LexUZ sharhi
Mazkur qaror O‘zbekiston Respublikasi Vazirlar Mahkamasining 2012-yil 29-maydagi 148-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida”gi qaroriga muvofiq o‘z kuchini yo‘qotgan.
“Iste’molchilarning huquqlarini himoya qilish to‘g‘risida”gi O‘zbekiston Respublikasi Qonunining 9-moddasiga muvofiq hamda respublika aholisi, ayniqsa o‘sib kelayotgan avlod sog‘lig‘ini saqlashni ta’minlash, shuningdek pivoni chakana sotishni tartibga solish maqsadida Vazirlar Mahkamasi qaror qiladi:
1. 2009-yil 1-noyabrdan boshlab ta’lim muassasalari va diniy tashkilotlardan kamida 500 metr radiusda joylashgan savdo obyektlari orqali pivoni chakana sotish taqiqlansin.
2. Belgilab qo‘yilsinki, ushbu qarorning 1-bandi talablariga rioya qilmaslik chakana savdo qoidalarini buzish hisoblanadi va qonun hujjatlariga muvofiq javobgarlikka olib keladi.
3. O‘zbekiston Respublikasi Davlat soliq qo‘mitasi Alkogolli va kuchsiz alkogolli ichimliklarni, shu jumladan pivoni chakana sotish qoidalariga rioya qilinishi ustidan nazoratni qat’iylashtirsin hamda qoidalarni buzishga yo‘l qo‘ygan shaxslarni javobgarlikka tortish yuzasidan ta’sirchan choralar ko‘rsin.
4. Vazirlar Mahkamasining 2003-yil 13-fevraldagi 75-son qarori (O‘zbekiston Respublikasi QT, 2003-y., 2-son, 15-modda) bilan tasdiqlangan O‘zbekiston Respublikasida chakana savdo qoidalarida:
“Pivo kuchsiz alkogolli ichimlik hisoblanadi hamda ushbu Qoidalarning V bo‘limi talablari pivo bilan chakana savdo qilishga tatbiq etilmaydi, 60-bandning o‘ninchi xatboshi bundan mustasno. Pivo sotishga yo‘l qo‘yiladi”;
“alkogolli ichimliklarni, shu jumladan kuchsiz alkogolli ichimliklarni va tamaki mahsulotlarini sotish qoidalariga rioya qilmaslik”.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.