Oʻzbekiston Respublikasi Prezidentining “Hududlarni kompleks rivojlantirishni taʼminlashda mahalliy davlat boshqaruvi organlari faoliyatini takomillashtirishga oid qoʻshimcha chora-tadbirlar toʻgʻrisida” 2016-yil 22-fevraldagi PQ-2495-son qaroriga hamda Vazirlar Mahkamasining “Viloyatlar, Toshkent shahri, tumanlar va shaharlar hokimliklarining hududlarni kompleks rivojlantirish yigʻma boshqarmalari va boʻlimlari toʻgʻrisidagi namunaviy nizomlarni tasdiqlash haqida” 2016-yil 23-martdagi 82-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Vazirliklar va idoralar oʻzlarining normativ-huquqiy hujjatlarini bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining 2003-yil 16-sentabrdagi 401-son qarori bilan tasdiqlangan Foydalanilmayotgan asosiy vositalarni, qurilishi tugallanmagan obyektlarni konservatsiya qilish tartibi toʻgʻrisidagi nizomda (Oʻzbekiston Respublikasi QT, 2003-y., 9-son, 84-modda):

a) 6-bandda:

“a” kichik bandning uchinchi xatboshidagi “Iqtisodiyot vazirligi va Moliya vazirligining hududiy organlari” soʻzlari “Moliya vazirligining hududiy organlari, Qoraqalpogʻiston Respublikasi Iqtisodiyot vazirligi, viloyatlar va Toshkent shahri hokimliklari” soʻzlari bilan almashtirilsin;

“b” kichik banddagi “Iqtisodiyot vazirligi” soʻzlari chiqarib tashlansin;

b) 25-bandning “b” kichik bandidagi “Iqtisodiyot vazirligi” soʻzlari chiqarib tashlansin.

2. Vazirlar Mahkamasining “Umumtaʼlim maktablarining 9-sinf bitiruvchilarini akademik litseylar va kasb-hunar kollejlarida oʻqitish bilan qamrab olishni taʼminlash boʻyicha normativ-huquqiy bazani yanada takomillashtirish toʻgʻrisida” 2010-yil 7-iyundagi 109-son qaroriga (Oʻzbekiston Respublikasi QT, 2010-y., 6-son, 28-modda) 1-ilovada:

a) 3-banddagi “Iqtisodiyot vazirligi, Mehnat va aholini ijtimoiy muhofaza qilish vazirligining hududiy boʻlinmalari hamda Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari bilan birgalikda” soʻzlari “Mehnat vazirligining hududiy boʻlinmalari, Qoraqalpogʻiston Respublikasi Vazirlar Kengashi, viloyatlar va Toshkent shahri, shaharlar va tumanlar hokimliklari bilan birgalikda” soʻzlari bilan almashtirilsin;

b) 10-bandning birinchi xatboshidagi “Oʻzbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligining hududiy boʻlinmalari Oʻrta maxsus, kasb-hunar taʼlimi markazining hududiy boshqarmalari ishtirokida” soʻzlari “Mehnat vazirligining hududiy boʻlinmalari Oʻrta maxsus, kasb-hunar taʼlimi markazining hududiy boshqarmalari ishtirokida Qoraqalpogʻiston Respublikasi Iqtisodiyot vazirligi, viloyatlar va Toshkent shahri hokimliklarining hududlarni kompleks rivojlantirish yigʻma boshqarmalari bilan birgalikda” soʻzlari bilan almashtirilsin;

v) 11-banddagi “Oʻzbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligining hududiy boʻlinmalari” soʻzlari “Oʻzbekiston Respublikasi Mehnat vazirligining hududiy boʻlinmalari, Qoraqalpogʻiston Respublikasi Iqtisodiyot vazirligi, viloyatlar va Toshkent shahri hokimliklarining hududlarni kompleks rivojlantirish yigʻma boshqarmalari” soʻzlari bilan almashtirilsin;

g) 18-banddagi “Oʻzbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligi va Oʻrta maxsus, kasb-hunar taʼlimi markazining hududiy boʻlinmalari” soʻzlari “Mehnat vazirligi, Oʻrta maxsus, kasb-hunar taʼlimi markazining hududiy boʻlinmalari, shuningdek Qoraqalpogʻiston Respublikasi Iqtisodiyot vazirligi” soʻzlari bilan almashtirilsin;

d) ilovaning “1-bosqich” satrining “Masʼul bajaruvchilar” boʻlimidagi “Mehnat va aholini ijtimoiy muhofaza qilish vazirligi, Iqtisodiyot vazirligi, Oʻrta maxsus, kasb-hunar taʼlimi markazi, Xalq taʼlimi vazirligining hududiy boʻlinmalari” soʻzlari “Mehnat vazirligi, Oʻrta maxsus, kasb-hunar taʼlimi markazi, Xalq taʼlimi vazirligining hududiy boʻlinmalari, viloyatlar va Toshkent shahri hokimliklarining hududlarni kompleks rivojlantirish yigʻma boshqarmalari, Qoraqalpogʻiston Respublikasi Iqtisodiyot vazirligi” soʻzlari bilan almashtirilsin.

3. Vazirlar Mahkamasining 2012-yil 13-fevraldagi 37-son qarori (Oʻzbekiston Respublikasi QT, 2012-y., 2-son, 9-modda) bilan tasdiqlangan Qishloq joylarda namunaviy loyihalar boʻyicha “tayyor holda topshirish” shartlari asosida yakka tartibda uy-joy qurish uchun pudrat tashkilotlarini aniqlash yuzasidan tanlov savdolari oʻtkazish tartibi toʻgʻrisidagi nizom 5-bandining yettinchi xatboshidagi “viloyatlar iqtisodiyot bosh boshqarmalarining” soʻzlari “viloyatlar hokimliklarining hududlarni kompleks rivojlantirish yigʻma boshqarmalarining” soʻzlari bilan almashtirilsin.

4. Vazirlar Mahkamasining “Kichik sanoat zonalarini barpo etish va ularning faoliyatini tashkil qilish tartibi toʻgʻrisidagi nizomni tasdiqlash haqida” 2014-yil 31-dekabrdagi 378-son qarorida (Oʻzbekiston Respublikasi QT, 2014-y., 12-son, 139-modda):

a) 1-ilovaning 2-bandi oʻn birinchi xatboshi quyidagi tahrirda bayon qilinsin:

“tanlov komissiyasi — tadbirkorlik subyektlarini tanlash va sanoat zonalarida joylashtirish boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi Qoraqalpogʻiston Respublikasi Iqtisodiyot vazirligi, viloyatlar va Toshkent shahri hokimliklarining hududlarni kompleks rivojlantirish yigʻma boshqarmalari, Oʻzbekiston Respublikasi Mehnat vazirligi, Davlat raqobat qoʻmitasi, “Davarxitektqurilish” qoʻmitasi, “Yergeodezkadastr” davlat qoʻmitasi, Davlat soliq qoʻmitasi, Markaziy bank va Savdo-sanoat palatasining hududiy boʻlinmalari vakillari tarkibida tuziladigan tanlov komissiyalari”;

b) 2-ilovaning ikkinchi xatboshidagi “Iqtisodiyot vazirligi hududiy boʻlinmasi rahbari” soʻzlari “Qoraqalpogʻiston Respublikasi Iqtisodiyot vaziri, viloyatlar va Toshkent shahri hokimliklarining hududlarni kompleks rivojlantirish yigʻma boshqarmasi boshligʻi” soʻzlari bilan almashtirilsin.

5. Vazirlar Mahkamasining “Aholi punktlarida davlat kapital qoʻyilmalari hisobiga ichimlik suv taʼminoti va oqova suv xizmatini yaxshilash boʻyicha loyihalarni amalga oshirish samaradorligini taʼminlash chora-tadbirlari toʻgʻrisida” 2015-yil 3-fevraldagi 19-son qaroriga (Oʻzbekiston Respublikasi QT, 2015-y., 2-son, 6-modda) 4-ilovaning 3-bandidagi “viloyatlarning iqtisodiyot bosh boshqarmalari” soʻzlari “viloyatlar hokimliklarining hududlarni kompleks rivojlantirish yigʻma boshqarmalari” soʻzlari bilan almashtirilsin.

6. Vazirlar Mahkamasining 2015-yil 7-oktabrdagi 285-son qarori (Oʻzbekiston Respublikasi QT, 2015-y., 10-son, 89-modda) bilan tasdiqlangan Yuridik va jismoniy shaxslarga tadbirkorlik faoliyatini amalga oshirish uchun doimiy foydalanishga tanlov asosida yer uchastkalari berish tartibi toʻgʻrisidagi nizomda:

a) 12-bandning toʻrtinchi xatboshidagi “tumanlar (shaharlar) iqtisodiyot boʻlimlarining” soʻzlari “tumanlar va shaharlar hokimliklarining hududlarni kompleks rivojlantirish boʻlimlarining” soʻzlari bilan almashtirilsin;

b) 13-bandning toʻrtinchi xatboshidagi “Toshkent shahri iqtisodiyot bosh boshqarmasining” soʻzlari “Toshkent shahar hokimligining hududni kompleks rivojlantirish yigʻma boshqarmasining” soʻzlari bilan almashtirilsin;

v) 1-ilovaning “Subyektlar” boʻlimidagi “Iqtisodiyot vazirligi” soʻzlari “tumanlar va shaharlar hokimliklarining hududlarni kompleks rivojlantirish boʻlimlari” soʻzlari bilan almashtirilsin;

g) 2-ilovaning ikkinchi xatboshidagi “Iqtisodiyot vazirligining hududiy boʻlinmasi rahbarining birinchi oʻrinbosari” soʻzlari “Qoraqalpogʻiston Respublikasi iqtisodiyot vaziri, viloyatlar va Toshkent shahri hokimliklarining hududlarni kompleks rivojlantirish yigʻma boshqarmasi boshligʻi” soʻzlari bilan almashtirilsin.