonani davlat korxonasi sifatida Oʻzbekiston matbuot va axborot agentligi ixtiyoriga berish;

A. Qodiriy nomidagi hamda Abu Ali ibn Sino nomidagi nashriyotlar ijodiy jamoalarining ularni “Oʻzbekiston milliy ensiklopediyasi” davlat ilmiy nashriyotiga qoʻshish toʻgʻrisidagi takliflariga rozilik berilsin.

Oʻzbekiston matbuot va axborot agentligi “Oʻzbekiston milliy ensiklopediyasi” davlat ilmiy nashriyoti toʻgʻrisidagi nizomni hamda unga A. Qodiriy nomidagi hamda Abu Ali ibn Sino nomidagi nashriyotlarning qoʻshilishini hisobga olgan holda uning tuzilmasini bir oy muddatda ishlab chiqsin va tasdiqlasin.

6. Quyidagilar:

Vazirlar Mahkamasining “Oʻzbekiston milliy ensiklopediyasi” davlat ilmiy nashriyotini tashkil etish toʻgʻrisida” 1997-yil 20-martdagi 154-son qarorining 6-bandi hamda qarorga 2, 2a-ilovalar;

Vazirlar Mahkamasining “Oʻzbekiston matbuot va axborot agentligi faoliyatini tashkil etish toʻgʻrisida” 2002-yil 3-iyuldagi 241-son qarori (Oʻzbekiston Respublikasi QT, 2002-y., 7-son, 37-modda) oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Azizxoʻjayev zimmasiga yuklansin.

1. Oʻzbekiston matbuot va axborot agentligi (keyingi oʻrinlarda Agentlik deb ataladi) ommaviy axborot vositalari, axborotlar almashish, matbuot, noshirlik, matbaachilik faoliyati hamda davriy nashrlarni tarqatish sohasida davlat siyosatini ishlab chiqish va amalga oshirish borasidagi vazifalarni hal etish uchun vakolat berilgan davlat boshqaruvi organi hisoblanadi.

Agentlik oʻz faoliyati toʻgʻrisida Oʻzbekiston Respublikasi Vazirlar Mahkamasiga hisob beradi.

2. Agentlik tizimiga Qoraqalpogʻiston Respublikasi matbuot va axborot agentligi, viloyatlar va Toshkent shahar matbuot va axborot boshqarmalari (keyingi oʻrinlarda hududiy boshqarmalar deb ataladi) hamda Agentlikka qarashli boshqa tashkilotlar kiradi.

Hududiy boshqarmalar ikki tomonlama boʻysunadilar hamda tegishli ravishda Qoraqalpogʻiston Respublikasi Vazirlar Kengashiga, mahalliy davlat hokimiyati organlariga hisob beradilar.

3. Agentlik oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisining qarorlariga va boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

4. Agentlik oʻz faoliyatini davlat boshqaruvining boshqa organlari, mahalliy davlat hokimiyati organlari, jamoat birlashmalari va boshqa tashkilotlar bilan oʻzaro hamkorlikda amalga oshiradi.

5. Agentlikni, uning hududiy boshqarmalarini moddiy-texnik taʼminlash va Agentlik tizimi xodimlari mehnatiga haq toʻlash Agentlikka qarashli tashkilotlarning shartnoma asosidagi ajratmalari, shuningdek qonun hujjatlarida taqiqlanmagan boshqa manbalar hisobiga amalga oshiriladi.

6. Agentlik va uning hududiy boshqarmalari yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

7. Quyidagilar Agentlikning asosiy vazifalari hisoblanadi:

ommaviy axborot vositalarining mustaqil faoliyatni amalga oshirishga boʻlgan konstitutsiyaviy huquqlariga va tegishli qonun hujjatlariga, soʻz va matbuot erkinligi kafolatlariga soʻzsiz rioya qilinishi monitoringini olib borish;

respublika fuqarolarining axborotlar olishga boʻlgan ehtiyojini yanada toʻliq qondirish, aholining, eng avvalo, oʻsib kelayotgan avlodning taʼlim, maʼnaviy va madaniy darajasini oshirish, ularni milliy mustaqillik gʻoyalari ruhida tarbiyalash maqsadida ommaviy axborot vositalarini, noshirlik ishlarini va matbaachilikni keng rivojlantirishga koʻmaklashish;

noshirlik va matbaachilik faoliyati, ommaviy axborot vositalari, davriy nashrlarni tarqatish, shu jumladan koʻrsatib oʻtilgan faoliyat turlarini roʻyxatdan oʻtkazish sohasidagi davlat siyosatini amalga oshirish;

nashriyotlar, ommaviy axborot vositalari, televideniye, radioeshittirish va respublika axborot bozorining boshqa qatnashchilari tomonidan axborot sohasida amaldagi qonun hujjatlariga rioya etilishi yuzasidan monitoringni amalga oshirish;

respublika fuqarolari va yuridik shaxslarining axborotlarni tayyorlash, tarqatish, ulardan foydalanish sohasidagi huquqlari va manfaatlarining himoya qilinishini taʼminlash;

noshirlik faoliyatini litsenziyalashni tashkil etish;

mulkchilik shakllaridan qatʼi nazar, ommaviy axborot vositalari uchun axborot bozorida teng shart-sharoitlarni taʼminlash tadbirlarini ishlab chiqish;

noshirlik va matbaachilik faoliyati, davriy nashrlarni tarqatish sohasida yagona texnika siyosatini oʻtkazish;

reklamalar tayyorlash, shuningdek ularni ommaviy axborot vositalari orqali tarqatish sohasida davlat siyosatini ishlab chiqish va amalga oshirishda qatnashish;

noshirlik-matbaachilik faoliyatining ishlab chiqarish-texnikaviy bazasini rivojlantirish va zamonaviylashtirish, standartlash va sertifikatlash sohasidagi chora-tadbirlarni ishlab chiqish va amalga oshirish.

8. Agentlik oʻziga yuklangan vazifalarni bajarish maqsadida quyidagi funksiyalarni amalga oshiradi:

matbaachilik faoliyati bilan shugʻullanuvchi shaxslarni, ommaviy axborot vositalarini roʻyxatdan oʻtkazadi;

Vazirlar Mahkamasining Noshirlik faoliyatini litsenziyalash komissiyasining ishchi organi funksiyasini bajaradi;

nashriyotlar, ommaviy axborot vositalari, televideniye, radio va respublika axborot bozorining boshqa qatnashchilari tomonidan axborot sohasida amaldagi qonun hujjatlariga rioya etilishi monitoringini tashkil qiladi;

qonun hujjatlariga, roʻyxatdan oʻtkazish va litsenziyalash shartlariga rioya etilishini nazorat qiladi, ommaviy axborot vositalari va nashriyotlar tomonidan amaldagi qonun hujjatlari muntazam ravishda bajarilmagan taqdirda esa — roʻyxatdan oʻtkazish toʻgʻrisidagi guvohnomalar va litsenziyalarning amal qilishini belgilangan tartibda toʻxtatib turadi va toʻxtatadi;

texnik, shuningdek boshqa normativlar va standartlarni ishlab chiqish hamda texnikaviy bazani rivojlantirish, rekonstruksiya qilish, undan foydalanish, standartlash va sertifikatlash sohasidagi tadbirlarni ishlab chiqadi va amalga oshiradi;

Agentlik vakolatiga kiritilgan sohalarda faoliyatni amalga oshiruvchi boshqa organlarga koʻmaklashadi;

Agentlik vakolatiga kiruvchi tarmoqlarni rivojlantirish prognozlari va dasturlarini ishlab chiqadi;

Agentlik faoliyatiga taalluqli iqtisodiy, ijtimoiy, texnikaviy, huquqiy muammolarni tahlil qiladi hamda ularni hal etish, shu jumladan takliflar, tegishli qonun hujjatlari va normativ hujjatlar loyihalarini tayyorlash boʻyicha takliflar ishlab chiqadi;

Agentlik tasarrufidagi tashkilotlar faoliyatiga rahbarlik qiladi va ular faoliyatini muvofiqlashtiradi, ularning moddiy-texnikaviy taʼminotiga koʻmaklashadi;

matbuot va axborot sohasida xalqaro hamkorlikni rivojlantiradi, xalqaro tashkilotlarning Agentlik vakolatiga taalluqli masalalar boʻyicha ishlarida qatnashadi.

9. Agentlik oʻziga yuklangan vazifalar va funksiyalarni bajarish uchun quyidagi huquqlarga ega:

davlat organlaridan va boshqa organlar, muassasalar, tashkilotlar, mansabdor shaxslardan zarur axborotlar, hujjatlar va materiallarni qonun hujjatlarida belgilangan tartibda soʻrab olish;

qonun loyihalarini tayyorlash, ekspertizadan oʻtkazish, tadqiqot ishlarini amalga oshirish va konsultatsiyalar uchun ilmiy tashkilotlarni, davlat organlari xodimlarini, mutaxassislar va ekspertlarni, shu jumladan xorijiy mutaxassislar va ekspertlarni belgilangan tartibda jalb etish, vaqtinchalik ijodiy jamoalar tashkil qilish;

oʻz vakolati doirasida, qonun hujjatlarida belgilangan tartibda, matbuot va axborot sohasidagi qonunchilikni buzayotgan davlat boshqaruvi organlari, mahalliy davlat hokimiyati organlari, xoʻjalik yurituvchi subyektlar va ularning mansabdor shaxslari tomonidan bajarilishi majburiy boʻlgan koʻrsatmalar (taqdimnomalar) berish.

Agentlik Oʻzbekiston Respublikasi qonun hujjatlariga muvofiq boshqa huquqlarga ham ega boʻlishi mumkin.

10. Agentlik oʻz vakolatlari doirasida vazirliklar, davlat qoʻmitalari, idoralar, mahalliy davlat hokimiyati organlari, korxonalar, muassasalar, tashkilotlar, mansabdor shaxslar va fuqarolar uchun majburiy boʻlgan normativ-huquqiy hujjatlar chiqarishga haqlidir.

Agentlik, zarur hollarda, boshqa vazirliklar, davlat qoʻmitalari va idoralar bilan birga qoʻshma qarorlar va boshqa hujjatlar qabul qilishga haqlidir.

11. Agentlik oʻziga yuklangan vazifalarning samarali bajarilishi uchun javob beradi.

12. Oʻzbekiston matbuot va axborot agentligining ommaviy axborot vositalarini senzura qilishi, materiallarni tahrir qilishi va ommaviy axborot vositalari faoliyatiga boshqa har qanday shaklda noqonuniy aralashishi qatʼiyan taqiqlanadi.

13. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan bosh direktor boshchilik qiladi.

Bosh direktorning belgilangan tartibda Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan bir nafar oʻrinbosari boʻladi.

Bosh direktor maqomiga koʻra vazirga, bosh direktorning birinchi oʻrinbosari — vazirning birinchi oʻrinbosariga, Bosh direktor oʻrinbosari — vazir oʻrinbosariga tenglashtiriladi.

14. Bosh direktor:

Agentlik faoliyatiga yakkaboshchilik asosida rahbarlik qiladi va Agentlikka yuklangan vazifalarning bajarilishi uchun shaxsan javob beradi.

Agentlikning markaziy apparati xodimlarini va hududiy boshqarmalar rahbarlarini belgilangan tartibda lavozimga tayinlaydi va lavozimdan ozod qiladi;

Bosh direktorning oʻrinbosarlari oʻrtasida vazifalarni taqsimlaydi;

Agentlikning mansabdor shaxslari, hududiy boshqarmalar, Agentlik tasarrufidagi tashkilotlar tomonidan bajarilishi majburiy boʻlgan buyruqlar chiqaradi va koʻrsatmalar beradi, shuningdek ularning bajarilishini belgilangan tartibda nazorat qiladi;

Oʻzbekiston Respublikasi Vazirlar Mahkamasi tomonidan tasdiqlangan xodimlarning soni va mehnatga haq toʻlash fondi doirasida Agentlik markaziy apparatining tuzilmasi va shtat jadvalini, matbuot va axborot hududiy boshqarmalari xodimlari sonini, shuningdek ularning taʼminoti xarajatlari smetasini tasdiqlaydi;

Agentlikning tarkibiy va hududiy boshqarmalari toʻgʻrisidagi nizomlarni, Agentlikka qarashli tashkilotlarning nizomlarini belgilangan tartibda tasdiqlaydi.

Bosh direktor qonun hujjatlariga muvofiq boshqa vakolatlarni amalga oshiradi.

15. Agentlikda bosh direktor (hayʼat raisi), uning oʻrinbosari (lavozimiga koʻra), shuningdek Agentlik faoliyatining asosiy yoʻnalishlarini muvofiqlashtiruvchi tarkibiy boʻlinmalari rahbarlaridan, shuningdek ommaviy axborot vositalari va ommaviy kommunikatsiyalar, matbuot, nashriyotlar va matbaa sohasidagi boshqa rahbar xodimlardan iborat tarkibda hayʼat tashkil etiladi.

Hayʼatning aʼzolari soni va shaxsiy tarkibi Bosh direktorning taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.

Hayʼat quyidagilar bilan bogʻliq masalalarni koʻrib chiqadi:

Agentlik faoliyatining ommaviy axborot vositalari, axborot ayirboshlash, matbuot, noshirlik, matbaa faoliyati va davriy nashrlarni tarqatish, respublika fuqarolarining axborot olishga boʻlgan ehtiyojlarini yanada toʻliq qondirish, aholining taʼlim, axloqiy va madaniy saviyasini oshirish, tarbiyalash maqsadida ommaviy axborot vositalarini, noshirlik ishi va matbaachilikni keng rivojlantirishga koʻmaklashish sohasida davlat siyosatini ishlab chiqish va amalga oshirishni davom ettirish boʻyicha ushbu Nizomda belgilangan asosiy yoʻnalishlarini tayyorlash va amalga oshirish;

Oʻzbekiston Respublikasi Oʻzbekiston matbuot va axborot agentligi nomenklaturasiga kiradigan lavozimlarga kadrlarni tanlash, joy-joyiga qoʻyish, tayyorlash va qayta tayyorlash;

Oʻzbekiston Respublikasi Prezidentining farmonlari, qarorlari va farmoyishlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash, ularning oʻz vaqtida va sifatli amalga oshirilishini taʼminlash uchun Agentlik rahbarlari va xodimlarining shaxsiy javobgarligini oshirish.

Hayʼat Agentlik vakolatiga taalluqli boshqa masalalarni ham koʻrib chiqish huquqiga ega.

Hayʼat majlisiga Agentlik vakolatiga kiradigan masalalar boʻyicha boshqa vazirliklar, davlat qoʻmitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.

Hayʼat uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

Hayʼat qarorlari bosh direktorning buyruqlari bilan amalga oshiriladi. Bosh direktor va hayʼat aʼzolari oʻrtasida kelishmovchiliklar paydo boʻlgan taqdirda bosh direktor paydo boʻlgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga xabar qilishlari mumkin.

Hayʼat faoliyati tartibi uning hayʼat tasdiqlaydigan reglamentida belgilanadi.

16. Hududiy boshqarmalar oʻz faoliyatini Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda Agentlik tomonidan tasdiqlanadigan nizomlarga muvofiq amalga oshiradi.

Agentlikning hududiy boshqarmalari rahbarlari tegishli ravishda Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining taqdimnomasiga binoan Bosh direktor tomonidan tayinlanadi.

17. Oʻzbekiston matbuot va axborot agentligini tugatish va qayta tashkil etish qonun hujjatlarida belgilangan tartibda amalga oshiriladi.