Oʻzbekiston Respublikasi Prezidentining 2008-yil 21-apreldagi PQ-842-son “Shaxsiy yordamchi, dehqon va fermer xoʻjaliklarida chorva mollar koʻpaytirishni ragʻbatlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qoʻshimcha chora-tadbirlar toʻgʻrisida”gi (Oʻzbekiston Respublikasi qonun hujjatlari toʻplami, 2008-y., 17-son, 130-modda) va 2010-yil 7-sentabrdagi PQ-1401-son “Respublikaning yogʻ-moy tarmogʻini boshqarish tizimini yanada takomillashtirish chora-tadbirlari toʻgʻrisida”gi (Oʻzbekiston Respublikasi Oliy Majlisi palatalarining Axborotnomasi, 2010-y., 9-son, 374-modda) qarorlariga muvofiq, shuningdek chorvachilikni rivojlantirish maqsadida Oʻzbekiston Respublikasi Iqtisodiyot vazirligi va Moliya vazirligi qaror qiladilar:

1. Oʻzbekiston Respublikasi Iqtisodiyot vazirligi va Moliya vazirligining 2008-yil 22-sentabrdagi 59, 97-sonli qarorlari (roʻyxat raqami 1870, 2008-yil 18-noyabr) (Oʻzbekiston Respublikasi qonun hujjatlari toʻplami, 2008-y., 47-son, 466-modda) bilan tasdiqlangan “Oʻzbekiston Respublikasi tovar-xomashyo birjasi birja savdolarida paxta shroti (kunjarasi) va paxta chigiti sheluxasini sotish tartibi toʻgʻrisida”gi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 1-bandda:

beshinchi xatboshi “shrot” soʻzidan keyin “(kunjara)” soʻzi bilan toʻldirilsin;

toʻqqizinchi xatboshi quyidagi tahrirda bayon etilsin:

“xaridor — mahsulotni ochiq birja savdolarida xarid qilib oluvchi, uni fermer xoʻjaliklari va boshqa qishloq xoʻjaligi korxonalariga, shaxsiy yordamchi va dehqon xoʻjaliklari egalariga sotish uchun ixtisoslashtirilgan punktlarga yetkazib beruvchi yem-xashak, shu jumladan omuxta yem, shrot (kunjara) va sheluxa sotish boʻyicha tuman va viloyat birlashmalari (bundan keyingi oʻrinlarda tuman va viloyat birlashmalari deb yuritiladi), shuningdek omixta yem ishlab chiqaruvchi korxonalar, chorvachilik va parrandachilik xoʻjaliklari, qorakoʻlchilik shirkat xoʻjaliklari”.

2. 4-bandda:

ikkinchi xatboshi quyidagi tahrirda bayon etilsin:

“Paxta shroti (kunjarasi) va paxta chigiti sheluxasi Birja orqali Oʻzbekiston Respublikasi Prezidentining 2008-yil 21-apreldagi PQ-842-sonli “Shaxsiy yordamchi, dehqon va fermer xoʻjaliklarida chorva mollar koʻpaytirishni ragʻbatlantirishni kuchaytirish hamda chorvachilik mahsulotlarini ishlab chiqarishni kengaytirish borasidagi qoʻshimcha chora-tadbirlar toʻgʻrisida”gi qaroriga muvofiq tashkil etilgan tuman va viloyat birlashmalariga, shuningdek omixta yem ishlab chiqaruvchi korxonalarga, chorvachilik va parrandachilik xoʻjaliklariga, qorakoʻlchilik shirkat xoʻjaliklariga sotiladi”;

quyidagi mazmundagi oltinchi xatboshi bilan toʻldirilsin:

“Omixta yem ishlab chiqaruvchi korxonalar tomonidan ushbu Nizomga muvofiq sotib olingan paxta shroti (kunjarasi) omixta yem ishlab chiqarishdan tashqari boshqa maqsadlarda foydalanishiga ruxsat etilmaydi”;

oltinchi xatboshi yettinchi xatboshi deb hisoblansin;

rus tilidagi matnning yettinchi xatboshisidagi “shrot i sheluxa” degan soʻzlar “shrot (jmix) i sheluxa” degan soʻzlar bilan almashtirilsin.

3. 6-bandning birinchi xatboshisidagi “Oʻzbekiston Respublikasi Iqtisodiyot vazirligi hamda Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

4. 23-banddagi “2 foizgacha miqdordagi” soʻzlari “10 foizgacha miqdordagi” soʻzlari bilan almashtirilsin.

5. 29-bandning birinchi xatboshisidagi “mahsulotni yetkazib berish uchun belgilangan qiymatdan 2 foizgacha miqdordagi” soʻzlari “zakalatdan kam boʻlmagan miqdordagi” soʻzlari bilan almashtirilsin.

6. 37 va 38-bandlardagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasiga” soʻzlari “Monopoliyadan chiqarish va raqobatni rivojlantirish davlat qoʻmitasiga” soʻzlari bilan almashtirilsin.

7. Ushbu oʻzgartirish va qoʻshimchalar Oʻzbekiston Respublikasi Qishloq va suv xoʻjaligi vazirligi, Markaziy bank, Monopoliyadan chiqarish va raqobatni rivojlantirish davlat qoʻmitasi, Yogʻ-moy va oziq-ovqat sanoati uyushmasi, “Oʻzdonmahsulot” aksiyadorlik kompaniyasi va “Oʻzbekiston Respublikasi Tovar-xomashyo birjasi” OAJ bilan kelishilgan.