Oʻzbekiston Respublikasi Prezidentining 2010-yil 26-apreldagi PQ-1326-sonli “Dehqon bozorlari va savdo komplekslari faoliyatini tashkil qilishni yanada takomillashtirish chora-tadbirlari toʻgʻrisida”gi qarorining 4-bandi va Oʻzbekiston Respublikasi Adliya vazirligidan 2014-yil 8-yanvarda 2551-son bilan davlat roʻyxatidan oʻtkazilgan Oʻzbekiston Respublikasi Moliya vazirligining 2013-yil 30-dekabrdagi 116-sonli va Davlat soliq qoʻmitasining 2013-yil 30-dekabrdagi 2013-47-sonli “Bozorlar va savdo komplekslarining maʼmuriyati tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymatining minimal miqdorlarini belgilash toʻgʻrisida”gi qarori ijrosini taʼminlash maqsadida, shuningdek Oʻzbekiston Respublikasi Moliya vazirligining 2014-yil 10-yanvardagi MA/15-02-32-21/11-sonli va Davlat soliq qoʻmitasining 2014-yil 10-yanvardagi 26/1-566-sonli qoʻshma xatini hamda Samarqand viloyat adliya boshqarmasining 2014-yil 28-yanvardagi 05-17/1236-sonli xatini inobatga olib qaror qilaman:

1. 2014-yilning 1-fevralidan boshlab, mulkchilik shaklidan qatʼi nazar, viloyatdagi barcha bozorlar va savdo kompleks (yarmarka)larida sotuvchi (xizmat koʻrsatuvchi)lardan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymatining yangi miqdorlari 1, 2, 3, 4 va 5-ilovalarga* muvofiq tasdiqlansin.

2. Viloyat Davlat soliq boshqarmasi (X. Shakirov)ga DSQ “Bozorlar va savdo komplekslari faoliyatini nazorat qilish” bosh boshqarmasi Samarqand viloyat boʻlimi (K. Qosimov) hamda viloyat “Bozorlar va savdo komplekslari” uyushmasi (B. Joʻrabekov) bilan birgalikda viloyatdagi barcha bozor va savdo komplekslarida sotuvchi (xizmat koʻrsatuvchi)lardan undirib olinadigan bir martalik yigʻimlar, ijara toʻlovi va koʻrsatiladigan xizmatlar haqlarini toʻliq undirilish hamda tegishli qismini mahalliy budjetga oʻz vaqtida oʻtkazilishi ustidan doimiy nazorat oʻrnatish topshirilsin.

3. Mazkur qaror qabul qilinishi munosabati bilan viloyat hokimining 2013-yil 9-martdagi 66-q-sonli “Viloyatdagi bozorlar va savdo komplekslari maʼmuriyati tomonidan joy, ijara va xizmat koʻrsatish haqining yangi miqdorlarini belgilash toʻgʻrisida”gi qarori oʻz kuchini yoʻqotgan deb hisoblansin.

4. Mazkur qaror ijrosini nazorat qilish viloyat hokimining oʻrinbosari X. Xoʻdjayorov zimmasiga yuklansin.