Tuman iqtisodiyoti tarmoqlarini 2013-2014-yillar kuz-qish davrida barqaror ishlashga tayyorlash hamda Oʻzbekiston Respublikasi Prezidentining 2014-yil 27-iyundagi PQ–2194-sonli “Respublika iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi hamda shu mazmundagi viloyat hokimining 2014-yil 3-iyuldagi 129-Q-sonli qarorlarini tumanda bajarilishini taʼminlash maqsadida, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. Oʻzbekiston Respublikasi Prezidentining 2014-yil 27-iyundagi PQ–2194-sonli “Respublika iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi hamda shu mazmundagi viloyat hokimining 2014-yil 3-iyuldagi 129-Q-sonli qarorlari rahbarlik va ijro uchun qabul qilinsin.

2. Oʻzbekiston Respublikasi Prezidentining mazkur qarori bilan:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, korxona va tashkilotlar – masʼul ijrochilar umuman respublika iqtisodiyoti tarmoqlarini 2013/2014-yillar kuz-qish davrida barqaror ishlashga tayyorlash boʻyicha tasdiqlangan tashkiliy-texnik chora-tadbirlarni oʻz vaqtida va toʻliq hajmda amalga oshirganligi, qabul qilingan chora-tadbirlar asosan korxona va tashkilotlarning barqaror ishlashini, aholini yoqilgʻi-energetika resurslari va kommunal xizmatlar bilan taʼminlash imkonini berganligi;

Shu bilan birga, “Oʻztransgaz” AK va “Oʻzbekenergo” DAKning ayrim korxona va tashkilotlari tomonidan, shuningdek Buxoro, Qashqadaryo, Samarqand, Surxondaryo va Toshkent viloyatlarining bir qator shahar va tumanlarida kuz-qish davrida iqtisodiyot tarmoqlarining normal ishlashini taʼminlaydigan zarur chora-tadbirlar qabul qilinmaganligi, koʻrsatib oʻtilgan kamchiliklarga asosan ayrim rahbarlarning qishga tayyorgarlik masalalariga masʼuliyatsizlik bilan taʼminlash masalalarini oʻz vaqtida yechmaganliklari sabab boʻlganligi;

Respublika iqtisodiyot tarmoqlarini 2014/2015-yillar kuz-qish davrida barqaror ishlashga tayyorlash borasidagi ishlarni muvofiqlashtirish boʻyicha respublika komissiyasi tomonidan 2014/2015-yillar kuz-qish davrida barqaror ishlashga tayyorlash masalalarining oʻz vaqtida yechilishiga masʼuliyatsizlik bilan qaragan va yoʻl qoʻyilgan kamchiliklar uchun bir qator xoʻjalik birlashmalari, korxona, muassasa va tashkilotlarning, shuningdek viloyat, shahar va tumanlar hokimlarining rahbarligiga nisbatan qattiq maʼmuriy va intizomiy jazo choralari qoʻllanilganligi belgilab qoʻyilganligi;

2014-yilning 1-martida Oʻzbekiston Respublikasi Vazirlar Mahkamasi tomonidan Bosh vazir oʻrinbosarlari rahbarligida uchta ishchi guruhning tarkibi quyidagi yoʻnalishlar boʻyicha tasdiqlanganligi maʼlumot uchun qabul qilinganligi.;

koʻp xonadonli uylarni kuz-qish mavsumida ishlashga tayyorlash, umumiy foydalanish joylarini, lift uskunalarini tartibga keltirish va tegishli holda saqlash, mahalla hududida sanitariya holatini taʼminlash, obodonlashtirish ishlarini tashkil etish boʻyicha ishchi guruhi (B.I.Zakirov);

ijtimoiy soha obyektlarini, iqtisodiyot tarmoqlari va aholini yoqilgʻi-energetika resurslari: tabiiy gaz, elektr va issiqlik energiyasi bilan oʻz vaqtida taʼminlash ishlarini tashkil etish boʻyicha ishchi guruhi (Gʻ. Ibragimov);

kuz-qish davrida ijtimoiy soha obyektlarini barqaror ishlashga tayyorlashni tashkil etish, obyektlarning sanitariya holatini va obodonlashtirish ishlarini taʼminlash boʻyicha ishchi guruhi (A. Ikramov).

Bunda iqtisodiyot tarmoqlarini 2014/2015-yillar kuz-qish davrida barqaror ishlashga tayyorlash boʻyicha bajarilgan ishlarning samaradorligi tanqidiy tahlil qilish asosida: kelgusi 2014/2015-yillar kuz-qish davrida iqtisodiyot tarmoqlari, ijtimoiy soha obyektlari va uy-joy fondining barqaror faoliyat yuritishi uchun har bir ishchi guruhning aniq vazifalar belgilanganligi;

har bir hudud doirasida, shu jumladan Respublikaning 28 ta yirik shaharlari va tumanlarida qabul qilingan dasturlarni amalga oshirish boʻyicha chora-tadbirlar kompleksi, tarmoq jadvallari ishlab chiqilib, tasdiqlanganligi, masʼul ijrochilar — vazirliklar, idoralar va tijorat banklari rahbarlari ularga biriktirib qoʻyilganligi maʼlumot uchun qabul qilinsin.

3. Quyidagilar:

tuman iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlash boʻyicha tadbirlar rejasi 1-ilovaga* muvofiq;

asosiy muhandislik kommunikatsiyalari va texnologik uskunalarni, shuningdek ijtimoiy soha obyektlarini hududlar boʻyicha 2014/2015-yillar kuz-qish davrida barqaror ishlashga tayyorlash hamda mukammal va joriy taʼmirlash topshiriqlari 2-3-ilovaga* muvofiq;

2014/2015-yillar kuz-qish mavsumi koʻmir, suyultirilgan gaz va IOMSni hududlar boʻyicha yetkazib berish topshiriqlari 4-ilovaga* muvofiq;

tuman iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlash borasida ishlarni muvofiqlashtirish boʻyicha tuman komissiyasi tarkibi 5-ilovaga* muvofiq tasdiqlansin;

4. Tumandagi korxona, tashkilot va muassasa rahbarlari zimmasiga iqtisodiyot tarmoqlarini 2014/2015-yillar kuz-qish davrida barqaror ishlashini taʼminlashga yoʻnaltirilgan tadbirlar hamda ishlarning oʻz vaqtida va sifatli bajarilishi yuzasidan shaxsiy javobgarlik yuklansin.

5. Tuman komissiyasiga:

kommunal soha tashkilotlari, qozonxonalar, koʻp xonadonli turar joy binolari, maktabgacha tarbiya muassasalari, umum taʼlim maktablari, oʻrta maxsus kasb-hunar taʼlimi muassasalari, sogʻliqni saqlash muassasalari hamda boshqa ijtimoiy soha obyektlarini 2014/2015-yillar kuz-qish davrida barqaror ishlashga tayyorlash boʻyicha joylardagi ishlarning ahvolini tanqidiy oʻrganib chiqsin;

oʻrganib chiqish natijalari boʻyicha ushbu qaror bilan tasdiqlangan tadbirlarni amalga oshirish borasidagi tashkiliy chora-tadbirlar kompleksini, shuningdek tuman iqtisodiyot tarmoqlari va ijtimoiy soha muassasalarini 2014/2015-yillar kuz-qish davriga barqaror ishlashga tayyorlash va taʼminlash boʻyicha topshiriqlarni oʻz vaqtida bajarilishini taʼminlasin.

6. Ushbu qaror qabul qilinishi munosabati bilan, tuman hokimining 2014-yil 10-iyuldagi 514-Q-sonli qarori bekor qilinsin.

7. Ushbu qarorning bajarilishini nazorat qilish tuman hokimining iqtisodiyot va ijtimoiy rivojlantirish masalalari boʻyicha oʻrinbosari (Gʻ. Madarov) zimmasiga yuklansin.

Ushbu qarorning bajarilishi har chorakda tuman hokimligi yigʻilishlarida tanqidiy koʻrib chiqilsin.

9. Mazkur qaror rasmiy eʼlon qilingan kundan boshlab kuchga kiradi.