Oʻzbekiston Respublikasi Hukumati bir tomondan va Moldova Respublikasi Hukumati ikkinchi tomondan, keyingi oʻrinlarda “Tomonlar” deb ataladilar, quyidagilar toʻgʻrisida ushbu Bitimni tuzdilar:

Tomonlar Moldova Respublikasi Hukumati bilan Oʻzbekiston Respublikasi Hukumati oʻrtasida savdodan tashqari toʻlovlar toʻgʻrisida 1995-yilning 30-martida imzolangan Bitimning 1-moddasi 1-bandida belgilangan ijtimoiy ahamiyatga ega boʻlgan savdodan tashqari toʻlovlar boʻyicha pochta orqali pul joʻnatmalarini cheklanmagan summada qabul qilish va toʻlashni aloqa korxonalari va boʻlimlari tarmoqlari orqali tashkil etish va oʻtkazishga qaror qildilar.

Yuqorida qayd etilgan Bitimning 1-moddasidagi 2-bandda keltirilgan. Boshqa toʻlovlar boʻyicha pul joʻnatmalari summasi korrespondentlik schyotlarida tegishli valyutalar mavjud boʻlishiga qarab tartibga solinadi.

Ushbu shartnomaning 1-moddasida koʻzda tutilgan toʻlovlar Oʻzbekiston Respublikasi vakolatli bankida Oʻzbekiston Respublikasi milliy valyutasida ochiladigan Moldova Respublikasi vakolatli bankining korrespondentlik schyoti orqali amalga oshiriladi. Pochta toʻlovlari Tomonlarning milliy valyutasida Moldova Milliy banki belgilagan kursida qabul qilinadi va toʻlanadi.

Tomonlardan har biri pul joʻnatmalari yuborilganligi, shuningdek, joʻnatmalarni qabul qilish yoki toʻlashda oʻz davlati mijozlariga koʻrsatiladigan qoʻshimcha xizmatlar uchun oʻz tariflarini belgilaydi.

Pochta joʻnatmalarini tayyorlash va davlatlar oʻrtasida ularni ayirboshlash uchun Tomonlardan har biri pul joʻnatmalarini tayyorlash boʻyicha markazlashtirilgan “Punkt” tashkil etadi.

Tomonlar oʻrtasidagi pochta pul joʻnatmalari tegishli summalarni oldindan oʻtkazgan holda, koʻrsatib oʻtilgan “Punktlar” orqaligina yuboriladi.

Pochta joʻnatmasini toʻlash muddati joʻnatma Tomonlarning aloqa korxonalariga tushgan kundan boshlab bir oydan oshmasligi kerak.

Pochta joʻnatmasi Butunjahon Pochta Ittifoqining pochta joʻnatmalari toʻgʻrisidagi Bitim Ijro etish tartibi IR 608 — moddasida koʻrsatilgan sabablarga koʻra nazarda tutilgan muddat mobaynida toʻlanmagan taqdirda, uni joʻnatgan Aloqa maʼmuriyatiga qaytariladi.

Zaruratga koʻra Tomonlar pochta orqali yuboriladigan pul joʻnatmalarining kam miqdori, kam summasi boʻyicha bir tomonlama tartibda cheklash huquqiga egadirlar, bunda bir Tomon ikkinchi Tomonni qabul qilingan qaror toʻgʻrisida yozma ravishda oldindan xabardor qilishi kerak.

Mazkur Bitim shartlari Tomonlardan biri tomonidan bajarilmagan taqdirda ikkinchi Tomon bu haqda maʼlum qiladi va 30 kun mobaynida javob olmasa, pochta joʻnatmalarini ayirboshlashni bir tomonlama tartibda toʻxtatib qoʻyish huquqiga egadir.

Soxtapochta joʻnatma joʻnatmasi boʻyicha pul toʻlangan taqdirda moddiy javobgarlik bu holga qaysi Tomonning aybi bilan yoʻl qoʻyilgan boʻlsa oʻsha Tomonga yuklanadi.

Joʻnatmani qabul qilish yoki toʻlash texnologiyasi buzilganligi sababli pochta joʻnatmasi notoʻgʻri toʻlangan taqdirda qaysi tomonning aloqa korxonasi bunga yoʻl qoʻygan boʻlsa, oʻsha Tomon moddiy javobgar boʻladi.

Tomonlarning pochta joʻnatmalarini tayyorlash boʻyicha xarajatlarini Tomonlar har bir joʻnatma uchun 0,1 SDR (Undirishning maxsus huquqi)tarifi boʻyicha ularni toʻlaydilar.

Bunda Tomonlar yangi tariflarni nazarda tutishlari va oʻzaro kelishuv boʻyicha qabul qilishlari mumkin.

Bitim shartlariga oʻzgartirishlar va qoʻshimchalar kiritish Tomonlarning oʻzaro roziligi bilan amalga oshiriladi.

Pul joʻnatish operatsiyalari boʻyicha oʻzaro hisob-kitoblar Oʻzbekiston Respublikasi Aloqa vazirligining Xalqaro hisob-kitoblar va shartnomalar markazi hamda Moldova Respublikasi Aloqa va axborot vazirligining “Poshta Moldovey” davlat korxonasi tomonidan ular oʻrtasida tuzilgan shartnoma asosida amalga oshiriladi.

Pochta joʻnatmalari blanklarini toʻldirish va xizmat yozishmalari rus tilida yuritiladi.

Mazkur Bitim imzolangan kundan boshlab kuchga kiradi va Tomonlardan biri Bitimning amal qilishini toʻxtatish toʻgʻrisida ikkinchi Tomonni bir oy oldin yozma ravishda xabardor qilguniga qadar amal qiladi.

Bitim Tomonlar tomonidan toʻlangan pochta joʻnatmalari summalari boʻyicha toʻliq oʻzaro hisob-kitob qilingandan keyingina oʻz kuchini yoʻqotgan hisoblanadi.

1995-yil 30-martida Kishinev shahrida ikki asl nusxada, oʻzbek, moldovan va rus tillarida tuzildi, barcha matnlar bir xil kuchga egadir.

Ushbu Bitim qoidalarini talqin qilishda har qanday kelishmovchiliklar paydo boʻlgan hollarda rus tilidagi matn asosiy deb hisoblanadi.