Oʻzbekiston Respublikasi Prezidentining 2006-yil 5-yanvardagi “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida”gi PF-3706-sonli Farmonini amalga oshirish, Oʻzbekiston Respublikasi Vazirlar Mahkamasining 2006-yil 11-yanvardagi 4-sonli qarori hamda Oʻzbekiston Respublikasi Prezidentining 2007-yil 6-apreldagi “Aholi bandligini oshirish, Mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida”gi PQ-616-sonli qarorlari ijrosini taʼminlash, ishga jalb etish uchun ish beruvchilarga real ragʻbatlar yaratish, kasanachilarning qonun hujjatlarida belgilangan ijtimoiy va mehnat kafolatlarini yanada yaxshilash, ayniqsa qishloq joylardagi ish bilan band boʻlmagan aholini uyda mahsulotlar ishlab chiqarish, xizmatlar koʻrsatish ishlarini bajarish maqsadida qaror qilaman:

1. Oʻzbekiston Respublikasi Prezidentining 2006-yil 5-yanvardagi “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida”gi PF-3706-sonli Farmonini amalga oshirish, Oʻzbekiston Respublikasi Vazirlar Mahkamasining 2006-yil 11-yanvardagi 4-sonli qarori hamda Oʻzbekiston Respublikasi Prezidentining 2007-yil 6-apreldagi “Aholi bandligini oshirish, Mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida”gi PQ-616-sonli qarorlari ijro va rahbarlik uchun qabul qilinsin.

2. Shaharda 2014-yilda kasanachilik uy mehnatini tashkil qilish dasturi 1-ilovaga* muvofiq tasdiqlansin.

3. Shaharda korxonalar bilan uyda mahsulotlar ishlab chiqariladigan va xizmatlar koʻrsatadigan fuqarolar oʻrtasida kooperatsiyani muvofiqlashtirish, qoʻllab-quvvatlash va rivojlantirish boʻyicha ishchi komissiya tuzilsin va uning tarkibi 2-ilovaga* muvofiq tasdiqlansin.

Shahar ishchi komissiyasi (M. Abduraximov)ga:

belgilangan rejani bajarilishini qatʼiy ravishda nazorat qilish;

har oy yakuni bilan dastur ijrosi boʻyicha ishchi guruhi yigʻilishlarini oʻtkazish.

4. 2014-yilda kasanachilik uy mehnatini tashkil qilish boʻyicha shahar Dasturiga kiritilgan korxona rahbarlariga:

kasanachilarning doimiy ish bilan taʼminlanishi bilan bogʻliq boʻlgan muammolarni, yaʼni xomashyo ishlab chiqarish jihozlari bilan taʼminlashni, oylik ish haqlarining oyma-oy belgilanishini nazoratga olish topshirilsin;

dasturda belgilangan reja topshiriqlarning bajarilishi boʻyicha shaxsan javobgar ekanliklari uqtirilsin;

har oy yakuni bilan kasanachilik ish oʻrinlarini tashkil qilish boʻyicha amalga oshirilgan ishlar yuzasidan (yaratilgan kasanachilik ish oʻrinlari, ishga qabul qilish toʻgʻrisidagi buyruqlardan nusxa, kasanachiga ochilgan mehnat daftarchasi nusxasi, kasanachiga toʻlangan ish haqi toʻlov varaqasi nusxasi, kasanachiga yetkazib berilgan xomashyo va kasanachilar tomonidan ishlab chiqarilayotgan mahsulotlar toʻgʻrisidagi) maʼlumotlarni shahar ishchi guruhi aʼzosi (I. Eshonqulov)ga taqdim qilish vazifasi topshirilsin.

5. Bandlikka koʻmaklashish va aholini ijtimoiy muhofaza qilish markazi direktori (Oʻ. Akbutayev)ga:

kasanachilik mehnati bilan shugʻullanayotgan fuqarolarga nisbatan mehnat toʻgʻrisidagi qonunlarga rioya qilish ustidan nazoratni taʼminlash;

qaror ijrosini taʼminlash boʻyicha har oylik monitoring natijalari 2 nusxada shahar hokimligiga topshirilsin.

6. Shahar Statistika boʻlimi (B. Goipov)ga:

shahar hokimligiga korxonaning kasanachilik mehnati bilan band boʻlgan xodimlar soni toʻgʻrisidagi maʼlumotlarni belgilangan muddatlarda taqdim etish;

korxonalar tomonidan Statistika boʻlimiga topshiriladigan 1-T “Mehnat hisoboti”ga yaratilgan kasanachilik ish oʻrinlari kiritilishini nazorat qilish vazifasi topshirilsin.

7. Mazkur qarorning bajarilishini nazorat qilish shahar hokimining Iqtisodiyot va ijtimoiy rivojlantirish masalalari boʻyicha oʻrinbosari M. Abduraximov zimmasiga yuklatilsin.

8. Mazkur qaror rasmiy nashrda eʼlon qilingan kundan eʼtiboran qonuniy kuchga kiradi.