O‘zbekiston Respublikasi Hukumati va Quvayt Davlati Hukumati, bundan keyin Tomonlar deb ataluvchilar,

barqaror rivojlanish uchun atrof-muhit muhofazasini yaxshilash va tabiiy resurslarni saqlash hamda xalqaro va mintaqaviy tashkilotlardagi barqaror rivojlanish g‘oyasini mustahkamlash sohasida hamkorlik qilish istagida,

hamda Tomonlarning xalqaro va mintaqaviy konferensiya va uchrashuvlarda atrof-muhit muhofazasi masalalari bo‘yicha ishlarining muvofiqlashtiruvi zaruratini anglagan holda, shuningdek ular o‘rtalarida tabiatni muhofaza qilish hamkorligini rivojlantirish maqsadida,

ikkala Tomon barqaror rivojlanish maqsadida, atrof-muhitni muhofaza qilish va tabiiy resurslarni saqlash sohasida hamkorlik qilish istagini bildirgan holda,

Tomonlar o‘zaro manfaatdorlik asosida barqaror rivojlanish uchun atrof-muhitni muhofaza qilish va tabiiy resurslarni saqlash sohasida hamkorlikni mustahkamlaydi va rivojlantiradilar.

Tomonlar o‘rtasidagi hamkorlik quyidagi sohalarda amalga oshiriladi:

1. Atrof-muhit ifloslanishini oldini olish va bartaraf etish hamda chiqindilarni boshqarish;

2. Loyihalarni ishlab chiqishda atrof-muhitga ta’sirni baholash;

3. Atrof-muhit muhofazasi va tabiiy resurslardan oqilona foydalanish sohasida ma’lumot va tajriba almashish;

4. Tabiat qo‘riqxonalarini boshqarish;

5. Ekologik indikatorlar va barqaror rivojlanish indikatorlari;

6. Aholi punktlarida atrof-muhit holatini yaxshilash;

7. Qurg‘oqchilik hamda yerlar tanazzuliga qarshi kurash;

8. Ekologik turizm;

9. Suv resurslarini muhofaza qilish;

10. Atrof-muhit muhofazasi hamda tabiiy resurslarni saqlab qolish sohasidagi sanoat va texnologiyalarni rivojlantirish.

Tomonlar maxfiy bo‘lmagan ekologik ma’lumotlar, hujjatlar va davriy nashrlar bilan almashinadilar.

Tomonlar mazkur Anglashuv memorandumida nazarda tutilgan hamkorlikning muayyan masalalari bo‘yicha faoliyatni baholash uchun batafsil ishchi dasturlarini birgalikda ishlab chiqadilar.

Tomonlar ekspertlar va mutaxassislar almashinuvini delegatsiyalar va o‘quv kurslari shaklida mazkur Anglashuv memorandumining 4-moddasida nazarda tutilgan holda amalga oshiradilar.

Tomonlar mazkur Anglashuv memorandumi dasturini bajarish bo‘yicha muvofiqlashtiruvchilarni vaqt-vaqti bilan o‘tkaziladigan o‘zaro almashinuv uchrashuvlari orqali tayinlashlari lozim.

1. Mazkur Anglashuv memorandumi Tomonlardan birining boshqa Tomonni ushbu Anglashuv memorandumining kuchga kirishi uchun zarur bo‘lgan davlat ichki protseduralarni bajarganligi to‘g‘risida diplomatik kanallar orqali so‘nggi yozma xabarnomani olgan kundan boshlab kuchga kiradi.

2. Tomonlarning kelishuviga ko‘ra, ushbu Anglashuv memorandumiga uning ajralmas qismi hisoblanadigan alohida protokollar bilan rasmiylashtiriladigan o‘zgartish hamda qo‘shimchalar kiritilishi mumkin va mazkur protokollar ushbu moddaning 1-bandida belgilangan tartibda kuchga kiradi.

3. Mazkur Anglashuv memorandumi besh yil muddatga tuziladi va uning amal qilish muddati agar Tomonlardan biri uning amal qilish muddatini to‘xtatish niyati haqida ushbu Anglashuv memorandumining navbatdagi amal qilish muddati tugashidan kamida olti oy avval yozma ravishda xabar qilmasa, ushbu Anglashuv memorandumi keyingi bir yillik yoki besh yillik muddatlarga o‘z-o‘zidan uzaytiriladi.

Toshkent shahrida 2008-yil 21-iyulda ikki asl nusxada har biri o‘zbek, arab va ingliz tillarida tuzildi, bunda barcha matnlar bir xil kuchga ega.

Mazkur Anglashuv memorandumi qoidalarini talqin qilishda kelishmovchiliklar yuzaga kelgan holda, ingliz tilidagi matn asos sifatida qabul qilinadi.