“Sog‘lom avlod uchun” hukumatga qarashli bo‘lmagan xalqaro xayriya fondining ona va bola sog‘lig‘ini mustahkamlashga, sog‘lom turmush tarzini shakllantirishga va respublikada sog‘lom avlodni tarbiyalashga yo‘naltirilgan vazifalarni hal etishda faol ishtirok etishi uchun qo‘shimcha shart-sharoitlar yaratish maqsadida, shuningdek 2014-yilning “Sog‘lom bola yili” deb e’lon qilinganligi munosabati bilan Vazirlar Mahkamasi qaror qiladi:
1. Quyidagilar “Sog‘lom avlod uchun” hukumatga qarashli bo‘lmagan xalqaro xayriya fondining (keyingi o‘rinlarda Fond deb ataladi) eng muhim vazifalari hisoblanishi ma’lumot uchun qabul qilinsin:
jamoatchilik va davlat tuzilmalarining jahon tajribasini hisobga olgan holda sog‘lom, barkamol yosh avlodni shakllantirishga yo‘naltirilgan sa’y-harakatlarni muvofiqlashtirish;
davlatning ona va bola sog‘lig‘ini mustahkamlashga, sog‘lom avlodni voyaga yetkazish va tarbiyalashda oilaning rolini kuchaytirishga yo‘naltirilgan ijtimoiy dasturlari maqsadlari va mazmun-mohiyatini aholi orasida keng targ‘ib etishni tashkil qilish;
aholining ehtiyojmand qatlamlariga, eng avvalo, ko‘p bolali oilalar, ayollar, nogironlar, nogiron bolalar va bolalar uylari, mehribonlik uylari tarbiyalanuvchilariga, “Saxovat” va “Muruvvat” internat uylarida, ixtisoslashtirilgan ta’lim muassasalarida yashovchi shaxslarga muruvvat yordami ko‘rsatish;
perinatal markazlar, skrining-markazlar, reabilitatsiya markazlari, tug‘ruqqa ko‘maklashuvchi, pediatriya davolash-profilaktika muassasalari va boshqa muassasalarning moddiy-texnika bazasini yanada rivojlantirish va mustahkamlashga har tomonlama ko‘maklashish;
profilaktika chora-tadbirlarini kuchaytirish hamda aholini virusli va yuqumli kasalliklardan himoya qilish ishonchliligini oshirish, nogironlikni reabilitatsiya qilish, oldini olish va ular profilaktikasi ishlari, onkologiya muassasalari, silga qarshi xizmatlar va boshqa xizmatlarning moddiy-texnika bazasini mustahkamlashga ko‘maklashish, profilaktika ishlarining samarali tizimini shakllantirish, ijtimoiy ahamiyatli kasalliklarni barvaqt aniqlash va davolash;
ona va bola sog‘lig‘ini muhofaza qilish, sog‘lom avlodni tayyorlash ishida xalqaro hamkorlikni rivojlantirish va chuqurlashtirish;
davlatning ijtimoiy dasturlarini amalga oshirish doirasida yuridik va jismoniy shaxslarning xayriya ehsonlarini jalb etish va jamlash bo‘yicha faol ish olib borish.
“Sog‘lom avlod uchun” hukumatga qarashli bo‘lmagan xalqaro xayriya fondining Vasiylik kengashi tarkibiga 1-ilovaga muvofiq;
“Sog‘lom avlod uchun” hukumatga qarashli bo‘lmagan xalqaro xayriya fondining tashkiliy tuzilmasiga, “Sog‘lom avlod uchun” hukumatga qarashli bo‘lmagan xalqaro xayriya fondining xodimlarining cheklangan soni 21 nafar bo‘lgan Boshqaruvi tuzilmasiga va uning hududiy filiallari tuzilmasiga 2 — 4-ilovalarga muvofiq;
“Sog‘lom avlod uchun” hukumatga qarashli bo‘lmagan xalqaro xayriya fondi to‘g‘risidagi nizomga 5-ilovaga muvofiq rozilik berilsin.
3. Ma’lumot uchun qabul qilinsinki, Fondning asosiy pul mablag‘lari quyidagilar hisobiga shakllantiriladi:
Fondning, shuningdek Fond oldiga qo‘yilgan vazifalarni hal etish maqsadida uning tomonidan ta’sis etilgan tashkilotlarning tadbirkorlik faoliyatidan olingan daromadlar;
Fond Boshqaruvi apparati va uning hududiy filiallari ta’minoti Fondning o‘z mablag‘lari hisobiga amalga oshiriladi;
Vazirlar Mahkamasining “Davlat mulkini ijaraga berish tartibini takomillashtirish chora-tadbirlari to‘g‘risida” 2009-yil 8-apreldagi 102-son qarorining amal qilishi Fondning bepul foydalanish huquqi bilan tasarrufidagi davlat mulkiga tatbiq etilmaydi.
5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari Fondning ustavidagi vazifalarini hal etishda uning hududiy filiallariga doimiy ravishda samarali ko‘maklashsinlar.
Oldingi tahrirga qarang.
O‘zbekiston “Mahalla” xayriya jamoat fondiga, Yoshlar ittifoqiga, O‘zbekiston Respublikasi Oila va xotin-qizlar davlat qo‘mitasiga, “Oila va xotin-qizlar” ilmiy-tadqiqot institutiga va boshqa nodavlat, notijorat tashkilotlariga Fondning ustavdagi vazifalari amalga oshirilishini ta’minlashda Fond bilan o‘zaro faol hamkorlik qilish tavsiya etilsin.
(5-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
6. Fondning va O‘zbekiston Respublikasi Sog‘liqni saqlash vazirligining Moliya vazirligi bilan kelishilgan:
Fondning ko‘chma tibbiy-ijtimoiy yordam brigadalarining shtatdagi xodimlari sonini sakkiz nafargacha yetkazish to‘g‘risidagi;
ambulatoriya-poliklinika muassasalarining uchastka vrachlari va tibbiy hamshiralari uchun amalda bo‘lgan uzluksiz ish staji muddati uchun ustamalar belgilash tartibi Fondning ko‘chma tibbiy-ijtimoiy yordam brigadalari tibbiyot xodimlariga tatbiq etish to‘g‘risidagi;
Fondning ko‘chma tibbiy-ijtimoiy yordam brigadalarining qishloq joylarga boradigan xodimlariga xizmat safari xarajatlarini to‘lash to‘g‘risidagi takliflariga rozilik berilsin.
7. O‘zbekiston Respublikasi Moliya vazirligi Fondning ko‘chma tibbiy-ijtimoiy yordam brigadalari ta’minotiga qo‘shimcha mablag‘lar ajratsin va sog‘liqni saqlash muassasalari ta’minoti uchun nazarda tutilgan mablag‘lar doirasida har yili Fondga zarur mablag‘larni nazarda tutsin.
8. O‘zbekiston Respublikasi Hukumatining 6-ilovaga muvofiq ayrim qarorlariga o‘zgartirish va qo‘shimchalar kiritilsin.
O‘zbekiston Respublikasi Hukumatining 7-ilovaga muvofiq ayrim qarorlari o‘z kuchini yo‘qotgan deb hisoblansin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.I. Ikramov va E.I. Basitxanova zimmasiga yuklansin.
Oldingi tahrirga qarang.
Basitxanova E.I. | — | O‘zbekiston Respublikasi Bosh vazirining o‘rinbosari, Vasiylik kengashi raisi |
Qo‘chqorov J.A. | — | Moliya vazirining o‘rinbosari, Vasiylik kengashi raisining o‘rinbosari |
Alimov A.V. | — | Sog‘liqni saqlash vaziri |
Inoyatov U.I. | — | Xalq ta’limi vaziri |
Xodjimatov M.M. | — | Madaniyat va sport ishlari vaziri |
Xaitov A.A. | — | Mehnat va aholini ijtimoiy muhofaza qilish vaziri |
Xadjayev A.D. | — | O‘zbekiston milliy teleradiokompaniyasi raisi |
Alimov B.X. | — | “O‘zbekneftgaz” MXK boshqaruvi raisining o‘rinbosari |
Yuldashev F.M. | — | “GM-Uzbekistan” YoAJning bosh direktori |
Karimov U.D. | — | “Olmaliq KMK” OAJ bosh direktorining o‘rinbosari |
Aripov K.T. | — | “Asaka” DATB boshqaruvi raisi |
Obidjonov J.O. | — | “O‘zsanoatqurilishbank” OATB boshqaruvi raisining birinchi o‘rinbosari |
Xusanov N.B. | — | O‘zbekiston Respublikasi Tashqi iqtisodiy faoliyat milliy banki boshqaruvi raisining birinchi o‘rinbosari |
Axmedov A.A. | — | Respublika “Mahalla” xayriya jamoat fondi raisi |
Quranbayev Q.Q. | — | O‘zbekiston yoshlar ittifoqi Markaziy Kengashi raisi |
(1-ilova O‘zbekiston Respublikasi Vazirlar Mahkamasining 2017-yil 12-sentabrdagi 712-sonli qarori tahririda — O‘zbekiston Respublikasi qonun hujjatlari to‘plami, 2017-y., 37-son, 996-modda)
1. “Sog‘lom avlod uchun” hukumatga qarashli bo‘lmagan xalqaro xayriya fondi (keyingi o‘rinlarda Fond deb ataladi) O‘zbekiston Respublikasi Prezidentining 1993-yil 23-apreldagi PQ-596-son qarori bilan tashkil etilgan.
2. Fond jamoat fondi sifatida davlat ro‘yxatidan o‘tkazilgan paytdan boshlab yuridik shaxs huquqiga ega bo‘ladi. Fond xo‘jalik mustaqilligi asosida ish ko‘radi, o‘z mol-mulkiga, mustaqil balansga, banklarda hisob raqamlariga, shu jumladan xorijiy valyutadagi hisob raqamlariga ega bo‘ladi. O‘z nomidan mulkiy va mulkiy bo‘lmagan huquqlarni sotib oladi, tegishli majburiyatlarni bajaradi.
3. Fond o‘z faoliyatini O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga va Fond ustaviga muvofiq amalga oshiradi.
4. Fond yuridik va jismoniy shaxslar — O‘zbekiston Respublikasi rezidentlari va norezidentlari, xalqaro tashkilotlar tomonidan unga istalgan shaklda mablag‘ qo‘shish uchun ochiqdir.
5. Fond faoliyati xayriya tusiga ega. Uning mablag‘lari, tushish manbalaridan qat’i nazar, ustav vazifalari va maqsadlariga erishish uchun sarflanadi.
6. Fondning joylashgan joyi (pochta manzili): O‘zbekiston Respublikasi, Toshkent shahri, Istiqbol ko‘chasi, 15.
7. Davlatning ijtimoiy dasturlarini amalga oshirishda faol ishtirok etish, sog‘lom avlodni tarbiyalashga, yuksak umuminsoniy qadriyatlarga asoslangan hayotiy nuqtai nazarga ega bo‘lgan ma’naviy boy, axloqiy yetuk, intellektual rivojlangan, yuqori ma’lumotli, jismoniy sog‘lom, barkamol shaxsni shakllantirish, ona va bola sog‘lig‘ini muhofaza qilish Fond faoliyatining maqsadi hisoblanadi.
jamoatchilik va davlat tuzilmalarining jahon tajribasini hisobga olgan holda sog‘lom, barkamol yosh avlodni shakllantirishga yo‘naltirilgan sa’y-harakatlarni muvofiqlashtirish;
davlatning ijtimoiy dasturlarini amalga oshirish doirasida yuridik va jismoniy shaxslarning xayriya ehsonlarini jalb etish va jamlash bo‘yicha faol ish olib borish;
davlatning ona va bola sog‘lig‘ini mustahkamlashga, sog‘lom avlodni voyaga yetkazish va tarbiyalashda oilaning rolini kuchaytirishga yo‘naltirilgan ijtimoiy dasturlari maqsadlari va mazmun-mohiyatini aholi orasida keng targ‘ib etishni tashkil qilish;
respublikaning butun hududida bola tug‘ish, ona va bola sog‘lig‘ini muhofaza qilish, aholining tibbiy madaniyatini oshirish masalalari bo‘yicha aholini o‘qitishga yo‘naltirilgan kompleks ijtimoiy va tashviqot-targ‘ibot dasturlarini ishlab chiqish va amalga oshirishni tashkil etish yo‘li bilan jamoatchilik ongida to‘laqonli, barkamol va sog‘lom avlod tug‘ilishi va uni tarbiyalash uchun yuksak mas’uliyatni shakllantirishga ko‘maklashish;
aholining ehtiyojmand qatlamlariga, eng avvalo, ko‘p bolali oilalar, ayollar, nogironlar, nogiron bolalar va bolalar uylari, “Mehribonlik” uylari tarbiyalanuvchilariga, “Saxovat” va “Muruvvat” internat uylarida, ixtisoslashtirilgan ta’lim muassasalarida yashovchi shaxslarga muruvvat yordami ko‘rsatish;
yolg‘iz keksalar, pensionerlar va nogironlarni, shuningdek aholining kam ta’minlangan toifalarini ijtimoiy qo‘llab-quvvatlash, shu jumladan ularning moddiy ahvolini yaxshilash;
perinatal markazlar, skrining-markazlar, reabilitatsiya markazlari, tug‘ruqqa ko‘maklashuvchi, pediatriya davolash-profilaktika muassasalari va boshqa muassasalarning moddiy-texnika bazasini yanada rivojlantirish va mustahkamlashga har tomonlama ko‘maklashish;
profilaktika chora-tadbirlarini kuchaytirish hamda aholini virusli va yuqumli kasalliklardan himoya qilishning ishonchliligini oshirish, nogironlikni reabilitatsiya qilish, oldini olish va uning profilaktikasi ishlari, onkologiya muassasalari, silga qarshi xizmatlar va boshqa xizmatlarning moddiy-texnika bazasini mustahkamlashga ko‘maklashish, profilaktika ishlarining samarali tizimini shakllantirish, ijtimoiy ahamiyatli kasalliklarni barvaqt aniqlash va davolash;
kasalliklar, nogironlik profilaktikasi va fuqarolarning sog‘lig‘ini muhofaza qilish, shuningdek sog‘lom turmush tarzini targ‘ib qilish sohasidagi faoliyatga ko‘maklashish, fuqarolarga ma’naviy-psixologik yordam ko‘rsatish;
ta’lim, fan, madaniyat, san’at, ma’rifat, shuningdek shaxsning ma’naviy kamol topishi sohasidagi faoliyatga ko‘maklashish;
jismoniy tarbiya va ommaviy sportni ommalashtirish va rivojlantirish sohasidagi faoliyatga ko‘maklashish;
ona va bola sog‘lig‘ini muhofaza qilish, sog‘lom avlodni tayyorlash ishida xalqaro hamkorlikni rivojlantirish va chuqurlashtirish.
9. Fond o‘ziga yuklangan vazifalardan kelib chiqib, o‘z faoliyatini quyidagi yo‘nalishlarda amalga oshiradi:
tibbiyot, ovqatlanish, ekologiya hamda ona va bolaning hayotiy ehtiyojlarini qondirish bo‘yicha boshqa yo‘nalishlar sohasida yangi texnologiyalar, texnika va asbob-uskunalarni yaratish va joriy etish;
ona va bola sog‘lig‘i hayot faoliyatining huquqiy, ma’naviy-odob-axloq, ijtimoiy-psixologik shart-sharoitlarini takomillashtirishga ko‘maklashish.
Oldingi tahrirga qarang.
10. Faoliyatning ko‘rsatib o‘tilgan vazifalari va yo‘nalishlarini ta’minlash uchun Fond qonunchilikka muvofiq quyidagi huquqlarga ega:
(10-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
keng tushuntirish ishlari olib borish yo‘li bilan O‘zbekiston Respublikasi fuqarolari, xorijiy fuqarolar, nodavlat notijorat tashkilotlari va boshqa tashkilotlarning ham pul mablag‘lari shaklidagi, ham adabiyot va san’at asarlari, ilmiy va amaliy ishlanmalar, mashinalar, asbob-uskunalar, inshootlar va boshqa moddiy boyliklar shaklidagi xayriya ehsonlarini jalb etish;
davlat tashkilotlari va boshqa tashkilotlar bilan birgalikda loyihalar va dasturlarni amalga oshirish;
yuridik va jismoniy shaxslarga injiniring, maslahat, axborot xizmatlari va xizmatlarning boshqa turlarini ko‘rsatish;
Fond maqsadlarini ta’minlash uchun tibbiyot uskunalari va anjomlari, dori-darmonlar va boshqa mahsulotlarni ishlab chiqarish bo‘yicha ishlab chiqarishni moliyalashtirish;
Oldingi tahrirga qarang.
(10-bandning o‘n beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Fond tomonidan safarbar etiladigan moliyaviy mablag‘lardan qat’iy maqsadli foydalanilishini ta’minlash;
Fondning hududiy filiallari, Fond huzurida tashkil etilgan tashkilotlar faoliyati va o‘tkaziladigan barcha tadbirlarga aniq maqsadni ko‘zlab rahbarlik qilish va ularni muntazam nazorat qilishni ta’minlash.
Oldingi tahrirga qarang.
(11-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Fondning Vasiylik kengashi majlisi bir yilda kamida bir marta o‘tkaziladi. Zaruriyat bo‘lganda navbatdan tashqari majlislar chaqirilishi mumkin.
Fond Vasiylik kengashining majlisini o‘tkazish uchun kvorum kengash a’zolari sonining kamida sakson foizini tashkil etishi kerak.
Fond Vasiylik kengashining majlisida qarorlar unda qatnashganlarning ko‘pchilik ovozi bilan qabul qilinadi.
Oldingi tahrirga qarang.
Fond faoliyati va uning qonunchilikka va Fond ustaviga, Fond Vasiylik kengashining qarorlariga muvofiqligini nazorat qilish;
(13-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Fondning yillik balansini, yillik moliyaviy hisobotini, shu jumladan uning faoliyati to‘g‘risida Fond Boshqaruvining hisobotini tasdiqlash;
Fond faoliyatini tekshirish uchun auditorlik tashkilotini navbatdan tashqari jalb etish to‘g‘risida qaror qabul qilish;
Fond Boshqaruvining Fondning ustav maqsadlari va vazifalariga zid bo‘lgan qarorlari bajarilishini to‘xtatib qo‘yish yoki bekor qilish;
Fond Vasiylik kengashining vakolatlariga tegishli bo‘lgan masalalar Fondning Boshqaruvi va Taftish komissiyasining hal etishi uchun berilishi mumkin emas.
Fondning Vasiylik kengashi Fondning boshqa organlaridan Fond faoliyatiga tegishli hujjatlarni talab qilish va olishga haqlidir.
Fond Vasiylik kengashining qarorlari Boshqaruv va Fondning boshqa organlari, uning xodimlari uchun majburiy hisoblanadi.
Fond Vasiylik kengashining a’zolari bir vaqtning o‘zida Fond Boshqaruvi va Taftish komissiyalari a’zosi bo‘la olmaydilar.
14. Fond faoliyatiga umumiy rahbarlik qilish va Fond Vasiylik kengashi qarorlarini bajarish Fondning Vasiylik kengashi tomonidan saylanadigan va lavozimdan ozod qilinadigan rais boshchilik qiladigan Boshqaruv tomonidan amalga oshiriladi. Fond Boshqaruvi tarkibi Fondning Vasiylik kengashi tomonidan shakllantiriladi.
15. Vasiylik kengashi bir yilda bir marta joriy yilning 20-martigacha oldingi yil uchun Fond faoliyati to‘g‘risida Fond Boshqaruvining hisobotini eshitishi va tasdiqlashi shart.
Fond Vasiylik kengashi bilan kelishgan holda Fond xodimlarining shtat jadvalini va ularning ish haqi miqdorini belgilaydi;
davlat organlari, xalqaro va xorijiy tashkilotlar, shuningdek boshqa yuridik va jismoniy shaxslar bilan munosabatlarda Fond manfaatlarini ifodalaydi;
Fond va uning hududiy filiallari xodimlarining funksional vazifalarini hamda ular mehnatiga haq to‘lash qoidalarini tasdiqlaydi;
Fondning Vasiylik kengashi bilan kelishgan holda chet elda vakolatxonalar ochadi va filiallar tashkil etadi hamda ularning faoliyatini nazorat qiladi;
17. Fondning hududiy filiallari rahbarlari Qoraqalpog‘iston Respublikasi Vazirlar Kengashi Raisining, viloyatlar hokimlarining tavsiyalari bo‘yicha Fond Boshqaruvining raisi tomonidan tayinlanadilar.
18. Fond Boshqaruvi va uning hududiy filiallari ta’minoti Fondning o‘z mablag‘lari hisobiga amalga oshiriladi.
Lavozim maoshlarini belgilashda Fond xodimlariga Yagona tarif setkasi bo‘yicha quyidagi tarif razryadlari qo‘llaniladi:
Lavozimning nomi | Fond Boshqaruvi | Hududiy filiallar |
Fond Boshqaruvi raisi | 17 | x |
Fond Boshqaruvi raisining o‘rinbosari (Fondning hududiy filiali direktori) | 16 | 15 |
Bo‘lim boshlig‘i (bosh buxgalter, Tibbiy-ijtimoiy markaz boshlig‘i, shu’ba mudiri) | 14 | 13 |
Bosh mutaxassis (buxgalter) | 12 | 11 |
Yetakchi mutaxassis | 11 | 10 |
1-toifali ish yurituvchi-kotiba | 8 | x |
2-toifali ish yurituvchi-kotiba, kassir | 7 | 7 |
19. Fondning moliya-xo‘jalik faoliyatini, pul mablag‘larining maqsadli sarflanishini va boshqa mol-mulkidan foydalanilishini nazorat qilish uchun Fondning Vasiylik kengashi tomonidan uch a’zodan iborat tarkibda 5 yilga saylanadigan Taftish komissiyasi tashkil etiladi.
Fond Taftish komissiyasining a’zolari bir vaqtning o‘zida Fond Vasiylik kengashi va Boshqaruvi a’zolari bo‘lishi mumkin emas.
20. Fondning moliyaviy faoliyati va pul mablag‘lari sarflanishining to‘g‘riligini va boshqa mol-mulkidan foydalanishni tekshirish Fond Taftish komissiyasi tomonidan bir yildagi faoliyat yakunlari bo‘yicha amalga oshiriladi.
Fond Taftish komissiyasining talabi bilan Fondning mansabdor shaxslari Fondning moliyaviy faoliyati to‘g‘risidagi hujjatlarni unga taqdim etishga majbur.
21. Fondning moliyaviy faoliyatini tekshirish natijalari bo‘yicha Fondning Taftish komissiyasi xulosa tayyorlaydi, unda quyidagilar bo‘lishi kerak:
buxgalteriya hisobini yuritish va moliyaviy hisobotni taqdim etish tartibi buzilishi holatlari to‘g‘risidagi ma’lumotlar;
aniqlangan qoida buzishlarni bartaraf etishga doir tavsiyalar, shuningdek Fondning moliyaviy faoliyati samaradorligini oshirish bo‘yicha takliflar.
22. Fond va uning hududiy filiallari tomonidan o‘z mablag‘lari va boshqa tushumlar hisobiga sotib olingan asosiy vositalar va boshqa aktivlar Fond va uning hududiy filiallari mol-mulkini tashkil etadi.
Fond, shuningdek uning tomonidan Fond oldiga qo‘yilgan vazifalarni hal etish uchun ta’sis etilgan tashkilotlarning tadbirkorlik faoliyatidan olingan daromadlar;
Oldingi tahrirga qarang.
(23-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
24. Fondning har yilgi budjeti Fond Boshqaruvi raisining taqdimnomasi bo‘yicha Vasiylik kengashi tomonidan tasdiqlanadi.
25. Fond va uning hududiy filiallarining mablag‘lari birinchi navbatda tegishli davlat dasturlari va Hukumat qarorlarida nazarda tutilgan tadbirlar uchun sarflanadi.
26. Davlat Fond va uning hududiy filiallari majburiyatlari bo‘yicha javob bermaydi, Fond va uning hududiy filiallari davlat majburiyatlari bo‘yicha javob bermaydi.
Oldingi tahrirga qarang.
(27-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
(28-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
29. Fondni qayta tashkil etishga Fond Vasiylik kengashining qaroriga binoan yo‘l qo‘yiladi. Fondni qayta tashkil etishga faqat boshqa fondga qo‘shib yuborilgan, boshqa fondni qo‘shib olgan yoki boshqa fondga qo‘shilgan hollarda yo‘l qo‘yiladi.
30. Kreditorlarning talablari qondirilgandan keyin tugatilgan Fondning qolgan mol-mulki davlat tasarrufiga o‘tadi.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Sog‘lom avlod uchun” Hukumatga qarashli bo‘lmagan xalqaro xayriya jamg‘armasini davlat tomonidan qo‘llab-quvvatlash to‘g‘risida” 1994-yil 5-martdagi 119-son qarori bilan tasdiqlangan “Sog‘lom avlod uchun” jamg‘armasining tayanch punktlari to‘g‘risidagi nizomda:
birinchi xatboshidagi “Qoraqalpog‘iston Respublikasida, barcha viloyatlar, tumanlar markazlarida va Toshkent shahrida” so‘zlari “respublikaning har bir tumanida va shahrida” so‘zlari bilan almashtirilsin;
ikkinchi xatboshidagi “mahalla qo‘mitalarining” so‘zlari “fuqarolarning o‘zini o‘zi boshqarish organlarining” so‘zlari bilan almashtirilsin;
g) 4-bandga “Tayanch punkti” so‘zlaridan keyin “tumanlar (shaharlar) hokimliklari huzuridagi tadbirkorlik subyektlarini ro‘yxatdan o‘tkazish inspeksiyalarida” so‘zlari qo‘shilsin;
d) 5-banddagi “Jamg‘armaning hududiy bo‘limi boshqaruvi” so‘zlari “Fond hududiy filiali direktorining Fond markaziy apparati bilan kelishilgan” so‘zlari bilan almashtirilsin;
e) 7-bandning ikkinchi xatboshidagi “hududiy bo‘limi boshqaruvi” so‘zlari “hududiy filiali direktori” so‘zlari bilan almashtirilsin;
j) 8-banddagi “hududiy bo‘limi direksiyasi” so‘zlari “hududiy filiali direktori” so‘zlari bilan almashtirilsin;
“11. Tayanch punkti faoliyatini nazorat qilish hokimlik tomonidan Fondning hududiy filiali direktori bilan birgalikda amalga oshiriladi”;
“13. Tayanch punkti o‘z maqsadlariga erishish va vazifalarini bajarish uchun viloyat sog‘liqni saqlash, xalq ta’limi, madaniyat va sport ishlari boshqarmalari va ularning tuman (shahar) bo‘linmalari, bandlikka ko‘maklashish va aholini ijtimoiy muhofaza qilish markazlari, Qizil Yarim Oy Jamiyati va fuqarolarning o‘zini o‘zi boshqarish organlari bilan mustahkam hamkorlik qiladi”;
m) 14-banddagi “(FAP, SVA)” so‘zlari chiqarib tashlansin hamda “Ijtimoiy ta’minot vazirligining xodimlari va mahalla qo‘mitalari” so‘zlari “bandlikka ko‘maklashish va aholini ijtimoiy muhofaza qilish markazlari va fuqarolarning o‘zini o‘zi boshqarish organlari xodimlari” so‘zlari bilan almashtirilsin;
“16. Tayanch punktlari manfaatdor sog‘liqni saqlash, xalq ta’limi tashkilotlari, bandlikka ko‘maklashish va aholini ijtimoiy muhofaza qilish markazlari bilan birgalikda o‘sib kelayotgan avlodning jismoniy, intellektual rivojlanish ko‘rsatkichlarini tahlil etadilar, tahlillar va tadqiqotlarning natijalari umumlashtiriladi va ko‘rib chiqish uchun Fondning hududiy filiallari direktorlariga jo‘natiladi”;
“19. Tayanch punktlarining ustav fondi Fondning hududiy filiallari badallaridan, shuningdek yuridik va jismoniy shaxslarning, shu jumladan, xorijiy yuridik va jismoniy shaxslarning xayriya badallari hisobiga shakllanadi”;
“21. Tayanch punkti har chorakda hisob raqamiga tushgan mablag‘larning 10 foizini majburiy tartibda hisobot davridan keyingi oyning 15-kunigacha Fondning hududiy filiali hisob raqamiga o‘tkazadi. Bunda tayanch punkti tushgan mablag‘larning 10 foizidan ortig‘ini moliyaviy imkoniyatlaridan kelib chiqib, qonun hujjatlarida belgilangan tartibda moliyaviy o‘zaro munosabatlar to‘g‘risida tegishli shartnoma rasmiylashtirish yo‘li bilan Fondning hududiy filiali hisob raqamiga o‘tkazish huquqiga ega”;
s) 22-banddagi “yuqori tashkilotga” so‘zlari “Fondning hududiy filiali direktoriga” so‘zlari bilan almashtirilsin.
2. Vazirlar Mahkamasining “O‘zbekiston Respublikasida tibbiy-ijtimoiy patronaj tizimini tashkil etish to‘g‘risida” 1996-yil 22-fevraldagi 71-son qarori bilan tasdiqlangan O‘zbekiston Respublikasida tibbiy-ijtimoiy patronaj tizimi to‘g‘risidagi nizomda:
Brigada tarkibiga sog‘liqni saqlash, xalq ta’limi organlari, Qizil Yarim oy jamiyati, “Sog‘lom avlod uchun”, “Mahalla” fondlari va boshqa nodavlat va notijorat tashkilotlari vakillari kiradi”;
“4. Ayniqsa qishloq joylarda oilalar, shaxslar guruhlari va alohida shaxslarning tibbiy-ijtimoiy yordamga ehtiyoji qondirilishini doimiy va rejali o‘rganish ko‘chma tibbiy-ijtimoiy yordam brigadalari faoliyatining maqsadi hisoblanadi.
5. Ko‘chma tibbiy-ijtimoiy yordam brigadalari maqsadlariga muvofiq ularga quyidagi vazifalar yuklanadi:
ayniqsa qishloq joylarda yashaydigan kam ta’minlangan oilalarga tibbiy-ijtimoiy va muruvvat yordami ko‘rsatish;
sog‘lom oilani shakllantirish, sog‘lom bolalar tug‘ilishi va ularni tarbiyalash masalalari bo‘yicha tushuntirish ishlari olib borish.
g) 8-bandning birinchi xatboshidagi “Tibbiy-ijtimoiy patronaj xizmatini” so‘zlari “Tibbiy-ijtimoiy patronaj bo‘yicha faoliyatni” so‘zlari bilan almashtirilsin;
“9. Tibbiy-ijtimoiy patronaj xodimlarining vazifalari, hisobot va ularning faoliyatini nazorat qilish tizimi belgilangan tartibda Sog‘liqni saqlash vazirligi, Mehnat va aholini ijtimoiy muhofaza qilish vazirligi va “Sog‘lom avlod uchun” fondi tomonidan tasdiqlanadi”;
11. Har bir ko‘chma tibbiy-ijtimoiy yordam brigadasida vrachdan bittasiga ko‘chma tibbiy-ijtimoiy yordam brigadasiga mudirlik qilish yuklanadi.
13. O‘zbekiston Respublikasi Davlat budjeti mablag‘lari tibbiy-ijtimoiy patronajni amalga oshirish uchun zarur bo‘lgan quyidagi xarajatlarga ajratiladi:
yoqilg‘i va yonilg‘i-moylash materiallari sotib olish (har bir brigada uchun bir oyda 300 litr hisobidan).
14. Ko‘chma tibbiy-ijtimoiy yordam brigadalarining tibbiyot xodimlari mehnatiga haq to‘lash Vazirlar Mahkamasining “Tibbiyot xodimlari mehnatiga haq to‘lashning takomillashtirilgan tizimini tasdiqlash to‘g‘risida” 2005-yil 21-dekabrdagi 276-son qaroriga muvofiq ambulatoriya-poliklinika muassasalari xodimlari mehnatiga haq to‘lash kabi amalga oshiriladi”.
1. Vazirlar Mahkamasining “Sog‘lom avlod uchun” hukumatga qarashli bo‘lmagan xalqaro xayriya jamg‘armasi faoliyatini tashkil etish to‘g‘risida” 1993-yil 3-iyundagi 268-son qarorining 6-bandi.
2. Vazirlar Mahkamasining “Sog‘lom avlod uchun” hukumatga qarashli bo‘lmagan xalqaro xayriya jamg‘armasining takliflari to‘g‘risida” 1993-yil 28-oktabrdagi 524-son qarorining 4-bandi.
3. Vazirlar Mahkamasining “Sog‘lom avlod uchun” hukumatga qarashli bo‘lmagan xalqaro xayriya jamg‘armasi korxonalari, birlashmalari, tashkilotlariga imtiyozli soliq solish to‘g‘risida” 1994-yil 8-fevraldagi 61-son qarori.
4. Vazirlar Mahkamasining “O‘zbekiston Respublikasida tibbiy-ijtimoiy patronaj tizimini tashkil etish to‘g‘risida” 1996-yil 22-fevraldagi 71-son qarorining 5-bandi.
5. Vazirlar Mahkamasining “Sog‘lom avlod uchun” hukumatga qarashli bo‘lmagan xalqaro xayriya jamg‘armasi faoliyatini ta’minlash chora-tadbirlari to‘g‘risida” 2000-yil 4-martdagi 74-son qarori.
6. Vazirlar Mahkamasining “Sog‘lom avlod uchun” hukumatga qarashli bo‘lmagan xalqaro xayriya jamg‘armasining Vasiylik kengashi tarkibi to‘g‘risida” 2001-yil 3-maydagi 204-son qarori.
7. Vazirlar Mahkamasining “O‘zbekiston Respublikasining tibbiy-ijtimoiy patronaj tizimini yaxshilash uchun Koreya xalqaro sog‘liqni saqlash jamg‘armasining grant mablag‘laridan samarali foydalanishni ta’minlash chora-tadbirlari to‘g‘risida” 2009-yil 13-martdagi 69-son qarorining 3 va 6-bandlari.