Oʻzbekiston Respublikasi Prezidentining “Geologiya-qidiruv ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida” 2010-yil 27-avgustdagi PQ-1396-son qarorini bajarish yuzasidan hamda “Navoiy kon-metallurgiya kombinati” Davlat korxonasi ishining iqtisodiy koʻrsatkichlarini yaxshilashda ijro etuvchi organ faoliyatini va xodimlarning moddiy manfaatdorligini tartibga solish maqsadida Vazirlar Mahkamasi qaror qiladi:

1. Vazirlar Mahkamasining 2008-yil 4-apreldagi 62-son qarori bilan tasdiqlangan “Navoiy kon-metallurgiya kombinati” Davlat korxonasining Ustaviga ilovaga muvofiq oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

1. 2.2-bandning 2.2.9-kichik bandi quyidagi tahrirda bayon qilinsin:

“2.2.9. Oʻzbekiston Respublikasining barcha hududida qimmatbaho metallar, uran hamda ularga yoʻldosh foydali qazilmalarga oid geologiya-qidiruv ishlarini bajarish”.

2. 3.12-band quyidagi tahrirda bayon qilinsin:

“3.12.Bosh direktor Kuzatuvchi kengash bilan kelishgan holda Kombinat xodimlarining ish haqi miqdorini tasdiqlaydi”.