Soliq intizomini mustahkamlash, soliq qonun hujjatlariga qatʼiy amal qilish, soliq toʻlovlarining budjetga toʻliq va oʻz vaqtida tushishini taʼminlash, soliq haqidagi huquq buzilishlarining aniqlanishi, ularning oldini olish va ularni bartaraf etish ustidan davlat nazoratni kuchaytirish, shuningdek soliq organlari faoliyatini yanada takomillashtirish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Davlat soliq qoʻmitasining boshqarish tuzilmasi 1-ilovaga muvofiq;

Oʻzbekiston Respublikasi Davlat soliq qoʻmitasi markaziy apparati tuzilmasi 2 va 2a-ilovalarga muvofiq tasdiqlansin.

2. Oʻzbekiston Respublikasi Davlat soliq qoʻmitasi tizimi xodimlarining umumiy soni 2000-yil 1-apreldan boshlab oʻrtacha 10 foizga qisqartirilsin. Qisqartirilayotgan xodimlar va ish haqi fondi Soliq sohasida huquq buzilishlarga qarshi tezkor kurashish bosh boshqarmasini hamda uning hududiy boshqarmalarini xodimlar bilan toʻldirishga va mustahkamlashga yoʻnaltirilsin.

Davlat soliq qoʻmitasi raisining toʻrt nafar oʻrinbosari, shu jumladan bir nafar birinchi oʻrinbosari, 11 kishidan iborat tarkibda hayʼati boʻlishiga ruxsat etilsin.

3. Davlat soliq qoʻmitasi tuzilmasida soliq organlarini qisqartirish natijasida boʻshaydigan xodimlar hisobiga 3-ilovaga muvofiq Soliq sohasida huquq buzilishlarga qarshi tezkor kurashish bosh boshqarmasi hamda Qoraqalpogʻiston Respublikasida, viloyatlarda va Toshkent shahrida unga bevosita boʻysunuvchi hududiy boshqarmalar tuzilsin.

Quyidagilar Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalarining asosiy vazifalari etib belgilansin:

soliq sohasidagi jinoyatlar va boshqa huquq buzilishlarni aniqlash, ularning oldini olish va ularni bartaraf etish;

soliq organlarida hisobda turishdan, soliqlar va majburiy toʻlovlar toʻlashdan bosh tortuvchi yuridik va jismoniy shaxslarni aniqlash;

naqd pul mablagʻlari muomalasining belgilangan tartibi buzilishlarini aniqlash, ularning oldini olish va ularga barham berish;

tezkor-qidiruv faoliyatini, surishtiruvni tashkil etish hamda, soliq haqidagi qonunlarni buzgan shaxslarni huquqni muhofaza qilish organlari bilan oʻzaro hamkorlikda qidirish, davlatga yetkazilgan zararni belgilangan tartibda undirib olishni taʼminlash chora-tadbirlarini koʻrish;

belgilangan tartibda jinoiy ishlar qoʻzgʻash va ularni jinoyat turiga koʻra huquqni muhofaza qilish organlariga berish;

soliq sohasida huquq buzilishlar toʻgʻrisidagi axborotlarni toʻplash, tekshirish va tahlil qilish.

4. Davlat soliq qoʻmitasi markaziy apparati tuzilmasida:

4-ilovaga muvofiq Nazorat-taftish bosh boshqarmasi tashkil etilsin, unga belgilangan tartibda nazorat ishlarini amalga oshirish va hujjatlarni tekshirish hamda xoʻjalik yurituvchi subyektlarning moliya-xoʻjalik faoliyatini taftish qilish funksiyasi yuklansin;

Rejim va kadrlar bosh boshqarmasi tashkil etilsin, uning tarkibida 5-ilovaga muvofiq Davlat soliq xizmati organlarida korrupsiyaga qarshi kurashish maxsus boshqarmasi tuzish nazarda tutilsin.

5. Belgilansinki:

Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalari, Nazorat-taftish bosh boshqarmasi Davlat soliq qoʻmitasi raisining birinchi oʻrinbosariga boʻysunadi;

Rejim va kadrlar bosh boshqarmasi oʻz faoliyatida Davlat soliq qoʻmitasi raisining rejim va kadrlar boʻyicha oʻrinbosariga boʻysunadi.

6. Quyidagilar:

Qoraqalpogʻiston Respublikasi, viloyatlar va Toshkent shahar davlat soliq boshqarmasining namunaviy tuzilmasi 6, 6a, 6b va 6v-ilovalarga muvofiq;

Tuman, shahar, shahardagi tuman davlat soliq inspeksiyasining namunaviy tuzilmasi 7 va 7a-ilovalarga muvofiq tasdiqlansin.

7. Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalari, Nazorat-taftish bosh boshqarmasi xodimlari uchun respublika budjeti hisobidan ular lavozim maoshining 20 foizi miqdorida maxsus ustamalar joriy etilsin.

8. Oʻzbekiston Respublikasi Davlat soliq qoʻmitasi:

ikki hafta muddatda Oʻzbekiston Respublikasi Davlat soliq qoʻmitasi toʻgʻrisidagi Nizomning yangi tahririni hamda Soliq sohasida huquq buzilishlarga qarshi tezkor kurashish bosh boshqarmasi, Nazorat-taftish bosh boshqarmasi, Rejim va kadrlar bosh boshqarmasi toʻgʻrisidagi nizomlarni ishlab chiqsin va tasdiqlash uchun Vazirlar Mahkamasiga kiritsin;

shu yil 1-maygacha davlat soliq, xizmati organlari xodimlarining yangi kiyim-boshini yaratish yuzasidan tanlov oʻtkazsin, bunda unga 2001-yildan boshlab oʻtishni nazarda tutsin.

9. Oʻzbekiston Respublikasi Moliya vazirligi Davlat soliq qoʻmitasi bilan birgalikda Soliq sohasida huquq buzilishlarga qarshi tezkor kurashish bosh boshqarmasiga va uning hududiy boshqarmalariga xizmat koʻrsatish uchun avtotransport vositalariga qoʻshimcha limit ajratish toʻgʻrisidagi masalani bir oy muddatda hal qilsin.

10. Oʻzbekiston Respublikasi Ichki ishlar vazirligi Davlat soliq qoʻmitasining Soliq sohasida huquq buzilishlarga qarshi tezkor kurashish bosh boshqarmasi tizimida ishlash uchun Ichki ishlar vazirligi Akademiyasi bitiruvchilari orasidan tezkor-qidiruv faoliyati boʻyicha mutaxassislarni yoʻllashni nazarda tutsin.

11. Vazirlar Mahkamasining Qurilish va qurilish materiallari sanoati kompleksi (Isayev) Oʻzbekiston Respublikasi Davlat soliq qoʻmitasi, Makroiqtisodiyot va statistika vazirligi, Moliya vazirligi Buxoro va Fargʻona viloyatlari hokimliklari bilan birgalikda Buxoro va Fargʻona shaharlaridagi ikkita yangidan qurilgan kasb-hunar kollejlarini aniqlasin va ularni ikki oy muddatda ushbu kollejlar bazasida 2000-yil 1-sentabrgacha har biri 200 oʻrinli ixtisoslashtirilgan soliq kollejlari tashkil etish uchun Davlat soliq qoʻmitasi balansiga bersin.

12. Oʻzbekiston Respublikasi Davlat soliq qoʻmitasi va Moliya vazirligining Buxoro shahar va Samarqand shahar Davlat soliq inspeksiyalarini, shuningdek Fargʻona shahridagi Qirguli tumani Davlat soliq inspeksiyasini tugatish toʻgʻrisidagi taklifi qabul qilinsin.

13. Quyidagilar:

Oʻzbekiston Respublikasi Vazirlar Mahkamasining “Oʻzbekiston Respublikasi soliq organlarini yanada mustahkamlash chora-tadbirlari toʻgʻrisida” 1992-yil 20-oktabrdagi 483-son qarori;

Oʻzbekiston Respublikasi Vazirlar Mahkamasining “Oʻzbekiston Respublikasi Davlat soliq qoʻmitasi faoliyatini tashkil etish masalalari toʻgʻrisida” 1998-yil 12-yanvardagi 14-son qarorining 1 va 3-bandlari, qarorga 1-6-ilovalar oʻz kuchini yoʻqotgan deb hisoblansin.

14. Oʻzbekiston Respublikasi Davlat soliq qoʻmitasi Adliya vazirligi va Moliya vazirligi bilan birgalikda bir oy muddatda Oʻzbekiston Respublikasining amaldagi qonun hujjatlariga tegishli oʻzgartirishlar va qoʻshimchalar kiritish yuzasidan takliflar tayyorlasin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari B.S.Hamidov zimmasiga yuklansin.

1. Kotibiyat

2. Axborot-tahlil bosh boshqarmasi

2.1. Hisobot va soliq tushumlarini tezkor tahlil qilish boshqarmasi

2.2. Hisobga olish, axborot taʼminoti va kompyuterlashtirish boshqarmasi

3. Birinchi boʻlim

4. Yuridik boʻlim

5. Nazorat qiluvchi organlar faoliyatini muvofiqlashtirish boshqarmasi

6. Matbuot xizmati

7. Soliq sohasida huquq buzilishlarga qarshi tezkor kurashish bosh boshqarmasi

7.1. Tezkor-qidiruv ishlari maxsus boshqarmasi

7.2. Soliq sohasidagi jinoyatlar tahlili va statistikasi boshqarmasi

7.3. Surishtiruv boshqarmasi

7.4. Soliq sohasida huquq buzilishlarga qarshi kurashish hududiy boshqarmalari

8. Nazorat-taftish bosh boshqarmasi

8.1. Hujjatlar boʻyicha tekshirishlarni tashkil etish boshqarmasi

8.2. Nazorat tartibidagi tekshirishlarni tashkil etish boshqarmasi

9. Xavfsizlik va kadrlar bosh boshqarmasi

9.1. Xavfsizlik va davlat soliq xizmati organlarida korrupsiyaga qarshi kurashish maxsus boshqarmasi

9.2. Soliq organlarining maxsus nazorat-taftish boshqarmasi

9.3. Kadrlar ishlari boshqarmasi

10. Navbatchi qism

11. Soliq kolleji

12. Oʻquv markazi

13. Yuridik shaxslar tomonidan soliq toʻgʻrisidagi qonunlar bajarilishini nazorat qilish bosh boshqarmasi

13.1. Daromad (foyda)dan soliq olish boshqarmasi

13.2. Mulkiy va resurs soliqlari boshqarmasi

13.3. Bilvosita soliq solish boshqarmasi

14. Valyuta nazorati bosh boshqarmasi

14.1. Valyuta nazorati boshqarmasi

14.2. Eksport-import operatsiyalari boshqarmasi

14.3. Xalqaro soliq munosabatlari va hamkorlik boshqarmasi

15. Jismoniy shaxslar tomonidan soliq toʻgʻrisidagi qonunlar bajarilishini nazorat qilish boshqarmasi

15.1. Jismoniy shaxslar va yakka tartibdagi tadbirkorlarga soliq solish boshqarmasi

15.2. Uslubiyat va daromadlar toʻgʻrisida deklaratsiya toʻldirish boʻlimi

15.3. Mulkiy va resurs soliqlari boshqarmasi

16. Soliq solish uslubini takomillashtirish boshqarmasi

17. Moliya va buxgalteriya hisobi boshqarmasi

18. Butlash, kapital qurilish va transport boshqarmasi

19. Nazorat-inspektorlik boʻlimi

20. Markaziy apparatning xoʻjalik boshqarmasi

1. Nazorat-inspektorlik boʻlimi

2. Yuridik boʻlim

3. Buxgalteriya hisobi va butlash boʻlimi

4. Nazorat organlari faoliyatini muvofiqlashtirish va monitoring olib borish boʻlimi

5. Birinchi boʻlim

6. Hisobga olish, tahlil qilish va soliq statistikasi boʻlimi

6.1. Hisobga olish va soliq statistikasi shoʻbasi

6.2. Maʼlumotlar bazasiga xizmat koʻrsatish shoʻbasi

6.3. Texnik xizmat koʻrsatish va telekommunikatsiyalar shoʻbasi

6.4. Muddatida toʻlanmagan toʻlovlarni undirib olish shoʻbasi

7. Yuridik shaxslar toʻlovlarining budjetga tushishini nazorat va tahlil qilish boʻlimi

7.1. Yuridik shaxslarga soliq solish shoʻbasi

7.2. Boshqa soliqlar va yigʻimlar shoʻbasi

7.3. Valyuta va eksport-import operatsiyalarini nazorat qilish shoʻbasi

8. Jismoniy shaxslarga soliq solish va nazorat boʻlimi

9. Xavfsizlik va soliq organlarida korrupsiyaga qarshi kurashish boʻlimi

10. Kadrlar boʻlimi

11. Maxsus nazorat-taftish boʻlimi

12. Xoʻjalik yurituvchi subyektlarni hujjatlar boʻyicha va nazorat tartibida tekshirishlarni tashkil etish boʻlimi

13. Navbatchi qism

1. Kotibiyat

2. Nazorat-inspektorlik boʻlimi

3. Yuridik boʻlim

4. Buxgalteriya hisobi va butlash boʻlimi

5. Nazorat organlari faoliyatini muvofiqlashtirish va monitoring olib borish boʻlimi

6. Birinchi boʻlim

7. Hisobga olish, tahlil qilish va soliq statistikasi boshqarmasi

7.1. Hisobga olish va soliq statistikasi boʻlimi

7.2. Maʼlumotlar bazasiga xizmat koʻrsatish boʻlimi

7.3. Texnik xizmat koʻrsatish va telekommunikatsiyalar shoʻbasi

7.4. Muddatida toʻlanmagan toʻlovlarni undirib olish boʻlimi

8. Yuridik shaxslar toʻlovlarining budjetga tushishini nazorat va tahlil qilish boshqarmasi

8.1. Yuridik shaxslarga soliq solish boʻlimi

8.2. Boshqa soliqlar va yigʻimlar boʻlimi

8.3. Valyuta va eksport-import operatsiyalarini nazorat qilish boʻlimi

9. Jismoniy shaxslarga soliq solish boshqarmasi

10. Xoʻjalik yurituvchi subyektlarni hujjatlar boʻyicha va nazorat tartibida tekshirishlarni tashkil etish boʻlimi

11. Servis-Markaz

12. Kadrlar boʻlimi

13. Maxsus nazorat-taftish boʻlimi

14. Xavfsizlik va soliq organlarida korrupsiyaga qarshi kurashish boʻlimi

15. Navbatchi qism

1. Buxgalteriya hisobi va butlash boʻlimi

2. Nazorat organlari, faoliyatini muvofiqlashtirish va monitoring olib borish shoʻbasi yoki mutaxassis

3. Nazorat-inspektorlik shoʻbasi yoki mutaxassis

3. Hisobga olish, tahlil qilish va soliq statistikasi boʻlimi

3.1. Soliq tushumlarini hisobga olish shoʻbasi

3.2. Maʼlumotlar bazasiga xizmat koʻrsatish shoʻbasi

3.3. Muddatida toʻlanmagan toʻlovlarni undirib olish shoʻbasi

4. Yuridik shaxslar toʻlovlarining budjetga tushishini nazorat va tahlil qilish boʻlimi

4.1. Nazorat shoʻbasi

4.2. Soliq toʻlovchilar hisobotlarini qabul qilish va tahlil etish shoʻbasi

5. Jismoniy shaxslarga soliq solish va nazorat boʻlimi

5.1. Jismoniy shaxslarga soliq solish va deklaratsiya shoʻbasi

5.2. Yakka tartibdagi tadbirkorlarga soliq solish va uchastka inspektorlari shoʻbasi

6. Xavfsizlik va soliq organlarida korrupsiyaga qarshi kurashish shoʻbasi yoki mutaxassis

7. Kadrlar ishlari shoʻbasi

8. Navbatchi qism