Oʻzbekiston Respublikasining “Davlat statistikasi toʻgʻrisida”gi Qonunining 5¹-moddasiga, Vazirlar Mahkamasining 2003-yil 8-yanvardagi 8-son qarori bilan tasdiqlangan Oʻzbekiston Respublikasi Davlat statistika qoʻmitasi toʻgʻrisidagi nizomga va 2012-yil 25-sentabrdagi 274-son qarori bilan tasdiqlangan Korxonalar va tashkilotlarning yagona davlat registri toʻgʻrisidagi nizomga muvofiq Oʻzbekiston Respublikasi Davlat statistika qoʻmitasi qaror qiladi:

1. Oʻzbekiston Respublikasi Davlat statistika qoʻmitasining 2014-yil 30-maydagi 3-mb-son qarori (roʻyxat raqami 2594, 2014-yil 12-iyun) (Oʻzbekiston Respublikasi qonun hujjatlari toʻplami, 2014-y., 24-son, 299-modda) bilan tasdiqlangan Yuridik shaxslarni hisobga olish va identifikatsiya qilishni avtomatlashtirilgan axborot tizimi “Reg-System”da ishlash tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1-bandda:

uchinchi xatboshi “shaxslarning” degan soʻzdan keyin “yagona” degan soʻz bilan toʻldirilsin;

beshinchi xatboshidagi “statist” degan soʻz “statistik” degan soʻz bilan almashtirilsin.

2. 2-bandning uchinchi xatboshi “shaxslarning” degan soʻzdan keyin “yagona” degan soʻz bilan toʻldirilsin.

3. 9-banddagi “shaxslar” degan soʻz “shaxslarning yagona” degan soʻzlar bilan almashtirilsin.

4. 12-band quyidagi tahrirda bayon etilsin:

“12. Bildirishnomani toʻldirish quyidagi holatlar va muddatlarda amalga oshiriladi:

a) yuridik shaxslarni — tadbirkorlik subyektlarini davlat roʻyxatidan oʻtkazish toʻgʻrisidagi maʼlumotlar, yuridik shaxslarning yagona davlat reyestriga kiritilgandan keyin bir kun mobaynida;

b) yuridik shaxslarni — davlat va nodavlat notijorat tashkilotlarni davlat roʻyxatidan oʻtkazish toʻgʻrisidagi maʼlumotlar, yuridik shaxslarning yagona davlat reyestriga kiritilgandan keyin ikki kun mobaynida;

v) yuridik shaxsning taʼsis hujjatlariga oʻzgartirish va qoʻshimchalar kiritilganligi, qayta tashkil etish, tugatish jarayonidaligi, tugatish jarayonining toʻxtatilganligi, tugatilishi va pochta manzili oʻzgarganligi toʻgʻrisidagi maʼlumotlar, yuridik shaxslarning yagona davlat reyestriga kiritilgandan keyin ikki kun mobaynida.

Registrator tomonidan taqdim etilgan maʼlumotlar davlat statistika kuzatuvini olib borish uchun zarur boʻlgan maʼlumotlar hisoblanadi.”.

5. 14 va 15-bandlardagi “statist” degan soʻz “statistik” degan soʻz bilan almashtirilsin.

6. 20-bandning toʻrtinchi xatboshisi quyidagi tahrirda bayon etilsin:

“pochta manzillari, telefon raqamlari, yuridik shaxslarning muassislari, davlat roʻyxatidan oʻtkazilgan tartib raqami va sanasi (taʼsis hujjatlariga oʻzgartirishlar kiritish, yagona davlat reyestridan chiqarish) toʻgʻrisidagi maʼlumotlari.”.

7. 21-banddagi “bepul” degan soʻz “belgilangan tartibda” degan soʻzlar bilan almashtirilsin.

8. 22-banddagi “KTYADRdan yuridik shaxs toʻgʻrisidagi axborotni olishlari” degan soʻzlar “mazkur yoʻriqnomaning 20-bandida koʻrsatilgan axborotlarni bepul olishlari” degan soʻzlar bilan almashtirilsin.

9. 1 va 2-ilova “M.Oʻ. (imzo)” degan soʻzlardan keyin “yoki elektron raqamli imzo” degan soʻzlar bilan toʻldirilsin.

10. Mazkur oʻzgartirish va qoʻshimchalar Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan kelishilgan.