T/r | Kafolat jamg‘armasi aksiyadorlari | Dastlabki ustav kapitali (mlrd so‘m) |
Jami | 100,0 | |
1. | O‘zbekiston banklar assotsiatsiyasi | 5,0 |
2. | O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi | 50,0* |
3. | O‘zbekiston Respublikasi Savdo-sanoat palatasi | 2,0** |
4. | O‘zbekiston Respublikasi TIF milliy banki | 10,0 |
5. | ATB “Asaka” | 5,0 |
6. | ATB “O‘zsanoatqurilishbank” | 5,0 |
7. | ATIB “Ipoteka-bank” | 3,0 |
8. | “Kafolat” sug‘urta kompaniyasi” AJ | 3,0 |
9. | “O‘zagrosug‘urta” AJ | 3,0 |
10. | “O‘zbekinvest” EIMSK | 2,0 |
11. | ATB “Agrobank” | 2,0 |
12. | ATB “Qishloqqurilish bank” | 2,0 |
13. | ATB “Kapitalbank” | 1,0 |
14. | ATB “Aloqabank” | 1,0 |
15. | AITB “Ipak yo‘li” | 1,0 |
16. | XAB “Trastbank” | 1,0 |
17. | ATB “Turonbank” | 1,0 |
18. | ATB “Invest Finance Bank” | 1 |
19. | XATB “Orient Finans” | 0,5 |
20. | XATB “Turkiston bank” | 0,5 |
21. | XATB “Ravnaqbank” | 0,5 |
22. | XATB “Davrbank” | 0,5 |
O‘zbekiston Respublikasi Prezidentining qarori, 10.02.2017 yildagi PQ-2768-son
Кучга кириш санаси
20.02.2017
Рус
Ўзб
O’zb
O‘zb|Рус
Hujjat kuchini yo‘qotgan 24.10.2017
|
LexUZ sharhi
Mazkur qaror O‘zbekiston Respublikasi Prezidentining 2017-yil 23-oktabrdagi PF-5214-sonli “O‘zbekiston Respublikasi Prezidentining ayrim hujjatlariga o‘zgartirish kiritish, shuningdek ba’zilarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Ishbilarmonlik muhitini yanada yaxshilash va bozor islohotlarini chuqurlashtirish, zamonaviy texnologik uskunalarni xarid qilish, ichki va tashqi bozorlarda xaridorgir bo‘lgan raqobatdosh mahsulotlar ishlab chiqarishni o‘zlashtirish uchun tijorat banklari tomonidan beriladigan kreditlar olish imkoniyatlarini kengaytirish yo‘li orqali kichik tadbirkorlik subyektlarini jadal rivojlantirish uchun yanada qulay shart-sharoitlar yaratish, buning asosida mamlakatni ijtimoiy-iqtisodiy rivojlantirishda kichik tadbirkorlikning rolini oshirish maqsadida:
1. O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi, O‘zbekiston Respublikasi Markaziy banki, Moliya vazirligi, Savdo-sanoat palatasi, O‘zbekiston Banklar uyushmasi, shuningdek, tijorat banklar va sug‘urta tashkilotlarining aksiyadorlik jamiyati shaklidagi kichik tadbirkorlikni rivojlantirish Kafolat jamg‘armasini (keyingi o‘rinlarda — Kafolat jamg‘armasi) respublika hududlarida filiallarini ochgan holda, tashkil etish to‘g‘risidagi taklifi qabul qilinsin.
2. Quyidagilar kichik tadbirkorlikni rivojlantirish Kafolat jamg‘armasining asosiy vazifalari etib belgilansin:
kichik tadbirkorlik subyektlariga yangi zamonaviy texnologik uskunalar xarid qilish va boshqa maqsadlarda beriladigan tijorat banklari kreditlarining garov bilan qoplanmagan qismini ta’minlab berish;
tijorat banklaridan kreditlar olish shartlari bo‘yicha kichik tadbirkorlik subyektlariga maslahat yordamlari ko‘rsatish;
yuqori texnologiyali va innovatsiyaviy ishlab chiqarishlarni tashkil etish va kengaytirishda kichik tadbirkorlik subyektlariga ko‘maklashish;
ta’minot berilgan loyihalarning amalga oshirilishi ustidan tizimli monitoring olib borish, shuningdek, tijorat banklari tomonidan berilgan kreditlarni o‘z vaqtida qaytarish va ta’minot sifatida taqdim etilgan Kafolat jamg‘armasining majburiyatini qoplashni nazorat qilish;
Kafolat jamg‘armasining resurs bazasini kengaytirishga xalqaro moliya institutlari, xorijiy fondlar va banklarning mablag‘larini jalb etish.
3. Kafolat jamg‘armasi aksiyadorlarining ilovaga muvofiq tarkibi hamda uning boshlang‘ich ustav kapitali miqdoriga rozilik berilsin.
Belgilansinki, jamiyat aksiyadorlarining umumiy yig‘ilishida saylangan Kafolat jamg‘armasining raisi lavozimga O‘zbekiston Respublikasi Vazirlar Mahkamasi tomonidan tasdiqlanadi.
Kafolat jamg‘armasi tomonidan kichik tadbirkorlik subyektlariga ishonch xati qaytarish va qoplash asosida tijorat banklari tomonidan kredit beriladigan muddatga taqdim etiladi;
kredit shartnomasi (lizing shartnomasi) bo‘yicha qarz oluvchining majburiyatlarini bajarish maqsadida, Kafolat jamg‘armasi, kredit beruvchi bank va qarz oluvchi o‘rtasida tuziladigan kafillik shartnomasi asosida Kafolat jamg‘armasi tomonidan ishonch xati taqdim etiladi;
tijorat banklarining kichik tadbirkorlik subyektlariga yangi zamonaviy texnologik uskunalar xarid qilish va boshqa maqsadlarda beriladigan kreditlari bo‘yicha Kafolat jamg‘armasining ta’minoti, garov bilan qoplanmagan qismida, kredit summasi umumiy miqdorining 50 foizidan va ekvivalenti 100 000 AQSh dollariga teng summadan oshmasligi kerak;
Kafolat jamg‘armasi tomonidan taqdim etiladigan ta’minotning maksimal umumiy miqdori — Kafolat jamg‘armasi mablag‘larining 5 karra miqdoridan ortiq bo‘lmasligi lozim.
5. Kafolat jamg‘armasi barcha turdagi soliqlar va davlatning maqsadli jamg‘armalariga majburiy ajratmalar to‘lashdan ozod etilsin, bo‘shaydigan mablag‘lar uning resurs va moddiy-texnika bazasini mustahkamlashga maqsadli tarzda yo‘naltirilsin.
6. O‘zbekiston Respublikasi Markaziy banki O‘zbekiston Banklar uyushmasi, O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi hamda boshqa vazirliklar va idoralar bilan birgalikda bir oy muddatda belgilangan tartibda quyidagi loyihalarni ishlab chiqsin va tasdiqlash uchun Vazirlar Mahkamasiga kiritsin:
Kafolat jamg‘armasining faoliyatini tashkil etish chora-tadbirlari to‘g‘risidagi O‘zbekiston Respublikasi Hukumatining qarori;
yangi zamonaviy texnologik uskunalarni xarid qilish va boshqa maqsadlarda tijorat banklari tomonidan beriladigan kreditlarning garov bilan qoplanmagan qismi bo‘yicha Kichik tadbirkorlik subyektlariga ta’minot taqdim etish tartibi to‘g‘risidagi nizom.
7. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari R. Azimov zimmasiga yuklansin.
LexUZ sharhi