LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 9-martdagi 126-sonli “Ozon qatlamini buzuvchi moddalardan foydalanishni to‘xtatish bo‘yicha milliy dasturni tasdiqlash to‘g‘risida”gi qaroriga asosan 2021-yil 11-iyundan o‘z kuchini yo‘qotadi.
Ozon qatlamini himoya qilish to‘g‘risidagi 1985-yilgi Vena konvensiyasiga (keyingi o‘rinlarda Vena konvensiyasi deb ataladi) va Ozon qatlamini buzuvchi moddalar bo‘yicha 1987-yilgi Monreal protokoliga (keyingi o‘rinlarda Monreal protokoli deb ataladi) binoan O‘zbekiston Respublikasining majburiyatlari bajarilishini ta’minlash hamda ozonni buzuvchi moddalarni chiqarib tashlashni tartibga solish chora-tadbirlarini amalga oshirish maqsadida Vazirlar Mahkamasi qaror qiladi:
1. O‘zbekiston Respublikasi Davlat tabiatni muhofaza qilish qo‘mitasi tomonidan O‘zbekiston Respublikasi Makroiqtisodiyot va statistika vazirligi, Tashqi iqtisodiy aloqalar vazirligi, Davlat bojxona qo‘mitasi bilan birgalikda ishlab chiqilgan Ozonni buzuvchi moddalardan foydalanishni to‘xtatish milliy dasturi (keyingi o‘rinlarda Milliy dastur deb ataladi) 1-ilovaga* muvofiq ma’qullansin.
* 1-son ilova rus tilidagi matnda berilgan.
2. Milliy dasturda nazarda tutilgan loyihalar bo‘yicha xarajatlarni mablag‘ bilan ta’minlash asosan Global ekologik jamg‘arma grantlari hisobiga amalga oshirilishi ma’lumot uchun qabul qilinsin.
3. O‘zbekiston Respublikasi Ekologiya va atrof muhitni muhofaza qilish davlat qo‘mitasi raisiga Milliy dasturda nazarda tutilgan loyihalarni amalga oshirishga oid hujjatlarni imzolash huquqi berilsin.
(3-band O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)
4. Milliy dasturni amalga oshirish bilan bog‘liq ishlarni muvofiqlashtirish O‘zbekiston Respublikasi Ekologiya va atrof muhitni muhofaza qilish davlat qo‘mitasiga yuklatilsin.
(4-band O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)
Oldingi tahrirga qarang.
(5-band O‘zbekiston Respublikasi Vazirlar Mahkamasining 2018-yil 9-yanvardagi 17-sonli qaroriga asosan 2018-yil 13-apreldan o‘z kuchini yo‘qotadi — Qonun hujjatlari ma’lumotlari milliy bazasi, 12.01.2018-y., 09/18/17/0552-son)
Ozonni buzuvchi moddalarni va tarkibida ular bo‘lgan mahsulotlarni olib kirish va olib chiqish tartibi to‘g‘risidagi Nizomni bir oy muddatda ishlab chiqsin va belgilangan tartibda Vazirlar Mahkamasiga kiritsin;
O‘zbekiston Respublikasi Moliya vazirligi bilan birgalikda korxonalar va tashkilotlarning ozonni buzuvchi moddalardan foydalanishni to‘xtatishga qaratilgan harakatlarini rag‘batlantirish chora-tadbirlarini ishlab chiqsin;
O‘zbekiston Respublikasi Makroiqtisodiyot va statistika vazirligi bilan kelishgan holda xo‘jalik yurituvchi subyektlarning ozonni buzuvchi moddalarga bo‘lgan ehtiyoji va ulardan foydalanishi to‘g‘risidagi idoraviy statistika hisobotini 2000-yil 1-yanvardan boshlab joriy etsin.
7. O‘zbekiston Respublikasi Fan va texnika davlat qo‘mitasi, Ekologiya va atrof muhitni muhofaza qilish davlat qo‘mitasi hamda boshqa manfaatdor vazirliklar va idoralar ozonni buzuvchi moddalarning o‘rnini bosuvchi moddalardan foydalanishga o‘tish sohasida, ayniqsa mahalliy resurslardan foydalangan holda, istiqbolli ilmiy-tadqiqot va tajriba-konstruktorlik ishlanmalari ishlab chiqilishi va joriy etilishini har tomonlama qo‘llab-quvvatlasinlar.
(7-band O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)
8. “O‘zteleradio” kompaniyasi, O‘zbekiston Respublikasi Davlat matbuot qo‘mitasi, Davlat tabiatni muhofaza qilish qo‘mitasi ommaviy axborot vositalarida Milliy dastur maqsad va vazifalari tushuntirilishini ta’minlasinlar, ozonni buzuvchi moddalarni siqib chiqarish va ularni ozon uchun xavfsiz moddalar bilan almashtirish ishlarining borishini yoritsinlar.
9. O‘zbekiston Respublikasi Vazirlar Mahkamasining “O‘zbekiston Respublikasida tashqi savdo faoliyatini erkinlashtirish bo‘yicha qo‘shimcha chora-tadbirlar to‘g‘risida” 1998-yil 31-martdagi 137-son qarori bilan tasdiqlangan O‘zbekiston Respublikasining vakolatli organlari tomonidan beriladigan ruxsatnomalar bo‘yicha eksport va import qilinadigan maxsus tovarlar (ishlar va xizmatlar) ro‘yxati 5-ilovaga* muvofiq to‘ldirilsin.
* 5-son ilova rus tilidagi matnda berilgan.
Oldingi tahrirga qarang.