Tuman aholi turmush darajasi va sifatini oshirish chora-tadbirlari kompleksini bajarish, joylarda sanitariya va ekologik vaziyatni tubdan yaxshilash, aholining qattiq maishiy chiqindilarini tashib ketish va joylashtirish boʻyicha sanitariya jihatdan tozalash borasida oʻz vaqtida va sifatli xizmatlarni samarali tashkil etish hamda Oʻzbekiston Respublikasi Vazirlar Mahkamasining 2013-yil 3-dekabr kungi “Respublika aholi punktlarida sanitariya jihatdan tozalash tizimini rivojlantirish va takomillashtirish chora-tadbirlari toʻgʻrisida”gi 315-sonli qarori asosida qabul qilingan viloyat hokimining 2013-yil 10-dekabr kungi 259-sonli qarori ijrosini taʼminlash maqsadida qaror qilaman:

1. Oʻzbekiston Respublikasi Vazirlar Mahkamasining 2013-yil 3-dekabr kungi “Respublika aholi punktlarida sanitariya jihatdan tozalash tizimini rivojlantirish va takomillashtirish chora-tadbirlari toʻgʻrisida”gi 315-sonli qarori hamda viloyat hokimining 2013-yil 10-dekabr kungi 259-sonli qarori rahbarlik va ijro uchun qabul qilinsin.

2. Ushbu qaror bilan respublika mintaqalarida aholining qattiq maishiy chiqindilarini tashib ketish boʻyicha sanitariya jihatidan tozalashni tashkil qilishning asosiy vazifalari etib quyidagilar belgilanganligi:

shahar va aholi punktlarining tashqi qiyofasiga boʻlgan zamonaviy shaharsozlik talablarini hisobga olgan holda, qattiq maishiy chiqindilarni tashib ketish va ularni sanitariya qoidalari va normalariga qatʼiy muvofiq holda joylashtirish ishlarining tashkil etilishini taʼminlash;

barcha bosqichlarda, shu jumladan poligonlarda qattiq maishiy chiqindilarni toʻplash, sortlarga ajratish, tashish, poligonlarda koʻmib tashlashda sanitariya jihatidan tozalash obyektlaridan foydalanish va saqlash hamda ularni sanitariya va ekologiya talablariga muvofiq holda utilizatsiya qilish ishlarini tashkil etish;

aholi bandligini oshirish, sanitariya jihatidan tozalash sohasidagi ishlarni samarali tashkil etish uchun qoʻshimcha ish oʻrinlari va shart-sharoitlar yaratish;

qattiq maishiy chiqindilarni tashib ketish boʻyicha xizmatlar koʻrsatadigan tashkilotlarning moddiy-texnika bazasini mustahkamlash;

qattiq maishiy chiqindilar bilan ishlash obyektlarining sanitariya va ekologik holati yuzasidan jamoatchilik nazoratini taʼminlash;

qattiq maishiy chiqindilarni tashib ketish xizmatlari koʻrsatish shaharlarda sanitariya jihatidan tozalash boʻyicha ixtisoslashtirilgan tashkilotlar tomonidan, tumanlar markazlarida, shahar posyolkalarida va qishloq aholi punktlarida obodonlashtirish boshqarmalari tomonidan amalga oshirilishi belgilanganligi;

shaharlarda axlatlarni toʻplash shahobchalari qurilishi tugallangach va ular konteynyerlar bilan jihozlangach ahlatlarni toʻplash shahobchalari, kelgusida ulardan foydalanish uchun, sanitariya jihatidan tozalash boʻyicha ixtisoslashtirilgan tashkilotlar tomonidan tekin foydalanish uchun berilishi;

Oʻzbekiston Respublikasi Tabiatni muhofaza qilish davlat qoʻmitasi qattiq maishiy chiqindilarni koʻmib tashlash boʻyicha yangidan tashkil etilayotgan poligonlarni davlat ekologiya ekspertizasidan oʻtkazishni hamda qattiq maishiy chiqindilarni koʻmib tashlash va utilizatsiya qilish joylarining davlat kadastrini yuritishni taʼminlashi;

“Oʻzavtosanoat” aksiyadorlik kompaniyasi, mahalliy davlat hokimiyati organlari bilan kelishuv boʻyicha, yetkazib berish jadvallarini tasdiqlagan holda, 1*, 2*, 4*, 5* va 6-ilovalarga* muvofiq maxsus avtotransport (axlat tashigichlar, agʻdarma mashiinalar) ning oʻz vaqtida ishlab chiqarilishini va yetkazib berilishini taʼminlashi;

Quyidagilar:

2014-2015-yillarda viloyat shaharlarida sanitariya jihatidan tozalash boʻyicha ixtisoslashtirilgan tashkilotlarni maxsus texnika bilan jihozlash dasturi 1-ilovaga muvofiq;

2014-2015-yillarda tumanlar obodonlashtirish boshqarmalarini maxsus texnika bilan jihozlash dasturi 2-ilovaga muvofiq;

2014-2015-yillarda viloyat aholi punktlarida axlatlarni toʻplash shoxobchalarini qurish va ularni konteynyerlar bilan jihozlash dasturi 3-ilovaga muvofiq;

2014-2015-yillarda obodonlashtirish boshqarmalarining faoliyat koʻrsatayotgan qattiq maishiy chiqindilar poligonlarini tartibga solish va ularni maxsus texnika bilan jihozlash dasturi 4-ilovaga muvofiq;

2014-2015-yillarda sanitariya jihatidan tozalash boʻyicha ihtisoslashtirilgan tashkilotlarning faoliyat koʻrsatayotgan qattiq maishiy chiqindilar poligonlarini tartibga solish va ularni maxsus texnika bilan jihozlash dasturi 5-ilovaga muvofiq;

2014-2015-yillarda viloyatda obodonlashtirish boshqarmalarining qattiq maishiy chiqindilar yangi poligonlarini qurish va ularni maxsus texnika bilan jihozlash dasturi 6-ilovaga muvofiq;

2014-2015-yillarda shaharlarda, tuman markazlarida, shahar posyolkalari va qishloq aholi punktlarida sanitariya jihatidan tozalashni tashkil etishga doir kompleks tadbirlar (keyingi oʻrinlarda Kompleks tadbirlar deb ataladi) 7-ilovaga* muvofiq;

viloyat, shaharlar va tumanlar hokimliklari darajasida Kompleks tadbirlarni bajarish boʻyicha ishchi guruhlar tarkiblari 8* va 9-ilovalarga* muvofiq tasdiqlanganligi;

markaziy bank (Qoʻchqorov)ga, tijorat banklari bilan birgalikda maxsus texnika sotib olish, qattiq maishiy chiqindilar poligonlarini tartibga solish va jihozlash uchun sanitariya jihatidan tozalash boʻyicha ixtisoslashtirilgan tashkilotlarga 1 va 5-ilovalarga muvofiq imtiyozli kreditlar ajratish tavsiya etilganligi;

viloyat Nazorat-taftish bosh boshqarmasi (Mamasaidov) amalga oshirilgan ishlarning yakunlari boʻyicha, bajarilgan ishlarning hajmlari, sifati va obyektlarni ishga tushirish muddatlarining tasdiqlangan dasturlarga, manzilli roʻyhatlarga hamda loyiha-smeta hujatlarga muvofiqligini tekshiruvdan oʻtkazishi maʼlumot va ijro uchun qabul qilinsin.

3. 2014-2015-yillarda tuman aholi punktlarida axlatlarni toʻplash shahobchalarini qurish va ularni konteynyerlar bilan jihozlash dasturi 1-ilovaga muvofiq tasdiqlansin.

4. Tuman markazida, shahar posyolkalari va qishloq aholi punktlarida sanitariya jihatidan tozalashni tashkil etishga doir kompleks tadbirlar (keyingi oʻrinlarda Kompleks tadbirlar deb ataladi) 2-ilovaga muvofiq tasdiqlansin.

5. Kompleks tadbirlarni bajarish boʻyicha tuman ishchi guruhi tarkibi 3-ilovaga muvofiq tasdiqlansin.

6. Tuman hokimining birinchi oʻrinbosari (R. Raximjonov)ga, tuman tabiatni muhofaza qilish inspeksiyasi (F. Xolmatov), tuman Obodonlashtirish boshqarmasi (N. Abdullayev), tuman Arxitektura va qurilish boʻlimi (Y. Parpiyeva), tuman tibbiyot birlashmasi (I. Xasanov), tuman Moliya boʻlimi (A. Kazakov), tuman hokimligi Iqtisodiyot boʻlimi (X. Raximov)lar bilan birgalikda:

uch oy muddatda — axlatlarni toʻplash shoxobchalari va qattiq maishiy chiqindilar poligonlari qurish uchun qishloq aholi punktlarida belgilangan tartibda yer uchaskalarini tanlash va ajratish;

axlatlarni toʻplash shoxobchalari va qattiq maishiy chiqindilar poligonlari qurishning loyiha-smeta xujatlari ishlab chiqilishini hamda manzilli roʻyxatni tasdiqlash;

har yili 1-yanvargacha — tanlov savdolari oʻtkazish, pudrat shartnomalarini belgilangan tartibda tuzish hamda axlatlarni toʻplash shoxobchalari va qattiq maishiy chiqindilar poligonlari qurishning yakuniy manzilli roʻyxatini tasdiqlash;

tasdiqlangan dasturlarning, Kompleks tadbirlarning va ajratilayotgan mablagʻlardan maqsadli foydalanishning amalga oshirilishi yuzasidan tizimli monitoring olib borish;

kelgusida tashib ketish xarajatlarini kamaytirish maqsadida, chiqitsiz qayta ishlashni hisobga olgan holda, qattiq maishiy chiqindilarni sortlarga ajratish va utilizatsiya qilishni tashkil etishga doir tadbirlar kompleksini ishlab chiqish;

ular oʻrtasida kooperatsiya aloqalarini oʻrnatgan holda qattiq maishiy chiqindilarni sortlarga ajratish va qayta ishlash boʻyicha tijorat tashkilotlari tashkil etish vazifalari topshirilsin.

7. Tuman Obodonlashtirish boshqarmasi (N. Abdullayev)ga:

qattiq maishiy chiqindilarni tashib ketish va ularni sanitariya qoidalari va normalariga qatʼiy muvofiq holda joylashtirish;

sohada amalga oshirilayotgan ishlarni muvofiqlashtirish, tumanda koʻrsatilayotgan kommunal xizmatlar hajmlari, turlari, yoʻnalishlari toʻgʻrisidagi maʼlumotlar bazasini shakllantirish, har oy yakuni boʻyicha hisobotlarni tuman hokimligiga taqdim etib borilishini taʼminlash vazifalari yuklatilsin.

8. Ushbu qaror qabul qilinishi munosabati bilan tuman hokimining 2013-yil 14-dekabr kungi 1270-sonli qarori oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish tuman hokimining oʻrinbosarlari R. Raximjonov va A. Isaxonovlar zimmasiga yuklatilsin.