Oʻzbekiston Respublikasi Bojxona kodeksi, “Davlat bojxona xizmati toʻgʻrisida”gi Qonuni hamda Vazirlar Mahkamasining 2014-yil 31-dekabrdagi 376-son “Tovarlarni bojxonada elektron shaklda deklaratsiyalash tartibi toʻgʻrisidagi nizomni tasdiqlash haqida”gi qaroriga muvofiq Oʻzbekiston Respublikasi Davlat bojxona qoʻmitasi qaror qiladi:

1. Bojxona yuk deklaratsiyasini toʻldirish tartibi toʻgʻrisidagi yoʻriqnoma ilovaga muvofiq tasdiqlansin.

2. Mazkur qaror 2016-yil 21-apreldan kuchga kiradi.

Mazkur Yoʻriqnoma Oʻzbekiston Respublikasining Bojxona kodeksi, “Davlat bojxona xizmati toʻgʻrisida”gi Qonuni, Oʻzbekiston Respublikasi Prezidentining 2012-yil 18-iyuldagi PF-4455-son “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2014-yil 31-dekabrdagi 376-son “Tovarlarni bojxonada elektron shaklda deklaratsiyalash tartibi toʻgʻrisidagi nizomni tasdiqlash haqida”gi qaroriga muvofiq bojxona yuk deklaratsiyasini (bundan buyon matnda BYD deb yuritiladi) toʻldirish tartibini belgilaydi.

1. Mazkur Yoʻriqnomada quyidagi asosiy tushunchalardan foydalaniladi:

joʻnatuvchi — oʻzaro tuzilgan bitimga muvofiq tovarlarni oʻz nomidan tashish uchun tashuvchiga taqdim etuvchi va u haqidagi maʼlumotlar transport hujjatlarida koʻrsatilgan shaxs;

moliyaviy tartibga solish uchun javobgar shaxs — tashqi savdo kontraktini (shartnomasi, kelishuvini) tuzgan va u boʻyicha hisob-kitoblarni amalga oshirishga masʼul shaxs;

bojxona rasmiylashtiruvi boʻyicha mutaxassis (bundan buyon matnda mutaxassis deb yuritiladi) — deklarant yoki bojxona brokeri nomidan BYDni toʻldirish, imzolash va bojxona organlariga taqdim etish uchun vakolatli shaxs;

elektron BYD — mutaxassisning elektron raqamli imzosi (bundan buyon matnda ERI deb yuritiladi) bilan tasdiqlangan, “Tovarlarni elektron deklaratsiyalash” avtomatlashtirilgan axborot tizimi (bundan boʻyon matnda TEDAAT deb yuritiladi) vositasida taqdim etilgan elektron shakldagi BYD yoki qogʻoz shakldagi BYDning elektron tashuvchida taqdim etilgan elektron nusxasi;

qabul qiluvchi — u bilan tuzilgan bitimga muvofiq yuk tashishni amalga oshirayotgan tashuvchi taqdim etishi lozim boʻlgan, tovarlarni oʻz nomidan qabul qilib oluvchi va u haqidagi maʼlumotlar transport hujjatlarida koʻrsatilgan shaxs, tovarlarning bojxona rejimi oʻzgargan hollarda esa — BYD taqdim qilinayotgan vaqtda bojxona rasmiylashtiruvidan soʻng deklaratsiyalanayotgan tovarlarni bojxona organlaridan oʻz tasarrufiga olish vakolatiga ega boʻlgan shaxs.

2. BYDni qoʻllagan holda tovarlarni deklaratsiyalash bojxona maqsadlari uchun zarur boʻlgan maʼlumotlarni elektron shaklda TEDAATga kiritish orqali yoki qonun hujjatlarida belgilangan holatlarda A4 formatdagi varaqlarda qogʻoz shakldagi BYDni qoʻllagan holda amalga oshiriladi.

BYD qogʻoz shaklda taqdim etilganda mutaxassis bojxona organlariga oʻzining ERIsi bilan tasdiqlangan BYDning elektron nusxasini ham taqdim etadi.

3. Elektron BYD bojxona organlariga belgilangan format va tuzilishga muvofiq taqdim etilishi lozim.

4. Bitta BYDda bitta tovar turkumiga oid boʻlgan, bitta bitimga muvofiq olib oʻtilayotgan va bir xil bojxona rejimiga joylashtirilayotgan tovarlar deklaratsiyalanishi mumkin.

Agar bitta tovar turkumiga oid boʻlgan tovarlar turli bojxona rejimlariga joylashtirilayotgan boʻlsa, u holda toʻldiriladigan BYDlar soni bojxona rejimlari soniga muvofiq boʻlishi lozim.

5. Deklarant bitta bojxona organiga taqdim etilayotgan bir tovar turkumiga oid tovarlarni bir nechta BYD bilan deklaratsiyalashi mumkin, Interpretatsiyalashning 2a asosiy qoidasiga muvofiq yigʻilmagan yoki ajratilgan tovarning tarkibiy qismlari deb hisoblanadigan va Oʻzbekiston Respublikasi Tashqi iqtisodiy faoliyat tovarlar nomenklaturasining (bundan boʻyon matnda TIF TN deb yuritiladi) yigʻilgan yoki tugallangan tovarga mos keluvchi pozitsiyasida tasniflanadigan tovarlar bundan mustasno.

6. Bitta BYDda koʻpi bilan 100 ta nomdagi tovarlar toʻgʻrisidagi maʼlumotlar bayon etilishi mumkin.

7. Bir nom, tur, markadagi, TIF TNga asosan bitta oʻn raqamli kod bilan tasniflanuvchi, bir mamlakatdan yoki bir iqtisodiy ittifoq hududidan (agar tovarning aniq kelib chiqish mamlakatini aniqlash imkoni boʻlmasa) kelib chiqqan yoxud kelib chiqish mamlakati nomaʼlum boʻlgan, boj-tariflarini tartibga solish, taqiq va cheklovlarning bir xil shartlari qoʻllaniladigan tovarlar bitta tovar sifatida deklaratsiyalanadi.

8. Olib kirilib, erkin muomalaga chiqarish (import) bojxona rejimiga joylashtirilayotgan hamda bir xil TIF TN kodlari bilan tasniflanayotgan, lekin turli nom, tovar belgilari, marka, model, texnik tavsifga ega boʻlgan, oʻz ehtiyoji uchun moʻljallanmagan isteʼmol tovarlari (TIF TNning 4901, 4902, 4908 — 4911 tovar pozitsiyalari bilan tasniflanuvchi, shuningdek “Navoiy” erkin iqtisodiy industrial zonasi hududidan olib kirilayotgan tovarlar bundan mustasno) turli tovarlar sifatida alohida deklaratsiyalanadi.

9. BYD oʻzbek yoki rus tilida tushunarli toʻldirilgan boʻlishi lozim.

BYDda oʻchirishlar va boʻyashlar boʻlmasligi kerak. Tushunarsiz toʻldirilgan BYDlar bojxona organlari tomonidan rasmiylashtirish uchun qabul qilinmaydi.

10. BYDga mazkur Yoʻriqnomada koʻzda tutilmagan maʼlumotni kiritilishiga yoʻl qoʻyilmaydi.

11. Tovarning kuzatuv hujjatlarida shaxslar, tovarlar, transport vositalari nomlanishlari va boshqa maʼlumotlarning lotin yoki boshqa (arab, xitoy va h.k.) alifbolar harflarida yozilganligi holatlari uchrasa, u holda bunday maʼlumotlar BYDda lotin alifbosi harflari bilan, kirill alifbosidagi nomlanishlar kirill alifbosi harflari bilan yoziladi.

12. BYD taqdim etilgandan soʻng bojxona organi mansabdor shaxsi BYDning toʻgʻri toʻldirilganligini, bojxona rasmiylashtiruvi uchun zarur hujjatlar mavjudligining dastlabki tekshiruvini amalga oshiradi.

Dastlabki tekshiruv natijasida kamchiliklar aniqlansa ushbu kamchiliklarni bartaraf etish maqsadida bojxona organi mansabdor shaxsi bu haqida mutaxassisni xabardor qiladi.

Deklaratsiyalanayotgan tovarlarga nisbatan qonun hujjatlarida mavjud bojxona toʻlovlarini toʻlash boʻyicha imtiyozlar va preferensiyalardan foydalanilmaganligi hamda ushbu imtiyozlar va preferensiyalar toʻgʻrisidagi maʼlumotlarning BYDni tegishli grafalarida aks ettirilmaganligi ham kamchilik hisoblanadi.

BYDning dastlabki tekshiruvi natijasida kamchiliklar aniqlanmasa, bojxona organi mansabdor shaxsi BYDni rasmiylashtirish uchun qabul qiladi.

Bojxona organi tomonidan BYDning qabul qilinganligini rasmiylashtirish u topshirilgan kunda, roʻyxatdan oʻtkazish orqali amalga oshiriladi. Bojxona organi BYDni mazkur Yoʻriqnomaning 90-bandiga muvofiq tartibda uning 7-grafasini toʻldirish orqali roʻyxatga oladi.

13. BYDning rasmiylashtirilishi mazkur Yoʻriqnomaning 90-bandida belgilangan tartibda BYDning “D” grafasini toʻldirilishi bilan yakunlanadi.

14. Bojxona rasmiylashtiruvi va bojxona nazorati yakunlangandan soʻng Oʻzbekiston Respublikasi Bojxona kodeksining 184-moddasi uchinchi qismida koʻrsatilgan muddat davomida quyida koʻrsatilgan hujjatlarning saqlanishi taʼminlanadi:

deklarant tomonidan — BYD hamda BYDni rasmiylashtirish uchun asos boʻlgan hujjatlar;

bojxona brokeri tomonidan — elektron BYD hamda BYDni rasmiylashtirish uchun asos boʻlgan elektron hujjatlar, BYD qogʻoz shaklda rasmiylashtirilgan holatlarda esa qogʻoz shakldagi BYDning ikkinchi nusxasi va BYDni rasmiylashtirish uchun asos boʻlgan hujjatlarning nusxalari;

bojxona organlari tomonidan — elektron BYD hamda BYDni rasmiylashtirish uchun asos boʻlgan elektron hujjatlar, BYD qogʻoz shaklda rasmiylashtirilgan holatlarda esa qogʻoz shakldagi BYDning birinchi nusxasi va BYDni rasmiylashtirish uchun asos boʻlgan hujjatlarning nusxalari.

15. Elektron shaklda deklaratsiyalashda barcha maʼlumotlar elektron BYDning tegishli grafalarida yoki ushbu grafa uchun ajratilgan detallashtirilgan jadvallarda toʻliq koʻrsatiladi va BYDning boshqa grafalariga, qoʻshimcha ilova qilinadigan varaqlarga yoki boshqa shu kabi havolalar qilinishiga yoʻl qoʻyilmaydi.

16. Elektron shaklda deklaratsiyalashda bojxona organlari BYDni qogʻozga chop etmaydilar va qogʻozdagi BYD nusxalarini imzo va muhr bilan tasdiqlab bermaydilar, Oʻzbekiston Respublikasining xalqaro shartnomalarida koʻzda tutilgan holatlar bundan mustasno.

Oʻzbekiston Respublikasining xalqaro shartnomalariga muvofiq BYD qogʻozga chop etilganda bojxona organining vakolatli mansabdor shaxsi elektron BYDdagi maʼlumotlar aks ettirilgan har bir varaqqa tegishli shtamp qoʻyadi, uni oʻz imzosi va shaxsiy raqamli muhri (agar bojxona organi mansabdor shaxsiga shaxsiy raqamli muhr biriktirilmagan boʻlsa, bojxona organining muhri) bilan tasdiqlaydi, qogʻozning yuqori oʻng burchagini esa “Nusxa” yozuvi bilan belgilaydi.

17. Qogʻoz shaklda deklaratsiyalashda BYD mazkur Yoʻriqnomaning 1-ilovasiga muvofiq BYDning asosiy varagʻi, bir nechta tovarlarni deklaratsiyalashda esa mazkur Yoʻriqnomaning 2-ilovasiga muvofiq BYDning qoʻshimcha varagʻidan iborat boʻladi.

BYDning asosiy varagʻida bitta tovar toʻgʻrisida, bitta qoʻshimcha varagʻida esa uchta tovar toʻgʻrisida maʼlumotlar koʻrsatilishi mumkin (bir vaqtning oʻzida asosiy varaqqa 33 tadan koʻp boʻlmagan qoʻshimcha varaqlar ilova qilinishi mumkin).

Agar mazkur Yoʻriqnomada qoʻshimcha varaqlarning alohida grafalari uchun toʻldirishning oʻziga xos xususiyatlari belgilanmagan boʻlsa, BYD qoʻshimcha varaqlaridagi grafalarni toʻldirish tartibi BYD asosiy varagʻidagi mos grafalarni toʻldirish tartibiga muvofiq amalga oshiriladi.

Agar BYDning qoʻshimcha varagʻida bitta yoki ikkita tovar deklaratsiyalanayotgan boʻlsa, qoʻshimcha varaqning toʻldirilmagan qismidagi 31-grafaga diagonal chiziq tortiladi.

18. BYD qogʻoz shaklda taqdim etilganda, BYDning biror bir grafasida bayon etilayotgan maʼlumotlarni (korxona nomi, vagon, konteyner raqamlari va h. k.) koʻrsatish uchun joy yetarli boʻlmasa, ushbu maʼlumotlar BYDning orqa tomonida yoki qoʻshimcha ilova qilinadigan, BYDning ajralmas qismi boʻlgan A4 formatdagi varaqlarda koʻrsatilishi mumkin. Bunday yozuv mutaxassisning imzosi va mutaxassis shtatida boʻlgan tashkilotning muhri (muhr mavjud boʻlgan taqdirda) bilan tasdiqlanadi, tegishli grafada esa “BYDning orqa tomoniga qarang” yoki “qoʻshimcha varaqqa qarang” yozuvi qayd etiladi.

Bunda BYDning asosiy va qoʻshimcha varaqlarining orqa qismida yoki qoʻshimcha ilova qilinadigan varaqlarda grafa raqami va deklaratsiyalanayotgan tovarning tartib raqami (agar maʼlumotlar aniq bir tovarga taalluqli boʻlsa) koʻrsatiladi va mazkur Yoʻriqnomaning 4 — 19-boblarida belgilangan tartibda ushbu grafada bayon etiladigan maʼlumotlar koʻrsatiladi.

Har bir ilova qilinadigan qoʻshimcha varaqning yuqori oʻng burchagida “__________ sonli BYDga ____ varaqda qoʻshimcha”, deklaratsiyalanayotgan tovarning tartib raqami “____-sonli tovar” tarzida hamda har bir tovar boʻyicha grafa raqami koʻrsatiladi.

19. Qogʻoz shaklda deklaratsiyalashda BYD bojxona organlariga toʻrt nusxada taqdim etiladi. Ushbu nusxalar quyidagicha taqsimlanadi:

birinchi nusxa — bojxona organlari ish yigʻma jildlarida qoladi;

ikkinchi nusxa — shtatida mutaxassis boʻlgan bojxona brokeri yoki deklarant uchun;

uchinchi va toʻrtinchi nusxalar — deklarant uchun.

20. Eksport bojxona rejimiga joylashtirishda tovarlar bojxona organlariga mazkur Yoʻriqnomaning 21 va 22-bandlariga muvofiq toʻldirilgan BYDni taqdim etish orqali deklaratsiyalanadi.

21. Mutaxassis tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 54, “V” va “S”.

22. Mutaxassis tomonidan grafalarning toʻldirilishi:

Grafaning birinchi boʻlmasida tovarlarni olib oʻtish yoʻnalishi koʻrsatiladi — “EK”.

Grafaning ikkinchi boʻlmasida mazkur Yoʻriqnomaning 3-ilovasida keltirilgan Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

Tovarlar elektron shaklda deklaratsiyalanganda grafaning uchinchi boʻlmasida “ED” yozuvi koʻrsatiladi. Tovarlar qogʻoz shaklda deklaratsiyalanganda ushbu boʻlma toʻldirilmaydi;

Grafada tovarlarni eksportchisi va joʻnatuvchisi haqidagi maʼlumotlar koʻrsatiladi.

Agar tovarlarni eksportchisi ham, joʻnatuvchisi ham bir shaxs boʻlsa:

jismoniy shaxs uchun — uning familiyasi, ismi, otasining ismi va doimiy yashash manzili, telefon raqami hamda shaxsini tasdiqlovchi hujjat haqidagi maʼlumotlar koʻrsatiladi.

yuridik shaxs uchun — uning qisqacha nomi va joylashgan yeri (yuridik manzili), telefon raqami hamda elektron pochta manzili (mavjud boʻlsa) koʻrsatiladi.

Agar eksportchi va yukni joʻnatuvchi nomidan yuridik shaxsning tarkibiy tuzilmasi qatnashayotgan boʻlsa, tarkibiy tuzilmaning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa), shuningdek yuridik shaxs toʻgʻrisida yuqorida qayd etilgan maʼlumotlar koʻrsatiladi.

Agar eksportchi va yukni joʻnatuvchi turli shaxslar boʻlsa, yaʼni joʻnatuvchi tovarni eksportchi yoki boshqa shaxsning topshirigʻiga asosan joʻnatayotgan boʻlsa, yoxud shunga oʻxshash boshqa holatlarda grafada avval eksportchining (tovarni yetkazib berish toʻgʻrisida topshiriq bergan shaxsning) qisqacha nomi, soʻngra joʻnatuvchining qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi.

Grafaning yuqori oʻng burchagida “№” belgisidan soʻng eksportchining KTUT kodi, soʻngra “/” belgisidan soʻng yukni joʻnatuvchining KTUT kodi koʻrsatiladi. Yukni joʻnatuvchi nomidan uning tarkibiy tuzilmasi ishtirok etayotgan holatlarda tarkibiy tuzilmaning KTUT kodi koʻrsatiladi.

KTUT kodi mavjud boʻlmagan tashkilotlarga (diplomatik vakolatxonalar va konsullik muassasalari, xalqaro hukumatlararo tashkilotlarning vakolatxonalari, xorijiy davlatlar hukumat tashkilotlarining iqtisodiy, texnik hamkorlik, gumanitar yordam koʻrsatish boʻyicha vakolatxonalari, doimiy muassasalar, shuningdek KTUT kodiga ega boʻlmagan boshqa yuridik shaxslar) tegishli tovarlarni deklaratsiyalashda “99999999” kodi koʻrsatiladi.

Agar eksportchi va yukni joʻnatuvchi jismoniy shaxs boʻlsa yuqori oʻng burchakda “№” belgisidan soʻng “00000001” raqamlari qoʻyiladi.

Grafaning pastki qismida “№” belgisidan soʻng eksportchining STIRi, soʻngra “/” belgisidan soʻng yukni joʻnatuvchining STIRi koʻrsatiladi. STIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda ushbu grafa toʻldirilmaydi;

Grafaning birinchi boʻlmasida varaqning tartib raqami, ikkinchi boʻlmasida taqdim etilayotgan BYD varaqlarining umumiy soni (asosiy va qoʻshimcha varaqlari yigʻindisi) koʻrsatiladi.

Masalan, agar BYD ikkita qoʻshimcha varaqlarga ega boʻlsa BYDning asosiy varagʻida “1/3”; birinchi qoʻshimcha varagʻida “2/3”; ikkinchi qoʻshimcha varagʻida “3/3” koʻrsatiladi. Agar BYD qoʻshimcha varaqlarga ega boʻlmasa “1/1” koʻrsatiladi.

Tovarlar elektron shaklda deklaratsiyalanganda grafada, elektron BYD qogʻozga chop etilgandagi kabi varaqning tartib raqami va BYD varaqlarining umumiy soni mazkur kichik bandda belgilangan tartibda koʻrsatiladi;

Grafada BYDning 31-grafalarida koʻrsatilgan tovarlar nomlarining umumiy soni yoziladi. Bu son BYDning toʻldirilgan 31-grafalari soniga muvofiq boʻlishi lozim;

Grafada mazkur Yoʻriqnomaning 4-ilovasida keltirilgan Bojxona postlari tasniflagichiga muvofiq BYDni rasmiylashtirish uchun taqdim etiladigan bojxona postining beshta raqamli kodi koʻrsatiladi;

Grafada transport hujjatlarida tovarlarni qabul qiluvchi sifatida koʻrsatilgan shaxs toʻgʻrisidagi maʼlumotlar qayd etiladi.

Grafada quyidagilar koʻrsatiladi:

yukni qabul qiluvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili (mazkur Yoʻriqnomaning 5-ilovasida keltirilgan Dunyo mamlakatlari tasniflagichiga muvofiq mamlakatning qisqa nomi va manzili);

yukni qabul qiluvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Agar yukni qabul qiluvchi tovarni boshqa shaxsning topshirigʻiga koʻra qabul qilayotgan boʻlsa yoki shunga oʻxshash boshqa holatlarda grafada avval yukni qabul qiluvchining qisqacha nomi va joylashgan yeri (yuridik manzili), soʻngra tovarni qabul qilib olish toʻgʻrisida topshiriq bergan shaxsning qisqacha nomi va joylashgan yeri (yuridik manzili) koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda ushbu grafa toʻldirilmaydi;

Grafada tashqi savdo kontrakti (shartnomasi, kelishuvini) tuzgan va ushbu kontrakt (shartnoma, kelishuv) boʻyicha hisob-kitoblarni amalga oshirish uchun javobgar boʻlgan yuridik shaxsning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) yoki jismoniy shaxsning familiyasi, ismi, otasining ismi, yashash manzili, telefon raqami va shaxsini tasdiqlovchi hujjati toʻgʻrisidagi maʼlumotlar koʻrsatiladi.

Grafaning yuqori qismida “№” belgisidan soʻng shaxsning KTUT kodi koʻrsatiladi.

Grafaning pastki qismida “№” belgisidan soʻng STIR koʻrsatiladi. STIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlar begʻaraz (toʻlovsiz) asosdagi bitimlar boʻyicha olib oʻtilganda grafa toʻldirilmaydi;

Grafada savdo qilinayotgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

BYDning 9-grafasida koʻrsatilgan shaxs bilan tashqi savdo kontraktini (shartnomasini, kelishuvini) tuzgan shaxs roʻyxatga olingan yoki doimiy yashaydigan, mazkur kontraktga (shartnomaga, kelishuvga) muvofiq tovarlar Oʻzbekiston Respublikasi bojxona chegarasi orqali olib oʻtilayotgan yoki uning ijrosi yuzasidan tovarlarning bojxona rejimi oʻzgartirilayotgan mamlakat savdo qilinayotgan mamlakat hisoblanadi.

Tovarlarning bojxona chegarasi orqali olib oʻtilishi yoki ularning bojxona rejimining oʻzgarishi tashqi savdo kontrakti (shartnomasi, kelishuvi) ijrosi boʻyicha amalga oshirilmayotgan boʻlsa, Dunyo mamlakatlari tasniflagichiga muvofiq mamlakatning raqamli kodi tovarning kuzatuv hujjatlari asosida koʻrsatiladi;

Grafada, raqamli kodi BYDning 22-grafasida koʻrsatilgan valyutada, deklaratsiyalanayotgan tovarlarning umumiy bojxona qiymati koʻrsatiladi. Tovarlarning umumiy bojxona qiymatini BYDning 45-grafalaridagi tovarlarning bojxona qiymatlari yigʻindisi tashkil qiladi;

Grafada Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi AQSH dollarining Oʻzbekiston Respublikasi milliy valyutasiga nisbatan kursi koʻrsatiladi;

Grafada BYDni toʻldirgan va bojxona organiga taqdim etayotgan mutaxassis shtatida boʻlgan bojxona brokeri yoki deklarantning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi.

Grafaning yuqori qismida “№” belgisidan soʻng ushbu bojxona brokeri yoki deklarantni KTUT kodi koʻrsatiladi;

Grafada tovarlar kelib tushadigan mamlakatning Dunyo mamlakatlari tasniflagichiga muvofiq qisqa nomi koʻrsatiladi.

Tovarlar kelib tushadigan mamlakat — tovarlar yetkazib berilishi lozim boʻlgan soʻnggi mamlakat;

Grafada tovarlar kelib tushadigan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

Grafada Oʻzbekiston Respublikasi bojxona chegarasidagi oʻtkazish punktiga yetkazib berish uchun tovarlar yuklanishi lozim boʻlgan transport vositalari toʻgʻrisidagi maʼlumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy (probel) qoldirilib, mazkur Yoʻriqnomaning 6-ilovasida keltirilgan Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda bojxona chegarasidagi oʻtkazish punktiga yetkazib berish uchun tovarlar yuklanayotgan transport vositasi toʻgʻrisidagi, tovar bojxona chegarasini kesib oʻtgunga qadar qayta yuklanadigan holatlarda esa tovarlarni qayta yuklash joyigacha yetkazib beradigan transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys va bort raqami, temir yoʻl vagoni raqami, yoʻl transport vositasining roʻyxat raqami va shu kabi maʼlumotlar).

Agar tovarlar avtotransport vositalari sostavi bilan olib oʻtilayotgan boʻlsa, transport vositasining roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tashishda avtotransport vositalari sostavidan foydalanilgan boʻlsa, ushbu transport vositalarni (pritseplarni, yarim pritseplarni va h.k.) harakatga keltiruvchi avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) qoldirilib, “BYDning orqa tomoniga qarang” havolasi yoziladi (qogʻoz shakldagi BYDda), grafaning oʻng boʻlmasidan “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havola qilinmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”;

Grafada quyidagilar koʻrsatiladi:

“0” — agar tovarlar konteynerda olib oʻtilmayotgan boʻlsa;

“1” — agar tovarlar konteynerda olib oʻtilayotgan boʻlsa;

Grafada tashqi savdo bitimi asosida tovarlarni yetkazib berish shartlari toʻgʻrisidagi maʼlumotlar koʻrsatiladi. Tovarlar begʻaraz asosda olib oʻtilayotganda tovarlarni yetkazib berish shartlari tovarning kuzatuv hujjatlari asosida koʻrsatiladi.

Grafaning birinchi boʻlmasida mazkur Yoʻriqnomaning 7-ilovasida keltirilgan Yetkazib berish shartlari tasniflagichiga muvofiq yetkazib berish shartining raqamli kodi koʻrsatiladi.

Grafaning ikkinchi boʻlmasida Yetkazib berish shartlari tasniflagichiga muvofiq geografik punkt koʻrsatilgan holda yetkazib berish shartining harfli kodi qayd etiladi, qavs ichida geografik punkt joylashgan mamlakatning Dunyo mamlakatlari tasniflagichiga muvofiq harfli kodi koʻrsatiladi.

Agar geografik punkt ikki mamlakat chegarasida joylashgan boʻlsa qavs ichida orasiga chiziqcha qoʻyilib ushbu mamlakatlarning harfli kodlari koʻrsatiladi.

Grafaning uchinchi boʻlmasida tashqi savdo kontraktiga (shartnomasiga, kelishuviga) shartlariga muvofiq BYD asosida eksport qilinayotgan tovarlar uchun qoʻllaniladigan hisob-kitoblar shaklining ikki raqamli kodi koʻrsatiladi:

“10” — oldindan toʻlov;

“20” — akkreditiv;

“30” — xaridor banki kafolati;

“40” — eksport kontraktlarini siyosiy va tijorat xavflaridan sugʻurtalash polisi;

Hisob-kitoblarning aralash shakllari qoʻllangan hollarda grafada mutlaq ifodada ustunlikka ega boʻlgan hisob-kitob shakli koʻrsatiladi.

Quyidagi holatlarda grafaning uchinchi boʻlmasi toʻldirilmaydi:

tovarlar begʻaraz (toʻlovsiz) asosdagi bitimlar boʻyicha yetkazib berilayotganda;

barter operatsiyalarida;

hisob-kitoblar Oʻzbekiston Respublikasining milliy valyutasida amalga oshiriladigan kontraktlarni (shartnomalarni, kelishuvlarni) ijro etishda;

tovarlarni konsignatsiya kontraktlari (shartnomalari, kelishuvlari) boʻyicha yetkazib berishda;

Grafada tovarlar amalda Oʻzbekiston Respublikasi bojxona chegarasidan olib oʻtiladigan transport vositalari toʻgʻrisidagi maʼlumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy (probel) qoldirilib, Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda tovarlar bojxona hududidan tashqariga olib chiqib ketiladigan transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys va bort raqami, temir yoʻl vagoni raqami, yoʻl transport vositasining roʻyxat raqami va shu kabi maʼlumotlar).

Agar tovarlar avtotransport vositalari sostavi bilan tashilayotgan boʻlsa, transport vositasi roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Grafaning oʻng boʻlmasida Dunyo mamlakatlari tasniflagichiga muvofiq transport vositasi tegishli boʻlgan mamlakatning raqamli kodi koʻrsatiladi.

Agar tovarlarni tashishda avtotransport vositalari sostavidan foydalanilgan boʻlsa, ushbu transport vositalarni (pritseplarni, yarim pritseplarni va h.k.) harakatga keltiruvchi avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) qoldirilib, “BYD orqa tomoniga qarang” (qogʻoz shakldagi BYDda) havolasi yoziladi, grafaning oʻng boʻlmasida “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havola qilinmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”.

Grafa deklarantda tovarlar bojxona hududidan olib chiqib ketiladigan transport vositasi toʻgʻrisida maʼlumot mavjud boʻlmaganda toʻldirilmaydi (masalan, tovarlar bojxona nazorati ostida qayta yuklanadigan holatlarda);

Grafaning chap boʻlmasida mazkur Yoʻriqnomaning 8-ilovasida keltirilgan Valyutalar tasniflagichiga muvofiq tashqi savdo kontrakti (shartnomasi, kelishuvi) valyutasining raqamli kodi koʻrsatiladi.

Tashqi savdo kontrakti (shartnomasi, kelishuvi) valyutasi deganda yetkazib berilayotgan tovar tashqi savdo kontraktiga (shartnomasiga, kelishuviga) muvofiq baholangan valyuta tushuniladi. Agar tovar tashqi savdo kontrakti (shartnomasi, kelishuvi) ijrosi boʻyicha olib oʻtilmayotgan boʻlsa, valyuta kodi tovarning kuzatuv hujjatlari asosida koʻrsatiladi.

Grafaning oʻng boʻlmasida raqamlarda deklaratsiyalanayotgan tovarlar turkumining umumiy faktura qiymati koʻrsatiladi. Umumiy faktura qiymatini BYDning 42-grafalaridagi tovarlarning faktura qiymatlari yigʻindisi tashkil qiladi;

Grafada raqamli kodi BYDning 22-grafasida koʻrsatilgan valyutaning Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi Oʻzbekiston Respublikasi milliy valyutasiga nisbatan kursi koʻrsatiladi.

Grafaning chap boʻlmasida mazkur Yoʻriqnomaning 9-ilovasida keltirilgan Bitim xususiyatlari tasniflagichiga muvofiq bitim xususiyatining kodi koʻrsatiladi.

Grafaning oʻng boʻlmasida Valyutalar tasniflagichiga muvofiq yetkazib berilayotgan tovar uchun kontragent bilan hisob-kitob valyutasining raqamli kodi koʻrsatiladi.

Hisob-kitob valyutasi deganda BYDni 9-grafasida koʻrsatilgan shaxsning tashqi savdo kontrakti (shartnomasi, kelishuvi) boʻyicha hisob-kitob amalga oshirilgan yoki amalga oshiriladigan valyuta, tashqi savdo kontrakti (shartnomasi, kelishuvi) mavjud boʻlmagan holatlarda tovarning kuzatuv hujjatlarida koʻrsatilgan valyuta tushuniladi;

Grafada Transport turlari tasniflagichiga muvofiq 21-grafada koʻrsatilgan transport vositasi turining kodi koʻrsatiladi.

Grafa deklarantda tovarlar bojxona hududidan olib chiqib ketiladigan transport vositasi toʻgʻrisida maʼlumot mavjud boʻlmaganda toʻldirilmaydi (masalan, tovarlar bojxona nazorati ostida qayta yuklanadigan holatlarda);

Grafada Transport turlari tasniflagichiga muvofiq 18-grafada koʻrsatilgan transport vositasi turining kodi koʻrsatiladi;

Grafada bojxona toʻlovlarini toʻlovchi shaxsning moliyaviy va bank maʼlumotlari koʻrsatiladi, bunda maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — toʻlovchining STIRi/bank STIRi (bojxona toʻlovlari Oʻzbekiston Respublikasi norezidenti tomonidan toʻlanganda bojxona brokeri yoki deklarantning STIRi koʻrsatiladi);

2 — bankning toʻliq nomi;

3 — bankning pochta manzili;

4 — toʻlovchining Oʻzbekiston Respublikasi milliy valyutasidagi hisob varaqasi raqami/bank MFOsi;

5 — toʻlovchining xorijiy valyutadagi hisob varaqasi raqami/bank MFOsi (bojxona toʻlovlari xorijiy valyutada toʻlangan holatlarda);

Grafada Bojxona postlari tasniflagichiga muvofiq tovarlar Oʻzbekiston Respublikasidan olib chiqiladigan bojxona postining kodi va nomi koʻrsatiladi.

Elektr uzatish liniyalari yoki quvur transporti orqali olib oʻtiladigan tovarlarni deklaratsiyalashda nazoratni olib boruvchi postning kodi va nomi koʻrsatiladi;

Grafada tovarlar faoliyat hududida turgan bojxona postining Bojxona postlari tasniflagichiga muvofiq kodi hamda BYDni taqdim etish vaqtida tovarlar turgan joy haqidagi maʼlumotlar koʻrsatiladi:

agar tovarlar bojxona ombori yoki erkin omborda, yoxud boj olinmaydigan savdo doʻkonida turgan boʻlsa — bojxona ombori yoki erkin omborni, yoxud boj olinmaydigan savdo doʻkonini taʼsis etish uchun berilgan litsenziya raqami va sanasi;

agar tovarlar bojxona ombori maqomiga ega boʻlmagan joylarda turgan boʻlsa — tovar turgan joyning pochta manzili (pochta indeksini koʻrsatmagan holda);

agar tovarlar temir yoʻl stansiyasida turgan boʻlsa — temir yoʻl stansiyasining nomi.

Elektr uzatish liniyalari yoki quvur transporti orqali olib oʻtilayotgan tovarlarni deklaratsiyalashda grafa toʻldirilmaydi;

Grafada deklaratsiyalanayotgan tovar haqida maʼlumot koʻrsatiladi. Tovar haqidagi maʼlumotlar TIF TN asosida tasniflash qoidalariga muvofiq deklaratsiyalanayotgan tovarlarni muayyan oʻn raqamli podsubpozitsiyada aniq tasniflash imkonini berishi lozim. Maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 raqami ostida quyidagilar koʻrsatiladi:

tovarning nomi (savdo, tijorat yoki boshqa anʼanaviy nomi), tovar belgilari, markalari, modellari, artikullari, navlari, standartlari va boshqa texnik va tijorat tavsiflari (davlat standartlari, texnik reglamentlar hamda standartlar va h.k.) toʻgʻrisidagi maʼlumotlar, shuningdek deklaratsiyalanayotgan tovarning miqdoriy va sifat tarkibi toʻgʻrisidagi maʼlumotlar. Elektron BYDda tovarning markasi va brendining nomi alohida ajratilgan maydonchada ham koʻrsatiladi;

agar bojxona toʻlovlarini hisoblash hamda undirish va (yoki) iqtisodiy siyosat choralarini (taqiqlar, cheklovlar va h.k.) qoʻllash uchun zarur boʻlsa, tovarning asosiy va qoʻshimcha oʻlchov birliklaridan farq qiluvchi oʻlchov birliklaridagi tavsifi va koʻrsatkichlari toʻgʻrisidagi maʼlumotlar (miqdori va shartli belgisi), shuningdek tovar ishlab chiqarilgan (tayyorlangan) sana koʻrsatiladi.

Deklaratsiyalanayotgan tovarlarni tovar pozitsiyasining TIF TNda keltirilgan umumiy nomlanishi bilan koʻrsatilishiga yoʻl qoʻyilmaydi.

2 raqami ostida quyidagilar koʻrsatiladi:

oʻramga ega boʻlgan tovarlar uchun — tovar egallagan yuk joylarining umumiy soni, tovar oʻrami turi va oʻramlar miqdori. Agar ushbu grafada deklaratsiyalanayotgan tovarlar yuk joylarining hammasini egallamasa grafada “qutining bir qismi” va shunga oʻxshash yozuvlar yoziladi. Bunda oʻram deganda tovarlarni oʻrash, himoyalash, joylashtirish va mustahkamlash yoki ajratish uchun moʻljallangan har qanday buyum va materiallar tushuniladi, uyum holda olib oʻtiladigan oʻrash materiallari (somon, qogʻoz, shisha tola, qipiq va shu kabilar) bundan mustasno;

sochilgan, uyumlangan, quyilgan holatda oʻramsiz olib oʻtiladigan tovarlar uchun tegishlicha “sochilgan holda”, “uyum holida”, “quyilgan holda” kabi yozuvlar koʻrsatiladi.

Elektr uzatish liniyalari yoki quvur transporti orqali tashiladigan tovarlarni deklaratsiyalashda 2 raqami ostida maʼlumotlar toʻldirilmaydi.

3 raqami ostida konteynerda tashiladigan tovar uchun yoki tovar sifatida konteyner rasmiylashtirilayotgan holatlarda — orasiga vergul qoʻyilib konteyner raqamlari koʻrsatiladi. Agar deklaratsiyalanayotgan tovarlar konteynerni toʻliq egallamagan boʻlsa konteyner raqamidan soʻng: “bir qismi” soʻzlari yoziladi. Elektron BYDda konteyner raqamlari alohida maydonchada har biri alohida koʻrsatiladi.

4 raqami ostida aksiz markalari bilan markalangan tovarlar uchun — har bir seriya boʻyicha aksiz markalari seriyalari, raqamlari va miqdori koʻrsatiladi.

Aksiz markalarining raqamlari ketma-ket kelayotgan boʻlsa, ular toʻgʻrisidagi maʼlumotlar tegishli oraliqdagi birinchi va oxirgi raqam oʻrtasida chiziqcha “-” ajratuvchisini qoʻyish orqali yoziladi.

5 raqami ostida quvur transporti, elektr uzatish liniyalari orqali olib oʻtilayotgan tovarlarni deklaratsiyalashda quyidagi yozuvlar yoziladi: “XX.XX.XXXX dan XX.XX.XXXX gacha boʻlgan oraliqda yetkazib berish”. Bu yerda raqamli belgilar bilan tovarlarni yetkazib berish boshlangan “kun, oy, yil” va tugallangan “kun, oy, yil” koʻrsatiladi.

Grafaning pastki oʻng burchagida alohida ajratilgan joyda tovarlarning qoʻshimcha oʻlchov birligidagi miqdori va oʻlchov birligining TIF TNga muvofiq shartli belgilanishi koʻrsatiladi (qoʻshimcha oʻlchov birligining kodi 41-grafada aks ettiriladi). Elektron BYDda oʻlchov birligining shartli belgilanishi koʻrsatilmasdan, faqatgina tovarlarning qoʻshimcha oʻlchov birligidagi miqdori yoziladi.

Tovarlarning qoʻshimcha oʻlchov birligidagi miqdori verguldan keyingi ikkinchi belgigacha aniqlikda koʻrsatiladi.

Agar qoʻshimcha oʻlchov birligidagi tovar miqdori “0,01” dan kam boʻlsa grafada tovarning qoʻshimcha oʻlchov birligidagi miqdori verguldan keyingi oltinchi belgigacha aniqlikda koʻrsatiladi.

Faqatgina asosiy oʻlchov birligi “kg” qoʻllanilgan holatlarda — grafaning pastki oʻng burchagi toʻldirilmaydi.

Pastki chap burchakda, alohida ajratilgan maydonchada deklaratsiyalanayotgan tovar ishlab chiqarilgan (tayyorlangan, yetishtirilgan) tashkilotning KTUT kodi koʻrsatiladi.

Agar mazkur tovarning ishlab chiqaruvchisi nomaʼlum yoki bir nechta tashkilotlar tomonidan ishlab chiqarilgan boʻlsa, ushbu tovarni eksport qilayotgan tashkilotning KTUT kodi koʻrsatiladi;

Grafada 31-grafada deklaratsiyalanayotgan tovarning tartib raqami koʻrsatiladi.

Bitta nomdagi tovar deklaratsiyalanayotgan boʻlsa, grafada “1” raqami koʻrsatiladi;

Grafaning chap qismida 31-grafada deklaratsiyalanayotgan tovarning TIF TNga muvofiq oʻnta raqamli kodi koʻrsatiladi. Ushbu kod boʻsh joysiz (probelsiz) va boshqa ajratuvchi belgilarsiz yoziladi;

Grafaning chap boʻlmasida 31-grafada deklaratsiyalanayotgan tovarni kelib chiqish mamlakatining Dunyo mamlakatlari tasniflagichiga muvofiq raqamli kodi koʻrsatiladi.

Agar bojxona rasmiylashtiruvi vaqtida kelib chiqish mamlakati nomaʼlum boʻlsa, “000” kodi qoʻyiladi.

Agar tovarni kelib chiqish sertifikatida Yevropa ittifoqining aniq mamlakati koʻrsatilmay, tovarning kelib chiqish mamlakati sifatida Yevropa ittifoqi koʻrsatilgan boʻlsa, lotin harflari bilan ikki harfdan iborat “EU” kodi qoʻyiladi;

Grafada BYDning 31-grafasida deklaratsiyalanayotgan tovarning kilogrammdagi “brutto” ogʻirligi koʻrsatiladi. “Brutto” ogʻirlik deganda tovarning umumiy ogʻirligi, shu jumladan tovar muomalaga kiritilgunga qadar holatini oʻzgarmasligini taʼminlab turish uchun zarur boʻlgan uning barcha turdagi oʻramlari (konteyner va boshqa transport uskunalari bundan mustasno) bilan birgalikdagi ogʻirligi tushuniladi.

Brutto vazn matematik qoidalarga koʻra verguldan keyingi uchinchi raqamgacha yaxlitlanadi.

Agar tovarning umumiy ogʻirligi bir kilogrammdan kam boʻlsa, brutto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, brutto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning umumiy ogʻirligi koʻrsatiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

Grafada mazkur Yoʻriqnomaning 10-ilovasida keltirilgan Preferensiyalar, imtiyozlar va bojxona toʻlovlarini toʻlashning boshqa xususiyatlari tasniflagichiga muvofiq preferensiyalar, imtiyozlar va bojxona toʻlovlarini toʻlashni boshqa xususiyatlarining harfli kodlari quyidagi tartibda koʻrsatiladi:

1/2/3/4, bunda tegishlicha:

1 — bojxona rasmiylashtiruvi uchun bojxona yigʻimlarini toʻlash xususiyatining kodi;

2 — bojxona bojini toʻlash xususiyatining kodi;

3 — aksiz soligʻini toʻlash xususiyatining kodi;

4 — qoʻshilgan qiymat soligʻini toʻlash xususiyatining kodi;

Grafada tovarlarni Oʻzbekiston Respublikasi bojxona chegarasi orqali olib oʻtish protsedurasining yetti belgili kodi koʻrsatiladi. Ushbu kod quyidagi uchta tarkibiy qismlardan iborat:

birinchi ikkita raqam — Bojxona rejimlari tasniflagichiga muvofiq bayon etilayotgan bojxona rejimi kodi;

keyingi ikkita raqam — Bojxona rejimlari tasniflagichiga muvofiq avvalgi bojxona rejimi kodi. Agar avvalgi bojxona rejimi mavjud boʻlmasa “00” koʻrsatiladi;

oxirgi uchta raqam — mazkur Yoʻriqnomaning 11-ilovasida keltirilgan Tovarlarni olib oʻtish xususiyatlari tasniflagichiga muvofiq deklaratsiyalanayotgan tovarlarni olib oʻtish xususiyati kodi. Agar tovarlarni olib oʻtish xususiyati belgilanmagan boʻlsa “000” koʻrsatiladi;

Grafada deklaratsiyalanayotgan tovarning kilogrammdagi “netto” ogʻirligi koʻrsatiladi.

Qadoqlangan holatda olib oʻtilayotgan tovar uchun:

deklaratsiyalanayotgan tovarning faqat birlamchi qadogʻini hisobga olgan holdagi ogʻirligi, agar tovarlar, isteʼmol xususiyatlaridan kelib chiqqan holda, shunday qadoqda chakana savdoga chiqarilsa va (yoki) tovarni sotishda uning saqlanishini taʼminlaydigan birlamchi qadoqni tovarning isteʼmol xususiyatlarini buzmagan holda tovarni isteʼmol qilgunga qadar tovardan ajratib boʻlmaydigan (masalan, bankadagi kofe va h.k.) boʻlsa;

boshqa holatlarda deklaratsiyalanayotgan tovarning hech qanday qadoqsiz ogʻirligi.

Qadoqsiz (sochilgan, quyilgan, uyum holda) olib oʻtiladigan tovar uchun tovarning umumiy ogʻirligi koʻrsatiladi.

Netto vazn matematik qoidalarga koʻra verguldan keyingi uch belgigacha yaxlitlanadi.

Agar tovarning umumiy ogʻirligi bir kilogrammdan kam boʻlsa, netto vazn verguldan keyingi uch belgigacha aniqlikda koʻrsatiladi.

Agar tovarning ogʻirligi bir grammdan kam boʻlsa, netto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning BYDni 35-grafasida koʻrsatilgan ogʻirligi qayd etiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

Miqdoriy cheklovlar belgilangan tovarlarni deklaratsiyalashda toʻldiriladi.

Grafada olingan litsenziyaga muvofiq oʻlchov birligida ajratilgan kvotaning qoldigʻi koʻrsatiladi. Kvotaning qoldigʻini aniqlashda deklaratsiyalanayotgan tovar turkumi hisobga olinmaydi.

Tovarlar bayon etilayotgan bojxona rejimidan avval boshqa bojxona rejimiga joylashtirilgan boʻlsa, grafada tovarlarni avvalgi bojxona rejimiga joylashtirish uchun asos boʻlgan BYD haqida quyidagi maʼlumotlar koʻrsatiladi:

avvalgi hujjatning kodi — ushbu holatda “GTD”;

avvalgi BYDning roʻyxat raqami;

ushbu tovarning avvalgi BYDning 32-grafasidagi tartib raqami;

avvalgi BYDning 32-grafasida koʻrsatilgan tovarning, rasmiylashtirilayotgan brutto vazni (kilogrammda);

avvalgi BYDning 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Agar deklaratsiyalanayotgan tovar avval bir nechta tovar turkumlariga boʻlingan holda bir nechta BYDlar bilan rasmiylashtirilgan boʻlsa, avvalgi rasmiylashtirilgan har bir BYD toʻgʻrisidagi maʼlumotlar alohida yangi qatordan yuqorida qayd etilgan tartibda koʻrsatiladi;

Grafada TIF TNda keltirilgan “Oʻlchov birliklari jadvali”ga muvofiq 31-grafaning pastki oʻng boʻlmasida koʻrsatilgan tovar miqdorining qoʻshimcha oʻlchov birligi kodi koʻrsatiladi.

Agar mazkur tovar uchun TIF TNga muvofiq faqat asosiy oʻlchov birligi (kg) qoʻllanilsa, grafada uning kodi (166) koʻrsatiladi;

Grafada 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) shartlariga muvofiq haqiqatda toʻlangan yoki toʻlanishi lozim boʻlgan yoxud tovarlarni muqobil yetkazib berish bilan qoplanadigan faktura qiymati tashqi savdo kontrakti (shartnomasi, kelishuvi) valyutasida koʻrsatiladi.

Tovarlarni begʻaraz (toʻlovsiz) yetkazib berish asosida eksport qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning faktura qiymati tovarning kuzatuv hujjatlari asosida koʻrsatiladi.

Naqd valyutani deklaratsiyalashda grafada olib oʻtilayotgan valyutaning summasi, nominal qiymatga ega qimmatli qogʻozlarni deklaratsiyalashda esa — qimmatli qogʻozlarning nominal qiymati koʻrsatiladi.

Faktura qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

Grafada quyidagilar koʻrsatiladi:

“0” — agar yukni joʻnatuvchi oʻzi ishlab chiqarmagan mahsulotni eksport qilayotgan boʻlsa;

“1” — agar yukni joʻnatuvchi oʻzi ishlab chiqargan mahsulotni eksport qilayotgan boʻlsa;

Grafada BYDning 31-grafasida koʻrsatilgan har bir tovar haqida bayon etilgan maʼlumotlarni tasdiqlovchi, BYDni toʻldirishga asos boʻlgan hujjatlar toʻgʻrisidagi maʼlumotlar koʻrsatiladi.

Har bir hujjat toʻgʻrisidagi maʼlumotlar mazkur Yoʻriqnomaning 12-ilovasidagi Bojxona yuk deklaratsiyasini toʻldirishda foydalaniladigan hujjatlar va maʼlumotlar turlari tasniflagichiga muvofiq hujjatning tartib raqami va harfli kodini qoʻygan holda koʻrsatiladi (rekvizitlarning har biri yangi satrdan boshlanadi):

a) litsenziyalanadigan tovarlar uchun litsenziya roʻyxat raqami va berilgan sanasi hamda uning amal qilish muddati.

b) transport va tijorat hujjatlarining raqami (roʻyxat raqami).

v) tovarning bojxona rasmiylashtiruvi amalga oshirilayotgan kontrakt (shartnoma, kelishuv), kontraktga (shartnomaga, kelishuvga) qoʻshimcha kelishuvning raqami va sanasi hamda kontraktning (shartnomaning, kelishuvning) umumiy qiymati, hisob-kitoblar toʻgʻrisidagi maʼlumotnoma raqami, sanasi va qiymati.

g) normativ-huquqiy hujjatlarda nazarda tutilgan holatlarda, boshqa vakolatli organlar tomonidan taqdim etiladigan ruxsatnomalar, xulosalar va boshqa hujjatlarning (sertifikatlar, guvohnomalar va h.k.) roʻyxat raqami va berilgan sanasi.

d) tashqi savdo kontrakti (shartnomasi, kelishuvi) Oʻzbekiston Respublikasi Tashqi iqtisodiy aloqalar, investitsiyalar va savdo vazirligida roʻyxatdan oʻtgan raqami va roʻyxatga olingan sanasi. Tovarlar yakka tartibdagi tadbirkorlar tomonidan deklaratsiyalangan holatlarda yakka tartibdagi tadbirkorning eksport-import operatsiyalarini amalga oshirish huquqi bilan davlat roʻyxatidan oʻtganligi toʻgʻrisidagi guvohnoma raqami va sanasi.

e) “6” raqamidan soʻng mazkur Yoʻriqnomaning 13-ilovasida keltirilgan Bojxona toʻlovlari tasniflagichiga muvofiq bojxona toʻlovi turining kodi, soʻngra mazkur Yoʻriqnomaning 14-ilovasida keltirilgan Bojxona toʻlovlarini toʻlash boʻyicha imtiyozlar mavjudligini tasdiqlovchi va BYDning 44-grafasidagi maʼlumotlarni bayon etishda qoʻllaniladigan normativ-huquqiy hujjatlar tasniflagichiga muvofiq bojxona toʻlovlaridan ozod etishga asos boʻladigan normativ-huquqiy hujjat toʻgʻrisidagi maʼlumotlar.

Bojxona toʻlovlarini toʻlashdan xalqaro shartnomaga muvofiq ozod etilganda “MD” kodi qoʻyiladi va shartnomaning toʻliq nomi va imzolangan sanasi koʻrsatiladi. Deklaratsiyalash qogʻoz shaklda amalga oshirilganda “MD” kodi koʻrsatiladi va “BYDning orqa tomoniga qarang” deb yoziladi. BYDning orqa tomonidan xalqaro shartnomaning toʻliq nomi va imzolangan sanasi koʻrsatiladi.

Bojxona toʻlovlaridan imtiyoz berishni nazarda tutuvchi normativ-huquqiy hujjat ijrosini taʼminlash maqsadida qoʻshimcha normativ huquqiy-hujjat qabul qilingan boʻlsa (masalan, bojxona toʻlovlarini toʻlashdan ozod etiladigan tovarlar roʻyxati belgilangan tartibda tasdiqlanadigan holatlarda) ikkita normativ-huquqiy hujjat toʻgʻrisidagi maʼlumotlar koʻrsatiladi: bojxona toʻlovlaridan imtiyozlar mavjudligini tasdiqlovchi asosiy normativ-huquqiy hujjat toʻgʻrisidagi maʼlumotlar hamda qavs ichida qoʻshimcha normativ-huquqiy hujjat toʻgʻrisidagi maʼlumotlar (masalan, bojxona toʻlovlarini toʻlashdan ozod etiladigan tovarlar roʻyxatini tasdiqlovchi hujjat kodi, raqami va sanasi).

Bojxona toʻlovlaridan ozod etish koʻzda tutilmagan yoki bojxona toʻlovlari stavkalari belgilanmagan holatlarda grafaning mazkur qismi toʻldirilmaydi.

j) tovarning kelib chiqish mamlakati sertifikati roʻyxat raqami va sanasi.

z) bojxona rasmiylashtiruvida zarur boʻlgan boshqa hujjatlar va maʼlumotlar (bojxona toʻlovlarini kechiktirib toʻlash, vositachilik (garov va h.k.) bitimi, bojxona qonun hujjatlari buzilganligi toʻgʻrisida bayonnoma va qonun hujjatlarida belgilangan boshqa hujjatlar va maʼlumotlar);

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi.

Tovarlarni begʻaraz (toʻlovsiz) yetkazib berish asosida eksport qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning bojxona qiymati tovarning kuzatuv hujjatlarida koʻrsatilgan valyutada keltiriladi.

Bojxona qiymati Oʻzbekiston Respublikasi Bojxona kodeksi hamda Oʻzbekiston Respublikasi Vazirlar Mahkamasining 2007-yil 19-sentabrdagi 198-son “Oʻzbekiston Respublikasi bojxona hududidan olib chiqilayotgan tovarlarning bojxona qiymatini aniqlash va deklaratsiyalash tartibi toʻgʻrisidagi nizomni tasdiqlash haqida”gi qarori talablariga muvofiq aniqlanadi.

Bojxona qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

Grafada, 45-grafada keltirilgan bojxona qiymati asosida hisoblangan, matematik qoidalarga koʻra verguldan soʻng uch belgigacha aniqlikda yaxlitlangan, tovarning ming AQSH dollaridagi qiymati koʻrsatiladi.

Statistik qiymatni hisoblashda BYD bojxona rasmiylashtiruvi uchun qabul qilingan kunda amalda boʻlgan Oʻzbekiston Respublikasi Markaziy banki tomonidan belgilangan kurs qoʻllaniladi;

Bojxona toʻlovlari summalarini hisoblash BYDning 31-grafalarida bayon etilgan har bir tovar uchun bojxona toʻlovlari turlari boʻyicha alohida amalga oshiriladi. Bundan bojxona rasmiylashtiruvi uchun bojxona yigʻimlari mustasno boʻlib, ular doim BYD asosiy varagʻining 47-grafasida (elektron BYDda 32-grafada 1 tartib raqami ostidagi tovarning 47-grafasida) koʻrsatiladi.

“Toʻlov turi” ustunida Bojxona toʻlovlari tasniflagichiga muvofiq bojxona toʻlovi turining kodi koʻrsatiladi.

“Hisoblash asosi” ustunida bojxona toʻlovini hisoblashning asosi koʻrsatiladi.

Hisoblash asosi Oʻzbekiston Respublikasi milliy valyutasida koʻrsatiladi. Quyidagi holatlar bundan mustasno:

agar qonun hujjatlari bilan hisoblash uchun asos xorijiy valyutada belgilangan boʻlsa, yoxud bojxona yigʻimlari xorijiy valyutada undirilishi koʻzda tutilgan boʻlsa (masalan, erkin bojxona zonalari va erkin omborlar hududlarida bojxona yigʻimlarini undirishda) hisoblash uchun asos Valyutalar tasniflagichiga muvofiq valyutaning harfli kodini qoʻygan holda xorijiy valyutada keltiriladi;

agar qonun hujjatlarida hisoblash uchun asos pul birliklarida emas, balki boshqa oʻlchov birliklarida (masalan, maʼlum vaqt oraligʻi (soat), maʼlum bir hujjatlarni berganlik uchun, BYDning asosiy va qoʻshimcha varaqlari uchun va h.k.) belgilangan boʻlsa, u holda tegishlicha miqdor (1, 2 va h.k.) va oʻlchov birligi (soat, dona, asosiy varaq, qoʻshimcha varaq va h.k.) koʻrsatiladi.

Hisoblash uchun asos Oʻzbekiston Respublikasi milliy valyutasida aniqlanganda, tovarning 12 va 45-grafalaridagi qiymatlarini Oʻzbekiston Respublikasi milliy valyutasida qayta hisoblash BYD bojxona rasmiylashtiruvi uchun qabul qilingan kundagi Oʻzbekiston Respublikasi Markaziy banki kursi boʻyicha amalga oshiriladi.

“Stavka” ustunida bojxona toʻlovi summasini hisoblashda qoʻllaniladigan bojxona toʻlovlarining belgilangan stavkasi miqdori koʻrsatiladi.

“Summa” ustunida bojxona toʻlovining Oʻzbekiston Respublikasi milliy valyutasida hisoblangan summasi koʻrsatiladi. Agar qonun hujjatlarida bojxona toʻlovining xorijiy valyutada undirilishi belgilangan boʻlsa, bojxona toʻlovining hisoblangan summasi Valyutalar tasniflagichiga muvofiq valyutaning harfli kodi qoʻyilgan holda tegishli xorijiy valyutada koʻrsatiladi.

“TU” ustunida toʻlov usulining ikki belgili harfli kodi koʻrsatiladi:

“BN” — bank orqali naqd pulsiz hisob-kitob;

“KT” — bojxona toʻlovlari summasini naqd pul bilan toʻlash;

“UN” — bojxona toʻlovlarini shartli hisoblash;

“OP” — bojxona toʻlovlarini kechiktirib toʻlash imkoniyati taqdim etilgan;

“RP” — bojxona toʻlovlarini boʻlib-boʻlib toʻlash imkoniyati taqdim etilgan;

“OO” — toʻlov amalga oshirilmaydi.

Qonun hujjatlariga muvofiq deklaratsiyalanayotgan tovarlar uchun stavka belgilanmagan yoki nol stavka belgilangan, yoxud bayon etilayotgan bojxona rejimi shartlariga koʻra ushbu turdagi bojxona toʻlovini toʻlash majburiyati vujudga kelmaydigan bojxona toʻlovi toʻgʻrisidagi maʼlumotlar grafaga kiritilmaydi;

Bojxona toʻlovlarini kechiktirib yoki boʻlib-boʻlib toʻlash imkoniyati taqdim etilganda, grafada bunday toʻlovlarni toʻlashning soʻnggi muddati quyidagi sxema boʻyicha koʻrsatiladi:

KK.OO.YYYY, bunda:

KK — kun;

OO — oy;

YYYY — yil;

Agar tovarlar ilgari bojxona ombori yoki erkin omborda saqlashni nazarda tutuvchi bojxona rejimlariga joylashtirilgan boʻlsa, grafada bojxona ombori yoki erkin omborni taʼsis etish uchun berilgan litsenziya raqami va sanasi koʻrsatiladi.

Agar tovarlar bojxona ombori maqomiga ega boʻlmagan joylarga joylashtirilgan boʻlsa grafa toʻldirilmaydi;

Grafada quyidagi mazmundagi yozuv yoziladi:

“Taqdim etilgan maʼlumotlar uchun javobgar ......” deb yozilgandan soʻng mutaxassisga BYDga kiritish uchun zarur maʼlumotlarni taqdim etgan, yukni joʻnatuvchi tomonidan ishonchnoma berilgan shaxsning yoki tovarlar va transport vositalarini bojxona chegarasi orqali olib oʻtayotgan jismoniy shaxsning familiyasi, ismi, otasining ismi, lavozimi va telefon raqami koʻrsatiladi, uning shaxsiy imzosi (faqat qogʻoz shakldagi BYDda) va sana qoʻyiladi.

Agar ishonch bildirgan shaxs BYDni toʻldirgan mutaxassis boʻlsa, ushbu mutaxassis toʻgʻrisidagi maʼlumotlar koʻrsatiladi.

Shuningdek, mazkur grafada tashkilot ishonch bildirgan shaxsning vakolatlarini tasdiqlovchi hujjatning raqami, sanasi va amal qilish muddati koʻrsatiladi;

Grafada 14-grafada koʻrsatilgan shaxs nomidan BYDni taqdim etayotgan mutaxassis haqida quyidagi maʼlumotlar koʻrsatiladi maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — BYD toʻldirilgan joy;

2 — mutaxassisning familiyasi, ismi va otasining ismi, shuningdek elektron pochta manzili (mavjud boʻlsa);

3 — mutaxassisning telefon raqami;

4 — agar tovarlarni deklaratsiyalash bojxona brokeri tomonidan amalga oshirilayotgan boʻlsa, bojxona brokeri va topshirigʻiga asosan BYD taqdim etilayotgan shaxs oʻrtasidagi bitim raqami va sanasi koʻrsatiladi;

5 — mutaxassis tomonidan BYDga berilgan raqam quyidagi tartibda koʻrsatiladi:

9999/9999/99.99.9999/999999, bunda:

1-element — mutaxassisning malaka attestati berilgan yil;

2-element — malaka attestati raqami;

3-element — BYD toʻldirilgan sana;

4-element — mutaxassis tomonidan BYDga berilgan tartib raqami (joriy yilda oʻsish tartibida, yil yakunlangach raqamlash yangidan boshlanadi).

Mutaxassis tomonidan BYDga berilgan raqam qaytarilmasligi lozim.

BYDda bayon etilgan maʼlumotlarning haqqoniyligi elektron BYDda mutaxassisning ERIsi, qogʻoz shakldagi BYDda mutaxassisning imzosi va mutaxassis shtatida boʻlgan bojxona brokeri yoki deklarantning muhri (muhr mavjud boʻlgan taqdirda) bilan tasdiqlanadi.

Qogʻoz shakldagi BYDda bunday tasdiqlash har bir qoʻshimcha varaqning “S” grafasida ham amalga oshiriladi;

Grafada Bojxona toʻlovlari tasniflagichiga muvofiq toʻlov kodi, mazkur kod boʻyicha ushbu BYD bilan deklaratsiyalanayotgan barcha tovarlarga oid toʻlovlarning yigʻindisidan iborat boʻlgan toʻlovlarning umumiy summasi koʻrsatiladi.

Bojxona toʻlovlaridan ozod etilgan holatda grafada qoʻshimcha ravishda Bojxona toʻlovlari tasniflagichiga muvofiq toʻlov kodi, mazkur kod boʻyicha ushbu BYD bilan deklaratsiyalanayotgan barcha tovarlarga oid toʻlovlarning yigʻindisidan iborat boʻlgan bojxona toʻlovlari boʻyicha hisoblangan imtiyozlarning umumiy summasi koʻrsatiladi va “toʻlanmaydi” belgisi qoʻyiladi;

Grafada 1 raqami ostida tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami koʻrsatiladi.

23. Erkin muomalaga chiqarish (import) bojxona rejimiga joylashtirishda tovarlar bojxona organlariga mazkur Yoʻriqnomaning 24 va 25-bandlariga muvofiq toʻldirilgan BYDni taqdim etish orqali deklaratsiyalanadi.

24. Mutaxassis tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 54, “V” va “S”.

25. Mutaxassis tomonidan grafalarning toʻldirilishi:

Grafaning birinchi boʻlmasida tovarlarni olib oʻtish yoʻnalishi koʻrsatiladi — “IM”.

Grafaning ikkinchi boʻlmasida Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

Tovarlar elektron shaklda deklaratsiyalanganda grafaning uchinchi boʻlmasida “ED” yozuvi koʻrsatiladi. Tovarlar qogʻoz shaklda deklaratsiyalanganda ushbu boʻlma toʻldirilmaydi;

Grafada transport hujjatlarida tovarlarni joʻnatuvchi sifatida koʻrsatilgan shaxs toʻgʻrisidagi maʼlumotlar qayd etiladi.

Grafada quyidagilar koʻrsatiladi:

yukni joʻnatuvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili (Dunyo mamlakatlari tasniflagichiga muvofiq mamlakatning qisqa nomi va manzili);

yukni joʻnatuvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Agar yukni joʻnatuvchi tovarni boshqa shaxsning topshirigʻiga koʻra joʻnatayotgan boʻlsa yoki shunga oʻxshash boshqa holatlarda grafada avval yukni joʻnatuvchining qisqacha nomi va joylashgan yeri (yuridik manzili), soʻngra tovarni joʻnatish toʻgʻrisida topshiriq bergan shaxsning qisqacha nomi va joylashgan yeri (yuridik manzili) koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda grafa toʻldirilmaydi;

Grafaning birinchi boʻlmasida varaqning tartib raqami, ikkinchi boʻlmasida taqdim etilayotgan BYD varaqlarining umumiy soni (asosiy va qoʻshimcha varaqlari yigʻindisi) koʻrsatiladi.

Masalan, agar BYD ikkita qoʻshimcha varaqlarga ega boʻlsa BYDning asosiy varagʻida “1/3”; birinchi qoʻshimcha varagʻida “2/3”; ikkinchi qoʻshimcha varagʻida “3/3” koʻrsatiladi. Agar BYD qoʻshimcha varaqlarga ega boʻlmasa “1/1” koʻrsatiladi.

Tovarlar elektron shaklda deklaratsiyalanganda grafada, elektron BYD qogʻozga chop etilgandagi kabi varaqning tartib raqami va BYD varaqlarining umumiy soni mazkur kichik bandda belgilangan tartibda koʻrsatiladi;

Grafada BYDning 31-grafalarida koʻrsatilgan tovarlar nomlarining umumiy soni yoziladi. Bu son BYDning toʻldirilgan 31-grafalari soniga muvofiq boʻlishi lozim;

Grafada Bojxona postlari tasniflagichiga muvofiq BYDni rasmiylashtirish uchun taqdim etiladigan bojxona postining beshta raqamli kodi koʻrsatiladi;

Grafada tovarlarni importchisi va qabul qiluvchisi haqidagi maʼlumotlar koʻrsatiladi.

Agar tovarlarni importchisi ham, qabul qiluvchisi ham bir shaxs boʻlsa:

jismoniy shaxs uchun — uning familiyasi, ismi, otasining ismi va doimiy yashash manzili, telefon raqami hamda shaxsini tasdiqlovchi hujjat haqidagi maʼlumotlar koʻrsatiladi.

yuridik shaxs uchun — uning qisqacha nomi va joylashgan yeri (yuridik manzili), telefon raqami hamda elektron pochta manzili (mavjud boʻlsa) koʻrsatiladi.

Agar importchi va yukni qabul qiluvchi nomidan yuridik shaxsning tarkibiy tuzilmasi qatnashayotgan boʻlsa, tarkibiy tuzilmaning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa), shuningdek yuridik shaxs toʻgʻrisida yuqorida qayd etilgan maʼlumotlar koʻrsatiladi.

Agar importchi va yukni qabul qiluvchi turli shaxslar boʻlsa, yaʼni qabul qiluvchi tovarni importchi yoki boshqa shaxsning topshirigʻiga asosan qabul qilib olayotgan boʻlsa, yoxud shunga oʻxshash boshqa holatlarda grafada avval importchining (tovarni qabul qilib olish toʻgʻrisida topshiriq bergan shaxsning) qisqacha nomi, soʻngra qabul qiluvchining qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi.

Grafaning yuqori oʻng burchagida “№” belgisidan soʻng importchining KTUT kodi, soʻngra “/” belgisidan soʻng yukni qabul qiluvchining KTUT kodi koʻrsatiladi. Importchi yoki yukni qabul qiluvchi nomidan uning tarkibiy tuzilmasi ishtirok etayotgan holatlarda tarkibiy tuzilmaning KTUT kodi koʻrsatiladi.

KTUT kodi mavjud boʻlmagan tashkilotlarga (diplomatik vakolatxonalar va konsullik muassasalari, xalqaro hukumatlararo tashkilotlarning vakolatxonalari, xorijiy davlatlar hukumat tashkilotlarining iqtisodiy, texnik hamkorlik, gumanitar yordam koʻrsatish boʻyicha vakolatxonalari, doimiy muassasalar, shuningdek KTUT kodiga ega boʻlmagan boshqa yuridik shaxslar) tegishli tovarlarni deklaratsiyalashda “99999999” kodi koʻrsatiladi.

Agar yukni qabul qiluvchi jismoniy shaxs boʻlsa yuqori oʻng burchakda “№” belgisidan soʻng “00000001” raqamlari qoʻyiladi.

Grafaning pastki qismida “№” belgisidan soʻng importchining STIRi, soʻngra “/” belgisidan soʻng yukni qabul qiluvchining STIRi koʻrsatiladi. STIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda grafa toʻldirilmaydi;

Grafada tashqi savdo kontrakti (shartnomasi, kelishuvini) tuzgan va ushbu kontrakt (shartnoma, kelishuv) boʻyicha hisob-kitoblarni amalga oshirish uchun javobgar boʻlgan yuridik shaxsning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) yoki jismoniy shaxsning familiyasi, ismi, otasining ismi, yashash manzili, telefon raqami va shaxsini tasdiqlovchi hujjati toʻgʻrisidagi maʼlumotlar koʻrsatiladi.

Grafaning yuqori qismida “№” belgisidan soʻng shaxsning KTUT kodi koʻrsatiladi.

Grafaning pastki qismida “№” belgisidan soʻng STIR koʻrsatiladi. STIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlar begʻaraz (toʻlovsiz) asosdagi bitimlar boʻyicha olib oʻtilganda grafa toʻldirilmaydi;

Grafada savdo qiluvchi mamlakatning Dunyo mamlakatlari tasniflagichiga muvofiq raqamli kodi koʻrsatiladi.

BYDning 9-grafasida koʻrsatilgan shaxs bilan tashqi savdo kontraktini (shartnomasini, kelishuvini) tuzgan shaxs roʻyxatga olingan yoki doimiy yashaydigan, mazkur kontraktga (shartnomaga, kelishuvga) muvofiq tovarlar Oʻzbekiston Respublikasi bojxona chegarasi orqali olib oʻtilayotgan yoki uning ijrosi yuzasidan tovarlarning bojxona rejimi oʻzgartirilayotgan mamlakat savdo qilinayotgan mamlakat hisoblanadi.

Tovarlarning bojxona chegarasi orqali olib oʻtilishi yoki ularning bojxona rejimining oʻzgarishi tashqi savdo kontrakti (shartnomasi, kelishuvi) ijrosi boʻyicha amalga oshirilmayotgan boʻlsa, Dunyo mamlakatlari tasniflagichiga muvofiq mamlakatning raqamli kodi tovarning kuzatuv hujjatlari asosida koʻrsatiladi;

Grafada, raqamli kodi BYDning 22-grafasida koʻrsatilgan valyutada, deklaratsiyalanayotgan tovarlarning umumiy bojxona qiymati koʻrsatiladi. Tovarlarning umumiy bojxona qiymatini BYDning 45-grafalaridagi tovarlarning bojxona qiymatlari yigʻindisi tashkil qiladi;

Grafada Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi AQSH dollarining Oʻzbekiston Respublikasi milliy valyutasiga nisbatan kursi koʻrsatiladi;

Grafada BYDni toʻldirgan va bojxona organiga taqdim etayotgan mutaxassis shtatida boʻlgan bojxona brokeri yoki deklarantning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi.

Grafaning yuqori qismida “№” belgisidan soʻng ushbu bojxona brokeri yoki deklarantning KTUT kodi koʻrsatiladi;

Grafada tovarlar joʻnatilgan mamlakatning Dunyo mamlakatlari tasniflagichiga muvofiq qisqa nomi koʻrsatiladi.

Tovarlar joʻnatilgan mamlakat — tovarlar, oraliq mamlakatlarda ushbu tovarlarning yuridik maqomini oʻzgartiruvchi hech qanday tijorat bitimlari yoki boshqa operatsiyalar amalga oshirilmagan holda, Oʻzbekiston Respublikasiga joʻnatilgan mamlakatdir.

Joʻnatuvchi mamlakat tovarlarni xalqaro tashish boshlanishiga asos boʻlgan transport hujjatlarida keltirilgan maʼlumotlar asosida aniqlanadi.

Agar xalqaro tashuv bir nechta transport hujjatlari asosida amalga oshirilgan boʻlsa, grafada BYDda bayon etilayotgan tovarlar BYDning 8-grafasida koʻrsatilgan yukni qabul qiluvchi manziliga yetkazib berish uchun qabul qilingan birinchi mamlakatning qisqa nomi koʻrsatiladi;

Grafada tovarlar joʻnatilgan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

Grafada bojxona rejimiga joylashtirish uchun bojxona organiga taqdim etilayotgan tovarlarni Oʻzbekiston Respublikasi bojxona hududi boʻylab tashigan transport vositasi toʻgʻrisidagi maʼlumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy (probel) qoldirilib, Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys va bort raqami, temir yoʻl vagoni raqami, yoʻl transport vositasi roʻyxat raqami va shu kabi maʼlumotlar).

Agar tovarlar avtotransport vositalari sostavi bilan tashilgan boʻlsa, transport vositasi roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tashishda avtotransport vositalari sostavidan foydalanilgan boʻlsa, ushbu transport vositalarini (pritseplarni, yarim pritseplarni va h.k.) harakatga keltirgan avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) tashlanib, “BYDning orqa tomoniga qarang” havolasi yoziladi (qogʻoz shakldagi BYDda), grafaning oʻng boʻlmasidan “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havola qilinmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”;

Grafada quyidagilar koʻrsatiladi:

“0” — agar tovarlar konteynerda olib oʻtilmayotgan boʻlsa;

“1” — agar tovarlar konteynerda olib oʻtilayotgan boʻlsa;

Grafada tashqi savdo bitimi asosida tovarlarni yetkazib berish shartlari toʻgʻrisidagi maʼlumotlar koʻrsatiladi. Tovarlar begʻaraz asosda olib oʻtilayotganda tovarlarni yetkazib berish shartlari tovarning kuzatuv hujjatlari asosida koʻrsatiladi.

Grafaning birinchi boʻlmasida Yetkazib berish shartlari tasniflagichiga muvofiq yetkazib berish shartining raqamli kodi koʻrsatiladi.

Grafaning ikkinchi boʻlmasida Yetkazib berish shartlari tasniflagichiga muvofiq geografik punkt koʻrsatilgan holda yetkazib berish shartining harfli kodi qayd etiladi, qavs ichida geografik punkt joylashgan mamlakatning Dunyo mamlakatlari tasniflagichiga muvofiq harfli kodi koʻrsatiladi.

Agar geografik punkt ikki mamlakat chegarasida joylashgan boʻlsa qavs ichida orasiga chiziqcha qoʻyilib ushbu mamlakatlarning harfli kodlari koʻrsatiladi.

Grafada tovarlar amalda Oʻzbekiston Respublikasi bojxona chegarasidan olib oʻtilgan transport vositalari toʻgʻrisidagi maʼlumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy qoldirilib, Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda tovarlar bojxona hududiga olib kirilgan transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys va bort raqami, temir yoʻl vagoni raqami, yoʻl transport vositasi roʻyxat raqami va shu kabi maʼlumotlar).

Agar tovarlar avtotransport vositalari sostavi bilan tashilayotgan boʻlsa, transport vositasi roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tashishda avtotransport vositalari sostavidan foydalanilgan boʻlsa, ushbu transport vositalarini (pritseplarni, yarim pritseplarni va h.k.) harakatga keltiruvchi avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) tashlanib, “BYD orqa tomoniga qarang” havolasi yoziladi (qogʻoz shakldagi BYDda), grafaning oʻng boʻlmasida “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havola qilinmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”.

Tovarlar ilgari Oʻzbekiston Respublikasi bojxona chegarasi orqali olib oʻtilmagan boʻlsa grafa toʻldirilmaydi;

Grafaning chap boʻlmasida Valyutalar tasniflagichiga muvofiq tashqi savdo kontrakti (shartnomasi, kelishuvi) valyutasining raqamli kodi koʻrsatiladi.

Tashqi savdo kontrakti (shartnomasi, kelishuvi) valyutasi deganda yetkazib berilayotgan tovar tashqi savdo kontraktiga (shartnomasiga, kelishuviga) muvofiq baholangan valyuta tushuniladi. Agar tovar tashqi savdo kontrakti (shartnomasi, kelishuvi) ijrosi boʻyicha olib oʻtilmayotgan boʻlsa, valyuta kodi tovarning kuzatuv hujjatlari asosida koʻrsatiladi.

Grafaning oʻng boʻlmasida raqamlarda deklaratsiyalanayotgan tovarlar turkumining umumiy faktura qiymati koʻrsatiladi. Umumiy faktura qiymatini BYDning 42-grafalaridagi tovarlarning faktura qiymatlari yigʻindisi tashkil qiladi;

Grafada raqamli kodi BYDning 22-grafasida koʻrsatilgan valyutaning Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi Oʻzbekiston Respublikasi milliy valyutasiga nisbatan kursi koʻrsatiladi.

Grafaning chap boʻlmasida Bitim xususiyatlari tasniflagichiga muvofiq bitim xususiyatining kodi koʻrsatiladi.

Grafaning oʻng boʻlmasida Valyutalar tasniflagichiga muvofiq yetkazib berilayotgan tovar uchun kontragent bilan hisob-kitob valyutasining raqamli kodi koʻrsatiladi.

Hisob-kitob valyutasi deganda BYDni 9-grafasida koʻrsatilgan shaxsning tashqi savdo kontrakti (shartnomasi, kelishuvi) boʻyicha hisob-kitob amalga oshirilgan yoki amalga oshiriladigan valyuta, tashqi savdo kontrakti (shartnomasi, kelishuvi) mavjud boʻlmagan holatlarda tovarning kuzatuv hujjatlarida koʻrsatilgan valyuta tushuniladi;

Grafada Transport turlari tasniflagichiga muvofiq 21-grafada koʻrsatilgan transport vositasi turining kodi koʻrsatiladi.

Tovarlar ilgari Oʻzbekiston Respublikasi bojxona chegarasi orqali olib oʻtilmagan boʻlsa grafa toʻldirilmaydi;

Grafada Transport turlari tasniflagichiga muvofiq 18-grafada koʻrsatilgan transport vositasi turining kodi koʻrsatiladi;

Grafada bojxona toʻlovlarini toʻlovchi shaxsning moliyaviy va bank maʼlumotlari koʻrsatiladi, bunda maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — toʻlovchining STIRi/bank STIRi (bojxona toʻlovlari Oʻzbekiston Respublikasi norezidenti tomonidan toʻlanganda bojxona brokeri yoki deklarantning STIRi koʻrsatiladi);

2 — bankning toʻliq nomi;

3 — bankning pochta manzili;

4 — toʻlovchining Oʻzbekiston Respublikasi milliy valyutasidagi hisob varaqasi raqami/bank MFOsi;

5 — toʻlovchining xorijiy valyutadagi hisob varaqasi raqami/bank MFOsi (bojxona toʻlovlari xorijiy valyutada toʻlangan holatlarda);

Grafada Bojxona postlari tasniflagichiga muvofiq tovarlar Oʻzbekiston Respublikasiga olib kirilgan bojxona postining kodi va nomi koʻrsatiladi.

Elektr uzatish liniyalari yoki quvur transporti orqali olib oʻtiladigan tovarlarni deklaratsiyalashda nazoratni olib boruvchi postning kodi va nomi koʻrsatiladi.

Tovarlar ilgari Oʻzbekiston Respublikasi bojxona chegarasi orqali olib oʻtilmagan boʻlsa grafa toʻldirilmaydi;

Grafada tovarlar faoliyat hududida turgan bojxona postining Bojxona postlari tasniflagichiga muvofiq kodi hamda BYDni taqdim etish vaqtida tovarlar turgan joy haqidagi maʼlumotlar koʻrsatiladi:

agar tovarlar bojxona ombori yoki erkin omborda, yoxud boj olinmaydigan savdo doʻkonida turgan boʻlsa — bojxona ombori yoki erkin omborni, yoxud boj olinmaydigan savdo doʻkonini taʼsis etish uchun berilgan litsenziya raqami va sanasi;

agar tovarlar bojxona ombori maqomiga ega boʻlmagan joylarda turgan boʻlsa — tovar turgan joyning pochta manzili (pochta indeksini koʻrsatmagan holda);

agar tovarlar temir yoʻl stansiyasida turgan boʻlsa — temir yoʻl stansiyasining nomi.

Elektr uzatish liniyalari yoki quvur transporti orqali olib oʻtilayotgan tovarlarni deklaratsiyalashda grafa toʻldirilmaydi;

Grafada deklaratsiyalanayotgan tovar haqida maʼlumot koʻrsatiladi. Tovar haqidagi maʼlumotlar TIF TN asosida tasniflash qoidalariga muvofiq deklaratsiyalanayotgan tovarlarni muayyan oʻn raqamli podsubpozitsiyada aniq tasniflash imkonini berishi lozim. Maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 raqami ostida quyidagilar koʻrsatiladi:

tovarning nomi (savdo, tijorat yoki boshqa anʼanaviy nomi), tovar belgilari, markalari, modellari, artikullari, navlari, standartlari va boshqa texnik va tijorat tavsiflari (davlat standartlari, texnik reglamentlar hamda standartlar va h.k.) toʻgʻrisidagi maʼlumotlar, shuningdek deklaratsiyalanayotgan tovarning miqdoriy va sifat tarkibi toʻgʻrisidagi maʼlumotlar. Oʻzbekiston Respublikasi Vazirlar Mahkamasining 2015-yil 9-apreldagi 86-son “Respublikada sotiladigan maishiy elektr priborlarini, yangidan quriladigan binolar va inshootlarni energetika jihatidan majburiy markirovkalash va sertifikatlash tizimini joriy etish chora-tadbirlari toʻgʻrisida”gi qarori ilovasida koʻrsatilgan tovarlar uchun energiya samaradorligi klassi toʻgʻrisidagi maʼlumot koʻrsatiladi.

Elektron BYDda tovarning markasi va brendining nomi, energiya samaradorligi klassi toʻgʻrisidagi maʼlumot alohida ajratilgan maydonchada ham koʻrsatiladi;

agar bojxona toʻlovlarini hisoblash hamda undirish va (yoki) iqtisodiy siyosat choralarini (taqiqlar, cheklovlar va h.k.) qoʻllash uchun zarur boʻlsa, tovarning asosiy va qoʻshimcha oʻlchov birliklaridan farq qiluvchi oʻlchov birliklaridagi tavsifi va koʻrsatkichlari toʻgʻrisidagi maʼlumotlar (miqdori va shartli belgisi), shuningdek tovar ishlab chiqarilgan (tayyorlangan) sana koʻrsatiladi.

Deklaratsiyalanayotgan tovarlarni tovar pozitsiyasining TIF TNda keltirilgan umumiy nomlanishi bilan koʻrsatilishiga yoʻl qoʻyilmaydi.

2 raqami ostida quyidagilar koʻrsatiladi:

oʻramga ega boʻlgan tovar uchun — tovar egallagan yuk joylarining umumiy soni, tovar oʻrami turi va oʻramlar miqdori. Agar ushbu grafada deklaratsiyalanayotgan tovar yuk joylarining hammasini egallamasa grafada “qutining bir qismi” va shunga oʻxshash yozuvlar yoziladi. Bunda oʻram deganda tovarlarni oʻrash, himoyalash, joylashtirish va mustahkamlash yoki ajratish uchun moʻljallangan har qanday buyum va materiallar tushuniladi, uyum holda olib oʻtiladigan oʻrash materiallari (somon, qogʻoz, shisha tola, qipiq va shu kabilar) bundan mustasno;

sochilgan, uyumlangan, quyilgan holatda oʻramsiz olib oʻtiladigan tovar uchun tegishlicha “sochilgan holda”, “uyum holida”, “quyilgan holda” kabi yozuvlar koʻrsatiladi.

Elektr uzatish liniyalari yoki quvur transporti orqali tashiladigan tovarlarni deklaratsiyalashda 2 raqami ostida maʼlumotlar toʻldirilmaydi.

3 raqami ostida konteynerlarda tashiladigan tovar uchun yoki tovar sifatida konteyner rasmiylashtirilayotgan holatlarda — orasiga vergul qoʻyilib konteyner raqamlari koʻrsatiladi. Agar deklaratsiyalanayotgan tovarlar konteynerni toʻliq egallamagan boʻlsa konteyner raqamidan soʻng: “bir qismi” soʻzlari yoziladi. Elektron BYDda konteynerlar raqamlari alohida maydonchada har biri alohida koʻrsatiladi.

Agar konteyner yuk egasi mulki sifatida qoladigan boʻlsa konteyner raqamidan soʻng qavs ichida (elektron BYDda alohida maydonda) “Yuk egasi mulki” soʻzlari yoziladi.

4 raqami ostida aksiz markalari bilan markalangan tovarlar uchun — har bir seriya boʻyicha aksiz markalar seriyalari, raqamlari va miqdori koʻrsatiladi.

Ketma-ketlikda kelayotgan aksiz markalarining raqamlari toʻgʻrisidagi maʼlumotlar tegishli oraliqdagi birinchi va oxirgi raqam oʻrtasida chiziqcha “-” ajratuvchisini qoʻyish orqali yoziladi.

5 raqami ostida quvur transporti, elektr uzatish liniyalari orqali olib oʻtilayotgan tovarlarni deklaratsiyalashda quyidagi yozuvlar yoziladi: “XX.XX.XXXX dan XX.XX.XXXX gacha boʻlgan oraliqda yetkazib berish”. Bu yerda raqamli belgilar bilan tovarlarni yetkazib berish boshlangan “kun, oy, yil” va tugallangan “kun, oy, yil” koʻrsatiladi.

6 raqami ostida (elektron BYDda alohida aniqlashtirilgan jadvalda) Oʻzbekiston Respublikasi Vazirlar Mahkamasining 2011-yil 12-dekabrdagi 324-son “Isteʼmol tovarlarining ayrim guruhlarini Oʻzbekiston Respublikasiga chetdan keltirishni takomillashtirish chora-tadbirlarini amalga oshirish toʻgʻrisida”gi qaroriga muvofiq majburiy tartibda maxsus nazorat identifikatsiya belgilari bilan markalanishi lozim boʻlgan olib kirilayotgan isteʼmol tovarlarini deklaratsiyalashda ishlab chiqaruvchi zavod tomonidan qoʻyiladigan tovarlarning seriya raqamlari toʻgʻrisidagi maʼlumotlar koʻrsatiladi.

Grafaning pastki oʻng burchagida alohida ajratilgan joyda tovarlarning qoʻshimcha oʻlchov birligidagi miqdori va oʻlchov birligining TIF TNga muvofiq shartli belgilanishi koʻrsatiladi (qoʻshimcha oʻlchov birligining kodi 41-grafada aks ettiriladi). Elektron BYDda oʻlchov birligining shartli belgilanishi koʻrsatilmasdan, faqatgina tovarlarning qoʻshimcha oʻlchov birligidagi miqdori yoziladi.

Tovarlarning qoʻshimcha oʻlchov birligidagi miqdori verguldan keyingi ikkinchi belgigacha aniqlikda koʻrsatiladi.

Agar qoʻshimcha oʻlchov birligidagi tovar miqdori “0,01” dan kam boʻlsa grafada tovarning qoʻshimcha oʻlchov birligidagi miqdori verguldan keyingi oltinchi belgigacha aniqlikda koʻrsatiladi.

Faqatgina asosiy oʻlchov birligi “kg” qoʻllanilgan holatlarda — grafaning pastki oʻng burchagi toʻldirilmaydi.

Pastki chap burchakda, alohida ajratilgan maydonchada deklaratsiyalanayotgan tovarni isteʼmol qiluvchi tashkilotning KTUT kodi koʻrsatiladi.

Agar mazkur tovarning isteʼmolchisi nomaʼlum yoki isteʼmolchilar bir nechta boʻlsa, ushbu tovarni import qilayotgan tashkilotning KTUT kodi koʻrsatiladi;

Grafada 31-grafada deklaratsiyalanayotgan tovarning tartib raqami koʻrsatiladi.

Bitta nomdagi tovar deklaratsiyalanayotgan boʻlsa, grafada “1” raqami koʻrsatiladi;

Grafaning chap qismida 31-grafada deklaratsiyalanayotgan tovarlarning TIF TNga muvofiq oʻnta raqamli kodi koʻrsatiladi. Ushbu kod boʻsh joysiz (probelsiz) va boshqa ajratuvchi belgilarsiz yoziladi;

Grafaning chap boʻlmasida 31-grafada deklaratsiyalanayotgan tovarni kelib chiqish mamlakatining Dunyo mamlakatlari tasniflagichiga muvofiq raqamli kodi koʻrsatiladi.

Agar bojxona rasmiylashtiruvi vaqtida kelib chiqish mamlakati nomaʼlum boʻlsa, “000” kodi qoʻyiladi.

Agar tovarni kelib chiqish sertifikatida Yevropa ittifoqining aniq mamlakati koʻrsatilmagan boʻlib, tovarning kelib chiqish mamlakati sifatida Yevropa ittifoqi koʻrsatilgan boʻlsa, lotin harflari bilan ikki harfdan iborat “EU” kodi qoʻyiladi;

Grafada BYDning 31-grafasida deklaratsiyalanayotgan tovarning kilogrammdagi “brutto” ogʻirligi koʻrsatiladi. “Brutto” ogʻirlik deganda tovarning umumiy ogʻirligi, shu jumladan, tovar muomalaga kiritilgunga qadar holatini oʻzgarmasligini taʼminlab turish uchun zarur boʻlgan uning barcha turdagi oʻramlari (konteyner va boshqa transport uskunalari bundan mustasno) bilan birgalikdagi ogʻirligi tushuniladi.

Brutto vazn matematik qoidalarga koʻra verguldan keyingi uchinchi raqamgacha yaxlitlanadi.

Agar tovarning umumiy ogʻirligi bir kilogrammdan kam boʻlsa, brutto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, brutto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning umumiy ogʻirligi koʻrsatiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

Grafada Preferensiyalar, imtiyozlar va bojxona toʻlovlarini toʻlashning boshqa xususiyatlari tasniflagichiga muvofiq preferensiyalar, imtiyozlar va bojxona toʻlovlarini toʻlashni boshqa xususiyatlarining harfli kodlari quyidagi tartibda koʻrsatiladi:

1/2/3/4, bunda tegishlicha:

1 — bojxona rasmiylashtiruvi uchun bojxona yigʻimlarini toʻlash xususiyatining kodi;

2 — bojxona bojini toʻlash xususiyatining kodi;

3 — aksiz soligʻini toʻlash xususiyatining kodi;

4 — qoʻshilgan qiymat soligʻini toʻlash xususiyatining kodi;

Grafada tovarlarni Oʻzbekiston Respublikasi bojxona chegarasi orqali olib oʻtish protsedurasining yetti belgili kodi koʻrsatiladi. Ushbu kod quyidagi uchta tarkibiy qismlardan iborat:

birinchi ikkita raqam — Bojxona rejimlari tasniflagichiga muvofiq bayon etilayotgan bojxona rejimi kodi;

keyingi ikkita raqam — Bojxona rejimlari tasniflagichiga muvofiq avvalgi bojxona rejimi kodi. Agar avvalgi bojxona rejimi mavjud boʻlmasa “00” koʻrsatiladi;

oxirgi uchta raqam — Tovarlarni olib oʻtish xususiyatlari tasniflagichiga muvofiq deklaratsiyalanayotgan tovarlarni olib oʻtish xususiyati kodi. Agar tovarlarni olib oʻtish xususiyati belgilanmagan boʻlsa “000” koʻrsatiladi;

Grafada deklaratsiyalanayotgan tovarning kilogrammdagi “netto” ogʻirligi koʻrsatiladi.

Qadoqlangan holatda olib oʻtilayotgan tovar uchun:

deklaratsiyalanayotgan tovarning faqat birlamchi qadogʻini hisobga olgan holdagi ogʻirligi, agar tovarlar, isteʼmol xususiyatlaridan kelib chiqqan holda, shunday qadoqda chakana savdoga chiqarilsa va (yoki) tovarni sotishda uning saqlanishini taʼminlaydigan birlamchi qadoqni tovarning isteʼmol xususiyatlarini buzmagan holda tovarni isteʼmol qilgunga qadar tovardan ajratib boʻlmaydigan (masalan, bankadagi kofe va h.k.) boʻlsa;

boshqa holatlarda deklaratsiyalanayotgan tovarning hech qanday qadoqsiz ogʻirligi.

Qadoqsiz (sochilgan, quyilgan, uyum holda) olib oʻtiladigan tovar uchun tovarning umumiy ogʻirligi koʻrsatiladi.

Netto vazn matematik qoidalarga koʻra verguldan keyingi uch belgigacha yaxlitlanadi.

Agar tovarning umumiy vazni bir kilogrammdan kam boʻlsa, netto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, netto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning BYDni 35-grafasida koʻrsatilgan ogʻirligi qayd etiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

Miqdoriy cheklovlar belgilangan tovarlarni deklaratsiyalashda toʻldiriladi.

Grafada olingan litsenziyaga muvofiq oʻlchov birligida ajratilgan kvotaning qoldigʻi koʻrsatiladi. Kvotaning qoldigʻini aniqlashda deklaratsiyalanayotgan tovarlar hisobga olinmaydi.