Oʻzbekiston Respublikasining “Sugʻurta faoliyati toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 2002-y., 4-5-son, 68-modda) muvofiq buyuraman:

1. Oʻzbekiston Respublikasi moliya vazirining 2008-yil 20-noyabrdagi 107-son buyrugʻi (roʻyxat raqami 1882, 2008-yil 15-dekabr) (Oʻzbekiston Respublikasi qonun hujjatlari toʻplami, 2008-yil, 52-son, 529-modda) bilan tasdiqlangan Sugʻurtalovchilarning sugʻurta zaxiralari toʻgʻrisidagi nizomga ilovaga muvofiq oʻzgartish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 25-bandda:

quyidagi mazmundagi oʻn sakkizinchi xatboshi bilan toʻldirilsin:

“Agar transport vositalari egalarining fuqarolik javobgarligini majburiy sugʻurta qilish boʻyicha barqarorlashtirish zaxirasi miqdori hisob-kitoblar natijasida transport vositalari egalarining fuqarolik javobgarligini majburiy sugʻurta qilish shartnomalari boʻyicha hisobot sanasiga qadar oʻttiz olti oy davrida amalga oshirilgan sugʻurta toʻlovlari summasidan ortiq boʻlsa, koʻrsatilgan zaxira hisobot sanasiga transport vositalari egalarining fuqarolik javobgarligini majburiy sugʻurta qilish shartnomalari boʻyicha hisobot sanasiga qadar oʻttiz olti oy davrida amalga oshirilgan sugʻurta toʻlovlari summasiga teng deb qabul qilinadi, va koʻrsatilgan ortiq summa soliqlar va boshqa majburiy toʻlovlar toʻlangandan keyin sugʻurtalovchining ustav fondiga kapitallashtiriladi.”;

oʻn sakkizinchi xatboshi oʻn toʻqqizinchi xatboshi deb hisoblansin.

2. 42-banddan “, debitorlik va kreditorlik qarzdorliklari toʻgʻrisida maʼlumotnoma — 2-a-shakl” degan soʻzlar chiqarib tashlansin.

3. 1-ilovaning 2-jadvalida:

quyidagi mazmundagi 5¹-satr bilan toʻldirilsin:

6-satrdagi “agar 5-satr < 0, bu holda 6-satr = 0; agar 5-satr > = 0, bu holda 6-satr = 5-satr” degan soʻzlar “agar 5-satr < 0, bu holda 6-satr = 0; agar 5¹-satr > 5-satr >= 0, bu holda 6-satr = 5-satr; agar 5-satr > 5¹-satr, bu holda 6-satr = 5¹-satr” degan soʻzlar bilan almashtirilsin.