O‘zbekiston Respublikasi Prezidenti huzuridagi Vazirlar Mahkamasining 1992-yil 9-sentabrdagi 421-son “O‘zbekiston Respublikasi Vazirlar Mahkamasi huzuridagi Oliy attestatsiya komissiyasi faoliyatini tashkil etish masalalari to‘g‘risida”gi qaroriga (O‘zbekiston Respublikasi Hukumatining qarorlari to‘plami, 1992-y., 9-son, 28-modda) asosan O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 1996-yil 25-yanvardagi 34/2-son qarori bilan tasdiqlangan Ilmiy unvonlar berish to‘g‘risidagi nizomga (ro‘yxat raqami 262, 1996-yil 10-iyul) ilovaga muvofiq o‘zgartirish va qo‘shimchalar kiritilsin.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.

1. 4-bandning ikkinchi xatboshi chiqarib tashlansin.

2. Quyidagi mazmundagi 4¹-band bilan to‘ldirilsin:

“4¹. Professor, dotsent va katta ilmiy xodim ilmiy unvonlariga ega bo‘lganlarga belgilangan namunadagi attestat beriladi. Ushbu attestat ilmiy unvonlar berish to‘g‘risidagi qaror qabul qilingan paytdan boshlab, bir oy muddat davomida OAK Rayosati qarori asosida rasmiylashtiriladi”.

3. 5-bandda:

ikkinchi, to‘rtinchi, sakkizinchi va to‘qqizinchi xatboshilari “dotsent” degan so‘zdan keyin “yoki katta ilmiy xodim” degan so‘zlar bilan to‘ldirilsin;

uchinchi xatboshi “ilmiy stajga hamda” degan so‘zlardan keyin “dotsent yoki” degan so‘zlar bilan to‘ldirilsin;

yettinchi xatboshi quyidagi tahrirda bayon etilsin:

“oliy o‘quv yurtining yoki unga tenglashtirilgan o‘quv yurtining kafedra mudiri yoki professori lavozimiga tanlov bo‘yicha saylanib, tegishli oliy ma’lumotga, dotsent yoki katta ilmiy xodim ilmiy unvoniga ega bo‘lgan hamda yakka mualliflikda oliy o‘quv yurti uchun darslik yoki o‘quv-metodik qo‘llanma yaratgan, nashr etilgan o‘quv-metodik, ilmiy va ijodiy ishlari bo‘lgan, ma’ruzalar va maxsus turkum darslarni yuqori malakada olib borayotgan, kamida besh yil pedagoglik ish stajiga ega va shu lavozimlarda to‘liq stavkada ikki o‘quv yili davomida muvaffaqiyatli ishlagan O‘zbekiston Respublikasi, Qoraqalpog‘iston Respublikasi xalq artistlari, hofizlari, xalq rassomlari, xalq me’morlari, xalq o‘qituvchilari, yozuvchilari, shoirlari, O‘zbekiston Respublikasi fan arboblari, O‘zbekiston Respublikasi san’at arboblari, xizmat ko‘rsatgan artistlari, rassomlari, me’morlari, trenerlari va madaniyat xodimlariga berilishi mumkin”.

4. 6-band “yuqori malakali mutaxassis tayyorlagan” degan so‘zlardan keyin “dotsent yoki” degan so‘zlar bilan to‘ldirilsin.