Oʻzbekiston Respublikasi Oliy Majlisi Senatining 2015-yil 18-martdagi KQ-8-III-sonli Qarori bilan tasdiqlangan Oʻzbekiston Respublikasi Prezidenti I. Karimovning 2015-yil 22-yanvarda Oliy Majlis Senatining birinchi majlisida soʻzlagan nutqida hamda 2015-yil 23-yanvarda Oliy Majlis Qonunchilik palatasi va Senatining qoʻshma majlisidagi, shuningdek 2015-yil 16-yanvarda Vazirlar Mahkamasining 2014-yilda mamlakatni ijtimoiy-iqtisodiy rivojlantirish yakunlariga va 2015-yilgi iqtisodiy dasturning eng muhim ustuvor vazifalariga bagʻishlangan majlisidagi maʼruzalarida belgilab berilgan vazifalarning bajarilishi yuzasidan Oʻzbekiston Respublikasi Oliy Majlisi Senatining 2015-yilga va kelgusi yillarga moʻljallangan harakat dasturining 1.1, 2.1, 3.1, 3.3, 3.4, 4.1-bandlari ijrosini taʼminlash uchun Oʻzbekiston Respublikasi Oliy Majlisi Senatining Kengashi qaror qiladi:

1. Oʻzbekiston Respublikasi Oliy Majlisi Senati Kengashining 2010-yil 29-oktabrdagi 106-II-sonli qarori bilan tasdiqlangan “Oʻzbekiston Respublikasi Oliy Majlisi Senatining qoʻmitalari tomonidan Oʻzbekiston Respublikasi Oliy Majlisi Qonunchilik palatasi qabul qilgan va Oʻzbekiston Respublikasi Oliy Majlisi Senatiga maʼqullash uchun kelib tushgan qonunlarni dastlabki tarzda koʻrib chiqish tartibi toʻgʻrisida”gi nizomga ilovaga muvofiq oʻzgartish va qoʻshimchalar kiritilsin.

2. Ushbu qarorning ijrosini nazorat qilish Oʻzbekiston Respublikasi Oliy Majlisi Senati Raisining oʻrinbosari S.B. Artikova zimmasiga yuklatilsin.

1) 2-banddagi “maʼqullash” degan soʻz “koʻrib chiqish” degan soʻzlar bilan almashtirilsin;

2) 3-band:

birinchi xatboshisining oʻzbekcha matnidagi “kiritish chogʻida” degan soʻzlar “kiritishda” degan soʻz bilan almashtirilsin;

quyidagi mazmundagi “z” kichik band bilan toʻldirilsin:

“z) xalqaro hujjatlar va chet el mamlakatlari qonun hujjatlarining prinsiplari, qoidalari hamda taʼriflarining tayyorlangan batafsil tahlilini oʻz ichiga olgan qiyosiy jadval”;

“z” kichikbandi “i” kichik band deb hisoblansin;

3) 4-bandning:

birinchi qismi oʻzbekcha matnidagi “deyiladi” degan soʻz “deb yuritiladi” degan soʻzlar bilan almashtirilsin;

ikkinchi qismi oʻzbekcha matnidagi “ular orasidan” degan soʻzlar “ulardan birini” degan soʻzlar bilan almashtirilsin;

4) 6-banddagi “tarjima” degan soʻz “tahririyat” degan soʻz bilan almashtirilsin;

5) 11-band:

“e” kichik bandi quyidagi tahrirda bayon etilsin:

“e) rad etish uchun Senat yalpi majlisiga kiritilayotgan qonunlarning matnlari yuzasidan takliflar tayyorlaydi”;

quyidagi mazmundagi “j” — “k” kichik bandlar bilan toʻldirilsin:

“j) umumdavlat va mintaqalar manfaatlarining mutanosibligini taʼminlash, shuningdek qonun yuzasidan hududiy manfaatlarni hisobga olgan holda oʻrganishlar tashkil etish va takliflar olish maqsadida qonunlarning joylarda ishlayotgan masʼul qoʻmita aʼzolariga va muayyan hududdagi boshqa senatorlarga yuborilishini taʼminlaydi;

z) qonunlarning bir-biriga zid kelmasligini va tizimliligini taʼminlaydi;

i) qonunlarni ularda amalga oshirish mexanizmlari mavjudligi nuqtai nazaridan koʻrib chiqadi;

k) qonunlarni chet el huquqiy amaliyoti bilan har tomonlama, chuqur qiyosiy tahlil qilish maqsadida rivojlangan demokratik mamlakatlar tajribasini oʻrganib chiqadi”;

6) quyidagi mazmundagi 11¹ — 11³-bandlar bilan toʻldirilsin:

“11¹. Senat qoʻmitalari qonunlarni koʻrib chiqish jarayoniga keng jamoatchilikni jalb etish maqsadida Senat qoʻmitalari huzurida yetakchi mutaxassislar, olimlar, amaliyotchilar, fuqarolik jamiyati institutlarining vakillaridan iborat tarkibda ekspert guruhlari tuzishi mumkin.

11². Senat qoʻmitalari huzuridagi ekspert guruhlari:

masʼul qoʻmita raisining topshirigʻiga koʻra qonunlarni koʻrib chiqadi va ular yuzasidan taklif va fikr-mulohazalar bildiradi;

Senat qoʻmitalari tomonidan qonunni koʻrib chiqish uchun tuziladigan ishchi guruhlar faoliyatida ishtirok etadi;

qonunlar yuzasidan qoʻmitaga kelib tushgan takliflar va fikr-mulohazalarni umumlashtirishda Senat qoʻmitalari ishiga yordam beradi;

Senat qoʻmitalarining qonunlarni chet el huquqiy amaliyoti bilan har tomonlama, chuqur qiyosiy tahlil qilish maqsadida rivojlangan demokratik mamlakatlar tajribasini oʻrganish bilan bogʻliq faoliyatiga koʻmaklashadi.

11³. Senat qoʻmitalari koʻrib chiqilayotgan qonunlar yuzasidan jamoatchilikni xabardor qilish hamda ularning fikrini tizimli va doimiy ravishda oʻrganib borish maqsadida ommaviy axborot vositalari vakillari, fuqarolik jamiyati institutlari va boshqa tashkilotlar bilan yaqin hamkorlik qiladi”;

7) 14-band quyidagi tahrirda bayon etilsin:

“14. Masʼul qoʻmita Senat Devonining Nazorat-axborot boʻlimi bilan birgalikda qonun qoʻmitaga kelib tushgan kundan eʼtiboran ikki kun ichida qonun nusxalarini ular yuzasidan umumdavlat va mintaqalar manfaatlarining mutanosibligini taʼminlash maqsadida, shuningdek hududiy manfaatlarni hisobga olgan holda oʻrganishlar tashkil etish va takliflar olish uchun joylarda ishlayotgan masʼul qoʻmita aʼzolariga va muayyan hududdagi boshqa senatorlarga yuboradi. Qonun va unga tegishli boshqa materiallar pochta aloqasi vositalari orqali yoki elektron shaklda yuborilishi mumkin”;

8) quyidagi mazmundagi 14¹ — 14³-bandlar bilan toʻldirilsin:

“14¹. Masʼul qoʻmita aʼzosi yoki muayyan hududdagi senatorlar qonunni olgandan soʻng ushbu qonunning mazmun-mohiyatidan xalq deputatlari mahalliy Kengashlari deputatlari, fuqarolik jamiyati institutlari vakillari va mutaxassislarning xabardorligini taʼminlash hamda uning hududiy manfaatlarga mosligini oʻrganib chiqish maqsadida uch kunlik muddat ichida Qoraqalpogʻiston Respublikasi Joʻqorgʻi Kengesining hamda xalq deputatlari viloyat va Toshkent shahar Kengashlarining masalaga daxldor qoʻmitasi yoki doimiy komissiyasi bilan birgalikda muhokamalar tashkil etadi.

14². Qoʻmita aʼzosi yoki muayyan hududdagi senatorlar qonunlarning, ayniqsa, aholining hayotiy muhim manfaatlariga, sotsial huquqlariga bevosita taalluqli boʻlgan qonunlarning muhokamasiga xalq deputatlari mahalliy Kengashlari deputatlarini, fuqarolik jamiyati institutlari, xususan fuqarolarning oʻzini oʻzi boshqarish organlari hamda ommaviy axborot vositalari vakillarini keng jalb etadi.

14³. Masʼul qoʻmita, uning joylardagi aʼzolari va muayyan hududdagi senatorlar Senatning Matbuot kotibi bilan birgalikda qonunlar yuzasidan tashkil etilgan muhokamalarni respublika va mahalliy ommaviy axborot vositalarida keng yoritish choralarini koʻradi”;

9) 15-band quyidagi tahrirda bayon etilsin:

“15. Qoʻmita aʼzosi yoki muayyan hududdagi boshqa senator qonun yuzasidan hududiy manfaatlardan kelib chiqqan taklif va fikr-mulohazalar mavjud boʻlgan taqdirda ularni asoslantirgan holda ikki kun ichida umumlashtirilgan maʼlumot tayyorlaydi va uni masʼul qoʻmitaga yuboradi”;

10) quyidagi mazmundagi 15¹-15²-bandlar bilan toʻldirilsin:

“15¹. Qoʻmita aʼzosi qonun yuzasidan tayyorlangan taklif va fikr-mulohazalarni qonunni dastlabki tarzda koʻrib chiqish maqsadida qoʻmita tomonidan tashkil etiladigan ishchi guruhi yigʻilishida ham bildirishi mumkin.

15². Masʼul qoʻmita barcha qoʻmita aʼzolaridan yoki boshqa senatorlardan toʻplangan taklif va fikr-mulohazalarni umumlashtiradi va ularni qonun yuzasidantashkil etiladigan ishchi guruhi yigʻilishi muhokamasiga kiritadi”;

11) 22-bandning oʻzbekcha matnidagi “koʻrib chiqish chogʻida” degan soʻzlar “koʻrib chiqishda” degan soʻzlar bilan almashtirilsin;

12) 26-bandi “muvofiq” degan soʻzdan keyin “uning oʻrinbosari yoxud” degan soʻzlar bilan toʻldirilsin;

13) 27-bandi ikkinchi qismining oʻzbekcha matnidagi “oʻtkazish chogʻida” degan soʻzlar “oʻtkazishda” degan soʻz bilan almashtirilsin;

14) 42-bandning ikkinchi jumlasi quyidagi tahrirda bayon etilsin:

“Kelishuv komissiyasining ish tartibi Qonunchilik palatasi va Senat tomonidan tasdiqlanadigan Oʻzbekiston Respublikasi Oliy Majlisi palatalarining kelishuv komissiyasini tuzish va uning faoliyatini tashkil etish tartibiga muvofiq belgilanadi”;

15) 45-band quyidagi tahrirda bayon etilsin:

“45. Qonunni Senatning yalpi majlisida koʻrib chiqish tartibi Oʻzbekiston Respublikasi Oliy Majlisi Senatining Reglamenti bilan belgilanadi”;

16) 48-banddagi “tarjima” degan soʻz “tahririyat” degan soʻz bilan almashtirilsin;

17) 53-band quyidagi tahrirda bayon etilsin:

“53. Qonun yuzasidan Senat qarorining davlat va rus tilidagi elektron nusxalari Matbuot va tahririyat boʻlimida saqlanib, ushbu boʻlim Senatning yalpi majlisida qabul qilingan Senat qarori tegishli blankada chiqarilishini taʼminlaydi”;

18) 54-banddagi “tarjima” degan soʻz “tahririyat” degan soʻz bilan almashtirilsin;

19) 55-banddagi:

“Senat masʼul qoʻmitasi” degan soʻzlar “masʼul qoʻmita” degan soʻzlar bilan almashtirilsin;

“tarjima” degan soʻz “tahririyat” degan soʻz bilan almashtirilsin;

20) 58-banddagi “bayonnomalar shuʼbasiga” degan soʻzlar “bayonlar va maxfiy hujjatlarni yuritish sektoriga” degan soʻzlar bilan almashtirilsin;

21) 62-band quyidagi tahrirda bayon etilsin:

“62. Senat Devoni boʻlimlarining faoliyatini amalga oshirish tartibi Oʻzbekiston Respublikasi Oliy Majlisi Senati Devonining boʻlimlari toʻgʻrisidagi nizomlar bilan belgilanadi”.