Oʻzbekiston Respublikasi Qishloq va suv xoʻjaligi vazirligining 2013-yil 2-apreldagi 58-sonli buyrugʻi, Vazirlar Mahkamasining 2012-yil 6-dekabrdagi 345-sonli qarori bilan tasdiqlangan “Boshdavtexnazorat” inspeksiyasining nizomiga asosan hamda viloyat hokimligi huzuridagi “Mashina va asbob-uskunalarini texnikaviy holatini nazorat qilish Davlat bosh inspeksiyasi”ning 2014-yil 13-yanvardagi 1-A-sonli qabul qilgan buyrugʻini inobatga olgan holda, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asoslanib, qaror qilaman:

1. Tuman hududida joylashgan barcha yuridik va jismoniy shaxslarga tegishli boʻlgan traktorlar, oʻziyurar shassilar, meliorativ yoʻl-qurilish mashinalari va traktor tirkamalar majburiy texnik koʻrikdan oʻtkazilsin.

2. Majburiy texnik koʻrikdan oʻtkazish boʻyicha tuman komissiyasining tarkibi 1-ilovaga*, texnik koʻrikdan oʻtkazish jadvali 2-ilovaga* muvofiq tasdiqlansin.

3. Tuman “Davtexnazorat” inspeksiyasi boʻlimi boshligʻi A. Bozorovga:

majburiy texnik koʻrikdan oʻtkaziladigan traktor, tirkama, oʻzi yurar shassilar, meliorativ yoʻl qurilish mashinalarining texnik pasportlari, nazorat texnik talonlari, davlat raqam belgilari mavjudligini koʻrib chiqish va aniqlangan kamchiliklar boʻyicha ularni bartaraf etish choralarini koʻrish;

mashinalar sonini, ularning holatini, amalda mavjudligini, tegishliligini va boshqa roʻyxatdan oʻtkazish maʼlumotlarini aniqlashtirish;

oʻtkaziladigan majburiy texnik koʻrik uchun tushadigan tushumlar tumandagi yuridik va jismoniy shaxslardan undirish choralarini koʻrish yuklatilsin.

4. Ushbu qaror ijrosini nazorat qilish tuman Qishloq va suv xoʻjaligi boʻlimi boshligʻi B. Joʻrayev zimmasiga yuklatilsin.

5. Mazkur qaror rasmiy eʼlon qilingan kundan boshlab kuchga kiradi.