Oʻzbekiston Respublikasining “Aholini ish bilan taʼminlash toʻgʻrisida”gi Qonunining 17-moddasi (Oʻzbekiston Respublikasi Oliy Majlisining Axborotnomasi, 1998-yil, 5-6-son, 97-modda), “Nogironlarni ijtimoiy himoya qilish toʻgʻrisida”gi 25-moddasi (Oʻzbekiston Respublikasi qonun xujjatlari toʻplami, 2008-yil, 29-30-son, 277-modda), Oʻzbekiston Respublikasi Prezidentining 2007-yil 6-apreldagi “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida”gi PQ-616-sonli qarori (Oʻzbekiston Respublikasi qonun xujjatlari toʻplami, 2007-yil, 15-son, 156-modda), Vazirlar Mahkamasining 2008-yil 20-avgustdagi “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib koʻyish toʻgʻrisida”gi nizomni tasdiqlash xaqida”gi 186-sonli qaroriga (Oʻzbekiston Respublikasi qonun xujjatlari toʻplami, 2008-yil, 34-son, 333-modda) asosan ish oʻrinlarini band qilib qoʻyish maqsadida qaror qilaman:

1. Oʻzbekiston Respublikasining “Aholini ish bilan taʼminlash toʻgʻrisida”gi Qonunining 17-moddasiga asosan ijtimoiy muhofazaga muxtoj va ish topishda qiynalayotgan shaxslarni ishga joylashtirish uchun tumandagi yigirma nafardan ortiq ishlovchi xodimlari mavjud korxona, tashkilotlar va muassasalarda xodimlarning roʻyxat boʻyicha umumiy sonidan 190 kishini tashkil etadigan 7 foiz mikdorida, shu jumladan:

nogironlar uchun 3,1 foiz –– 6 kishi;

14 yoshga toʻlmagan bolalari va nogiron bolalari bor yolgʻiz hamda koʻp bolali ota-onalar uchun 11,5 foizi — 22 kishi;

taʼlim muassasalarini tugatgan yoshlar uchun 66,3 foiz — 126 kishi;

muddatli xarbiy xizmatdan boʻshatilganlar uchun 2,6 foiz — 5 kishi;

Tuman hokimligi Bandlikka koʻmaklashish va aholini ijtimoiy muhofaza qilish markazida ish qidiruvchi sifatida hisobda turgan pensiya yoshiga yaqinlashib qolgan shaxslar uchun 2,1 foiz — 4 kishi;

jazoni oʻtash muassasalaridan ozod qilingan, jazoni oʻtayotgan yoki sud qaroriga koʻra tibbiy xarakterdagi majburiy choralar koʻrilgan shaxslar uchun 4,7 foiz — 9 kishi;

odam savdosidan jabrlangan shaxslar uchun 0,5 foiz — 1 kishi;

boshqalar uchun 8,9 foiz — 17 kishi, shu jumladan safarbarlik chaqiruvi zaxirasiga kiritilgan shaxslar uchun 6 kishi, kichik yoshli bolalari boʻlgan ishlamayotgan ayollar 9 kishi, atrofdagilar uchun xavfli boʻlmagan ijtimoiy ahamiyatli kasalliklar bilan ogʻriyotgan shaxslar uchun 2 kishi miqdorida ish oʻrinlari zaxirasi belgilansin va tumandagi korxonalar, tashkilotlar va muassasalar kesimida ilovadagi jadval asosida tasdiqlansin.

2. Korxona, tashkilot va muassasalarning raxbarlariga:

ijtimoiy muhofazaga muhtoj shaxslar uchun ish joylarini koʻrsatib oʻtilgan miqdorini Vazirlar Mahkamasining 2008-yil 20-avgustdagi “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida”gi nizomga muvofiq belgilangan muddatlarda va tartibda yaratilishini (ajratilishini yoki band etib qoʻyilishini) taʼminlash;

ish joylari sanitariya-gigiyena normalariga va xodim oʻz mehnat majburiyatlarini bemalol bajarishini taʼminlaydigan mehnat sharoitlariga muvofiq boʻlishini taʼminlash;

ijtimoiy muhofazaga muhtoj va ish topishda qiynalayotgan shaxslarni ish bilan taʼminlash uchun 2014-yil yakunlanishidan 10 kun oldin kvota ish joylari umumiy miqdorining kamida 25 foizi uchun, 2015-yilning 10-aprelidan kechikmay ish joylarining qolgan qismi 75 foizini barpo etish (ajratish yoki band qilib qoʻyish) toʻgʻrisidagi, yaʼni har bir kvota toifasi boʻyicha ish oʻrinlarini band qilib qoʻyiladigan kasblar va lavozimlar mutaxassisliklar kesimidagi maʼlumotlarni va qaror boʻyicha chiqarilgan buyruq nusxalarini tuman Bandlikka koʻmakpashish va aholini ijtimoiy muhofaza qilish markaziga taqdim etish vazifalari yuklatilsin.

3. Oʻzbekiston Respublikasining “Aholini ish bilan taʼminlash toʻgʻrisida”gi Qonuni 18-moddasi 3-qismiga asosan ijtimoiy himoyaga muhtoj shaxslarga eng kam miqdordagi ish joylarini yaratish yuzasidan qabul qilingan mazkur qarorni bajarmaganlik uchun ish beruvchilardan xar bir yaratilmagan ish joyi uchun qonuchilikda belgilangan tartibda javobgarlikka tortilishiga sabab boʻladi.

4. Oʻzbekiston Respublikasi Vazirlar Mahkamasining 2008-yil 20-avgustdagi 186-sonli qarori bilan tasdiqlangan “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida”gi nizomning 15-bandi 2-xatboshiga asosan, mahalliy davlat hokimiyati organining ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarini band qilib qoʻyish boʻyicha qarorini bajarmaganlik uchun jarimani toʻlagan tashkilotni band qilib qoʻyiladigan ish oʻrinlarining belgilangan sonini tashkil etishdan ozod qilmaydi.

5. Ijtimoiy muhofazga muhtoj va ish qidirishda qiynalayotgan shaxslar uchun band qilib qoʻyiladigan ish oʻrinlarini tuman hokimi tomonidan belgilangan miqdorda tashkil etgan tashkilotlar Oʻzbekiston Respublikasi Vazirlar Mahkamasining 2008-yil 20-avgustdagi 186-sonli qarori bilan tasdiqlangan “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida”gi nizomga asosan ushbu ish oʻrinlarini tuman hokimi tomonidan belgilangan miqdorda tashkil etgan tashkilotlar ushbu ish oʻrinlarini tashkil etishga sarflangan mablagʻlarning bir qismini tuman Bandlikka koʻmaklashish va aholini ijtimoiy muhofaza qilish jamgʻarmasi mablagʻlari hisobidan qoplash huquqiga ega ekanliklari inobatga olinsin.

6. Tuman Bandlikka koʻmaklashish va aholini ijtimoiy muhofaza qilish markazi (U. Sibanov) ushbu qarorning bajarilishi ustidan qaʼtiy nazorat oʻrnatish hamda har chorak yakuni bilan amalga oshirilgan ishlar yuzasidan tuman hokimligiga maʼlumot taqdim etib borish, bir xafta muddatda mazkur qarorning ilovasida koʻrsatilgan korxona, tashkilot va muassasalar rahbarlariga yetkazilishi taʼminlansin.

7. Mazkur qarorning rasmiy nashrda eʼlon qilinishi Kanimex-Tani gazetasi bosh muharriri (G. Narimbetova)ga hamda Adliya boshqarmasiga davlat hisobiga olinishi uchun taqdim etilishini tuman hokimligi huquqshunosi (Q. Artiqov)ga yuklatilsin.

8. Ushbu qarorning bajarilishini nazorat qilish tuman hokimining oʻrinbosari S. Xidirbekov zimmasiga yuklatilsin.