O‘zbekiston Respublikasi Prezidentining “Geologiya-qidiruv ishlarini tashkil etish va olib borish tizimi samaradorligini yanada oshirish chora-tadbirlari to‘g‘risida” 2010-yil 27-avgustdagi PQ-1396-son qarorini bajarish yuzasidan Vazirlar Mahkamasi qaror qiladi:
1. O‘zbekiston Respublikasi Prezidentining 2010-yil 27-avgustdagi PQ-1396-son qarorining 4-bandiga muvofiq:
“Sharqiy Qurama” OAJ va “Olmaliq KMK” OAJ aksiyadorlarining umumiy yig‘ilishi o‘tkazilganligi hamda “Sharqiy Qurama” OAJni “Olmaliq KMK” OAJga birlashtirish yo‘li bilan uni qayta tashkil etish to‘g‘risida tegishli qaror qabul qilinganligi;
qayta tashkil etilayotgan “Sharqiy Qurama” OAJning “Olmaliq KMK” OAJga berilayotgan mol-mulki negizida yuridik shaxs maqomisiz “Olmaliq KMK” OAJning “Rangli metallar geologiyasi” ilmiy-ishlab chiqarish markazini (keyingi o‘rinlarda “Rangli metallar geologiyasi” IIChM deb ataladi) tashkil etish, Olmaliq shahri, Primqulov ko‘chasi, 1-uyni uning joylashgan joyi etib belgilash to‘g‘risida qaror qabul qilinganligi;
“Rangli metallar geologiyasi” IIChMning tashkiliy tuzilmasi, boshqaruv apparati tuzilmasi hamda markaz to‘g‘risidagi Nizom loyihasi tegishli vazirliklar va idoralar bilan kelishilganligi;
“Rangli metallar geologiyasi” IIChM tomonidan 2011-yilda amalga oshiriladigan Geologiya-qidiruv ishlari dasturi ishlab chiqilganligi ma’lumot uchun qabul qilinsin.
2. O‘zbekiston Respublikasi Davlat geologiya qo‘mitasi, Davlat mulki qo‘mitasi, Iqtisodiyot vazirligi, Moliya vazirligi, “Olmaliq KMK” OAJ va “Sharqiy Qurama” OAJ aksiyadorlarining “Sharqiy Qurama” OAJni “Olmaliq KMK” OAJga birlashtirish yo‘li bilan uni qayta tashkil etish to‘g‘risidagi hamda belgilangan tartibda:
“Sharqiy Qurama” OAJning davlatga, O‘zbekiston Respublikasi Davlat geologiya qo‘mitasiga va qo‘mitaga idoraviy mansub davlat korxonalariga tegishli aksiyalarini davlatning ulushi hisobiga “Olmaliq KMK” OAJ aksiyalari etib konvertatsiya qilishni;
boshqa yuridik shaxslarga tegishli bo‘lgan jamiyat aksiyalari “Sharqiy Qurama” OAJ tomonidan bozor qiymati bo‘yicha sotib olinishini;
“Sharqiy Qurama” OAJning jismoniy shaxslarga tegishli aksiyalarini “Olmaliq KMK” OAJning imtiyozli aksiyalari etib konvertatsiya qilishni nazarda tutadigan taklifiga rozilik berilsin.
“Olmaliq KMK” OAJ bosh direktoriga “Rangli metallar geologiyasi” IIChMning tashkiliy tuzilmasiga, boshqaruv apparati tuzilmasiga hamda markaz to‘g‘risidagi Nizomga o‘zgartirish va qo‘shimchalar kiritish huquqi berilsin.
4. “Olmaliq KMK” OAJ “Rangli metallar geologiyasi” IIChM 2011-yil 1-yanvardan boshlab faoliyat ko‘rsatishni boshlashini va keyinchalik samarali faoliyat ko‘rsatishini ta’minlash uchun zarur tashkiliy chora-tadbirlarni amalga oshirsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Bosh vazirining o‘rinbosari G‘.I. Ibragimov zimmasiga yuklansin.
1. “Olmaliq KMK” OAJning “Rangli metallar geologiyasi” ilmiy-ishlab chiqarish markazi (keyingi o‘rinlarda Markaz deb ataladi) O‘zbekiston Respublikasi Prezidentining “Geologiya-qidiruv ishlarini tashkil etish va olib borish tizimi samaradorligini yanada oshirish chora-tadbirlari to‘g‘risida” 2010-yil 27-avgustdagi PQ-1396-son qaroriga muvofiq tashkil etilgan.
2. Markaz “Olmaliq KMK” OAJning (keyingi o‘rinlarda OKMK deb ataladi) yuridik shaxs maqomisiz filiali sifatida uning alohida bo‘linmasi hisoblanadi.
3. Markaz o‘z faoliyatida O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga, boshqa normativ-huquqiy hujjatlarga, shuningdek OKMK boshqaruv organlari qarorlariga amal qiladi.
4. Markaz o‘z faoliyatini OKMKning geologiya-qidiruv ishlarini olib borish samaradorligini oshirishga doir tadbirlarni ishlab chiqish va joriy etishda qatnashuvchi boshqa bo‘linmalari bilan o‘zaro hamkorlikda amalga oshiradi.
5. Markazga unga OKMK tomonidan biriktirilgan mol-mulk beriladi. Markaz ushbu mol-mulkdan tasarruf etish huquqisiz OKMK tomonidan berilgan huquqlar doirasida foydalanadi.
6. Markazga biriktirilgan mol-mulkni begonalashtirish OKMK vakolatli boshqaruv organlarining qaroriga ko‘ra belgilangan tartibda amalga oshiriladi.
7. Markaz ilova hisob raqamiga ega va ishlab chiqarish bo‘linmasi huquqi bilan tugallanmagan buxgalteriya balansi tuzadi. Buxgalteriya balansi belgilangan muddatlarda OKMKning yig‘ma balansiga kiritish uchun taqdim etiladi.
10. Markazning tashkiliy tuzilmasiga kiradigan bo‘linmalarning shtat jadvallarini OKMK rahbariyati bilan kelishgan holda hamda bajariladigan ishlarning o‘ziga xosligi va hajmi hisobga olingan holda namunaviy tuzilmalarga hamda ishchi va xizmatchilar soni normativlariga muvofiq Markazning direktori tasdiqlaydi.
11. Markaz boshqaruv apparati bo‘linmalari rahbarlari, shuningdek Markazning tashkiliy tuzilmasiga kiradigan bo‘linmalar rahbarlari bilan mehnat shartnomalari tuzish va ularni to‘xtatish Markaz direktorining taqdimnomasiga ko‘ra OKMKning Bosh direktori tomonidan amalga oshiriladi.
Markaz boshqaruv apparati bo‘linmalari, shuningdek Markazning tashkiliy tuzilmasiga kiradigan bo‘linmalar xodimlari bilan mehnat shartnomalarini tuzish va ularni to‘xtatish OKMK Bosh direktorining vakolatli o‘rinbosari tomonidan amalga oshiriladi.
12. Markaz direktori vaqtincha bo‘lmagan taqdirda uning vazifalarini Markazning Bosh muhandisi bajaradi.
13. Markazning bo‘linmalari, shu jumladan boshqaruv apparatining bo‘linmalari o‘rtasidagi funksiyalarni bo‘linmalar to‘g‘risidagi nizomga va ushbu nizomga muvofiq Markaz direktori taqsimlaydi.
yer qa’rini geologik o‘rganish, undan foydalanish va uni muhofaza qilish, rangli metallarning mineral-xomashyo bazasini hamda ularga qo‘shilib chiqadigan foydali qazilmalarni takror ishlab chiqarish sohasida davlat siyosatini amalga oshirishda qatnashish;
rangli metallarning mineral-xomashyo bazasini hamda ularga qo‘shilib chiqadigan foydali qazilmalarni yanada mustahkamlash va kengaytirish maqsadida yer qa’rini geologik o‘rganish (izlash, baholash va qidirish);
OKMK balansiga berilgan qimmatbaho metallar konlarini qayta qidirish va foydalanilayotgan konlarda qidirish ishlari olib borish ustidan metodik nazorat qilish;
rangli metallar va ularga qo‘shilib chiqadigan foydali qazilmalar zaxirasi o‘sishi bo‘yicha davlat buyurtmasini bajarish.
a) geologik va boshqa ma’lumotlarni tahlil qilish asosida yer qa’ri to‘g‘risida OKMK geologiya-qidiruv ishlarining uzoq muddatli (3 yildan ortiq davrga), o‘rtacha muddatli (uch yilgacha davrga) va yillik dasturlarini ishlab chiqadi hamda ularni O‘zbekiston Respublikasi Iqtisodiyot vazirligi va Moliya vazirligi bilan kelishish uchun materiallarni tayyorlaydi;
geologiya-qidiruv ishlarini olib borish uchun obyektma-obyekt geologik topshiriqlar va loyihalar ishlab chiqilishini;
respublikaning butun hududida istiqbolli maydonlarni geologik o‘rganishni hamda rangli metallar va ularga qo‘shilib chiqadigan foydali qazilmalar o‘sishini;
konlarni izlash va qidirish texnologiyalarini takomillashtirish uchun qidiruv ma’lumotlarini qiyoslashni hamda rangli va qimmatbaho metallar konlaridan foydalanishni;
burg‘ulash, kon va boshqa geologiya-qidiruv ishlarining istiqbolli, yillik, choraklik va oylik rejalari ishlab chiqilishini, shuningdek Markaz bo‘yicha pul mablag‘lari sarfi smetasi OKMK boshqaruv apparatiga taqdim etilishini;
rudali konlar prognozi va ularni qidirish usullarini takomillashtirish bo‘yicha tajriba-metodik va ilmiy-tadqiqot ishlari natijalari tezkor joriy etilishini;
Markazning ishlab chiqarish-xo‘jalik faoliyati uchun zarur bo‘lgan tovar-moddiy boyliklarga buyurtmanomalar ishlab chiqilishini va OKMKning boshqaruv apparatiga taqdim etilishini, shuningdek ajratilgan limitlar doirasida shartnomalar bo‘yicha tovar-moddiy boyliklar olinishini;
yer qa’rini geologik o‘rganish uchun loyiha-smeta hujjatlari ishlab chiqilishini va belgilangan tartibda tasdiqlanishini tashkil etadi;
v) barcha bosqichlarda geologiya-qidiruv ishlari amalga oshirilishiga metodik rahbarlik qiladi, shuningdek bajarilayotgan ishlarning geologiya-qidiruv ishlarining tasdiqlangan loyihalariga muvofiqligini nazorat qiladi;
d) Markazning bo‘linmalari tomonidan geologiya-qidiruv ishlari olib borilishi uchun ajratilgan mablag‘lardan foydalanilishini nazorat qiladi;
e) geologiya tarmog‘i kadrlari malakasini oshirish, ularni tayyorlash va qayta tayyorlash bo‘yicha tizimli asosda ish olib boradi.
16. Markaz o‘ziga yuklangan vazifalarni bevosita, shuningdek o‘z tarkibiga kiradigan bo‘linmalar orqali hal etadi.
OKMK rahbariyatining ruxsati bilan, chet tashkilotlarning roziligi bo‘yicha geologik materiallarni ekspertizadan o‘tkazish uchun ularning mutaxassislarini jalb etish;
OKMK rahbariyatining ruxsati bilan Markazning balansidagi mol-mulkni belgilangan tartibda OKMKning boshqa bo‘linmalariga berish;
OKMK rahbariyati bilan kelishgan holda normativ-huquqiy hujjatlarni ishlab chiqish uchun yuqori malakali mutaxassislardan vaqtinchalik ishchi guruhlar tashkil etish, shu jumladan shartnomalar asosida ushbu ishga chet tashkilotlarning mutaxassislari va ekspertlarini jalb etish huquqiga ega.
asosiy va aylanma mablag‘lar, moddiy-texnika resurslari saqlanishi, ulardan maqsadli va samarali foydalanilishi;
Oldingi tahrirga qarang.
mehnat to‘g‘risidagi qonunchilikda hamda mehnatni muhofaza qilish to‘g‘risidagi qonunchilikda va texnika xavfsizligiga rioya qilinishi;
(18-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
19. Markaz xodimlarining javobgarligi darajasi qonunchilikda va lavozim yo‘riqnomalarida belgilanadi.
(19-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
20. Markazga umumiy rahbarlikni OKMKning bosh direktori tomonidan lavozimga tayinlanadigan va lavozimdan ozod qilinadigan direktor amalga oshiradi. Markaz direktori o‘z faoliyatida bevosita OKMK bosh muhandisiga bo‘ysunadi.
Markazning bosh muhandisi va bosh geologi Markaz direktorining taqdimnomasi bo‘yicha OKMK bosh direktorining qarori bilan lavozimga tayinlanadi va lavozimdan ozod qilinadi.
Direktorning Markaz direktorining taqdimnomasi bo‘yicha OKMK bosh direktorining qarori bilan lavozimga tayinlanadigan va lavozimdan ozod qilinadigan ilmiy ishlar bo‘yicha bir nafar o‘rinbosari bo‘ladi.
zaruriyat bo‘lganda xodimlarning belgilangan umumiy soni va mehnatga haq to‘lash fondi doirasida Markazning tashkiliy tuzilmasini, boshqaruv apparati tuzilmasini o‘zgartirish to‘g‘risida OKMK rahbariyatiga takliflar kiritadi;
Markaz xodimlarini lavozimga tayinlash va lavozimdan ozod qilish to‘g‘risida OKMK rahbariyatiga taqdimnomalar kiritadi;
Markazning boshqaruv apparati va tarkibiy bo‘linmalari to‘g‘risidagi Nizomni, shuningdek markaz xodimlarining lavozim yo‘riqnomalarini tasdiqlaydi;
Oldingi tahrirga qarang.
Markaz tomonidan O‘zbekiston Respublikasi qonunchiligiga rioya etilishi tashkil etilishini va nazorat qilinishini ta’minlaydi;
(21-bandning yettinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
(21-bandning sakkizinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
22. Geologiya-qidiruv ishlarining eng muhim yo‘nalishlarini, geologiya-qidiruv ishlari natijalari bo‘yicha loyihalar va hisobotlarni hamda yer qa’rini geologik o‘rganish bilan bog‘liq boshqa masalalarni ko‘rib chiqish uchun Markaz huzurida 15 kishidan iborat Ilmiy-texnik kengash tuziladi.
Ilmiy-texnik kengash tarkibiga Markaz boshqaruv apparati va uning bo‘linmalarining mutaxassislari, OKMK kon boshqarmasining bosh geologlari kiradi. Ilmiy-texnik kengash ishiga OKMKning boshqa mutaxassislari ham jalb etilishi mumkin.
Ilmiy-texnik kengashga Markaz direktori boshchilik qiladi. Ilmiy-texnik kengashning tarkibi va u to‘g‘risidagi Nizom OKMKning bosh direktori tomonidan tasdiqlanadi.
23. Markazning boshqaruv apparati va uning tashkiliy tuzilmasiga kiradigan bo‘linmalar ta’minoti OKMK mablag‘lari hisobiga amalga oshiriladi.
24. Markaz OKMK bo‘linmalari bilan OKMK boshqaruv apparatining tegishli funksional bo‘linmalari orqali yoki to‘g‘ridan to‘g‘ri ishlab chiqarish aloqalarini amalga oshiradi.
25. Markazning OKMK bo‘linmalari, shuningdek chet tashkilotlar bilan o‘zaro hamkorligi ushbu Nizomda nazarda tutilgan Markazning vazifalari, funksiyalari va huquqlaridan kelib chiqib belgilanadi.
26. Markaz davlat statistika organlari, moliya organlari va OKMK rahbariyati tomonidan belgilanadigan tartibda va muddatlarda ishlab chiqarish-xo‘jalik va moliya-iqtisodiy faoliyat natijalarining tezkor, statistika va buxgalteriya hisobi va nazoratini amalga oshiradi, o‘zining tashkiliy tuzilmasiga kiradigan bo‘linmalar bo‘yicha buxgalteriya va statistika hisoboti, yig‘ma hisobot yuritadi.
27. Markazning ishlab chiqarish-xo‘jalik va moliya-iqtisodiy faoliyatini tekshirish OKMKning tegishli bo‘linmalari tomonidan bir yilda kamida bir marta, shuningdek OKMK faoliyatini tekshirish doirasida belgilangan tartibda nazorat organlari tomonidan amalga oshiriladi.