Oʻzbekiston Respublikasi bilan Avstriya Respublikasi,

ikki yoqlama soliqqa tortishning oldini olish hamda daromad va mol-mulk soliqlarini toʻlashdan bosh tortishni bartaraf qilish toʻgʻrisida Konvensiya tuzish istagini bildirib,

quyidagilar toʻgʻrisida ahdlashib oldilar:

Ushbu Konvensiya Ahdlashuvchi Davlatlarning biri yoki har ikkalasining rezidenti boʻlgan shaxslarga nisbatan qoʻllaniladi.

(1) Ushbu Konvensiya Ahdlashuvchi Davlat yoki uning mahalliy hokimiyatlari nomidan olinadigan daromad, foyda va mol-mulk soliqlariga nisbatan, ularni undirish uslubidan qatʼi nazar, qoʻllanadi.

(2) Umumiy daromaddan, umumiy mol-mulkdan yoxud daromadning bir qismidan yoxud mol-mulkning bir qismidan olinadigan barcha soliqlar, shu jumladan koʻchar va koʻchmas mulkni begonalashtirishdan olinadigan daromadlardan hamda korxonalar tomonidan toʻlanadigan ish haqi yoki maoshning umumiy miqdoridan olinadigan soliqlar, shuningdek mol-mulk qiymatining oʻsishidan olinadigan barcha soliqlar daromad, foyda va mol-mulk soliqlari deb hisoblanadi.

(3) Ushbu Konvensiya qoʻllanadigan amaldagi soliqlar xususan quyidagilardir:

a) Avstriyaga nisbatan:

1. Daromad soligʻi.

2. Korporativ soliq.

3. Er soligʻi.

4. Qishloq xoʻjaligi va oʻrmon xoʻjaligi korxonalaridan olinadigan soliq.

5. Foydalanilmaydigan yer uchastkalari qiymatidan olinadigan soliq.

(bundan keyin “Avstriya soliqlari” deb ataladi).

b) Oʻzbekiston Respublikasiga nisbatan:

1. Yuridik shaxslardan olinadigan daromad (foyda) soligʻi.

2. Jismoniy shaxslarning daromadiga solinadigan soliq; va

3. Mol-mulk soligʻi.

(bundan keyin “Oʻzbekiston soliqlari” deb ataladi).

(4) Konvensiya imzolangan sanadan soʻng undiriladigan soliqlarga qoʻshimcha yoki mavjudlari oʻrniga kiritilgan har qanday bir xil yoki mohiyati boʻyicha oʻxshash soliqlarga nisbatan ham ushbu Konvensiya qoʻllaniladi. Ahdlashuvchi Davlatlarning vakolatli organlari oʻzlarining tegishli soliq qonunchiligiga kiritilgan barcha muhim oʻzgarishlar toʻgʻrisida bir-birlarini xabardor qilib turadilar.

(1) Ushbu Konvensiyada, agar matn mazmunidan oʻzga maʼno chiqmasa:

a) “Avstriya” atamasi Avstriya Respublikasini anglatadi;

b) “Oʻzbekiston” atamasi Oʻzbekiston Respublikasini anglatadi: geografik maʼnoda ishlatilganda bu Oʻzbekiston Respublikasi qonunchiligi va xalqaro huquqqa muvofiq Oʻzbekiston Respublikasi hududini, jumladan hududiy suvlari va osmon kyengliklari doirasida Oʻzbekiston Respublikasi suveren huquqlari va yurisdiksiyasini, shu jumladan yer osti va tabiiy resurslardan foydalanish huquqini amalga oshiradigan hududni anglatadi;

s) “Ahdlashuvchi Davlat” va “boshqa Ahdlashuvchi Davlat” atamalari matnga bogʻliq ravishda Avstriyani yoki Oʻzbekistonni anglatadi;

d) “shaxs” atamasi jismoniy shaxsni, kompaniyani yoki shaxslarning boshqa har qanday birlashmasini anglatadi;

e) “kompaniya” atamasi har qanday korporativ birlashmani va soliqqa tortish maqsadlarida korporativ birlashma sifatida qaraladigan har qanday tashkilotni anglatadi;

f) “bir Ahdlashuvchi Davlat korxonasi” va “boshqa Ahdlashuvchi Davlat korxonasi” atamalari tegishlicha bir Ahdlashuvchi Davlat rezidenti boshqaruvida ish yuritayotgan korxonani va boshqa Ahdlashuvchi Davlatning rezidenti boshqaruvida ish yuritayotgan korxonani anglatadi;

g) “xalqaro tashish” atamasi Ahdlashuvchi Davlatlardan birining korxonasi tomonidan foydalaniladigan dengiz yoki havo kemasida har qanday tashishni anglatadi, dengiz va havo kemalarining faqat boshqa Ahdlashuvchi Davlatdagi punktlar oʻrtasida foydalanilishi bundan mustasnodir;

h) “vakolatli organ” atamasi:

(i) Avstriyaga nisbatan — Federal Moliya vazirini yoki uning vakolatli vakilini anglatadi;

(ii) Oʻzbekistonga nisbatan — Oʻzbekiston Respublikasi Davlat soliq qoʻmitasi raisini yoki uning vakolatli vakilini anglatadi;

i) “milliy shaxs” atamasi:

(i) Ahdlashuvchi Davlat fuqaroligiga ega boʻlgan har qanday jismoniy shaxsni;

(ii) Davlatning amaldagi qonunlariga muvofiq oʻz maqomini olgan har qanday yuridik shaxsni, hamjamiyat yoki assotsiatsiyani anglatadi.

(2) Ushbu Konvensiya Ahdlashuvchi Davlat tomonidan qoʻllanganida unda belgilanmagan har qanday atama, agar matn mazmunidan oʻzga maʼno kelib chiqmasa, ushbu Konvensiya tatbiq etiladigan mavjud soliqlarga nisbatan shu Davlatning qonunchiligi boʻyicha belgilangan maʼnoga ega boʻladi.

(1) Ushbu Konvensiyada “Ahdlashuvchi Davlat rezidenti” atamasi shu Davlatning qonunchiligi boʻyicha oʻzining yashash joyi, doimiy boʻlib turish joyi, boshqaruv joyi yoki boshqa har qanday shunga oʻxshash mezonlar asosida shu yerda soliqqa tortiladigan har qanday shaxsni anglatadi. Biroq bu atama ana shu Davlatda faqat shu Davlatda joylashgan manbalardan yoki mol-mulkdan daromad olayotgani uchun soliqqa tortiladigan har qanday shaxsni oʻz ichiga qamramaydi.

(2) Agar 1-band qoidalariga muvofiq jismoniy shaxs har ikkala Ahdlashuvchi Davlatning rezidenti boʻlsa, bunda uning maqomi quyidagi tarzda belgilanadi:

a) u toʻsiqsiz yashashi mumkin boʻlgan doimiy uyi joylashgan Davlatning rezidenti hisoblanadi; agar u har ikkala Davlatda ham toʻsiqsiz yashashi mumkin boʻlgan doimiy uyiga ega boʻlsa, shaxsiy va iqtisodiy aloqalari chuqurroq boʻlgan (hayotiy manfaatlar markazi) Davlatning rezidenti hisoblanadi;

b) agar uning hayotiy manfaatlari markazi joylashgan Davlatni aniqlab boʻlmasa yoki Davlatlardan hech birida toʻsiqsiz yashashi mumkin boʻlgan doimiy uyi boʻlmasa, u odatda yashab turgan Davlatining rezidenti hisoblanadi;

s) agar shaxs odatda har ikkala Ahdlashuvchi Davlatda yashasa yoki u ularning hech birida yashamasa, u milliy shaxsi boʻlgan oʻsha Ahdlashuvchi Davlatning rezidenti hisoblanadi;

d) agar u har ikkala Davlatning milliy shaxsi boʻlsa yoki hech biriniki boʻlmasa, unda Ahdlashuvchi Davlatlarning vakolatli organlari masalani oʻzaro kelishuvga binoan hal qiladilar.

3) Agar 1-band qoidalariga muvofiq jismoniy shaxs boʻlmagan shaxs har ikkala Ahdlashuvchi Davlatning rezidenti boʻlsa, u uning amaldagi rahbar organi joylashgan oʻsha Ahdlashuvchi Davlatning rezidenti hisoblanadi.

(1) Ushbu Konvensiyada “doimiy muassasa” atamasi korxona tadbirkorlik faoliyatini toʻliq yoki qisman amalga oshiradigan doimiy faoliyat joyini bildiradi.

(2) “Doimiy muassasa” atamasi, xususan quyidagilarni oʻz ichiga oladi:

a) boshqaruv joyi;

b) boʻlim;

s) ofis;

d) fabrika;

e) ustaxona, va

f) kon, neft yoki gaz qudugʻi, karyer yoki tabiiy resurslar qazib olinadigan har qanday boshqa joy.

(3) qurilish maydonchasi yoki qurilish yoxud yigʻma obyekt, agar bunday ishlar 12 oydan koʻproq mavjud boʻlsa, doimiy muassasa hosil qiladi.

(4) Ushbu moddaning avvalgi qoidalariga qaramay, “doimiy muassasa” atamasi quyidagilarni oʻz ichiga olmaydi:

a) inshootlardan shu korxonaga tegishli boʻlgan tovar yoki buyumlarni faqat saqlash, namoyish qilish yoki yetkazib berish maqsadlaridagina foydalanish;

b) shu korxonaga tegishli boʻlgan tovar yoki buyumlar zaxirasini faqat saqlash, namoyish qilish yoki yetkazib berish maqsadlaridagina ushlab turilishi;

s) shu korxonaga tegishli boʻlgan tovar yoki buyumlar zaxirasini boshqa korxona tomonidan qayta ishlov berilishi maqsadlaridagina ushlab turilishi;

d) doimiy faoliyat joyining faqat tovar yoki buyumlar sotib olish yoki ushbu korxona uchun axborot yigʻish maqsadlarida ushlab turilishi;

e) doimiy faoliyat joyining ushbu korxona uchun faqat boshqa har qanday tayyorgarlik yoki yordamchi tusdagi faoliyatni amalga oshirish maqsadlarida ushlab turilishi.

f) doimiy faoliyat joyining (a)-(e) kichik bandlarida eslatib oʻtilgan faoliyat turlarining har qanday uygʻunlashuvi uchungina bunday doimiy faoliyat joyining faoliyati ana shu uygʻunlashuv natijasi tayyorgarlik hamda yordamchi tusda boʻlgan taqdirda saqlab turilishi.

(5) 1 va 2-bandlarning qoidalariga qaramay, agar 6-band tatbiq etiladigan mustaqil maqomli agentdan oʻzga boʻlgan shaxs Ahdlashuvchi Davlatda korxona nomidan ish yuritsa va odatda korxona nomidan shartnomalar tuzish vakolati foydalansa, unda bu korxona ana shu Davlatda shu korxona uchun ushbu shaxs tomonidan koʻrsatilgan har qanday faoliyatga nisbatan doimiy muassasaga ega, deb hisoblanadi, agar ushbu shaxsning faoliyati 4-bandda koʻrsatib oʻtilgan faoliyat turlari bilan cheklanib qolmasa, agar faoliyat doimiy faoliyat joyi orqali amalga oshirilsa, shu bandning qoidalariga binoan bu doimiy faoliyat joyidan doimiy muassasa hosil qilmasa.

(6) Korxona, Ahdlashuvchi Davlatda broker, komissioner yoki boshqa har qanday mustaqil maqomli agent orqali ana shu Davlatda tadbirkorlik faoliyatini amalga oshirsagina, shu shaxslar oʻzlarining odatdagi faoliyati doirasida harakat qilishlari sharti bilan doimiy muassasaga ega deb qaralmaydi.

(7) Ahdlashuvchi Davlatlardan birining rezidenti boʻlgan kompaniya boshqa Davlatning rezidenti boʻlgan kompaniyani nazorat qilsa yoki nazorat qilinsa yoki ana shu boshqa Davlatda tijorat faoliyatini (doimiy muassasa orqali yoki boshqa tarzda) amalga oshirayotgan boʻlsa, bu hol oʻz-oʻzidan bu kompaniyalardan hech birini boshqasi uchun doimiy muassasaga aylantirmaydi.

(1) Davlatlardan birining rezidenti tomonidan boshqa Ahdlashuvchi Davlatda joylashgan koʻchmas mulkdan (jumladan, qishloq yoki oʻrmon xoʻjaligidan olinadigan daromadlar) oladigan daromadi ana shu boshqa Davlatda soliqqa tortilishi mumkin.

(2) “Koʻchmas mulk” atamasi koʻrib chiqilayotgan mulk joylashgan oʻsha Davlat qonunchiligi boʻyicha belgilangan maʼnoga egadir. Har qanday holda ham atama huquqi yer ustidagi mulkchilikka taalluqli umumiy qonunchilikning qoidalari bilan belgilangan koʻchmas mulkka tegishli boʻlgan mulkni, chorva, qishloq va oʻrmon xoʻjaligida ishlatiladigan vositalarni, koʻchmas mulk uzufruktini va minerallar, manbalar va boshqa tabiiy resurslarning qatlamlarini qazish uchun tovon sifatida toʻlanadigan oʻzgaruvchan yoki qayd etilgan toʻlovlar huquqini yoki minerallar, manbalar va boshqa tabiiy resurslar qatlamlarini qazish huquqini oʻz ichiga oladi. Dengiz, daryo va havo kemalari koʻchmas mulk sifatida qaralmaydi.

(3) 1-band qoidalari koʻchmas mulkdan toʻgʻridan toʻgʻrifoydalanish, ijaraga berish yoki boshqa har qanday shaklda foydalanishdan olingan daromadga nisbatan qoʻllanadi.

(4) 1- va 3-band qoidalari korxonaning koʻchmas mulkdan olgan daromadiga va mustaqil shaxsiy xizmatlarni amalga oshirish uchun foydalaniladigan koʻchmas mulkdan olgan daromadlariga ham qoʻllanadi.

(1) Korxona oʻz tadbirkorlik faoliyatini boshqa Ahdlashuvchi Davlatda u yerda joylashgan doimiy muassasa orqali amalga oshirmayotgan boʻlsa, bir Ahdlashuvchi Davlat korxonasining foydasi faqat ana shu Davlatda soliqqa tortiladi. Agar korxona oʻz faoliyatini yuqorida aytilganidek amalga oshirayotgan boʻlsa, korxonaning foydasi boshqa Ahdlashuvchi Davlatda soliqqa tortilishi mumkin, faqat doimiy muassasaga tegishli boʻlgan qismidagina soliqqa tortiladi.

(2) 3-band qoidalariga muvofiq agar bir Ahdlashuvchi Davlatning korxonasi boshqa Ahdlashuvchi Davlatda u yerda joylashgan doimiy muassasa orqali tadbirkorlik faoliyatini amalga oshirayotgan boʻlsa, har bir Ahdlashuvchi Davlatda bunday doimiy muassasaga foyda u alohida va mustaqil korxona sifatida xuddi shunday yoki shunga oʻxshash faoliyatni xuddi shunday yoki shunga oʻxshash shartlar asosida amalga oshirib doimiy muassasa hisoblangan korxonadan mutlaqo mustaqil ravishda ish koʻrib olishi mumkin boʻlgan foyda kabi oʻtkaziladi.

(3) Doimiy muassasa foydasini aniqlashda, ushbu doimiy muassasa faoliyati maqsadlari uchun sarflangan, jumladan doimiy muassasa joylashgan Davlatda yoki har qanday boshqa yerdagi faoliyat maqsadlari uchun sarflangan boshqaruv va umumiy maʼmuriy xarajatlarni chegirib tashlashga yoʻl qoʻyiladi. Biroq doimiy muassasa tomonidan korxonaning bosh ofisiga yoki uning istalgan boshqa ofislaridan biriga royalti, gonorarlar yoki boshqa shunga oʻxshash toʻlovlar tarzida patentlardan yoki boshqa huquqlardan foydalanganlik oʻrniga yoki muayyan xizmatlar uchun yoki menejmentlik uchun komission toʻlovlar tarzida, yoxud bank korxonasidan tashqari, doimiy muassasaga berilgan qarz uchun foizlar tarzida toʻlangan summalarga nisbatan hech qanday chegirmalarga yoʻl qoʻyilmaydi. Doimiy muassasasi tomonidan korxonaning bosh ofisiga yoki ofislaridan biriga royalti, gonorarlar yoki shunga oʻxshash boshqa toʻlovlar tarzida patentlardan yoki boshqa huquqlardan foydalanganlik oʻrniga yoki muayyan xizmatlarni bajarganlik uchun yoki menejment uchun komission toʻlovlar tarzida, yoki bank muassasasi xollaridan tashqari, pul foizlari tarzida oʻtkazilgan summalar ham (haqiqiy xarajatlarni qoplashdan tashqari) hisobga olinmaydi.

(4) Davlatda doimiy muassasaga tegishli boʻlgan foydani korxona oladigan umumiy foyda miqdorini uning turli boʻlinmalariga mutanosib taqsimlash asosida aniqlash odatdagi amaliyot ekanligiga qaramay, 2-banddagi hech bir narsa amaliyotda taʼkidlanganidek, bu Davlatga shunday taqsimlash asosida soliq solinadigan foydani aniqlashga xalaqit bermaydi; taqsimlashning tanlangan usuli mana shu moddada mavjud boʻlgan tamoyillarga muvofiq keladigan natijalarni berishi lozim.

(5) Korxona uchun ushbu doimiy muassasa tomonidan tovar yoki buyumlarning xarid qilinishigagina asoslanib doimiy muassasaga biron-bir foyda yozilmaydi.

(6) Avvalgi bandlar maqsadlari uchun doimiy muassasaga taalluqli boʻlgan foyda, agar boshqasi uchun salmoqli va yetarli sabablar boʻlmasa, har yili bir xil uslubda aniqlanadi.

(7) Agar foyda ushbu Konvensiyaning boshqa moddalarida alohida aytib oʻtilgan daromad turlarini qamrab oladigan boʻlsa, unda bu moddalarning qoidalariga ushbu modda qoidalari taʼsir etmaydi.

(8) “Foyda” atamasi ushbu moddada qoʻllanganida, shuningdek, har qanday sherik tomonidan sheriklikda ishtirok etishdan oladigan foydasini va Avstriyaga nisbatan, Avstriya qonunlariga muvofiq tashkil etilgan erkin kompaniyada (Stille Geselschaft) ishtirok etishdan olingan foydani ham oʻz ichiga oladi.

(1) Ahdlashuvchi Davlat korxonasining kema va samolyotlardan xalqaro tashishlarda foydalanishdan olgan daromadlari faqat shu Davlatda soliqqa tortiladi.

(2) 1-band qoidalari, shuningdek pulda, qoʻshma faoliyatda yoki xalqaro tashkilotda ishtirok etishdan olinadigan foydaga ham tatbiq etiladi.

1. Agar:

a) Ahdlashuvchi Davlatning korxonasi boshqa Ahdlashuvchi Davlat korxonasini boshqarishda, nazorat qilishda yoki uning kapitalida bevosita yoki bilvosita ishtirok etsa,

yoki

b) ayni shaxslar bir Ahdlashuvchi Davlat korxonasini va boshqa Ahdlashuvchi Davlat korxonasini boshqarishda, nazorat qilishda yoki uning mol-mulkida bevosita yoki bilvosita qatnashsa,

va har qanday holatda ikki korxona oʻrtasida ularning tijorat yoki moliyaviy munosabatlarida mutlaqo mustaqil boʻlgan korxonalar oʻrtasida boʻladigandan farqli sharoitlar vujudga keltirilsa yoki belgilansa, unda shunday munosabatlar natijasida korxonalarning birida toʻplangan, biroq shunday munosabatlarga binoan oʻsha hajmda hisoblanmagan har qanday foyda ushbu korxona foydasiga kiritilish va tegishli tarzda soliqqa tortilishi mumkin.

(2) Bir Ahdlashuvchi Davlat shu Davlat korxonasi foydasiga boshqa Ahdlashuvchi Davlat korxonasi boʻyicha ana shu boshqa Davlatda soliqqa tortiladigan foydani, shuningdek soliqlarni tegishli tarzda kiritsa va shu tariqa kiritilgan foyda, agar ikkala korxona oʻrtasida vujudga keltirilgan munosabatlar ikki mustaqil korxona oʻrtasidagi munosabatlar kabi boʻlganida birinchi eslatilgan Davlat korxonasiga hisoblanadigan foyda boʻlsa, u holda ana shu boshqa Davlat shu Davlatga tegishli foydadan olinadigan soliq miqdoriga zarur tuzatishlar kiritadi. Bunday tuzatishlarni belgilashda ushbu Konvensiyaning boshqa qoidalariga tegishlicha eʼtiborni qaratishi kerak va Ahdlashuvchi Davlatlarning vakolatli organlari, zarur boʻlsa, oʻzaro maslahatlashishlarni boshlashlari lozim.

(1) Ahdlashuvchi Davlatlardan birining rezidenti boʻlgan kompaniya tomonidan boshqa Ahdlashuvchi Davlat rezidentiga toʻlanadigan dividendlar ana shu boshqa Davlatda soliqqa tortilishi mumkin.

(2) Biroq, bunday dividendlar, shuningdek ularni toʻlayotgan kompaniya rezident boʻlgan Ahdlashuvchi Davlatda shu Davlatning qonunlariga muvofiq ham soliqqa tortilishi mumkin, ammo, agar oluvchi dividendlarni haqiqiy egasi boʻlsa, bunda shunday tarzda olinadigan soliq miqdori quyidagilardan oshmasligi kerak.

a) dividendlar yalpi miqdorining 15 foizidan;

b) dividendlarni toʻlayotgan kompaniya mol-mulkining kamida 10 foizi bevosita tegishli boʻlgan kompaniya (sheriklikdan boshqacha tarzdagi) dividendlarning haqiqiy egasi boʻlsa, dividendlar yalpi miqdorining 5 foizidan.

Bu band dividendlar toʻlaydigan kompaniya foydasini soliqqa tortishga taalluqli emas.

(3) “Dividendlar” atamasi, ushbu moddada qoʻllanganida, aksiyalardan, aksiyalardan foydalanish yoki huquqlardan foydalanish, togʻ-kon sanoati aksiyalaridan foydalanish huquqi, taʼsischilar aksiyalaridan yoki qarz talablaridan olinadigan daromad kabi foydada ishtirok etishdagi boshqa huquqlardan foydalanishdan olinadigan daromadlarni, shuningdek foydani taqsimlovchi kompaniya rezidenti boʻlgan Davlatning qonunlariga muvofiq, aksiyalardan olinadigan daromad kabi xuddi shunday soliq boshqaruviga taalluqli boʻlgan boshqa korporativ huquqlardan olinadigan daromadlarni anglatadi.

(4) Agar dividendlarning haqiqiy egasi Ahdlashuvchi Davlatlardan birining rezidenti boʻlgani holda, dividendlar toʻlayotgan kompaniya rezidenti boʻlgan boshqa Ahdlashuvchi Davlatda unda joylashgan doimiy muassasa orqali faoliyatini amalga oshirsa yoki ushbu boshqa Davlatda u yerda joylashgan doimiy bazadan mustaqil shaxsiy xizmatlar koʻrsatsa va dividendlar toʻlanadigan xolding aslida shu doimiy muassasa yoki doimiy baza bilan bogʻliq boʻlsa, ushbu moddaning 1- va 2-bandlari qoidalari qoʻllanilmaydi. Bunday holda, sharoitga qarab 7- yoki 14-moddalarning qoidalari qoʻllanadi.

(5) Agar Ahdlashuvchi Davlatlardan birining rezidenti boʻlgan kompaniya boshqa Ahdlashuvchi Davlatda foyda yoki daromad olayotgan boʻlsa, shu boshqa Davlat kompaniya toʻlayotgan dividendlarni soliqqa tortmasligi mumkin, dividendlar ana shu boshqa Davlat rezidentiga toʻlanadigan yoki dividendlar toʻlanadigan xolding shu boshqa Davlatda joylashgan doimiy muassasa yoki doimiy baza bilan haqiqatda bogʻliq boʻlgan hollar bundan mustasnodir, shuningdek kompaniyaning taqsimlanmagan foydasi hatto toʻlanayotgan dividendlar yoki taqsimlanmagan foyda ana shu boshqa Davlatda toʻla yoki qisman hosil boʻlgan foyda yoki daromaddan tashkil topgan boʻlsa ham kompaniyaning taqsimlanmagan foydasi soliqqa tortishga duchor qilinmaydi.

(1) Ahdlashuvchi Davlatlarning birida hosil boʻlgan va boshqa Ahdlashuvchi Davlatning rezidentiga toʻlanadigan foizlar ana shu boshqa Davlatda soliqqa tortilishi mumkin, bunda rezident foizlarning haqiqiy egasi boʻlishi lozim.

(2) Biroq bunday foizlar ular hosil boʻlayotgan Ahdlashuvchi Davlatda shu Davlatning qonunlariga binoan ham soliqqa tortilishi mumkin, ammo, foizlarning haqiqiy egasi Ahdlashuvchi Davlatning rezidenti boʻlsa, unda shu tariqa undiriladigan soliq foizlar yalpi miqdorining 10 foizidan oshmasligi kerak.

(3) 2-bandning qoidalariga qaramay, foizlar ular hosil boʻladigan oʻsha Ahdlashuvchi Davlatda soliqdan ozod etilishi mumkin, agar bu:

a) boshqa Ahdlashuvchi Davlat yoki uning mahalliy hokimiyat organlariga toʻlanayotgan foizlar boʻlsa;

b) tijorat qarz talablariga, jumladan korxona tomonidan taqdim etiladigan tovarlar, buyumlar yoki xizmatlar uchun muddati uzaytirilgan toʻlovlardan kelib chiqadigan qarz talablariga taalluqli foizlar boʻlsa;

s) barpo etilgan, kafolatlangan yoki sugʻurta qilingan qarzga nisbatan yoki maqsadi eksportga yordamlashishdan iborat boʻlgan jamoat tashkilotlari tomonidan muddati uzaytirilgan, kafolatlangan yoki sugʻurta qilingan zayomga nisbatan toʻlanadigan foizlar boʻlsa.

(4) “Foizlar” atamasi ushbu moddada qoʻllanganda ipoteka taʼminotidan va qarzdorning foydalarida ishtirok etish huquqidan qatʼi nazar har qanday turdagi qarz majburiyatlaridan olinadigan daromadni va xususan hukumat qimmatbaho qogʻozlaridan olinadigan daromad va obligatsiya yoki qarz majburiyatlaridan olinadigan daromaddan, jumladan ana shu qimmatbaho qogʻozlar, obligatsiya yoki qarz majburiyatlari boʻyicha olinadigan mukofot va yutuqlarni anglatadi. Toʻlov muddati choʻzib yuborilganligi uchun qoʻllaniladigan jarimalar ushbu modda maqsadlari uchun foizlar sifatida qaralmaydi.

(5) Agar foizlarning haqiqiy egasi Ahdlashuvchi Davlat rezidenti boʻla turib foizlar hosil boʻlayotgan boshqa Ahdlashuvchi Davlatda u yerda joylashgan doimiy muassasa orqali tijorat faoliyati olib borayotgan boʻlsa yoki ushbu boshqa Davlatda joylashgan doimiy baza orqali mustaqil shaxsiy xizmatlar koʻrsatayotgan boʻlsa va foizlar toʻlanayotgan qarz majburiyatlari shunday doimiy muassasa yoki doimiy baza bilan haqiqatan ham bogʻliq boʻlsa, 1-, 2- va 3-band qoidalari qoʻllanmaydi. Bunday holda, vaziyatga qarab 7- yoki 14-moddalarning qoidalari qoʻllanadi.

(6) Agar toʻlovchi bilan amalda foizlar olish huquqiga ega boʻlgan shaxs oʻrtasidagi, yoki ular ikkalasi va qandaydir boshqa shaxs oʻrtasidagi alohida munosabatlar oqibatida qarz talablariga nisbatan toʻlanadigan foizlar miqdori toʻlovchi bilan amalda foizlar olish huquqiga ega boʻlgan shaxs oʻrtasida, bunday munosabatlar yoʻq boʻlgan taqdirdagidek kelishilishi mumkin boʻlgan miqdordan ortiq boʻlsa, ushbu modda qoidalari faqat oxirgi eslatilgan miqdorga nisbatan qoʻllaniladi. Bunday holda toʻlovning ortiqcha qismi ushbu Konvensiyaning boshqa qoidalarini inobatga olgan holda, har bir Ahdlashuvchi Davlat qonunchiligiga muvofiq avvalgidek soliqqa tortiladi.

(1) Ahdlashuvchi Davlatlarning birida hosil boʻladigan va boshqa Ahdlashuvchi Davlatning rezidentiga toʻlanadigan royaltilar, agar bu rezident royaltining haqiqiy egasi boʻlsa, ana shu boshqa Davlatda soliqqa tortilishi mumkin.

(2) Biroq, bunday royaltilar, shuningdek ular hosil boʻlgan oʻsha Ahdlashuvchi Davlatda va shu Davlat qonunlariga muvofiq ham soliqqa tortilishi mumkin, ammo agar royaltining haqiqiy egasi boshqa Ahdlashuvchi Davlat rezidenti boʻlsa, soliq royaltilar yalpi miqdorining 5 foizidan oshib ketmasligi lozim.

(3) “Royalti” atamasidan ushbu moddada foydalanilganda adabiyot, sanʼat yoki fan asarlariga, shu jumladan kinofilmlarga har qanday patent, savdo belgisi, dizayn yoki andoza, reja, maxfiy formula yoki jarayonga, yoxud sanoat, tijorat yoki ilmiy tajribaga nisbatan axborotga boʻlgan har qanday mualliflik huquqidan foydalanishi yoki foydalanish huquqi uchun taqdirlash haqi sifatida olinadigan har qanday turdagi toʻlovlarni bildiradi.

(4) Agar royaltining haqiqiy egasi Ahdlashuvchi Davlat rezidenti boʻla turib, royalti hosil boʻlayotgan boshqa Ahdlashuvchi Davlatda u yerda joylashgan doimiy muassasa orqali tijorat faoliyati olib borayotgan boʻlsa, yoki ushbu boshqa Davlatda joylashgan doimiy baza orqali mustaqil shaxsiy xizmatlar koʻrsatayotgan boʻlsa va royalti toʻlanayotgan huquq yoki mulk amalda shunday doimiy muassasa yoki doimiy bazaga haqiqatan bogʻliq boʻlsa, 1- va 2-bandlarning qoidalari qoʻllanmaydi. Bunday holda, 7-modda yoki 14-moddalarning qoidalari vaziyatga qarab qoʻllanadi.

(5) Agar toʻlovchi bilan amalda royalti olish huquqiga ega shaxs oʻrtasidagi yoki ularning ikkalasi va boshqa biron-bir shaxs oʻrtasidagi alohida munosabatlar oqibatida royaltidan foydalanishga, foydalanish huquqiga yoki axborot uchun toʻlanadigan royaltining miqdori, toʻlovchi va amalda shu daromadlar huquqiga ega shaxs oʻrtasida kelishilishi mumkin boʻlgan miqdordan oshiq boʻlsa, bunday munosabatlar yoʻq boʻlgan taqdirda, ushbu modda qoidalari faqat oxirgi eslatilgan miqdorga nisbatan qoʻllanadi. Bunday holda, toʻlovning ortiqcha qismi ushbu Konvensiyaning boshqa qoidalarini inobatga olib, har bir Ahdlashuvchi Davlat qonunchiligiga muvofiq avvalgidek soliqqa tortiladi.

(1) Davlatlardan biri rezidentining 6-moddada eslatib oʻtilgan va boshqa Davlatda joylashgan koʻchmas mol-mulkni begonalashtirishdan oladigan daromadlari ana shu boshqa Ahdlashuvchi Davlatda soliqqa tortilishi mumkin.

(2) Davlat korxonasining boshqa Davlatda ega boʻlgan doimiy muassasasi tijorat mulkining bir qismini tashkil etuvchi koʻchar mol-mulkni begonalashtirishdan olgan yoki Davlat rezidentining boshqa Davlatda mustaqil shaxsiy xizmatlarni amalga oshirishida bemalol foydalanishi mumkin boʻlgan doimiy bazaga taalluqli koʻchar mol-mulkni begonalashtirishdan olgan, unga shu doimiy muassasani (alohida yoki korxona bilan birgalikda) yoki shunday doimiy bazani begonalashtirishdan olgan daromadini qoʻshgan holda, ana shu boshqa Davlatda soliqqa tortilishi mumkin.

(3) Davlat korxonasi tomonidan xalqaro tashishlarda foydalaniladigan kema yoki samolyotlarni yoki shunday kema yoki samolyotlardan foydalanishga taalluqli koʻchar mol-mulkni begonalashtirishdan olingan daromadlar faqat shu Davlatda soliqqa tortiladi.

(4) 1-, 2- va 3-bandlarda sanab oʻtilmagan boshqa har qanday mol-mulkni begonalashtirishdan olingan daromadlar faqat mulkni begonalashtiruvchi shaxs rezident boʻlgan oʻsha Davlatda soliqqa tortiladi.

(1) Ahdlashuvchi Davlatlardan biri rezidentining kasbiy xizmatlarni koʻrsatish yoki mustaqil tusdagi boshqa shunga oʻxshash xizmatlarni koʻrsatishdan olgan daromadi faqat shu Davlatda soliqqa tortiladi. Bunday daromadni boshqa Ahdlashuvchi Davlatda soliqqa tortilishi mumkin boʻlgan ushbu daromadga boshqa Ahdlashuvchi Davlatda ham soliqqa tortilishi mumkin boʻlgan quyidagi hollar bundan mustasnodir:

a) agar u oʻz faoliyatini amalga oshirishda boshqa Ahdlashuvchi Davlatda oʻzi uchun muntazam qulay boʻlgan doimiy bazaga ega boʻlsa; bunday holda daromad ana shu boshqa Davlatda faqat ana shu doimiy bazaga taalluqli boʻlgan qismigina soliqqa tortilishi mumkin; yoki

b) agar uning boshqa Ahdlashuvchi Davlatda boʻlishi koʻrib chiqilayotgan taqvimiy yilda boshlanadigan yoki tugallanadigan har qanday 12 oylik davr doirasida jami 183 kundan iborat boʻlgan yoki oshadigan davr yoki davrlar mobaynida davom etsa; bunday holda ushbu boshqa Davlatda koʻrib chiqilayotgan yilda uning amalga oshirilgan faoliyatdan olinadigan daromad qismigina soliqqa tortilishi mumkin.

(2) “Kasbiy xizmatlar” atamasi, xususan mustaqil ilmiy, adabiy, artistlik, maʼrifiy yoki oʻqituvchilik faoliyatlarini, shuningdek vrachlar, yuristlar, muhandislar, meʼmorlar, stomatologlar va buxgalterlarning mustaqil faoliyatini oʻz ichiga oladi.

(1) Ushbu Konvensiyaning 16-, 18-, va 19- va 20-moddalari qoidalariga muvofiq, Davlat rezidentining yollanma ish boʻyicha oladigan maoshi, ish haqi va shunga oʻxshash boshqa taqdirlash haqlari, agar yollanma ish boshqa Ahdlashuvchi Davlatda amalga oshirilmayotgan boʻlsa, faqat mana shu Davlatda soliqqa tortiladi. Agar yollanma ish shu tariqa bajarilayotgan boʻlsa, unda shu munosabat bilan olingan taqdirlash haqlari ana shu boshqa Davlatda soliqqa tortilishi mumkin.

(2) 1-band qoidalariga qaramay, bir Davlat rezidentining boshqa Ahdlashuvchi Davlatda amalga oshiradigan yollanma ish boʻyicha oladigan taqdirlash haqlari faqat birinchi eslatilgan Davlatda soliqqa tortiladi, agar:

a) oluvchi, boshqa Davlatda koʻrib chiqilayotgan soliq yilda boshlanadigan yoki tugaydigan har qanday 12 oylik davr doirasida jami 183 kundan oshmaydigan davr yoki davrlar mobaynida boʻlib tursa; va

b) taqdirlash haqlari boshqa Davlat rezidenti boʻlmagan yollovchi tomonidan yoki yollovchi nomidan toʻlansa, va

s) taqdirlash haqlarini yollovchi boshqa Davlatda ega boʻlgan muassasa yoki doimiy baza oʻz zimmasiga olmasa.

(3) 1- va 2-bandlarning qoidalariga qaramay, Davlat korxonasi tomonidan xalqaro yuk tashishlarda foydalaniladigan dengiz yoki havo kemasi bortida amalga oshiriladigan yollash boʻyicha ish uchun olinadigan taqdirlash haqlari shu Davlatda soliqqa tortilishi mumkin.

Bir Ahdlashuvchi Davlat rezidenti tomonidan boshqa Ahdlashuvchi Davlat rezidenti boʻlgan kompaniya Direktorlar Kengashining aʼzosi sifatida olinadigan Direktorlar gonorarlari va boshqa shu kabi toʻlovlar ana shu boshqa Davlatda soliqqa tortilishi mumkin.

(1) 7-, 14- va 15-moddalarning qoidalariga qaramay, bir Ahdlashuvchi Davlat rezidenti tomonidan boshqa Davlatda teatr, kino, radio yoki televideniye artisti yoki musiqachi kabi sanʼat xodimi sifatida yoki sportchi sifatida uning shaxsiy faoliyatidan olinadigan daromadlar ana shu boshqa Ahdlashuvchi Davlatda soliqqa tortilishi mumkin.

(2) Sanʼat xodimi yoki sportchi tomonidan amalga oshirilayotgan Shaxsiy faoliyatga nisbatan boʻlgan sanʼat xodimi yoki sportchining oʻziga emas, boshqa shaxsga yozilsa, ushbu daromad 7-, 14- va 15-moddalarning qoidalariga qaramay, sanʼat xodimi yoki sportchining shunday faoliyati amalga oshirilayotgan oʻsha Ahdlashuvchi Davlatda soliqqa tortilishi mumkin.

(3) Agar sanʼat xodimi yoki sportchining Davlatlarning birida amalga oshiradigan faoliyati asosan bir yoki har ikkala Davlatning davlat jamgʻarmalari, yoki ularning mahalliy hokimiyatlari hisobidan amalga oshirilsa, 1- va 2-bandlarning qoidalari qoʻllanmaydi. Bunday holda, daromad faqat sanʼat xodimi yoki sportchi rezident boʻlgan oʻsha Davlatda soliqqa tortiladi.

19-moddaning 2-bandi qoidalariga muvofiq, Ahdlashuvchi Davlatning rezidentiga uning ilgarigi yollanma ishi uchun tovon sifatida toʻlanadigan nafaqalar va boshqa shu singari ragʻbatlantirish pullariga faqat shu Davlatda soliq solinadi.

(1) a) Bir Davlat yoki uning mahalliy hokimiyati tomonidan jismoniy shaxsga ana shu Davlat yoki mahalliy hokimiyat uchun koʻrsatgan xizmatiga nisbatan toʻlanadigan maosh, ish haqi va shunga oʻxshash taqdirlash haqlari (nafaqadan tashqari) faqat ana shu Davlatda soliqqa tortilishi mumkin.

b) Biroq bunday maosh, ish haqi va boshqa shu kabi taqdirlash haqlari faqat boshqa Ahdlashuvchi Davlatda soliqqa tortiladi, agar xizmatlar ana shu Davlatda amalga oshirilsa va jismoniy shaxs shu Davlatning rezidenti boʻlib:

(i) ana shu Davlatning milliy shaxsi boʻlsa

yoki

(ii) faqat xizmatlarni amalga oshirish maqsadida shu Davlatning rezidenti boʻlgan boʻlmasa.

(2) a) Ahdlashuvchi Davlat yoki mahalliy hokimiyat organi yoki ular tomonidan tashkil etilgan jamgʻarmalar tomonidan ana shu Davlatga yoki mahalliy hokimiyat organlariga koʻrsatgan xizmatlariga nisbatan har qanday jismoniy shaxsga toʻlanadigan har qanday nafaqa faqat ana shu Davlatda soliqqa tortiladi.

b) Biroq, agar jismoniy shaxs shu Davlatning rezidenti va milliy shaxsi boʻlsa, bunday nafaqa faqat boshqa Ahdlashuvchi Davlatda soliqqa tortilishi mumkin.

(3) 15-, 16-, 17- va 18-moddalarning qoidalari Davlat yoki uning mahalliy hokimiyatlari amalga oshiradigan tadbirkorlik faoliyati munosabati bilan koʻrsatiladigan xizmatlarga nisbatan toʻlanadigan maosh, ish haqi va boshqa shu kabi taqdirlash haqlari va nafaqalarga nisbatan qoʻllanadi.

(1) Ahdlashuvchi Davlatlardan biriga kelgunga qadar bevosita boshqa Davlatning rezidenti hisoblanib turgan yoki boʻlgan va birinchi eslatilgan Davlatda faqatgina oʻqish yoki maʼlumot olish maqsadidagina yashab turgan talaba yoki stajyorning yashashi, oʻqishi va maʼlumot olishi uchun moʻljallangan toʻlovlar, bunday toʻlovlar shu Davlat hududidan tashqaridagi manbalardan paydo boʻlgan hollarda mana shu Davlatda soliqqa tortilmaydi.

(2) Ahdlashuvchi Davlatning rezidenti boʻlib turgan va avval boʻlgan talaba yoki amaliyotchining boshqa Davlatda koʻrib chiqilayotgan moliya yili mobaynida jami 183 kundan oshmaydigan davr yoki davrlar mobaynida u tomonidan amalga oshirilgan yollash boʻyicha ishga nisbatan oladigan taqdirlash haqlari ana shu boshqa Davlatda soliqqa tortilmasligi lozim, agar yollash boʻyicha ish birinchi eslatib oʻtilgan oʻqish yoki amaliyot bilan toʻgʻridan toʻgʻribogʻliq boʻlsa.

(1) Ahdlashuvchi Davlat rezidentining ushbu Konvensiyaning oldingi moddalarida aytib oʻtilmagan daromad turlari daromadlarning qayerda paydo boʻlishidan qatʼi nazar, faqat ana shu Davlatda soliqqa tortiladi.

(2) 6-moddaning 2-bandida belgilangan koʻchmas mulkdan olingan daromad hisoblanmaydigan daromadga nisbatan 1-bandining qoidalari qoʻllanilmaydi, agarda bunday daromadni oluvchi Davlat rezidenti boʻla turib boshqa Davlatda joylashgan doimiy muassasa orqali faoliyatini amalga oshirayotgan boʻlsa yoki u yerda joylashgan doimiy bazadan mustaqil shaxsiy xizmatlarni amalga oshirayotgan boʻlsa va daromad toʻlanadigan huquq yoki mulk haqiqatan ham bunday doimiy muassasa yoki baza bilan bogʻlangan boʻlsa. Bu holatda, vaziyatga qarab 7-modda yoki 14-moddalarning qoidalari qoʻllaniladi.

(1) 6-moddada eslatib oʻtilgan koʻchmas mulkdan iborat boʻlgan, Ahdlashuvchi Davlatlardan birining rezidentiga tegishli boʻlgan va boshqa Davlatda joylashgan mulk ana shu boshqa Davlatda soliqqa tortilishi mumkin.

(2) Koʻchar mulkdan iborat boʻlib bir Davlat korxonasining boshqa Davlatda ega boʻlgan doimiy muassasasi tijorat mulkining bir qismini tashkil etgan yoki Davlatlardan birining boshqa Ahdlashuvchi Davlatda mustaqil shaxsiy xizmatlar koʻrsatish maqsadida unga qulay boʻlgan doimiy baza bilan bogʻliq boʻlgan koʻchar mulkdan iborat boʻlgan mulk ana shu boshqa Davlatda soliqqa tortilishi mumkin.

(3) Davlat korxonasi tomonidan xalqaro yuk tashishlarda foydalaniladigan kema yoki samolyotlardan iborat boʻlgan, yoki shunday kema yoki samolyotlardan foydalanishga taalluqli boʻlgan koʻchar mulkdan iborat mulk faqat ana shu Davlatda soliqqa tortiladi.

(4) Davlat rezidenti mol-mulkining boshqa barcha elementlari faqat shu Davlatda soliqqa tortiladi.

(1) Davlatlardan birining rezidenti ushbu Konvensiya qoidalariga muvofiq boshqa Davlatda soliqqa tortilishi mumkin boʻlgan daromad olsa yoki mol-mulkka egalik qilsa, ushbu moddaning 2-, 3- va 4-bandlari qoidalariga muvofiq, birinchi eslatib oʻtilgan Davlat bunday daromad yoki mol-mulkni soliqqa tortishdan ozod qilishi kerak.

(2) Davlatlardan birining rezidenti 10-, 11- va 12-moddalarning qoidalariga muvofiq, boshqa Davlatda soliqqa tortilishi mumkin boʻlgan daromad turlarini olsa, unda birinchi eslatib oʻtilgan Davlat ana shu rezidentning daromad soligʻidan shu boshqa Davlatda toʻlangan soliqqa teng miqdorni chegirib tashlashga imkon berishi kerak. Biroq bunday chegirib tashlash ana shu boshqa Davlatda olinadigan shunday daromad turlariga kiritilishi mumkin boʻlgan soliqning chegirib tashlangunga qadar hisoblangan qismidan oshmasligi kerak.

(3) 10-modda 2-bandining (b) kichik bandida eslatib oʻtilgan va Davlatlardan birining rezidenti boʻlgan kompaniyaning boshqa Davlat rezidenti boʻlgan kompaniyaga toʻlaydigan dividendlari ana shu boshqa Davlatda shu Davlatning ichki qonunchilikning tegishli qoidalariga muvofiq, biroq eng kam xoldingdan har qanday ogʻishlarga nisbatan ana shu qonun talablaridan qatʼi nazar, soliqqa tortishdan ozod qilinishi kerak.

(4) Qachonki, ushbu Konvensiyaning biron-bir qoidasiga muvofiq, Davlat rezidenti ega boʻlgan daromad yoki mol-mulk ana shu Davlatda soliqqa tortishdan ozod qilinadi, bu Davlat ana shu rezidentning daromadi yoki mol-mulkining qolgan qismiga soliq miqdorini hisoblashda daromad yoki mol-mulkka solingan soliqdan chiqarib tashlangan hisobga olishi mumkin.

(5) Ahdlashuvchi Davlatlardan birining rezidenti oladigan va shu Davlat tomonidan ushbu Konvensiyaga koʻra boshqa Davlatda soliq solinishi kerak deb hisoblanadigan daromad birinchi eslatilgan Davlatda soliqqa tortilishi mumkin, agar ikki tomonlama kelishuv tadbirlari oʻtkazilganidan keyin boshqa Davlat bu daromadni ushbu Konvensiyaga muvofiq soliqqa tortishdan ozod qilsa.

(1) Ahdlashuvchi Davlatlardan birining milliy shaxslari, boshqa Ahdlashuvchi Davlatda, ana shu boshqa Davlat milliy shaxslariga nisbatan ayni bir xil sharoitlarda solinadigan yoki solinishi mumkin boʻlgandan ortiq har qanday soliq yoki unga aloqador majburiyatlarga, soliq solishdan koʻra mushkulroq yoki unga aloqador holatlarga duchor qilinmaydilar. Bu qoida, 1-modda qoidalaridan qatʼi nazar, bir yoki har ikkala Ahdlashuvchi Davlatning rezidentlari boʻlmagan jismoniy shaxslarga nisbatan ham qoʻllanadi.

(2) Ahdlashuvchi Davlatlardan biri korxonasining boshqa Ahdlashuvchi Davlatda ega boʻlgan doimiy muassasasini soliqqa tortish ushbu boshqa Davlatda aynan shunday faoliyatni amalga oshiruvchi ana shu boshqa Davlat korxonalarini soliqqa tortishdan koʻra yomonroq boʻlmaydi. Ushbu qoida bir Ahdlashuvchi Davlatni boshqa Ahdlashuvchi Davlat rezidentiga soliq solish maqsadlarida Oʻz rezidentlariga ularning fuqarolik mavqei yoki oilaviy majburiyatlari asosida beradigan har qanday xususiy imtiyozlar, ozod qilish yoki chegirmalar berishga majburlovchi tarzda talqin qilinmasligi lozim.

(3) Qachonki, ushbu Konvensiya 9-moddasining 1-bandi, 11-moddasining 6-bandi yoki 12-moddasining 5-bandi qoidalari qoʻllanganidan tashqari hollarda, Davlat korxonasi tomonidan boshqa Ahdlashuvchi Davlat rezidentiga toʻlanadigan foizlar, royaltilar va boshqa qarz toʻlovlari shunday korxonaning soliqqa tortiladigan daromadini aniqlashda, agar ular birinchi eslatilgan Davlat rezidentiga toʻlanishi mumkin boʻlganida qoʻllaniladigan shunday sharoitlarda chegirib tashlanadi. Shunga oʻxshash, Ahdlashuvchi Davlatlardan biri korxonasining boshqa Ahdlashuvchi Davlat rezidentiga boʻlgan har qanday qarzlari, shu korxonaning soliqqa tortiladigan mol-mulkini aniqlash maqsadida agar ular ushbu Bitim boʻyicha birinchi eslatilgan Davlat rezidentiga tegishli boʻlishi mumkin boʻlganida qoʻllanadigan shartlar asosida chegirib tashlanishi kerak.

(4) Bir Ahdlashuvchi Davlat korxonasining mol-mulki toʻliq yoki qisman boshqa Ahdlashuvchi Davlatning bir yoki bir necha rezidentlariga tegishli boʻlsa, yoki ular tomonidan bevosita yoki bilvosita nazorat qilinsa, birinchi eslatilgan Ahdlashuvchi Davlatda, birinchi eslatilgan Davlatning shunday korxonalariga solinadigan har qanday soliq yoki unga aloqador holatlarga, boshqa yoki soliqqa tortishdan koʻra mushkulroq holatlarga duchor qilinmaydi.

(5) Ushbu moddaning qoidalari 2-modda qoidalariga qaramay, turli xil va taʼrifdagi soliqlarga nisbatan qoʻllaniladi.

(1) Agar shaxs Ahdlashuvchi Davlatlardan biri yoki har ikkalasining harakati unga ushbu Konvensiya qoidalariga muvofiq kelmaydigan soliq solinishiga olib keladi yoki olib kelishi mumkin, deb hisoblasa, u ushbu Davlatlarning ichki qonunchiligida nazarda tutilgan himoya vositalaridan qatʼi nazar, oʻz arizasini oʻzi rezident boʻlgan Ahdlashuvchi Davlatning vakolatli organiga, yoki agarda uning holati ushbu Konvensiyaning 24-moddasi 1-bandiga muvofiq kelsa, oʻzi milliy shaxsi boʻlgan Davlatga taqdim etishi mumkin. Bu ariza ushbu Konvensiya qoidalariga nomuvofiq soliqqa tortilishiga olib keluvchi harakatlar toʻgʻrisida birinchi bor bildirilgan vaqtdan boshlab uch yil mobaynida berilishi kerak.

(2) Vakolatli organ uning arizasini asosli deb topsa va uning oʻzi qoniqtiradigan qarorga kela olmasa, masalani ushbu Konvensiyaga muvofiq kelmaydigan soliqqa tortilishdan qochish maqsadlarida boshqa Ahdlashuvchi Davlatning vakolatli organi bilan oʻzaro kelishib hal etishga harakat qiladi. Erishilgan har qanday kelishuv Ahdlashuvchi Davlatlar ichki qonunlaridagi har qanday vaqtincha cheklashlarga qaramay bajariladi.

(3) Ahdlashuvchi Davlatlarning vakolatli organlari Konvensiyani talqin qilish yoki qoʻllashda yuzaga keladigan har qanday qiyinchilik va ikkilanishlarni oʻzaro kelishuv asosida hal qilishga harakat qiladilar. Ular Konvensiya koʻzda tutilmagan hollarda ikki yoqlama soliqqa tortishni bartaraf etish maqsadida ham bir-birlari bilan maslahatlashishlari mumkin.

(4) Ahdlashuvchi Davlatlarning vakolatli organlari avvalgi qoidalari maʼnosi xususida kelishuvga erishish maqsadida bir-birlari bilan bevosita muloqotga kirishishlari mumkin. Agar kelishuvga erishish uchun ogʻzaki fikr almashuv maqsadga muvofiq boʻlsa, bunday fikr almashuv Ahdlashuvchi Davlatlar vakolatli organlari vakillaridan iborat komissiya majlislari doirasida oʻtkazilishi mumkin.

(1) Ahdlashuvchi Davlatlarning vakolatli organlari ushbu Konvensiya qoidalarining qoʻllanishi uchun ushbu Konvensiya tatbiq etiladigan Ahdlashuvchi Davlatlarning soliqlarga tegishli ichki qonunlarini, bu qonunlardan ushbu Konvensiyaga zid kelmaydigan darajada foydalanish uchun zarur axborotlar almashib turadilar. Axborot almashish 1-modda bilan cheklanmaydi. Ahdlashuvchi Davlat tomonidan olinayotgan har qanday axborot, ushbu Davlatning ichki qonunlariga muvofiq olingan axborot kabi maxfiy hisoblanadi hamda faqat aniqlash, undirish, majburiy undirish, sud orqali taʼqib etish bilan bogʻliq yoki Konvensiya taalluqli boʻlgan soliqlarga nisbatan appelyatsiyalarni koʻrib chiquvchi shaxslar va organlargagina (sudlar va maʼmuriy organlarga ham) ochiladi. Bu shaxslar yoki organlar axborotdan faqat shunday maqsadlarda foydalanadilar. Ular ushbu axborotni ochiq sud majlisida yoki yuridik qarorlar qabul qilish chogʻida ochishlari mumkin.

(2) Hech qanday holatda ham 1-band qoidalari har bir Ahdlashuvchi Davlatning vakolatli organlarini quyidagilarga majburlovchi tarzda talqin qilinmaydi:

a) u yoki bu Ahdlashuvchi Davlat qonunchiligi yoki maʼmuriy amaliyotiga zid maʼmuriy choralar koʻrish;

b) u yoki bu Ahdlashuvchi Davlat qonunchiligiga binoan yoki odatdagi maʼmuriy amaliyotga muvofiq olinishi mumkin boʻlmagan axborotni taqdim etish;

s) savdo, sanoat, tijorat yoki xizmat siri yoki savdo jarayonini fosh etuvchi axborotni yoki ochilishi davlat siyosatiga zid keluvchi axborotni taqdim etish.

Ushbu Konvensiyaning hech bir qoidasi diplomatik vakolatxona xodimlari yoki konsullik muassasalari xodimlarining xalqaro huquqning umumiy meʼyorlariga yoki maxsus bitimlar qoidalariga muvofiq belgilab qoʻyilgan soliq imtiyozlariga daxl qilmaydi.

(1) Ushbu Konvensiya ratifikatsiya qilinadi va ratifikatsiya qilingan hujjatlar iloji boricha qisqa muddatda Venada oʻzaro almashinadi.

(2) Konvensiya ratifikatsiya qilingan hujjatlar almashingan kundan keyingi uchinchi oyning birinchi kunida kuchga kiradi va uning qoidalari ratifikatsiya qilingan hujjatlar almashingan taqvimiy yilning 31-dekabridan keyin boshlanadigan har qanday moliya yilidagi soliqlarga nisbatan amal qiladi.

Ushbu Konvensiya Ahdlashuvchi Davlatlardan biri uning amal qilishini toʻxtatgunigacha oʻz kuchida qoladi. Davlatlardan har biri boshqa Ahdlashuvchi Davlatga diplomatik kanallar orqali Konvensiyaning amal qilishini toʻxtatish toʻgʻrisida Konvensiya kuchga kirgan kundan boshlab besh yil oʻtgandan keyingi har qanday taqvimiy yilning 30-iyunida yoki oʻsha kungacha xabarnoma yuborish orqali toʻxtatishi mumkin. Bunday holda uning amal qilishini toʻxtatish toʻgʻrisidagi xabarnoma berilgan oʻsha taqvimiy yilning 31-dekabridan keyin boshlanadigan har qanday moliya yilidagi soliqlarga nisbatan toʻxtatiladi.

Oʻzlarining tegishli hukumatlari tomonidan lozim tartibda vakolat berilgan quyidagi imzo chekuvchilar shunga guvohlik berib, ushbu Konvensiyani imzoladilar.

Toshkent shahrida 2000-yil 14-iyunda ikki nusxada, har biri oʻzbek, olmon va ingliz tillarida tuzildi, bunda barcha matnlar bir xil kuchga ega, Ushbu Konvensiyani talqin qilishda tafovutlar yuzaga chiqsa, ingliz tilidagi matn ustun kuchga ega deb hisoblanadi.