O‘zbekiston Respublikasi Prezidentining “O‘zbekiston Respublikasi Vazirlar Mahkamasining ijro etuvchi tuzilmasini qisman o‘zgartirish to‘g‘risida” 2011-yil 24-oktabrdagi PQ-1630-son qaroriga hamda “O‘zbekiston Respublikasi Vazirlar Mahkamasining tuzilmasiga o‘zgartishlar kiritish to‘g‘risida” 2012-yil 13-yanvardagi PQ-1686-son qaroriga muvofiq:

1. O‘zbekiston Respublikasi Prezidentining ayrim hujjatlariga ilovaga muvofiq o‘zgartishlar va qo‘shimcha kiritilsin.

2. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.

2. O‘zbekiston Respublikasi Prezidentining “Osiyo taraqqiyot banki ishtirokida “Qashqadaryo va Navoiy viloyatlari qishloq aholi punktlarining suv ta’minoti va sanitariyasi” loyihasini amalga oshirish chora-tadbirlari to‘g‘risida” 2007-yil 8-yanvardagi PQ-555-son qarorining 4-ilovasidagi “Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti” so‘zlari “Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamenti” so‘zlari bilan almashtirilsin.

5. O‘zbekiston Respublikasi Prezidentining 2008-yil 24-iyuldagi PQ-927-son qarori bilan tasdiqlangan xorijiy investitsiyalar va kreditlarni jalb etish hamda o‘zlashtirish tartibi to‘g‘risidagi nizomning:

a) 4-bandida:

“i” kichik bandi quyidagi tahrirda bayon etilsin:

“i) Vazirlar Mahkamasining Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamenti quyidagilarni amalga oshiradi:

kiritiladigan Investitsiya dasturlari, tarmoqlar va hududlarni rivojlantirish dasturlari loyihalarini har tomonlama tahlil qilish va ekspertizadan o‘tkazish, shu jumladan ularni amalga oshirishning ehtimol tutilgan oqibatlarini kompleks baholash;

Vazirlar Mahkamasining tegishli axborot-tahlil departamentlari bilan hamkorlikda xorijiy investorlar va kreditorlarning takliflari, loyihalarni amalga oshirishning samarador va eng maqbul sxemalarini tanlab olish bo‘yicha xulosalarni tayyorlash;

investitsiya loyihalari, shu jumladan Investitsiya dasturiga kiritilgan loyihalarni o‘z vaqtida tayyorlash hamda amalga oshirishni ta’minlash bo‘yicha boshqaruvchining ishchi organi—ofisi etib belgilangan Vazirlar Mahkamasining axborot-tahlil departamentlari, vazirliklar va idoralar, mahalliy davlat hokimiyati va boshqaruvi organlari faoliyatini muvofiqlashtirish;

Vazirlar Mahkamasining tegishli axborot-tahlil departamentlari bilan birgalikda aniq investitsiya loyihalari bo‘yicha Hukumat qarorlari loyihalarining kompleks ekspertizasini olib borish;

Investitsiya dasturi, tarmoq va hududiy rivojlantirish dasturlari amalga oshirilishining borishini monitoring qilish natijalarini umumlashtirish va kompleks tahlil qilish, shular asosida tasdiqlangan parametrlarga so‘zsiz erishish bo‘yicha takliflar va chora-tadbirlarni ishlab chiqish;

iqtisodiyotni modernizatsiyalash, ishlab chiqarishni texnik va texnologik qayta jihozlashning ustuvor loyihalarini amalga oshirish uchun xorijiy, birinchi navbatda — to‘g‘ridan-to‘g‘ri investitsiyalarni jalb etish bo‘yicha kompleks chora-tadbirlarni ishlab chiqish hamda amalga oshirishda qatnashish;

O‘zbekiston Respublikasidagi investitsiyaviy iqlim, jumladan, investitsiyalashning asosiy tartib-taomili masalalari, shuningdek taklif etilayotgan investitsiya hajmlari to‘g‘risida ehtimol tutilayotgan investorlarni axborot bilan ta’minlash bo‘yicha ishlarni muvofiqlashtirish;

xorijiy investorlar bilan investitsiyaviy shartnomalar tuzilishi va ularning shartlariga rioya qilinishi, moliyalashning o‘z vaqtida ochilishi hamda xorijiy investorlar va kreditorlar tomonidan qabul qilingan majburiyatlarning bajarilishi ustidan monitoring olib borish;

Vazirlar Mahkamasining tarkibiy bo‘linmalari bilan birgalikda alohida yirik va strategik muhim investitsiya loyihalarining TIA (TIR)larini, moliyalashtirish sxemalarini ko‘rib chiqish;

xorijiy investitsiyalar va kreditlarni jalb etish masalalari bo‘yicha, shuningdek hamkorlikning ustuvor va istiqbolli yo‘nalishlari bo‘yicha takliflarni ishlab chiqishda xalqaro moliya va iqtisodiyot institutlari hamda boshqa investorlar bilan hamkorlik qilish dasturlari ishlab chiqilishini muvofiqlashtirish”;

“i¹” kichik bandi chiqarib tashlansin;

b) 18-bandning beshinchi xatboshi quyidagi tahrirda bayon etilsin:

“Vazirlar Mahkamasining tegishli Axborot-tahlil departamenti Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamenti bilan kelishilgan holda kiritilgan hujjatlarga asosan Vazirlar Mahkamasining tegishli Axborot-tahlil departamentiga mutasaddilik qiluvchi Bosh vazir o‘rinbosari tomonidan tasdiqlanadigan qo‘shma xulosani tayyorlaydi”;

v) 30-band quyidagi tahrirda bayon etilsin:

“30. TIAISV har oyda ma’lumotlar bazasiga kiritilgan investitsiyaviy takliflar amalga oshirilishining borishi to‘g‘risida Vazirlar Mahkamasining Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamentiga axborot berib boradi.

Tasdiqlangan tarmoq jadvallaridan orqada qolish hollari yuz berganda TIAISV kechikish sabablarini hamda yo‘l qo‘yilgan kamchiliklarni bartaraf qilish takliflarini ko‘rsatgan holda axborot taqdim etadi. Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamenti Vazirlar Mahkamasining tegishli Axborot-tahlil departamentlari bilan birgalikda vujudga kelayotgan muammolarni hal etishga yo‘naltirilgan chora-tadbirlarni qabul qiladi”;

g) 32-bandning uchinchi xatboshi quyidagi tahrirda bayon etilsin:

“Vazirlar Mahkamasining Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamentiga davlatning tashqi qarzi hajmlari va geografiyasi to‘g‘risida belgilangan shakldagi ma’lumotni taqdim etadi”;

d) 33-bandning to‘rtinchi xatboshidagi va 35-bandning yettinchi xatboshidagi “iqtisodiyotdagi tarkibiy o‘zgartirishlar va” so‘zlari “tarkibiy o‘zgartirishlar, xorijiy investitsiyalarni jalb etish va” so‘zlari bilan almashtirilsin.

e) 36-band quyidagi tahrirda bayon etilsin:

“36. Har oyda zarur qarorlarni qabul qilish uchun tegishli Axborot-tahlil departamenti Vazirlar Mahkamasining Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamenti bilan birgalikda xorijiy investorlar va kreditorlarni jalb etgan holda investitsiya loyihalari amalga oshirilishining borishini monitoring qilish umumlashma natijalarini ko‘rib chiqish uchun Vazirlar Mahkamasining Prezidiumiga kiritadi”.

7. O‘zbekiston Respublikasi Prezidentining “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirishni chuqurlashtirishga doir qo‘shimcha chora-tadbirlar to‘g‘risida” 2009-yil 1-dekabrdagi PQ-1236-son qarori 3-ilovasining ikkinchi va uchinchi xatboshi quyidagi tahrirda bayon etilsin:

“B.I. Zakirov — Bosh vazir o‘rinbosari, komissiya raisining o‘rinbosari

E.M. Ganiyev — tashqi iqtisodiy aloqalar, investitsiyalar va savdo vaziri.”.