Respublikada sog‘liqni saqlashning boshlang‘ich bo‘g‘inini isloh qilish jarayonini chuqurlashtirish maqsadida Vazirlar Mahkamasi qaror qiladi:
Xalqaro tiklanish va taraqqiyot banki bilan hamkorlik doirasida 1999 — 2004-yillarda Farg‘ona, Sirdaryo, Navoiy, Xorazm viloyatlari va Qoraqalpog‘iston Respublikasida sog‘liqni saqlashning boshlang‘ich bo‘g‘inini isloh qilishga yo‘naltirilgan “Salomatlik-1” loyihasi umuman tugallanganligi;
Jahon banki direktorlar Kengashi “Salomatlik-2” loyihasini amalga oshirish uchun O‘zbekiston Respublikasiga Xalqaro taraqqiyot uyushmasi mablag‘laridan kredit va grant berilishini ma’qullaganligi;
“Salomatlik-2” loyihasi doirasida sog‘liqni saqlashning boshlang‘ich bo‘g‘ini tizimini mustahkamlash va isloh qilish hamda respublika bo‘yicha umumiy vrachlik amaliyotini joriy etish, shuningdek Toshkent, Samarqand, Guliston va Marg‘ilon shaharlarida dastlabki tibbiy yordamning shahar modelini sinovdan o‘tkazish ko‘zda tutilganligi;
loyihaning umumiy qiymati 118,1 mln AQSh dollari miqdorida hamda uni moliyalashtirishda tomonlarning ishtiroki sxemasi, shu jumladan Xalqaro taraqqiyot uyushmasining o‘n yillik imtiyozli davrni o‘z ichiga olgan holda 1-ilovaga* asosan mablag‘ bilan ta’minlash rejasiga muvofiq 35 yil muddatda qaytariladigan 39,5 mln AQSh dollariga teng miqdordagi krediti belgilanganligi;
* 1-ilova rus tilidagi matnda berilgan.
O‘zbekiston Respublikasi bilan Xalqaro taraqqiyot uyushmasi o‘rtasida 2004-yil 3-oktabrda “Rivojlantirish maqsadlarida moliyalashtirish to‘g‘risida”gi kredit bitimi imzolanganligi;
O‘zbekiston Respublikasi Adliya vazirligi tomonidan 2004-yil 30-noyabrda 16-13170/1-son yuridik xulosa berilganligi;
2. Loyihani moliyalashtirish uchun Xalqaro taraqqiyot uyushmasi tomonidan ajratiladigan kreditni qaytarish jadvali 2-ilovaga* muvofiq tasdiqlansin.
* 2-ilova rus tilidagi matnda berilgan.
O‘zbekiston Respublikasi Sog‘liqni saqlash vazirligi loyiha amalga oshirilishi uchun mas’ul bo‘lgan ijro etuvchi agentlik hisoblanadi;
Oldingi tahrirga qarang.
Xalqaro tiklanish va taraqqiyot banki (Salomatlik-1) va Xalqaro taraqqiyot uyushmasi (Salomatlik-2) kreditlari bo‘yicha asosiy qarzni qaytarish, ular bo‘yicha foizlar va vositachilik to‘lovlari bilan bog‘liq xarajatlar davlat budjeti mablag‘lari hisobiga amalga oshiriladi.
(2-bandning to‘rtinchi xatboshisi O‘zbekiston Respublikasi Prezidentining 2006-yil 18-dekabrdagi PQ-532-sonli Qarori tahririda — O‘R QHT, 2006-y., 51-52-son, 507-modda)
Oldingi tahrirga qarang.
3. “Salomatlik-2” (Xalqaro taraqqiyot uyushmasi) va “Ayollar va bolalar sog‘lig‘ini mustahkamlash” (Osiyo taraqqiyot banki) loyihalari oldida turgan umumiy yo‘nalish va maqsadlarni, shuningdek bu loyihalarni muvofiqlashtirish va boshqarishning yagona mexanizmini yaratish to‘g‘risida Xalqaro taraqqiyot uyushmasi va Osiyo taraqqiyot banki tavsiyalarini hisobga olib, ko‘rsatib o‘tilgan loyihalarga umumiy rahbarlik qilish Sog‘liqni saqlash vazirligiga yuklansin.
(3-band O‘zbekiston Respublikasi Vazirlar Mahkamasining 2019-yil 23-fevraldagi 161-sonli qarori tahririda — Qonun hujjatlari ma’lumotlari milliy bazasi, 23.02.2019-y., 09/19/161/2600-son)
4. O‘zbekiston Respublikasi Sog‘liqni saqlash vazirligi va Iqtisodiyot vazirligining “Salomatlik-2” (Xalqaro taraqqiyot uyushmasi) va “Ayollar va bolalar sog‘lig‘ini mustahkamlash” (Osiyo taraqqiyot banki) loyihalarini amalga oshirish bo‘yicha qo‘shma byuroni 3-ilovaga muvofiq tashkiliy tuzilmasi bilan tashkil etish to‘g‘risidagi taklifi qabul qilinsin.
“Salomatlik-2” va “Ayollar va bolalar sog‘lig‘ini mustahkamlash” loyihalarini amalga oshirish bo‘yicha qo‘shma byuroning ta’minoti xarajatlarini moliyalashtirishni Xalqaro taraqqiyot uyushmasi va Osiyo taraqqiyot bankining kredit mablag‘laridan ulushli foydalanish hisobiga amalga oshirsin;
ikki oy muddatda “Salomatlik-2” loyihasining texnik-iqtisodiy hisoblari ishlab chiqilishini hamda belgilangan tartibda tasdiqlash uchun kiritilishini ta’minlasin;
6. O‘zbekiston Respublikasi Sog‘liqni saqlash vazirligi Moliya vazirligi, qo‘shma byuro bilan birgalikda mazkur loyiha doirasida xarid qilinadigan tovarlarga:
“O‘ztibtexnika” aksiyadorlik kompaniyasi bilan — qabul qilish, omborlarga joylashtirish va yetkazib berish to‘g‘risida;
Dori vositalari va tibbiyot texnikasining sifatini nazorat qilish bosh boshqarmasi bilan — ekspertiza qilish va sertifikatsiyalash to‘g‘risida ko‘p tomonlama bitimlar tuzsinlar.
7. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Sog‘liqni saqlash vazirligi hamda loyihani amalga oshirish bo‘yicha qo‘shma byuro bilan birgalikda:
Oldingi tahrirga qarang.
“Salomatlik-2” (Xalqaro taraqqiyot uyushmasi) va “Ayollar va bolalar sog‘ligini mustahkamlash” (Osiyo taraqqiyot banki) loyihalarining amalga oshirilishini muvofiqlashtirish hamda loyihalar doirasida ajratiladigan mablag‘lardan foydalanishning iqtisodiy samaradorli ustidan doimiy nazoratni tashkil etish uchun javobgarlikni sog‘liqni saqlashni boshqarish hududiy organlari zimmasiga yuklasinlar;
(7-bandning ikkinchi xatboshisi O‘zbekiston Respublikasi Vazirlar Mahkamasining 2019-yil 23-fevraldagi 161-sonli qarori tahririda — Qonun hujjatlari ma’lumotlari milliy bazasi, 23.02.2019-y., 09/19/161/2600-son)
“Salomatlik-2” (Xalqaro taraqqiyot uyushmasi) va “Ayollar va bolalar sog‘ligini mustahkamlash” (Osiyo taraqqiyot banki) loyihalari amalga oshirilishi uchun javobgarlikni hududiy darajada Qoraqalpog‘iston Respublikasi Sog‘liqni saqlash vazirligiga hamda viloyatlar va Toshkent shahar sog‘liqni saqlash boshqarmalariga yuklasinlar;
ushbu loyihalar doirasida zarur jihozlarni xarid qilish boshlangunga qadar qishloq vrachlik punktlarida, tuman markaziy kasalxonalari laboratoriyalarida, shahar poliklinikalarida, o‘quv va axborot markazlarida ta’mirlash-qurilish ishlarining o‘z vaqtida bajarilishini ta’minlasinlar.
8. O‘zbekiston Respublikasi Iqtisodiyot vazirligi, Moliya vazirligi 2005-yildan boshlab har yili “Salomatlik-2” loyihasini amalga oshirishda O‘zbekiston Respublikasi ulushini moliyalashtirish uchun davlat budjetidan zarur mablag‘lar ajratishni nazarda tutsinlar.
9. O‘zbekiston Respublikasi Tashqi ishlar vazirligi Sog‘liqni saqlash vazirligi buyurtmanomalariga binoan loyihani amalga oshirishda ishtirok etuvchi xorijiy mutaxassislarga, konsullik yig‘imlari va boshqa yig‘imlar undirilmasdan ko‘p martalik vizalar rasmiylashtirilishini belgilangan tartibda ta’minlasin.
10. O‘zbekiston Respublikasi Ichki ishlar vazirligi Sog‘liqni saqlash vazirligi buyurtmanomalariga binoan loyihani amalga oshirishda ishtirok etuvchi xorijiy mutaxassislarga, ularni davlat boji to‘lovidan ozod qilgan holda ko‘p martalik vizalar berilishini va vizalar muddati uzaytirilishini, shuningdek ularni O‘zbekiston Respublikasida vaqtinchalik ro‘yxatdan o‘tkazishni va vaqtinchalik ro‘yxatdan o‘tkazish muddati uzaytirilishini ta’minlasin.
11. Vazirlar Mahkamasining “Xalqaro tiklanish va taraqqiyot banki beradigan qarz doirasida sog‘liqni saqlashning boshlang‘ich bo‘g‘inini isloh qilish loyihasini amalga oshirishni jadallashtirish chora-tadbirlari to‘g‘risida” 1998-yil 1-iyundagi 236-son qarori o‘z kuchini yo‘qotgan deb hisoblansin.