Oʻzbekiston Respublikasining “Chiqindilar toʻgʻrisida”gi (Oʻzbekiston Respublikasi Oliy Majlisining Axborotnomasi, 2002-y., 4-5-son, 72-modda) Qonuni, Vazirlar Mahkamasining 2013-yil 3-dekabrdagi 315-sonli “Respublika aholi punktlarida sanitariya jihatdan tozalash tizimini rivojlantirish va takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2013-y, 49-son, 632-modda), 2010-yil 28-oktabrdagi 239-sonli “Tovarlar (ishlar, xizmatlar)ga tartibga solinadigan narxlar (tariflar)ni deklaratsiya qilish (tasdiqlash) va belgilash tartibini yanada takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2010-y., 42-43-son, 364-modda) qarorlari ijrosini taʼminlash hamda tuman obodonlashtirish boshqarmasi tomonidan tuman hududidan qattiq va maishiy chiqindilarni tashishga doir koʻrsatiladigan xizmatlar tarifini belgilash maqsadida Samarqand viloyat hokimligi moliya boshqarmasining 2014-yil 4-avgustdagi 03-9/1192-sonli xatini inobatga olib qaror qilaman:

1. Urgut tuman hududidan tuman obodonlashtirish boshqarmasi tomonidan koʻrsatiladigan xizmatlar uchun 2014-yil 6-oktabrdan eʼtiboran:

mulkchilik shaklidan qatʼi nazar, barcha turdagi korxona, tashkilot, muassasa va yakka tartibda faoliyat yuritayotgan yuridik shaxslar uchun toʻlovlar tarifi bir kub metr uchun 5508 soʻm;

jismoniy shaxslar uchun bir kishiga bir oyda 500 soʻm etib belgilansin.

2. Urgut tumanida qattiq va maishiy chiqindilarni tashib chiqarish xizmat tariflari 1-ilovaga* muvofiq tasdiqlansin.

3. Tuman obodonlashtirish boshqarmasi (M. Kenjayev)ga:

maishiy chiqindilarni olib chiqish uchun amal qilish meʼyorlari asosida jismoniy va yuridik shaxslar bilan 2-ilovada* keltirilgan shartnomalar asosida rasmiylashtirish;

tuman hududidan qattiq va maishiy chiqindilarni chiqarish boʻyicha tuziladigan shartnomalar boʻyicha toʻlovlarni oʻz vaqtida undirish choralarini koʻrish tavsiya etilsin.

4. Ushbu qaror qabul qilinishi munosabati bilan tuman hokimining 2014-yil 19-avgustdagi 632-Q-sonli qarori oʻz kuchini yoʻqotgan deb hisoblansin.

5. Mazkur qaror rasmiy eʼlon qilingan kundan boshlab kuchga kiradi.

6. Ushbu qaror ijrosini nazorat qilish tuman hokimining birinchi oʻrinbosari J. Neʼmatov va tuman obodonlashtirish boshqarmasi boshligʻi M. Kenjayev zimmasiga yuklatilsin.