Oʻzbekiston Respublikasi Soliq kodeksi hamda Oʻzbekiston Respublikasi “Davlat soliq xizmati toʻgʻrisida”gi Qonuni ijrosi yuzasidan tuman hududidagi jismoniy shaxslar tasarrufida boʻlgan mol-mulk, yer soligʻi obyektlari va subyektlari, shuningdek yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq roʻyxatga olish, soliqlarni hisoblash, tegishli imtiyozlarni toʻgʻri qoʻllash hamda belgilangan muddatlarda mahalliy budjetga tushumlar tushishini taʼminlash maqsadida Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. 2014-yilda mol-mulk, yer soligʻi obyektlari va subyektlari hamda yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq roʻyxatga olish, soliqlarni hisoblash, tegishli imtiyozlarni toʻgʻri qoʻllashni toʻliq va sifatli oʻtkazish, ularga tegishli boʻlgan maʼlumotlarni vakolatli idoralar tomonidan tuman Davlat soliq inspeksiyalariga toʻliq taqdim etilishini taʼminlash maqsadida 2013-yilning 3-dekabridan 2014-yilning 1-yanvariga qadar “Soliq toʻlovchi jismoniy shaxslarni hisobga olish” davri etib belgilansin.

2. Paxtachi tuman Davlat soliq inspeksiyasi (A. Gʻaniyev):

soliq toʻlovchilarni hisobga olish davrida tuman hududidagi mol-mulk, yer soligʻi obyektlari va subyektlari hamda yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq roʻyxatga olish, ularga soliq hisoblash va soliq qonunchiligida belgilangan imtiyozlarni qoʻllash;

barcha mahallalarda soliqlarning ahamiyati, ayrim toifadagi jismoniy shaxslarga soliqlardan imtiyozlar toʻgʻrisida, 2014-yil uchun toʻlanishi kerak boʻlgan soliqlarning muddatidan oldin toʻlanishi haqida keng tushuntirish ishlarini olib borish;

aholi oʻrtasida Oʻzbekiston Respublikasi soliq qonunchiligi boʻyicha amaldagi meʼyoriy-huquqiy hujjatlarning mohiyati yuzasidan qishloq (mahalla) fuqarolar yigʻini raisi va faollari ishtirokida muntazam ravishda seminar yigʻilishlar oʻtkazish yuklatilsin.

3. Tuman hududida faoliyat yuritayotgan qishloq fuqarolar yigʻini hamda mahalla fuqarolar yigʻini raislari, jamoat tashkilotlari, obodonlashtirish boshqarmasi, uy-joy mulkdorlar shirkatlari, korxona va tashkilotlarning rahbarlari jismoniy shaxslarni roʻyxatga olish, hisoblangan soliqlarni belgilangan muddatlarda mahalliy budjetga undirilishi yuzasidan tuman Davlat soliq inspeksiyasi uchastka soliq inspektorlariga doimiy ravishda yaqindan amaliy yordam berish vazifasi yuklatilsin.

4. “Soliq toʻlovchi jismoniy shaxslarni hisobga olish” davrini keng qamrovli va sifatli oʻtkazilishi yuzasidan Oʻzbekiston Respublikasi Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonuniga asosan, davlat soliq inspeksiyasi tomonidan mol-mulk, yer soligʻi obyektlari va subyektlari hamda yakka tartibdagi tadbirkorlik faoliyati bilan shugʻullanuvchi jismoniy shaxslarni toʻliq hisobga olish, soliq hisoblash hamda tegishli imtiyozlarni toʻgʻri qoʻllanilishini taʼminlash maqsadida:

Tuman Yer tuzish va koʻchmas mulk davlat kadastri xizmati unitar korxonasi (V. Islomov) va tuman “Yermulkkadastr” xizmati davlat unitar korxonasi (I. Qurbonov) zimmasiga 2013-yil 31-dekabr holatida fuqarolarning xususiy uylar va binolarini inventarizatsiyasini tugatish va joriy oʻzgarishlarni kiritish hamda 1-ilovaga* muvofiq maʼlumotlarni tuman hududida barcha jismoniy shaxslarning ismi, sharifi, manzilgohi, ularning egaligida boʻlgan yer maydoni miqdori, bino-inshootlar va ular bilan band boʻlgan yer maydonlari, garajlar, dala hovlilari, chorbogʻlar va ularning oxirgi qiymatlari, joylashgan manzili koʻrsatilgan maʼlumotlarni;

Tuman bosh arxitektori (N. Salayev) zimmasiga 2-ilovaga* muvofiq 2013-yil 31-dekabr holatida fuqarolarga tuman hududidan tuman hokimi qaroriga asosan tadbirkorlik va yakka tartibda uy-joy qurilishi uchun ajratilgan yer maydonlari toʻgʻrisidagi maʼlumotlarni;

Budjetdan tashqari pensiya jamgʻarmasi tuman boʻlimi (Q. Toʻxtaniyozov) 3-ilovaga* muvofiq 2013-yil 31-dekabr holatida tumanda istiqomat qiluvchi, nafaqa oluvchi sifatida roʻyxatga olingan barcha turdagi nafaqahoʻrlarning toʻliq maʼlumotlarni;

Tuman Mudofaa ishlari boʻlimi boshligʻi (A. Amaniyazov) 4-ilovaga* muvofiq 2013-yil 31-dekabr holatida tuman hududida yashovchi 1941 — 1945-yillar urush qatnashchilari va nogironlari, Afgʻonistonda harbiy xizmatni oʻtagan fuqarolar va boshqa mavjud maʼlumotlarni;

Tuman Sanitariya-epidemiologiya nazorati markazi (K. Berdiyorov) va Veterinariya xizmati (M. Mavlanov) 7-ilovaga* muvofiq 2013-yil 31-dekabr holatida tuman hududida belgilangan tartibda sanitariya ruxsatnomasini olgan jismoniy shaxslar toʻgʻrisidagi maʼlumotlarni;

“Paxtachitumangaz” idorasi (E. Ismoilov) 8-ilovaga* muvofiq 2013-yil 31-dekabr holatida tuman hududidagi tadbirkorlik faoliyatini amalga oshiruvchi jismoniy shaxslar bilan gaz isteʼmoli uchun tuzilgan shartnomalar toʻgʻrisidagi maʼlumotlarni;

Tuman elektr tarmoqlari korxonasi (G. Ishmurodov) 9-ilovaga* muvofiq 2013-yil 31-dekabr holatida tuman hududida tadbirkorlik faoliyatini amalga oshiruvchi jismoniy shaxslar bilan elektr isteʼmoli uchun tuzilgan shartnomalar toʻgʻrisidagi maʼlumotlarni;

Tuman Ichki ishlar boʻlimi yoʻl harakati xavfsizligi boʻlimi (A. Hamdamov) 10-ilovaga* muvofiq 2013-yil 31-dekabr holatida tuman hududidagi shaxsiy yuk avtotransport vositalari egalari toʻgʻrisidagi maʼlumotlarni 2013-yil 31-dekabr holatida Paxtachi tuman hududidagi barcha uylar, garajlarni hisobga olishga doir maʼlumotlarning mahalla fuqarolar yigʻinlari kesimida 2013-yilning 1-fevral kuniga qadar tuman Davlat soliq inspeksiyasiga taqdim etish vazifasi yuklatilsin.

5. Tuman Fuqarolik holati dalolatnomalari yozish boʻlimi 2013-yil 1-fevralga qadar 5-ilovaga* muvofiq tuman hududida 2012-2013-yillarda vafot etgan fuqarolar toʻgʻrisidagi, tuman Davlat notarial idorasi notariusi esa 6-ilovaga* muvofiq 2013-yil davomida jismoniy shaxslar tomonidan koʻchmas mulk ijara shartnomasi tasdiqlanganligi va ijara haqi miqdori, shuningdek meros qilib olish yoki hadya tarzida fuqarolarning mulkiga oʻtayotgan mol-mulk qiymati toʻgʻrisidagi maʼlumotlarni oʻz vaqtida taqdim etib borishi tavsiya etilsin.

6. Tuman hokimligi “Mahalla” xayriya jamgʻarmasi raisi (I. Sanayev), qishloq, mahalla fuqarolar yigʻinlari raislariga, “Soliq toʻlovchilarni hisobga olish” davri tadbirini oʻtkazishda faol qatnashishlari va joylarda uchastka davlat soliq inspektorlari bilan hamkorlikda 2014-yil uchun mahalliy soliq toʻlovchilarni 11-ilovaga* muvofiq toʻliq hisobga olishni amalga oshirilishi tavsiya etilsin.

7. Mazkur qarorning bajarilishini nazorat qilish tuman hokimining oʻrinbosari A. Usmonov zimmasiga yuklatilsin.

8. Mazkur qaror rasmiy eʼlon qilingan kundan boshlab kuchga kiradi.