10.04.2017 yildagi 198-son
Hujjat kuchini yo‘qotgan 06.10.2017
 LexUZ sharhi
O‘zbekiston Respublikasi Prezidentining “Kichik tadbirkorlikni rivojlantirish kafolat jamg‘armasini tashkil etish to‘g‘risida” 2017-yil 10-fevraldagi PQ-2768-son qarorini bajarish yuzasidan, shuningdek kichik tadbirkorlik subyektlarining tijorat banklari tomonidan beriladigan kreditlardan foydalanishini kengaytirish yo‘li bilan ularni jadal rivojlantirish uchun yanada qulay shart-sharoitlar yaratish hamda Kichik tadbirkorlikni rivojlantirish kafolat jamg‘armasi faoliyatini samarali tashkil etish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining “Kichik tadbirkorlikni rivojlantirish kafolat jamg‘armasini tashkil etish to‘g‘risida” 2017-yil 10-fevraldagi PQ-2768-son qaroriga muvofiq aksiyadorlik jamiyati shaklida Kichik tadbirkorlikni rivojlantirish kafolat jamg‘armasi (keyingi o‘rinlarda Kafolat jamg‘armasi deb ataladi) tashkil etilganligi ma’lumot uchun qabul qilinsin.
1. Ushbu Nizom O‘zbekiston Respublikasi Prezidentining “Kichik tadbirkorlikni rivojlantirish kafolat jamg‘armasini tashkil etish to‘g‘risida” 2017-yil 10-fevraldagi PQ-2768-son qaroriga muvofiq yangi, zamonaviy texnologik uskunalarni xarid qilish, ishlab chiqarish faoliyatini tashkil etish va kengaytirish, shuningdek boshqa maqsadlar uchun tijorat banklari tomonidan beriladigan kreditlarning garov bilan qoplanmagan qismi bo‘yicha kichik tadbirkorlik subyektlariga “Kichik tadbirkorlikni rivojlantirish kafolat jamg‘armasi” AJ (keyingi o‘rinlarda Kafolat jamg‘armasi deb ataladi) tomonidan ta’minot berish tartibini belgilaydi.