LexUZ sharhi
Mazkur qaror O‘zbekiston Respublikasi adliya vazirining 2022-yil 10-maydagi 11-mh-sonli “Ayrim idoraviy normativ-huquqiy hujjatlarni Idoraviy normativ-huquqiy hujjatlarning davlat reyestridan chiqarish to‘g‘risida”gi buyrug‘iga (ro‘yxat raqami 3366, 10.05.2022-y.) asosan davlat reyestridan chiqarilgan.
O‘zbekiston Respublikasi Vazirlar Mahkamasining 2009-yil 16-martdagi 70-sonli “Ikkilamchi qog‘oz chiqindilarini to‘plash, tayyorlash va qayta ishlash uchun yetkazib berish tizimini tartibga solish chora-tadbirlari to‘g‘risida”gi qarorining (O‘zbekiston Respublikasi qonun hujjatlari to‘plami, 2009-yil, 12-son, 131-modda) 5-bandiga muvofiq qaror qilamiz:
1. Qog‘oz chiqindilarini to‘plash, tayyorlash va qayta ishlash uchun yetkazib berish tartibi to‘g‘risida nizom ilovaga muvofiq tasdiqlansin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi, Moliya vazirligi, Iqtisodiyot vazirligi, Markaziy bank Boshqaruvining 2009-yil 28-maydagi 11, 52, 52-4-4/46, 11/2-sonli qaroriga
ILOVA
ILOVA
Mazkur Nizom O‘zbekiston Respublikasi Vazirlar Mahkamasining 2009-yil 16-martdagi 70-sonli “Ikkilamchi qog‘oz chiqindilarini to‘plash, tayyorlash va qayta ishlash uchun yetkazib berish tizimini tartibga solish chora-tadbirlari to‘g‘risida”gi qarorining (O‘zbekiston Respublikasi qonun hujjatlari to‘plami, 2009-yil, 12-son, 131-modda) 5-bandiga muvofiq O‘zbekiston Respublikasi hududida keyinchalik ularni qayta ishlash uchun ikkilamchi qog‘oz chiqindilarini to‘plash, tayyorlash va tashkilotlarga yetkazib berish tartibini belgilaydi.
makulatura — qog‘oz ishlab chiqarish chiqindilari, xizmat muddati tugagan qog‘oz va kartondan bo‘lgan buyumlar, eski gazetalar, jurnallar, kitoblar, hisobdan chiqarilgan arxiv hujjatlari, shuningdek eskirgan hujjatlar;
tayyorlovchi tashkilotlar — makulaturani tayyorlash bilan shug‘ullanuvchi, qabul qilish punktlari va ko‘chib yuruvchi tayyorlovchilar tarmog‘iga ega bo‘lgan yuridik shaxslar;
qayta ishlovchi tashkilotlar — makulaturani qayta ishlab chiqarish quvvatiga ega bo‘lgan va makulaturadan foydalanib mahsulot ishlab chiqaruvchi tashkilotlar;
2. Davlat va xo‘jalik boshqaruvi organlari, ularning hududiy bo‘linmalari, mahalliy davlat hokimiyati organlari O‘zbekiston Respublikasi hududida qog‘oz chiqindilarini to‘plash, tayyorlash va qayta ishlash uchun yetkazib berish masalalari bo‘yicha Respublika komissiyasi tomonidan belgilangan prognoz ko‘rsatkichlardan kelib chiqqan holda o‘zlarining tarkibiga kiruvchi tashkilotlarga makulatura topshirish bo‘yicha prognoz hajmlarni belgilaydilar.
3. Joriy ish faoliyati davomida hosil bo‘ladigan makulaturaga ega bo‘lgan yuridik shaxslar yong‘inga qarshi xavfsizlikni ta’minlagan holda uni nam yetmaydigan joyda to‘plashni, makulaturani turiga qarab ajratishni va uning tashilishini ta’minlab, alohida bog‘lamlarda yoki boshqacha usulda joylashni amalga oshiradilar.
4. Vaqtinchalik saqlash muddati belgilangan hujjatlarni yuridik shaxsning tegishli buyrug‘i asosida tuzilgan ekspert komissiyasining tegishli ruxsatisiz makulaturaga topshirishga yo‘l qo‘yilmaydi.
5. Yuridik shaxslarning arxiv hujjatlari belgilangan (vaqtincha) saqlash muddati tugagandan va tegishli davlat arxiv muassasalari tomonidan belgilangan tartibda ekspertizadan o‘tkazilgandan so‘ng, shuningdek ular tomonidan doimiy saqlash ro‘yxati tasdiqlangan va ushbu xronologiya davri uchun shaxsiy tarkib ro‘yxati kelishilgandan so‘ng makulatura sifatida qayta ishlab chiqarishga topshirilishi mumkin.
6. Qayta tashkil etilayotgan yoki tugatilayotgan tashkilotlarning, shuningdek belgilangan tartibda bankrot deb topilgan tashkilotlarning hujjatlari ilmiy-texnik ishlovdan o‘tgandan so‘ng va davlat arxiv muassasasining tegishli qarori bilan makulaturaga topshiriladi.
7. Jismoniy shaxslar o‘zlarining hayotiy faoliyatlari davomida hosil bo‘ladigan makulaturani topshiradilar. Jismoniy shaxslardan ish yurituv hujjatlari qabul qilinmaydi.
8. Makulatura tashkiliy-huquqiy shakli va mansubligidan qat’i nazar, tayyorlovchi, qayta ishlovchi tashkilotlar va qabul qilish punktlari tomonidan qabul qilinishi mumkin.
9. Qabul qilish punktlari turar-joy binolaridan tashqarida joylashishi hamda yong‘inga qarshi xavfsizlik talablariga va sanitariya me’yorlariga javob berishi kerak.
10. Qabul qilish punktlarida ko‘rinadigan joyga ish vaqti va qabul qilinadigan makulatura narxlari to‘g‘risidagi ma’lumot osib qo‘yilishi shart.
11. Makulaturani qabul qilish-topshirish, yetkazib berishning eng kam miqdori, makulaturani qabul qilish punktiga yetkazib berish shartlari shartnoma bilan belgilanadi.
14. Qabul qilinayotgan makulatura uchun hisob-kitob qilishda makulatura topshirishni rag‘batlantiruvchi va tayyorlovchi va qayta ishlovchi tashkilotlar, shuningdek ushbu tuzilmalarga kirmaydigan qabul qilish punktlarini tuzgan yuridik va/yoki jismoniy shaxslar tomonidan belgilanadigan erkin (shartnomaviy) narxlar qo‘llaniladi.
15. “Sanoatqalinqog’ozsavdo” XI OAJ, “O‘zbek qog‘ozi” OAJ tarkibiga kirmaydigan qabul qilish punktlari yoki aholidan makulatura qabul qiluvchi, tayyorlovchi tashkilotlar makulatura yetkazib berish bo‘yicha qayta ishlovchi tashkilotlar bilan shartnomaviy (erkin) narxlarda shartnoma tuzadilar.
16. Makulatura topshirish uchun yuridik shaxslar bevosita qayta ishlovchi tashkilotlar bo‘lgan “Sanoatqalinqog’ozsavdo” XI OAJ, “O‘zbek qog‘ozi” OAJ bilan yoki ularning joylardagi vakili ishtirokida shartnoma tuzadilar. Bunda, makulatura bevosita qayta ishlovchi tashkilotga, shuningdek uning qabul qilish punktlariga topshirilishi mumkin.
17. Yuridik shaxslardan makulatura qabul qilishda uch nusxada dalolatnoma tuziladi, uning bittasi keyinchalik hisobvaraq-fakturani rasmiylashtirish uchun makulatura topshiruvchiga beriladi.
18. Topshirilayotgan makulatura uchun hisob-kitoblarni amalga oshirish uchun zarur bo‘ladigan naqd pul mablag‘larini olish maqsadida tayyorlovchi va qayta ishlovchi tashkilotlar xizmat ko‘rsatuvchi tijorat bankiga hisoblangan hajmlarda makulatura qabul qilishni ta’minlaydigan summaga pul chekini topshiradilar.
19. Tayyorlovchi va qayta ishlovchi tashkilotlar tomonidan bo‘ysunuvchi qabul qilish punktlariga pul mablag‘larini ajratish xarajat kassa orderi yoki tashkilot rahbari va bosh buxgalteri tomonidan imzolangan to‘lov qaydnomasi bo‘yicha amalga oshiriladi.
20. Tayyorlovchi va qayta ishlovchi tashkilotlarning tarkibiy bo‘linmalari hisoblangan qabul qilish punktlari ularga har oyda xarajatlar va pul mablag‘lariga bo‘lgan ehtiyoj to‘g‘risida hisobot taqdim etadilar.
22. Pul mablag‘larining kelib tushishi, ularni qabul qilish punktlariga va ko‘chma tayyorlovchilarga tarqatish, me’yorlarni to‘g‘ri qo‘llash, makulaturani va naqd pul mablag‘larining saqlanishi, naqd pul va makulatura harakati bilan bog‘liq bo‘lgan barcha operatsiyalar bo‘yicha birlamchi hujjatlarni to‘g‘ri va o‘z vaqtida rasmiylashtirish uchun javobgarlik tayyorlovchi va qayta ishlovchi tashkilotning rahbari va bosh buxgalteriga yuklatiladi.
23. Naqd pullarni sarflanishi, ularni qabul qilish punktlariga ajratilishi, pul vositalarini harakatlanishi bilan bog‘liq bo‘lgan barcha operatsiyalarni to‘g‘ri va o‘z vaqtida rasmiylashtirilishi ustidan nazorat tijorat banklari tomonidan amalga oshiriladi.
24. Naqd pul vositalaridan maqsadsiz foydalanish holatlari aniqlanganda, aybdor shaxslar qonunchilik hujjatlariga muvofiq javobgar bo‘ladilar.
(24-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
26. Mazkur Nizom Davlat soliq qo‘mitasi, “O‘zarxiv” agentligi, “Sanoatqalinqog’ozsavdo” XI OAJ va “O‘zbek qog‘ozi” OAJ bilan kelishilgan.